رواية عشقتها ولكنها لا تبالي الفصل الأول 1 بقلم دنيا الخطيب
رواية عشقتها ولكنها لا تبالي البارت الأول
رواية عشقتها ولكنها لا تبالي الجزء الأول
رواية عشقتها ولكنها لا تبالي الحلقة الأولى
زى كل يوم اجازه لبست وفطرت ونزلت المكتبه جبت النهارده روايه رومانسي مش مشكله التغير مش هيضر زهقت شويه فاسبت الكتاب وقمت اجيب حاجه اشربها رجعت لقيت شاب قاعد مكانى وبيقرأ فى كتابى زهقت اوى وروحت وقفت وراه
_اظن مش من الاحترام حضرتك لنك تاخد حاجه مش بتاعتك ….ملتفتش ليا خالص ولا رد
_انا بكلمك على فكرا
_واظن بردو الكتاب دا مش بتاعك
_مش بتاعى ازاى امال مين الى كان بيقرأ فيه دلوقتى
_ايوا بتقرأ فيه مش اشترتيه
_هو اى شغل العيال الصغيره دا
_خلاص بصى تعالى هوريكى معايا
_اللهم طولك ياروح انت شارب حاجه على الصبح ولا اى اقولك اشبع بيه ….خد شنطتى وكنت طالعه من المكتبه التفت تجاه الباب واول خطوه حسيت انه قام من على الكرسي وبص نحيتى
_دنياا….
دنيا دا عارف اسمى بصيت نحيته وانا مش مصدقه عنيا
_ياااااااسين منا قلت بردو الرخامه دى حاسه انى عارفاها اخبارك اى وجيت امتى
_بالنسبه للرخامه تعليمك يابنت عمى وبالنسبه لاخبارك اى انت عارفه كويس وجيت النهارده الصبح
حسيت بنغزه فى قلبى من كلامه وحاولت اغير الموضوع
_لالا بس احلويت ياياسين دا انا معرفتكش ههه
_مش هنيجى جمبك ف الحلاوه
يااااربى هو قاصد يوترنى وخلاص طب وبعدين بقا لازم اخترعله حجه عشان امشي
_طيب ياياسين خليلك الكتاب همشي انا بقا عشان ورايا….اممم اه ورايا مشوار مهم اوى
قلت كلامى بسرعه وانا بقوم وبتمنى انه ميندهش بس للاسف نادى عليا
_دنيا لسه مغيرتيش رأيك
قال بنبره صوتك هزتنى من جواه نبره فيها حزن وكسره بس لسه فيها امل فضلت ساكته وانا واقفه مكانى فااتكلم تانى
_انا بس لقيتك بتقرأى رومانسي فقلت يمكن غيرتى رأيك
_لا عادى قلت اغير النهارده
_طب بالنسبه لرأيك مش ناويه تغيريه …
يوووووه هو مش ناوى ينسي الموضوع دا هو قاصد يوترنى وخلاص
_معلش ياياسين انا اتأخرت باى
ثوانى وكانت مشيت من قدامى وحشتنى اوى وحشنى صوتها ضحكتها عصبيتها توترها وحشنى كل حاجه فيها تعبت اوى لما بعد عنها مع ان وهى معايا الوجع بيزيد اكتر بس مادام ف الحالتين يبقى وهى معايا افضل
_______
دنيا:
طلعت من المكتبه وانا شبه بجرى ومش عارفه اللطخ الى جوا دا طلعلى منين مش كان سافر وريحنى من عذاب الضمير دا طب وانا هروح فين دلوقتي بقا كنت عايزه اقعد فى المكتبه يوووووه شكلى هروح وخلاص بس هتمشي شويه الاول
اتمشيت وانا بتمتم بكلمات اغنيتى المفضله

وصلت البيت
_ماماااااااااا
لقيته فى وشي قاعد ع الكنبه بين ماما وبابا واخويا قدامهم اكيد بيشتكلهم شكله يوم مش معدى
لقيت اخويا بيبصلى بصه عارفاها كويس وقام مره مره وهو بيقول
_ورايا يادنيا
_نعم يااستاذ محمد اكيد جه عيطلكم وقال قد اى دنيا وحشه وكخه صح؟؟
_اتلمى يادنيا واتكلمى عدل
_اتلميت اهو نعمين
_وبعدين
_اى الى وبعدين
_متستعبطيش يادنيا
سكت شويه وفضل يبصلى
_بص ياحبيبتي انا اخوكى الكبير وعايز مصلحتك انت عمرك ماهتلاقى حد يحبك زى ياسين دا صاحبى وابن عمنا قبل ما يكون خطيبك هو استحمل كتير عشانك وعشان واثق فى ربنا لما قلتيله انك عايزه تبعدى سويه مترددش لحظه انه يسيبك براحتك وسافر مع انه مكنش قادر يبعد عنك واول ماوصل كلمنى قالى دنيا فين يحبيبتى عشان خاطرى ابعدى الافكار الهبله دى من دماغك
_هبله … هبله يامحمد هو ليه محدش قادر يحس بيا ليه محدش قادر يحس انى خايفه بجد ياجماعه الجواز دا مسؤليه كبيره جدا انا مقدرش عليها صدقنى يامحمد انا مش بتلكك انا خايفه بجد
خلصت كلامى وانا حاسه بدموعى نازله على خدى ليه كلهم بيقولوا عليا وحشه وقاسيه ومعنديش احساس بياسين ياجماعه انا خايفه خاااايفه
_بطلى كلااااامك الاهبل دا بقا دا كلام عيال صغيره
حسيت بقلبى بيتقبض محمد اول مره يكلمنى كدا مستحملتش فتحت باب الاوضه لقيت ياسين لسه قاعد مع بابا وماما سبتهم وطلعت براا الشقه وطلعت فوق ع السطح يمكن اهدى شويه مقدرتش اسكت وانفجرت
_اااااااااااه انا مش وحشه ياجماعه انا عندى احساس بردو انا اكيد مش مبسوطه لما بشوف ياسين كدا بسببى بس انا والله العظيم خايفه انا مش عايزه اتجوز دى مسؤليه مسؤليه ياجماعه مش لعب عيال ليه كميه الضغط دى ليييييه ارحموووونى بقااااا
قلت كلامى وعيونى بقيت مطر دموع حسيت بتقل كبير على قلبى نفسي بدأ يتقل ومن حيث لا ادرى لقيت صوته بيضرب فى ودنى
_هما مش قصدهم يادنيا هما بس عايزين يفرحوا بيكى اما بالنسبه ليا فا لطالما دموعك الغاليه دى مش هتنزل انا تمام وبالنسبه للجواز الجواز مش مجرد دبلتين وسيشن وزغاريط لا الجواز مسؤليه كبيره اه بس متنسيش ان الزوج والزوجه بيتقسموها اكيد مش الزوجه بس الجواز مشاركه.. حب متبادل …نص دينك انا معنديش مانع افضل مستنى بدل السنه عشره بس انا مش هكون لحد غيرك ولا انت هتكونى لحد غيرى
قال كلامه وفاكر انه كدا بيخفف عليا بس بالعكس دا زاد عليا اكتر ازاى فيه بنى ادم كدا ليه يحبني الحب دا كله ….حسيت ان نفسي بقا اتقل واتقل لحد ما جفونى قفلت ورجلى مبقتش شيلانى واخر حاجه شفتها ياسين وهو بيجرى عليا وبينادى بأسمى
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية عشقتها ولكنها لا تبالي)
