رواية نجمة في الصعيد الفصل الثاني 2 بقلم ملك نصرالله
رواية نجمة في الصعيد البارت الثاني
رواية نجمة في الصعيد الجزء الثاني
رواية نجمة في الصعيد الحلقة الثانية
الجده: لا ماهو احنا هنقعد هناك علي طول وهننقل ورقك بتاع الكليه لأقرب كليه من الصعيد
نجمه بصدمه: ليه يا ستو مالها القاهره
الجده: ملهاش يا نجمه ، بس اخويا عايزاني اقعد جنبه ، صدقيني يا نجمه هتحبي الصعيد
نجمه: طيب يا ستو روحوا انتي بقا وانا هقعد انا
الجده: اسمعي الكلام يا نجمه وقومي جهزى الشنط
نجمه بعند: لا يا ستو مش هروح معاكم انا هقعد هنا
الجده بصرامه: نجمه ، قومي اعملي الشنط وبلاش عند
نجمه بزعل: حاضر يا ستو
بعد مرور ساعات
نجمه: خلصت يا ستو
الجده: ماشي يا نجمه ، احنا هنمشي بكره ، وانا هقول لرضوان يعملك الورق
نجمه: تمام
الجده بحنيه: تعالي يا نجمه اقعدي جنبي عايزاكي
نجمه وهي بتقعد جنبها: نعم
الجده: مش عايزه تروحي الصعيد ليه ؟؟
نجمه بضيق: علشان اللي اسمع حمزه يا ستو
الجده بخبث: ماله حمزه ، شاب قمر بعضلات اسمراني اه بس قمر
نجمه بضيق: انا مالي بكل دا يا ستو انا هجوزه ، اقصد يعني كل ما يشوفني في مكان يسيبه ويبصلي بقرف ويمشي ، دا وكأني سحليه بيشمئز منها يا ستو ، وكل حاجه اعملها يتريق عليها ، بيتريق علي رسمي و كليتي وكلامي
الجده بحنيه وضحك: بينكشك يا عبيطه
نجمه بضيق: بينكُشني ايه يا ستو ، دا بيقفلني منه والله انا اوريدى اتقفلت منه
الجده بتريقه: انا اوريدي اتقفلت منه ، قومي يابت اعملي الاكل قومي
نجمه بضحك: انتي عنصريه عفكره يا فرياله ومنحازه للي اسمه حمزه دا ، حساه اخد مكاني عندك ، وانا زعلانه منك
الجده بحنيه: انتي الغاليه بنت الغالي ، ولا حد يقدر ياخد مكانك ، تعالي في حضني
نجمه وهي بتحضنها: حبيبتي يا فرياله
تاني اليوم
الجده: نجمه
نجمه: نعم يا ستو
الجده: اجهزى يلا حمزه جاي علشان ياخدنا
نجمه بضيق: هو في ايه يا ستو كلمي جدو رضوان خليه يقعد واحنا نروح بعربيتي
الجده: لا يا نجمه عربيتك صغيره زبطيئه ويلا أجهزي
نجمه بصدمه: عزه صغيره وبطيئه اخي عليكى يا فريال
الجده: اه ويلا اجهزي يا نجمه خلينا نمشي
نجمه: حااااضر وعفكره انا زهقت
الجده بضحك: زهقتي بدري بدري يا نجمه
نجمه: اضحكي يااختي اضحكي من حقك
بعد مرور القليل من الوقت وصل حمزه
حمزه بفرحه: عمتتتتتي واحشتينى خالص
الجده: وانتي يا حمزواي واحشتني كتير والله
نجمه خرجت كانت لابسه بنطلون وايد ليج لونه بيج وعليه شميز قصير الي حد ما لونه زيتي وطرحه لونها بيج (اه يا جماعه نجمه محجبه♥️)
نجمه: ازي حضرتك
حمزه وهو هيموت ويضحك: الحمدالله وانتي
نجمه في سرها(قليل الذوق أقوله حضرتك يقولي وانتي)
نجمه: الحمدالله بخير
الجده بحنيه: يلا يا ولاد
في الطريق
نجمه بخفوت: ستو ما تخليه يوقف العربيه انزل اجيب شويه حاجات كده لزوم الطريق
الجده بضحك: موطيه صوتك ليه
نجمه بصوت واطي اكتر: علشان بيتريق علي كل حاجه بقولها
الجده بضحك: حاضر يا نجمه ، حمزه وقف العربيه عند اي سوبر ماركت نجمه هتنزل تجيب شويه حاجات
حمزه: حاضر .. هتجيبي ايه هنزل انا
نجمه: لا شكرا هنزل انا
حمزه بصرامه: لا السوبر ماركت زحمه وانا هعرف اجيب اسرع
نجمه بضيق: هتاكلي معايا يا ستو
الجده: لا
نجمه: وحضرتك هاكل معايا
حمزه: مش لما اعرف هتجيبي ايه الاول
نجمه بانشراح: هجيب شيتوس بالجبنه و هجيب كيس فورنو بالجبنه الشيدر و هجيب كيس بريك بالخضروات اشطا و هات كانزيه بيبسي وواحده استينج برضوا لزوم الطريق ندخل بقا ع الشو……
حمزه بصراخ: اييييه بلاعه واتفتحت
نجمه بزعيق: انت بتزعق ليه يا جدع انت ، وبعدين انا غلطانه اني بعبرك وبعزم عليك
الجده: خلاص يا ولاد ادخلوا هاتوا مع بعض
نجمه: لا يا ستو مش هدخل معاه
حمزه: ولا انا يا اختي عايز اجيب معاكي ، ايه شغل الأطفال دا
نجمه مش ردت عليه: خلاص يا ستو مش هجيب حاجه يلا
دخل حمزه العربيه وبدأ سواقه وكل شويه يبص عليها في مرايه العربيه يلاقيها قاعده زعلانه وقف العربيه عند سوبر ماركت جاب حاجات كتير واللي هي قالت عليها
حمزه: خدي
نجمه: شكرا مش عايزه حاجه منك
حمزه: عمتي عقليها ، دا العربيه قلبت حضانه
نجمه بزعيق: لا بقا بقولك ايه انا سكتلك من شويه هتظيط فيها
الجده بصرامه: نجمه اسكتي و احترمي نفسك ايه هتظيط دي
نجمه بزعل: حاضر يا ستو
حمزه بصلها وسابلها الشنطه وركب وكملوا الطرق
بعد مرور الوقت وصلوا الي صعيد مصر
الغفير: ياحاج رضوان الحاجه فريال وصلت
الحاج رضوان بفرحه: يادي النور يادي النور نورتي يا فرياله
الجده: الله ينورك ياخوي
الحاج رضوان: تسلمي يا خيتي ، كيفك يا نجمه
نجمه: بخير يا جدو الحمدلله وحضرتك
الحاج رضوان: دايما بخير يا بنتي ، انا الحمدلله شوفتك بجيت زين ، اطلعي جوضتك ارتاحي يا نجمه وانتي يا فريال وعلي الغدا هطلعلكم سعديه
نجمه طلعت اوضتها واخدت شاور ونامت وهي بتقول( أنه يوم مرهق للغايه ، والغبي نكد عليا )
بعد مرور الوقت علي السفره
الحاج رضوان: كل يا حمزه وبعد ما تخلص وكل خرج نجمه وريها البلد
حمزه بضيق: حاضر ياحاج
نجمه بضيق: لا يا جدو انا هخرج لوحدي ، مش لازم يتعب نفسه
الحاج رضوان: لاه ولا تعب ولا حاجه
بعد مرور الوقت
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية نجمة في الصعيد)
