رواية حبيبي الشبح الفصل الثاني 2 بقلم Sos Khalil
رواية حبيبي الشبح البارت الثاني
رواية حبيبي الشبح الجزء الثاني
رواية حبيبي الشبح الحلقة الثانية
انتي مين وبتعملي مين هنا
ياسمين لفت بخضه : يلهوووووووي
إنت مين يا جدع إنت
الشاب: انتي اللي مين دي شقتي
ياسمين : شقتك منين ده صاحب البيت قال انو صاحبها باعها وسافر
الشاب بسخريه : مش أول واحده يقولها كده أنا مش بهني حد بالشقة دي كل إللي بيجي يسكن فيها كنت بطفشه من اول يوم انا عشت ومت فيها و قاطعته ياسمين بخوف : يعني إيه عشت ومت فيها إنت مش عايش أصلا
شاب بكل بساطه :تو ميت
ياسمين بخوف ودوخه: الحقيني ياما واغم عليها
الشاب بصلها بسخريه وشالها حاطها علي السرير واختفي
في صباح يوم جديد صحيت ياسمين وكانت دماغها مصدعه حاطت أيدها علي دماغها :بوجع : آه يا دماغي رفعت عينها لاقت نفسها في اوضتها فضلت تبص في إلاوضه كلها : هو انا كنت بحلم ولا إيه باين كده كان حلم وبصت في التليفون علي الساعه لاقتها الساعه 8 قامت بسرعه من علي السرير علشان تلبس وتروح شغلها جريت علي الحمام خدت دش ولبست بسرعه ونزلت وهي نزله قابلت صاحب البيت عم طه
ياسمين : صباح الخير يا عم طه
طه بأبتسامه : صباح النور يا انسه ياسمين
ياسمين : بقولك يا عم طه هي الشقه إللي أنا فيها دي حد جه سكن فيها قابلي
طه بتوتر : مانا قولتلك يا ست ياسمين ان كان في شاب كان مأجرها وباعها وسافر
ياسمين بشك فيه : طيب يا عم طه ممكن تتصل بالشاب ده علشان عايزه اكلمو
طه بتوتر أكبر : مش مش معايا رقمو ولا أعرف حاجه عنو هو غير الرقم قبل ما يسافر
ياسمين : الله طيب منين مش معاك رقمو ومتعرفش عنة حاجه ومنين غير رقمو إنت مخبي إيه يا عم طه
طه وهو جايب عرق : ماهو ماهو ايه ده يا انسه ياسمين انا اتاخرت على الشغل بعد اذنك بقي وسابها ومشي بسرعة
ياسمين بصت عليه وهو ماشي : في حاجه مش مظبوطه في الموضوع ده ولازم اعرفها وبعدها مشيت راحت الشغل
جه الليل علي الساعه ١١ وياسمين روحت بيتها وقبل ما تروح عدت علي السوبر ماركت جابت اكل ليها وطلعت فتحت شقتها ودخلت بارهاق وحطت الشنط علي رخامه المطبخ أصلي المطبخ امريكاني مفتوح علي الريسبشن ودخلت الحمام خدت دش وخرجت لبست بيجامة مريحه وخرجت تعمل أكل ليها بعد مده مش طويله خلصت الاكل وحطتو علي الترابيزه وشغلت التليفزيون وقعدت علي الكنبه وابتدت تاكل وهي بتتفرج على التليفزيون وهي بتاكل عينها راحت علي الكرسي إللي جمبها شافت نفس الشاب بتاع إمبارح اتخضت وصوتت
الشاب بملل : هو آنتي كل ما تشوفي وشي تصرخي
ياسمين هديت شويه : يع يعني عايزاني القي واحد قاعد معايا كده ومش عارفه طلعلي منين وعايزني مصرخش إنت إللي جابك تآني
الشاب بملل: هو آنتي وقعتي علي ودانك ولا اية بقولك دي شقتي
ياسمين بشجاعه: حضرتك بتقول مت والميت مش بيرجع إنت عايز إيه دلوقتي
الشاب : عايزك تمشي من الشقه دي
ياسمين رجعت ضهرها لورا وربعت أيديها باستفزاز: مش همشي من هنا عايز تمشي امشي إنت ده لو أمكن يعني يعني
الشاب : لا هتمشي يا ياسمين
ياسمين بأستغراب : أنت عرفت اسمي إزاي
الشاب ابتسم بسخريه : عفريت بقي
ياسمين : إنت عايز إيه دلوقتي بتطلعلي ليه
الشاب : عايزك تمشي من الشقه أنا الشقه دي كنت عايش فيها يعتبر كل حياتي ومش عايز حد يسكن فيها بعدي
ياسمين بعصبيه وهي بتقوم : وإنا مش همشي يا
الشاب : يونس
ياسمين بأستغراب : يونس في عفريت إسمه يونس
يونس بسخريه : والله قبل مابقي عفريت كنت بنادم عادي زي زيك كده
ياسمين هديت وقعدت واتكلمت براحه : بص يا أستاذ يونس أنا أمي وابويا ماتو في حادثه من قريب وصاحب طردني من الشقه إللي كنا ساكنين فيها وكنت قاعده في اوضه فوق السطح لحد م واحد جارنا جابلي الشقه دي وطبعا لما عرفت إنها في الهرم قلت يمكن يكون إيجارها غالي لاكن اتفاجئت لما عرفت إنه قاطعها يونس بسخريه : ٣٠٠ جنيه
ياسمين بصدمه : إنت عرفت إزاي
يونس : والله عم طه علشان عارف إنها كانت شقتي عايز ياجرها لإنه عينه كانت فيها آنتي ممكن تقولي طيب ما يخدها هو لا هو عايز يكسب منها علشان هي أوسع شقه في العماره بقيت اطفش أي حد يجي هنا وعلشان طه عايز ياجر الشقه خلا الإيجار 300 جنيه علشان يكسب منها بس أنا بقي ماهنتش حد عليها وبقيت اطفش فيهم واحد واحد وكل إللي يسأل علي الشقه عم طه يقول صاحبها باعها وسافر لحد م جيتي انتي وحاولت اطفشك بس انتي تنحه
ياسمين بغضب : محترم نفسك ياعم انت
يونس ببرود: طب كملي
ياسمين : انت بارد ليه كده
يونس مردش عليها وبص ليها بنفس البرود
ياسمين خدت نفس وكملت : لما عرفت إنها قاطعها يونس تآني
يونس :ب 300جنبه
ياسمين بعصبيه وهي بتشوح بإيديها : خلاص عرفنااا عرفنااااا
يونس عمل حركه بايده بمعني كملي
ياسمين : مضيت العقد ونقلت حاجتي فيها وفرشتها وفي نفس اليوم حضرتك ظهرتلي فلو سمحت سبني أقعد في الشقه دي معنديش حته اروحها
يونس بصلها بهدوء : وفين أهلك أهل أمك ابوكي كده
ياسمين دمعت : اهل ماما وبابا قاطعهوم علشان اتجوزو من غير موافقتهم بابا وماما ولاد عم فستي ام أبويا مكنتش بتحب ماما وكان ماويه جدو عليها فبابا علشان بيحب ماما اتجوزها غصب عنهم عرفو طردوهم وساكنو في الشقه اللي انا اطردت منها
يونس : طب خلاص امسحي دموعك دي آنتي باين عليك طيبه غير اللي كانو قابلك خلاص خليكي وأمري لله
ياسمين مسحت دموعها بفرح : ربنا يرحمك يا رب
يونس بأستغراب : ربنا يرحمني
ياسمين : آه مش إنت ميت يعني اقولك ربنا يخليك وإنت ميت أصلا علشان كده بقول ربنا يرحمك
يونس :وجهه نظر بردو
ياسمين : أنا مستغربه نفسي آوي
يونس : ليه انشالله
ياسمين: مستغربه إزاي بكلم واحد ميت أصلا
يونس : معلش مش احسن ماتتكلمي مع عايش والله واعلم ممكن يحصل اية
ياسمين : هو إنت مت إزاي
يونس ببساطه : اتقتلت
ياسمين بصدمه : نعم 😳😳
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية حبيبي الشبح)
