رواية زواج بالغصب الفصل العشرون 20 بقلم الكاتبة الصغيرة نور
رواية زواج بالغصب البارت العشرون
رواية زواج بالغصب الجزء العشرون
رواية زواج بالغصب الحلقة العشرون
عبير كانت قافلة ع نفسها الأوضه وبتصلي وتبكي
عبير بدموع: يارب سامحني ع كل حاجه عملتها وفجآة فاقت ع صوت موبايلها كان رقم غريب
عبير بنبرة فيها دموع: ألو سلامو عليكم
الظابط حسام بلهفة: خير مالك
عبير باستغراب: ممكن اعرف حضرتك مين؟
حسام: أنا الظابط حسام اللي كنت عندكم ف البيت من ساعتين كدا
عبير بضيق: وحضرتك عاوز ايه مني ولا جبت رقمي منين
حسام بضحك: بقولك ظابط عيب تسألي السؤال دا
عبير بتفكير: ودا عاوز ايه دا ممكن يكون نسي حاجة عندنا ايوة أكيد بيرن عشان كدا
حسام:ايه رحتي فين
عبير ببلاهه: هو حضرتك نسيت حاجة عندنا يعنى عاوزني أرجعهالك
حسام بحب: أيوة نسيت قلبي ينفع ترجعيهولي
عبير بضيق: استظراف وقفلت الخط وقعدت تضحك
حسام بضحك : عنيفة أوي ورن تاني
عبير: خير
حسام: ينفع اللي انتي عملتيه دا
عبير: والنبي يا كابتن انت انا مش رايقة للكلام دا انا تعبانه ياريت تقول عاوز ايه وتخلصني
حسام: بصي بصراحه انا من وقت ما شوفتك ف القسم اما كنتي جاية تشوفي محمد وانا معجب بيكي ولما شوفتك النهاردا حسيت انك فيكي حاجه مختلفة عن المرة اللي قبلها واتشديت ليكي أكتر ومن وقتها وانا مش عارف أنام
عبير: برضو مفهمتش عاوز ايه
حسام بانفعال: ياربي أحببت بقرة لا تُبالي
عبير: ولما أنا بقرة بتكلمني ليه
حسام: اشمعنا اخدتي بالك من البقرة ومختيش بالك من الباقي عموماً أنا اللي بقرة يستي متزعليش نفسك
عبير بضحك: لأ متقولش ع نفسك كدا
حسام: ضحكت يعني قلبها مال وخلاص كدا بقا هنجيب عيال
عبير: عيال ايه يبني انت انا اعرفك
حسام:طب أنا هاجي بكره اطلب ايدك توافقي ع طول تمام
عبير: هو انت شارب حاجه هو ايه اللي اوافق علطول هو انا كنت اعرفك
حسام: يعنى كل دا ومعرفتنيش عموماً أنا حسام ظابط شرطة وبحبك قولتي ايه يا قمر
عبير ضحكت بصوت عالي
حسام: الله هنجيب عيال تاني أهوه
عبير :خلاص تمام تعالي بكره وانا هفكر
حسام: تفكري اه عموماً المكالمة متسجلة أنا هوري لأخوكي صوت ضحكتك دا وهو يتصرف معاكي بقا وانا راجل محترم وانتي اللي بتعاكسيني
عبير: ايه ايه اهدا كدا تصدق كنت هوافق عليك بس دلوقتي هغير رأيى
حسام: لأ لأ اثبتي ع رأيك وحياة أمك
عبير: اانت متأكد انك ظابط
حسام: اه والله كنت ظابط لحد ما شوفتك معتش عارف اظبط نفسي حتى
عبير بضحك: طب تصبح على خير
حسام بحب: وانتي من اهلي يارب
عبير بضحك: خلاص انا كدا موافقه وقفلت ونامت فرحانه
في صباح تاني يوم
نور: محمد قوم بقا
محمد بنوم: سيبيني شوية كمان
نور: طب سيبني اقوم انا
محمد: لأ خليكي احنا لسه بدري
نور: الساعه 1الضهر خليني انزل بقا انا ما صدقت امك بقيت كويسه معايا مش عاوزة اضايقها
محمد: طب قومي وانا شوية كدا وجاي وراكي
تحت عند فريدة
فريدة: اهلاً والله ليكم وحشه
سماح: انتي اللي مبتسأليش
فريدة: معلش كان عندنا شوية مشاكل كدا
سمر بخبث: امال فين محمد يا خالتوا
عبير باحتقار: وانتي بتسألي عليه ليه
سماح: مالك يا عبير بتبصيلها كدا ليه ما انتي عارفة انها بتحبه وهنجوزهم بعد ما نخلص من نور
عبير: معلش يا خالتو بس مفيش حاجه من اللي بتقوليها دي هتحصل محمد ونور بيحبوا بعض ومحدش له حق يفرقهم وفوقوا بقا حرام عليكم فوقوا قبل فوات الأوان وبكت ودخلت غرفتها
سماح: يعنى ايه اللي بنتك بتقوله دا يا فريدة
فريدة: زي ما سمعتي يا سماح انا ميهمنيش غير سعادة ولادي وابني نور هي حياته
سماح: طب وبنتي دي ممكن تموت لو محمد متجوزهاش
فريدة: سمر يا بنتي انتي لسه صغيرة والعمر لسه ادامك متضيعيش عمرك ف حقد وغل وعيشي حياتك
سماح بنرفزة: قومي يا سمر ومن النهارده احنا منعرفش الناس دي ومشيوا
نور كانت واقفه بعيد وسمعت كل اللى حصل
نور: معلش يا عمتو شوية كدا وهترجع لعقلها
فريدة: ولا مترجعش معدتش فارقه اهم حاجه سعادتكم بالنسبالي
محمد: اي مالكوا اي الدراما دي
فريدة: مفيش يا حبيبي
محمد: طب يماما الظابط حسام جاي كمان شوية
نور: ودا جاي ليه
محمد: مش عارف هو قالي هجيلك بالليل قولتله مش فاضي فقالي خلاص هاجي دلوقتي ف حاجه مستعجلة
فريدة: وانت رايح فين بالليل
محمد: رايح مع باسم هيتقدم ل سارة
نور بفرحه: ربنا يسعدهم يارب
بعد شوية
محمد: أهلا يا باشا اتفضل
حسام: يعم احنا اخوات شيل الرسميات دي
محمد: حاضر بس تشرب ايه الأول
حسام بضحك: شربات
محمد: نعم
حسام: بصراحه كدا انا جاى أطلب ايد الأنسة عبير
محمد: والله لو عليا ف أنا موافق بس هي
حسام بتسرع: موافقه
محمد بضحك: وانت عرفت منين
حسام: مش لازم بقا بس انت ممكن تاخد رأيها
محمد: نور لو سمحتي ناديلي عبير
نور: حاضر
محمد ل عبير :حسام باشا طالب ايدك اي رأيك
عبير بخجل: اللي تشوفه
محمد بضحك: دا طلعت موافقه بجد
حسام: مش قولتلك
محمد: عالعموم ألف مبروك ربنا يسعدكم يا حبايبي
حسام: بس عندي طلب ممكن نكتب الكتاب علطول
محمد : وليه التسرع دا
حسام: ولا تسرع ولا حاجه بس انا جاهز ومش عاوز أتأخر أكتر من كدا
محمد بجديه: لا يا حبيبي لازم يبقا في خطوبة عشان تتعرفوا كويس اي الكركبة دي
كل اللي قاعدين ضحكوا
محمد: اي مالكوا في ايه
فريدة: ومقولتش الكلام دا لنفسك ليه وانت بتتجوز نور
محمد بحرج: عشان احنا كنا نعرف بعض
فريدة: دا بأمارة ايه دا البت مكنتش بتقولك حتى ازيك
محمد ل نور: كدا خليتيهم يعايرونا كدا
نور بضحك: خلاص بقا يا حبيبي وافق وكمان عبير شكلها موافق واظن يعني حضرة الظابط معروف
محمد بحب: طب عشان حبيبي دي خلاص موافق
حسام بضحك: نشكر مدام نور ع المساعدة دي ربنا يخليكي لينا
نور بضحك: عدوا الجمايل دي
حسام: كدا كتب الكتاب والدخلة الأسبوع الجاي
محمد: لا يحبيبي كتب الكتاب بس والفرح بعده بشهر
حسام: اي الاستبداد دا بس يلا الحمدلله احنا كنا لاقيين
عبير ضحكت بصوت عالي
حسام بهمس لعبير: اي الحلاوة دي
عبير بخجل: شكراً
حسام: بس كدا
محمد: انتوا بتقولوا ايه
حسام: طب استأذن أنا بقا
محمد: اتفضل
حسام ل عبير: مع السلامه
عبير هزت دماغها بمعنى ماشي
حسام: طب ايه مفيش اي حاجة
محمد: عاوز ايه
حسام: لا مش عاوز حاجه سلاموا عليكم
نور بضحك: والله حسام دا عسل
محمد: نعم يختي
نور بانتباه: انت اللي عسل وسكر والله
الكل ضحك عليها
محمد : انا هروح ل باسم بقا عشان عمال يرن
نور: ماشي ابقا صورلي من قلب الحدث
محمد: ربنا يهديكي يا نور يارب وتعقلي
عند سارة
سارة: هو مبيردش ليه قالي أنا هتصرف ومبيردش يارب استر العريس زمانه جاي
ايمان بضحك: اهدي بقا
سارة: مش قادره بجد خايفة وكمان ماما وبابا متمسكين بالعريس دا
ايمان بخبث: اللي عاوزة ربنا هيكون اهدي
مامت سارة: يلا يا حبيبتي العريس جه برا وطلب يقعد معاكي
ايمان: حاضر يا طنط هي جايه اهي يلا قومي كدا وفوقي
سارة: يارب خليك جمبي ودخلت وهي باصة ف الأرض
عمر ل باسم: يبختك يا عم
محمد: يبني سيبه ف حاله بقا ويلا عشان نطلع
سارة كانت باصه ف الأرض وبترتعش لدرجه مش واخدة بالها من اي حد
باسم كان قلقان عليها وعاوز يقوم يمسكها ويقولها ان هو العريس بس باباها كان قاعد
والد سارة: تعالي يبنتي اقعدي جمب عريسك وقعدها جمبه ومشي
سارة اول مالقت نفسها لوحدها نزلت دمعه
باسم بحزن على حالها: أنا آسف
سارة رفعت رأسها بسرعة وبقت تغمض وتفتح ومش مصدقة
باسن بضحك: والله حقيقة بس الواد عمر دا هو اللي قالي اعملك مفاجأة مكنتش اعرف انك هتتعبي كدا
سارة: حرام عليك والله دا انا كنت حاسه اني هموت
عمر من خلفهم: مبروك مبروك مبروك مبروك
سارة فضلت تضحك
باسم: منك لله يا أخي ع اللي يسمع كلامك
محمد: ولا انا مش قولتلك خليك جمبي برا اي اللي دخلك عندهم
عمر: يا عم دي لحظه حلوة استنا يارب اعيشها بقا
ايمان كانت واقفه بعيد وزعلانة
عمر ل ايمان: مالك
ايمان: مفيش تعبانه شويه بس
عمر: طب تعالي اروحك
ايمان: لأ مفيش داعي انا هاخد تاكسي
عمر: يلا بقا متخلنيش اتعصب عليكي ومشوا
طول الطريق محدش اتكلم إلى أن وصلوا
ايمان: شكرا
عمر: العفو
بعد شويه الجرس رن
ايمان: حاضر وفتحت لقيت عمر ومعاه ورد
عمر: ممكن أدخل
ايمان بزعل: لأ مش ممكن
عمر: بس أنا عندي معاد هنا
والد ايمان من خلفهم: أهلاً يبني اتفضل
عمر : أنا جاي النهارده يا عمي طالب ايد الأنسة ايمان
والد ايمان: وانا يبني يشرفني انك تناسبني انا اعرف عيلتك كويس وسألت عليك من وقت مكلمتني بس الرأي رأيها ها اي رأيك يا بنتي
ايمان بجدية: مش موافقة
عمر بهدوء: بعد اذنك يا عمي ممكن اقعد معاها لوحدنا
والد ايمان: اتفضل يبني
عمر وهو يقترب منها: ها قولتي ايه بقا سمعيني كدا
ايمان: مش موافقة
عمر: مش بمزاجك علفكرا
ايمان: ايه هتتجوزني غصب
عمر بضحك: وماله واهو نعيد السيناريو من تاني
ايمان ضحكت
عمر وهو يقبل راسها: أنا آسف اني اتأخرت
ايمان بدموع: قلبي وجعني اوي لما لقيت كلو بيتقدم وانت حتى مش في بالك
عمر وهو يمسح دموعها: انا آسف والله واستاهل كل حاجه بس متعيطيش
ايمان وهي تقبل يده: متبعدش عني تاني
عمر بضحك: متقربيش انتي أكتر من كده عشان اقسم بالله ما هقدر امسك نفسي وابوكي هيقتلني
ايمان ضحكت
عمر: ايوة كدا تعالي اما نقول للحاج بقا اانك وافقتي
بعد اسبوع حسام وعبير كتبوا الكتاب ومحمد بيغلس عليهم وسارة وباسم وايمان وعمر اتخطبوا ف نفس اليوم
وبعد شهر
نور: محمد اصحا بقا
محمد بنوم: سيبيني شويه
نور: قوم بقا عاوزة اقولك حاجة مهمة
محمد بانتباه: نعم
نور بفرحه: أنا حامل
محمد: بجد
نور: اه والله تعبت وعملت تحليل وطلعت حامل ف شهرين
محمد حضنها وظل يقبل راسها
محمد: انا بحبك اوى يا أحلى حاجة في حياتي كلها ❤
نور بحب: وانا بعشقك ❤❤❤❤❤
“ماذا لو كل ما تحلم به هو مقدر لك من البداية ❤”
#تمت_
لقراءة الرواية كاملة اضغط على : (رواية زواج بالغصب)
