رواية عقدت صفقة مع الشيطان الفصل الأول 1 بقلم نور سعيد
رواية عقدت صفقة مع الشيطان البارت الأول
رواية عقدت صفقة مع الشيطان الجزء الأول
رواية عقدت صفقة مع الشيطان الحلقة الأولى
_لو سمحت..كنت عايزة طريقة اعرف اشوفه بيها تاني …
بصلها الراجل اللي كان قاعد وقالها:
_موضوع تشوفيه تاني دة صعب بس ممكن اخليكي تحلمي بيه علي الأقل..بس قوليلي هو مات امتي ومات ازاي واسمه ايه واسم عيلته اي؟
بصيت للمكان اللي انا فيه وانا مش مستوعبة أنا بعمل أي وازاي اعمل حاجة زي كدة ..بس كان لازم اكمل …قعدت علي كرسي وقولت للراجل:
_مات من تلت شهور…وهو كان خطيبي …اسمه مازن اسم عيلته ****
سكت شوية وبعدين كملت:
_هو حضرتك هتعمل الموضوع دة امتي وازاي؟
بصلي الراجل بنظرة مليانة خبث ورعب وقالي:
_ازاي دي بتاعتي أنا انما امتي اوعدك علي بكرا او بعده
قولتله بعدها وأنا بقف:
_طيب هيتكلف قد اي؟
بصلي بنفس الخبث وقالي:
_التمن اللي عايزينه غالي جدا جدا….لانه مش ليا انا بس لا دة ليهم هما كمان
قولتله بخوف وانا بحاول اتمالك نفسي:
_لا هقدر عليه اكيد بس قولي كام
قالي وهو بيعدل قعاده:
_٢٠٠الف
اتصدمت لما سمعت الرقم بس مبينتش وقولتله :
_تمام هجيبهملك
وبعدين سيبته وانا محتارة هجيب دة كله منين…بس كنت مستعدة اعمل اي حاجة عشان اشوف مازن تاني ولو في حلمي ولو لخمس دقايق بس ..وحشني اوي رغم ان فات علي موته ٣شهور لسة مفتقداه جدا…مازن هو حبي الاول والاخير بحبه من وانا عندي ١٨ سنه وفضلنا نحب بعض لحد ما بقيت ٢٨ سنه واتخطبنا شهرين بعديها سابني ومات…بس انا ممكن اعمل اي حاجة عشان اشوفه تاني مش هتفرق الفلوس معايا
رجعت البيت وانا محتارة بفكر هجيب الفلوس دي منين …هبيع عربيتي بس عربيتي قديمة مش هتجيب غير ٢٠ الف مثلا..هبيع الشبكة بتاعتي كمان ..مازن أهم منها…..الشبكة ب٢٥ يبقي كدة ٤٥ الف…لسة متبقي كتير…محستش بأمي وهي قاعدة جمبي غير اما حطيت ايديها علي كتفي فاتفزعت فقالتلي بحب:
_مالك يا بنتي فيكي اي؟
حاولت أداري وقولت:
_مفيش..كنت محتارة عايزة فلوس كتير…ومش عارفة اجيبها منين
قالت امي وهي بتحط ايدها علي شعري:
_عايزاهم لأي؟
قولتله وانا بحاول مبينش اني بكدب:
_مشروع في الشغل مهم جدا..هدخل في شراكة مع صاحب الشركة..
قبل اما اكمل افتكرت حد ممكن يسلفني المبلغ دة
قومت علي طول وقولت لمامت وانا بضحك:
_اتحلت يا ست الكل اتحلت
جريت بسرعة ركبت عربيتي وبدأت اروح اتجاه الشركة…عارفة ان اللي هعمله مش صح لان مازن مكنش بيحب ادهم صاحب الشركة اللي بشتغل فيها…كان بيحس انه عينه مني ..بس كله عشانك يا مازن
وقفت العربية قدام الشركة ونزلت أجري ودخلت الشركة وانا بجري لدرجة ان الكل خد باله…مهتمتش بحد ودخلت علي مكتبه علي طول وانا سامعة اعتراضات السكرتيرة…كان قاعد مع ناس لما شافني استغرب وجودي بس استأذن الناس انهم يكملوا وقت تاني…بعد اما خرجوا قرب مني وسألني :
_مالك يا يمني ؟ فيكي اي ؟جاية جري كدة لية؟
قولتله :
_محتاجة فلوس منك ..ومستعدة اعمل اي حاجة وتديني فلوس
قالي :
_عايزاهم في اي؟مرتبك مش مكفيكي؟
قولتله :
_لا مش كدة بس عايزاهم …ارجوك متسالش
قالي:
_طب.قد اي؟
قولتله بتوتر:
٢٠٠ الف؟
قالي بخضة:
_نعم! ٢٠٠ الف؟
سكت شوية وبعدين بصلي تاني بس المرة دي بصته كانت غامضة وقالي:
_طب لو اديتهملك اي المقابل؟
قولتله من غير ما.افكر:
_اي حاجة..ممكن اكتب وصل امانة
قالي بخبث:
_بس انا مش عايز وصل امانة
انا عايز…
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية عقدت صفقة مع الشيطان)
