رواية الوقوع في الحب الحلقة الخامسة عشر 15 بقلم هبوش
 |
| رواية الوقوع في الحب الحلقة الخامسة عشر 15 بقلم هبوش |
رواية الوقوع في الحب الحلقة الخامسة عشر 15 بقلم هبوش
في الليل خشيت داري و لقيت حنين رانة عليا جيت عاودتلها
حنين/ خيرات وينك
انا/ توا بس شفت تلفوني شنجوك
حنين/ الحمدلله بخير انتي كيفك وكيف حال يامن مافيش اخبار جديدة
انا/ لا مافيش مزال بوه للشاب مصكر راسه
حنين/ باهي لو يتحكم كم ح يقعد في الحبس
انا/ ????♀️ مانعرفش اصلا وين المحاكم عندنا تي ايشيب في الحبس كان نستنوا المحاكم
حنين/ اي صح معك حق ربي ايفرج عليه
انا/بوجع… امين اااه ياربي جو الحوش شين و دار مضلمة من غيره????
حنين/ تضحك????… اوووباااا ااامتى تعودتي عليه وانتي ماصارلك يومن عنده لين خش الحبس????
انا/ خزي عليك شن قصدك ???? حي زعما ايفكر ان اني وجههي شؤوم عليه
حنين/ هههههه وهل في ذالك شك ????
انا/ ههههههه خطرتي عليا اول يوم شبحته فيه ????….
وتلفوني جاه شعار مسج ع الوتس والرقم مش غريب
انا/ حنونة استني توا انرد عليك
حنين/ شن في
انا/ شوية بس…
وصكرت منها وخشيت ع المسج ????
وكان من ???? و مكتوب فيه????
????كيف حالك ياوردة لك وحشة ياشريرة
امبكري شفتك ع سمافروا ماصدقتش عيوني سبحان الله متغيرة وزايدة حلاوة
زعما مزلتي اتذكري ايامنا الحلوة
كيف ما انا متذكرها..
انا/???? بتقرف… مصح وجهك…
وفته ورجعت لحنين
حنين/ هممم شنو
انا/ البارد اللي مايتسمى دزلي ع الوتس
حنين/ بستفهام… منو؟
انا/ بتذمر… من غيررره هذاااا الزفت خاااالد
حنين/ ااااهاااا وشن يبي
انا/ ايفتت مادوريش ها قوليلي ليش ماتبي ترجعي للعيادة
حنين/ اووووف مزلت في العدة ياهمي
انا/ اييي صح نسيت… وجاء شعار مسج ثاني
انا/ وااااك ع دره الكبد رجع بعثلي اخرى
حنين/ بلووك حبيبتي شن تستني
انا/ هذا هو لعيونه احلى بلوك ????…
خشيت ع المحادثة ولقيت باعث ????
ردي ياحبي عندي لك مفاجأة حلوة….
قريتها بكره و???? وبلوك حظر ع الوتس والجهات الاتصال
انا/ اي وين كنا
حنين/ في العيادة
انا/ بتساول… حتى لو مادخلش عليك فاها عدة!؟
حنين/ مش عارفه بس راهو مافيش حد يعرف ان اني مزلت بنت الا انتي ديري بالك تطلع منك
انا/ بزعلة… ااامشي مرض من امتى انطلعوا اسرارنا يا تافها وبعدين ماتنسيش في الهواء سواء ماتخافش ????
حنين/ خزي عليك زعلتي مني
انا/ حاجة هك
حنين/ يزعل العالم كله الا انتي عاد
انا/ ايوه عشان تعرفي زعلي شنو ????راهو اتعاوديها
حنين/ ???? لا الا اللسانك والله مانقدر عليه
انا/ ???? ربي يحفظهولي سلاحي الفتاك …
وتلفوني قعد ايرن رقم غريب
انا/ حنونة هيا نبي نصكر غدوة نهدرزوا
حنين/ تمام حتى انا نعست تصبحي على خير
انا/ وانتي بخير حبيبتي…
طلعت من الوتس ومزال تلفون ايرن
قعدت انخمم زعما ايكون يامن محصل تلفون ???? ولاني مستاحشته رديت
خالد/ مش حرام عليك اتحطيني في الحظر هذه اخر العشرة
انا/ بغضب… لوسمحت امسح رقمي و معش تتصل…
وصكرت عليه وحطيت الرقم ع حظر ونزلت راسي ع مخدة نرقد وعزقت تلفون جنبي بعد مادرته ع صامت
وقعد خالد يتصل برقم جديد ومعش وقف اتصال فته مارديتش عليه ودرت ع جنبي ورقدت…
.
.
عند يامن
يامن/ شاد الرسمة… يارب يجمعني بيك عن قريب ???? ياوردتي …
وباس ????الرسمة بالدرقة بيش مايشوفوه ????
يامن/ انحبك و ربي انحبك ياوردتي و نعترفلك انتي اول حب وقع فيه قلبي
❤…
صوت الاذان في تلفون الشاب ايكبر لصلاة الفجر وعلى قولت حناي الكلمة الصادقة يذن عليها الآذان ????♀️ مش عارفة المقولة حق ولا تخريف ???? بس فعلا يامن ولا مرة وقع في الحب حتى وهو مراهق كان بس علاقات و هلبا بنات يعرفهم لكن بدون ما ايحب وهذه الميزة الوحيدة في الشاب الصايع اللي حياته علاقات عابرة وقت ايحب تسكن قلبه بنت وحدة لا غير ❤
المهم نزل رجليه من ع السرير وحط الرسمة تحت المخدة عاد غاير عليها هههههه زعميتها هي حق ????????♀️
ومشى توضى و صلى معهم الفجر جماعة
????
.
.
الصبح نضت على طول جهزت روحي وخذيت حاجتي حطيتهم في الشنطة باستعجال ونزلت
انا/ صباح الخير…
ح سليمان وصفية/ صباح النور صباح الورد
انا/ قعمزت… خذاني النوم…وقعدت نفطر بستعجال
ح سليمان/ شاف ساعته… مزال بكري افطري على مهلك
انا/ بفم مليان… نبي انكون متواجدة وقت ايجوااا الحرررس البلدي ايديروااا جولة في المصنع
ح سليمان/ سامحيني خليتك بروحك في التعب الله غالب معش في صحة كيف قبل????
انا/ ابتسمت… ربي يعطيك الصحة يا عمي
صفية/ ان شاءالله ايروحوا يامن و ادم ابخير ويشدوا عنك الشغل ????
ح سليمان/ ان شاءالله و وردة معهم ????
انا/صبيت… دايمة…وشبحت للحاج… اتوصي على حاجة يا عمي
ح سليمان/ ديري بالك على روحك وقولي لمحمود ينزل عند الحاج منصور ايشوفه سمعت يبي ايبيع مزرعته وكم يعطي فاها
انا/ باهي ان شاءالله…
طلعت ركبت سيارتي ومشيت وانا انسوق تلفوني ايرن و ايرن وايرن وووووووووون
انا/ بغضب… ياالعن ابووك على بووو اليوم اللي طحت فيك ????…
خذيت تلفوني فتحت عليه
انا/ اااانت شنوووو اااحمااار ماااتفهمش معش تتتصلللللل و ااانساااها وووردة يااااخي شن ااالهم هذااااا اااوف…
نبي انصكر
خالد/ بااهي ماتبيش تعرفي شن المفاجأة اللي محظرها لك
انا/ بعياط… لااااا مااانبيش خلي مفاااجاتك عندك… قاطعني
خالد/ هههههههههههههه ارجعي نحي الحظر وشوفي هديتك و احظريني كان تبي ????
انا/???? نفخت… امشي اخبط راسك في الحيط…
وصكرت عليه وحطيته في الحظر
انا/ اوووف الله ياخذك سممت دمي ع الصبح ????… وكملت في طريقي للمصنع
…………….. ????????????????????????????????
عند ادم و جوري
وعي ادم على صوت المنبه ساعة سبعة موعد دواء جوري حبة تاخذها ع ريق قبل وبعد ساعة تاخذ حبة بعد تفطر
مشى للمطبخ خذت مية و خش دارها
نزل الكباية ع الكميدينوا جنبها وقعمز ع سرير يتامل شكلها مد ايده لمس خدها بنعومة و قرب طبس باسها بشويش
رجع وقف وبصوت هادي
ادم/ جورري جوري
جوري/ تحركت… هممم… ورجعت لنومها
ادم/ نووضي حبيبي خوذي دواءك…
ومافيش رد مزالت في سابع نومة
ادم/ رجع قعمز… جووووري يااجوري نوضي هيااا…
وقعد ايحرك فيها من كتفها
وعيت تحك على عينها بكسل و شعرها على وجهها
جوري/ شبحتله بعيون ناعسة… همممم خليني راااقدة
ادم/ حط ايده نحى شعرها على وجهها… قعمزي خوذي الحبة وارجعي ارقدي هيا قبل لا يفوت موعدها
جوري/ تثاوب… خايهالي توا ناخذها…
وقلبت ع جنبها
ادم/ اووووف خيرررك كسولة قعمززززي خوذيهااا توااا ????…
ونحى من عليها الورغان وكانت لابسة بجامة مخصرة ????
جوري/ قعمزت بغضب… ااادم ????…
ورجعت الورغان عليها
ادم/ اسف مش قصدي عشان نبي اتنوضي
جوري/ ااوك خلاااص هاات الحبة…
ادم/ طلع الحبة من العلبة… بالصحة…
ومدلها المية
جوري/ خذت الحبة وشربت المية… اوووكي ممكن تطلع نبي نرقد
ادم/ تمام ارقدي بس بعد ساعة نرجع انوعيك للحبة الثانية
جوري/ اووووف????…
ورقدت غطت راسها بالورغان
وادم ابتسم من حركتها وطلع لبس جاكيت التوتا ومشى للمحل قريب جاب بريوش وخبزة و رجع للعمارة
هيثم/ نازل من الاصنصير… صباح الخير
ادم/ صباح النور
هيثم/ شن حالها جوووري…
وادم مايبش ايبين غيرته عشان مواقف هيثم معه و لقاها بايخة مايرد عليه
ادم/ الحمدلله كويسة نعطي فاها الدواء بموعده
هيثم/ تمااام بكل ???? هيا نستاذن منك ماشي للمستشفى
ادم/ ابتسم مجاملة… اذنك معك…
ومشيوا كل حد في طريق
و وصل شقته حط الحاجات ع طاولة المطبخ و طلع براد حط حليب ع نار و جهز فطور حلو حطهم في سفرة مستطيلة و مشى لعند جوري
ادم / واقف بالسفرة… هياااا جوررري نوضي
جوري/ تخربص نومها… بااهي واعية ااااوف…
ونزلت من ع السرير
وادم تبعها بعيونه لين خشت للحمام
نزل السفرة و خش خذا الدواء من ع كوميدينا و قعمز استناها لين طلعت وجت قعمزت مقابلته خذت عصير برتقال تشرب بسرحان نزلت الكباية
ادم/ شبحلها… افطري
جوري/ اهو فطرت
ادم/ كولي حاجة العصير بروحه مش فطور…
خذت حبة زيتونة
جوري/ بهدؤء… نبي تلفون انكلم امي
ادم/ كملي فطورك بعدين نعطيك اتكلميهم
جوري/ خلاص الحمدلله… وخذت علبة الدواء
ادم/ شد منها العلبة… مش اعناد ضررروري تاكلي هيا بيش نعطيك خالتي اتكلميها
جوري/ اووووف…
وقعدت تفطر و ادم عيونه عليها وارتسمت بسمة وجه وهو يشوف في جوري تاكل زعلانة كيف البيبي المغصوب ع الطعام ❤ خلاها تكمل فطور واعطاها الحبة
جوري/ اهووو فطرت اعطيني نكلمهم
ادم/ شوية نعبي رصيد…
و صبى ايلف السفرة وخش المطبخ
بعد وقت خش على جوري
جوري/ بانزعاج… اادم ممكن بعد تبي اتخش دق ع الباب قبل
ادم/ مايبش ايجادلها… تمام
جوري/ عبيت رصيد؟
ادم/ اي اهو نتصل…
وضرب رقم سامي ????
ادم/ الوووو السلام عليكم
سامي/ وعليكم السلام اهلين يا ادم كيف حالك وكيف حال جوري شن دايرة
ادم/ الحمد بخير كيف حالكم انتم وكيف حال خالتي
سامي/ كلنا كويسين يسالوا عليكم و جوري شن دايرة عمليتها ان شاءالله تمام
ادم/ تمام الحمدلله وضعها متحسن عن قبل
سامي/باهي الحمدلله وينها جوري انكلمها
ادم/يشبح لجوري…اهي تبي حتى هي اتكلم…
ومد التلفون خذاته منه
جوري/ بستعجال … كيف حالك يا سامي وكيف حال امي و ساجدة و عبود وبلال ????اااستحشتكم اهه اهه اهه ????
ادم/ اضايق… تؤتؤتؤ
سامي/ علاش البكاء توا خلاص اسكتي مش كويس لك
جوري/ ببكاء… نبي انروح استحشت امي…وزادت تبكي
ادم/ بغضب… اااسكتي ولا ناخذ منك التلفون مش حاالة هذه ????
سامي/ اوصص يا جوري اسمعي الكلام
جوري/ بدموع… ليش ماجيتوا معاي علاش خليتوني ابررروحي????
ادم/????
سامي/ انتي مش ابروحك اهو ادم معاك وداير باله منك
جوري/ بس اني نبيكم اانتم مانبيش حد اخرى معاي ????
ادم/????
سامي/ بحزم… ادم مش حد اخرى و هيا بطلي ابكاء بيش نعطيك امي
جوري/ اااهووو سكتتت ☹️
سامي/ طلع من داره… ااامي
غالية/ اهني في المطبخ
سامي/ جوري ع الخط… ومدلها تلفون
غالية/ خذاته بفرحة… جوووري كيف حالك يابنتي
جوري/ الحمدلله كويسة انتي كيفك وكيف حال ساجدة
غالية/ كويسة الحمدلله طمنيني عليك شن دايرة وادم كيف حاله
جوري/ اني كويسة ماتشغليش بالك…وتنهدت بوجع
غالية/ بقلق… سلامتك شن امضايقك
جوري/ مافيش حاجة بس مستاحشتكم هلبا
غالية/ هانت الحمدلله كلها كم يوم واتروحوا ان شاءالله
جوري/ ان شاءالله????
غالية/ وين ادم اعطهولي
جوري/ مدتله تلفون…امي تبي اتكلمك
ادم/ الووو يا خالتي
غالية/ خيرها جوري مش عاجبتني
ادم/ اطمني مافيش حاجة امغير تدلع عليكم
غالية/ مانوصيكش دير بالك منها
ادم/ جوري في عيوني
جوري/ ☹️…
انتهيت المكالمة
ادم/ نخش نرقد ادوري حاجة وعيني..
و جوري ماردتش خذت مجلة جنبها قعدت اتقلب فاها
قعد يشبحلها في خاطره كلام اكتفى بالصمت وطلع
.
.
.
في ليبيا
انا/ ايوه يا خالي
خ محمود/ شن صار عندك
انا/ كل شي تمام توا طلعوا
خ محمود/ باهي ربي يعطيك الصحة انا اشوية وطالع لعند الحاج منصور
انا/ تمام…
صكرت منه و لقيت مسج فتحت عليه ????
????نحي الحظر ولا انزل صورك ع النت
انا/ بغضب… هذااااا شن اايخرف …
ونزلت تلفون ع مكتب ونشبحله بضيق
وقعد ايشرين رقم جديد عرفته خالد رديت
انا/بعياط… خليني في حااالي شن تبي مني خلاااص اللي بيناااا اااانتهى ونسيته من زمااان????
يامن/????… شن شن هووو اللي اانتهى
انا/ قلبي وقف… يااااامن!
يامن/ في من كنتي اتكلمي
انا/ ااااا لالا ماانكلم في حد ????
يامن/ توااا سمعتك اااحكي شن فيه من اللي ايخليك في حالك
انا/ ضحكت بخوف… لااا تهيالك ماقلتش هك ???? اي قولي من وين حصلت التلفون
يامن/بضيق… تلفون واحد معاي في السجن
انا/ اييي باهي الحمدلله على الاقل انطمن عليك بالتلفون
يامن/ تنهد بضيق… وررردة في حاجة
انا/ بربكة… حاااجة كيف شنو لا مااافيش شي مااادورش هيا احكيلي شن داير
يامن/ اوكي…
وسكت ????
انا/ الوووو ياامن انت ع الخط
يامن/ ااايه معك
انا/ غدوة ح انجي انزورك مع عمي توصي على حاجة انجبهالك
يامن/ لا مش ناقص عليا شي غير انشوفك بس
انا/ حتى اني والله مستاحشتك هلباااا
يامن/ طمنيني عليك شن دايرة في الشغل
انا/ ااا…
وقعدت نحكيله ع الشغل في المزرعة والمصنع قريب ربع ساعة
يامن/ اوكي يا وردة نبي نعطي تلفون لصاحبه
انا/ تمام توا غدوة انجيبلك تلفونك دير بالك من روحك حبيبي
يامن/ ان شاءالله سلمي على امي وابوي
انا/ يوصل…
وكل مدة المكالمة و الرسايل يوصلولي من خالد كلها تهديد
شوشت عندي معش عرفت شن الصور اللي يحكي عليهن لان ولا مرة بعثتله صوري كل علاقتنا ايجي للعيادة ايشوفني او هدرزة بالتلفون
جربت انفوته بس اصراره ان لو مارديت عليه ح ايكون مخسوري اني
بعثتله مسج قلتله فاها ????
????… انا واثقة من نفسي مادرتش حاجة اتخليني انخاف من تهديداتك وياريت اتخليك بعيد عليا راهو عندي من ايوقفك عند حدك…
بعد شوية رد بعث????
????لو واثقة افتحي الوتس وشوفي بعينك و اكيد ماتبيش اتخربي حوشك ولالا…
لما قريتها فار دمي ???? كلامه استفزني كيف ايتكلم بثقة وكانه فعلا شاد عليا حاجة
وبعد تفكير نحيت الحظر و صلتني صورة ???? ارتعبت لين طاح مني التلفون
قعدت شادة راسي شن اللي شفته و قلبي ايخبط بالقوة ونشوف للتلفون طايح ع الارض و مش قادرة ناخذه من هول اللي شفته???? اول مرة انخاف برغم ان اني بريئة من الصورة وعارفتها صورة مفبركة
بس من ح يصدق لو شافوا الصورة من ح يوقف معاي ????
طبست خذيته و اتصلت عليه
خالد/ههههههههه ان شاءالله عجباتك المفاجأة
انا/ انت واحد مريض ا… قاطعني
خالد/ فعلا انا مريض وانتي عندك الدواء
اللي يشفيني ????
انا/ شن بتستفيد من كذبتك هذه
خالد/ بعدين انقولك بس توا مشغول سلام ياحلوة
انا/ بغضب…الله لا ايسلمك…????
وصكرت الخط
خالد/ ???? مالا بتلعبي بالملايين بروحك ح اتشوفي شن محظرلك مفاجأة اكبر واثمن هههههههه…
فات الوقت وروحت للحوش واني من التعب والتفكير راسي بيتفجر خذيت بندول وخشيت رقدت في سريري بالكي اينحي الوجع
بعد ساعة تقريبا اتصل خالد وطبعا لازم انرد غصب
انا/ شن تبي
خالد/ انتي قدريها كم اتكلف
اانا/ بنرفزة… امشي العب بعيد احسن ماتندم بعدين
خالد/ انتلاقوا في كافي ونتفاهموا
انا/ هههه ضحكتني لتكون صدقت الصورة لا اصحى ماتحلمش احلام كبيرة عليك
خالد/ هههه تمام ح انشوفوا زوجك المصون شن رده و انتي خليك اتفرجي من بعيد ????
انا/ دير اللي ايريحك مش ح نخاف من حاجة مادرتهاش…
وجيت بنصكر????
خالد/انتي وانا بس نعرفوا اما الباقي حرام ح بتفاجو بيك
انا/ بوحع…حسبي الله ونعم الوكيل فيك
خالد/ تمام اتجي ولا شنو
انا/ مستحيل مافيش حاجة تجبرني انتلاقى معك
خالد/ براحتك لو غيرتي رأيك تلقيني غدوة ساعة 6 في كافي **** هيا سلام…
قعدت طول الليل انتقلب ما قدرت نرقد وهلبا وساوس طلعوا في مخيلتي وخفت نخسر يامن ????
الصبح لبست و خذيت تلفون يامن من الدرج حطيته في شنطتي وطلعت عليهم لقيتهم يفطروا صبحت وقلت لعمي يلا نمشوا
انا/ شنو يا عمي نمشوا
ح سليمان/ قعمزي افطري
انا/ لا مافيش وقت بيش نلحق ع الشغل
صفية/ مالا استني نلبس …
مشيت تلبس
انا/ بضيق… نطلع انسخن السيارة
ح سليمان/ بستغراب… وردة خيرك مش عاجبتني في حاجه
انا/ ابتسمت غصب… لا مافيش حاجه امغير مارقتش كويس
ح سليمان/ لو تعبانة خليك اليوم توا بعد انروح من يامن نمشي المصنع
انا/ ايي ياريت ياعمي راسي بكل مصدع
ح سليمان/ ان شاءالله لا بأس…
نزلت صفية ومشينا
في المركز قعمزنا كلنا في صالة الزيارات و اشوية وطلع يامن
سلمت صفية الاول بالاحضان وبعدين سلم عمي وعيونه عليا يشبحلي من خش
انا/ قربت منه… كيف حالك اليوم
يامن/ مد يده سلم… الحمدلله انتي كيف حالك…
وقعد يشبحلي بتركيز
انا/بوجع… كويسة الحمدلله…
قعمزنا ايهدرزوا معه و كل مانرفع عيني نلقاه يشبحلي حس ان في حاجة مضايقتني كان واضح عليا متوترة و التصنع بالقوة
بعد قريب ينتهي وقت الزيارة صبى عمي وقال لصفية هيا واشرلها بحاجبه ايخلونا بروحنا
صبت مشيت معه و يامن صبى غير مكانه وجاء قعمز جنبي ع الكرسي وشد يدي
يامن/ ماتبيش اتقولي شن شاغلك
انا/ شبحت لعيونه… مممم مافيش حاجه شغلتني ????
يامن/ وباهي خيرك هكي مش على بعضك وطول الوقت تسرحي
انا/ نزلت راسي… مستاحشتك بس يمكن هدا السبب
يامن/ شد يدي باسها… وانا مستاحشك… فوق ماتتصوري ونحسب بالدقيقة بيش انشوفك
انا/ ابتسمت… واضح من عيونك كيف تشبحلي لين تحشمت من عمي ????
يامن/ ضحك… شن بندير مستاحشك… وشبح للباب… ماتبيش اتجي في حضني
انا/ بحزن… ايي محتاجة لحضنك هلبا????
يامن/ تنهد بضيق… تعالي…
وفتحلي ايديه خشيت لحضنه ضمني بالقوة وقتها معش قدرت انشد روحي ونزلوا دموعي
يامن/ يمسح ع ضهري… انقولك حاجة اتفرحك…
عضيت شفتي خفت يعرف اني نبكي و تمالكت روحي واني مزلت في حضنه
انا/ شنووو حبيبي…
يامن/ بفرحة… بديت انصلي ونقراء حتى في قران
انا/ بعدت منه وبفرحة … حقه
يامن/ اااي والله
انا/ شديت وجه بيديا… االحمد لله ربي ايثبت الإيمان بقلبك ماتعرفش قديش فرحتلك ????
يامن/ الحمدلله ربي هداني و بنغير حياتي اللي كنت عايشها غلط
انا/ ااايوه ياعمي الشيخ ههههههه
يامن/ ههههههه هازية عليا
انا/ لا فررررحانة بيك…
ورجعت حضنت بالقوة و يامن رجع شد وجهي وباسني ع فمي????????
ولولا صوت الحارس نادا بانتهاء موعد الزيارة كان درنا الدخلة ????????????
اعطيته التلفون و ودعته بشوق و مشيت لقيت عمي امركب صفية معه لما جيت نزلعا ركبت معاي وهو مشى للمصنع ونحن روحنا الحوش
.
………….. ????????????????????????????????????
غالية/ باهي فكر اخرى البنت كويسة حرام اتضيع منك
سامي/ يا امي مش قصة كويسة او لا انا مانبيش نرتبط توا و نعلق بنت الناس معاي
غالية/ شن السبب اللي مايخليك تخطب
اهو الحمدلله حوشك قاعد مانقصه حاجة وشغلك ماشي كويس شن تبي اخرى بيش اتهنيني ونفرح بيك
سامي/ تنهد… قالنا مزال مش مستعد للارتباط
غالية/ تربح كان تبي راضاي امشي بس دير مقابلة بالكي تعجبك وتغير رايك
سامي/ لا اله إلا الله خلاص يا امي صكري ع الموضوع
غالية/ بزعلة… هكي اتزعل امك
سامي/ بالله عليك ماتزعلي خلي ايجي وقت واني بروحي انقولك اخطبيلي
غالية/ امتى باهي
سامي/ ان شاءالله خير هيا نبي نمشي للعيادة تبي شي
غالية/ بملل… لا مانبي غير سلامتك
سامي/ الله ايسلمك…
و صبى خش داره يلبس وبعدين طلع
و كانت ساجدة مقعمزة ع السرير تسمع في حديثهم ومضايقه كيف أسامة هاملها ولا ع باله وكيف قاعد يماطل ومستهتر وامتي بتتزوج حتى هي وترتاح
اما اسامة كان ايجهز في نفسه لسفر للاردن كمل كل التجهيزات ومزاله يوم ويطلع ا وقلبه واجعه ع ساجدة كيف مش لاقي وقت ايكلمها حن قلبه عليها وقرر ايفاجها
اتصل عليها كذا مرة
اسامة / وينها هذي…
وبعد 5 مكالمات ردت
ساجدة/بحزن… الووو نعم ????
اسامة/ بزعلة… اهلين والله تي وينك ماتردي عليا
ساجدة/ كنت راقدة
اسامة/ اها تمام باهي صحة النوم
ساجدة/ سلمك
اسامة/ خيرك حسيتك زعلانة
ساجدة/ ايهمك كنت زعلانة
اسامة/ اي يهمني ومعش تعاوديها الكلمة اهيه شن عندك اليوم
ساجدة/ شي
اسامة/ غدوة بنسافر كلمت بلال و قلتله بنجيكم
ساجدة/اها باهي …
وقعدت تبكي ????????
اسامة/ خلاص معش تبكي والله وعد انروح و انطلعوا العرس على طول
ساجدة / بالشهقة…ايي
اسامة / خلاص عاد امسحي دموعك مانبيكش زعلانة و نوضي هيا جهزي روحك بنشوفك حلوة…
بعد ما أسامة صكر الخط حست روحها اتريحت بعد ماكلمها مسحت دموعها وخشت دوشت وتوضت وصلت ركعتين ❤ بعدها مشت لي المرايا في شافت وجهه كيف مولي شاحب وعيونها متورمات وهالات سود ????????????
ساجدة / حي عليا امولية هكي …
وطلعت اتنادي
ساجدة/ ااامي
غاليه / نعم
ساجدة / اسامة بيجي عندنا نبي اندير ماسك لوجهي في عندنا نشا ????
غاليه / ???? تلقيه ف الدولاب في المطبخ
ساجدة /تمام???? …
ومشت طلعت النشا وقعدت ادير في ماسك لي وجهها وخطت اكياس شاهي اخضر وتسطحت ع السرير وفاتت ربع ساعه نحت الماسك وحطت وغسلت بماء ورد و حطت مرطب للبشرة
غاليه /خشت عليها… ساجدة وين رحتي هيا نوضي تعالي ساعديني ع الغداء بلال قالي ديري حسابه متغدي معانا
ساجدة / بفرحة.. حاضر هيا جاية ????…
مشيت للمطبخ وقعدوا ايجهزوا في الغداء
درت كل حاجة ايحبها اسامة وبعد كملت خشت بدلت حوايجها ولبست لبسة حلوة وتعطرت وحطت شوي مكياج خفيف
ساجدة / طلعت لامها… شنو ياام طلعة حلوة????
غاليه / باعجاب …هدا شني يابنتي تهبلي ????ما شاء الله عليك عيني ماتضرك
ساجدة / ابتسمت… جديات ياماما
غاليه / اي والله طالعه حلوة ربي يحفظك ????هيا جهزي السفرة قبل لا يجي اسامة
ساجدة/ ايي باهي… وقت هي اتجهز دق الباب طلعت غالية فتحت الباب وكان بلال جاي
غالية/ اهلاين يابلال
بلال/ خير يا امي كيف حالك
غالية/ خشاته… الحمدلله
بلال/ شدي ياامي شوية خضرة
غالية/ علاش امتعب روحك… وخذت منه
غالية/ وين مراتك ليش ماجبتها معك
بلال/ مشى قعمز… عندها عرس صحبتها بتمشيلها…
غالية/ اي باهي…
و مشت تحط الخضرة في المطبخ ورجعت قعمزت
غالية/ اسمع بيش اتكلم سامي تقنعه على عروس جارة عيت عمك
بلال/ باهي ان شاءالله توا نقنعه هو يسمع مني
غالية/ ايوه الله يرضى عليك…
قعدوا ايهدرزوا وساعة 2 وصل اسامة وجايب معه قاتو سلم ع غالية وبلال و قعمز ايهدرز معهم ع السفر ووووو
خشت ساجدة جايبة سفرة العصير نزلتها ع طاولة
ساجدة/ مدت يدها اتسلم… كيف حالك يا اسامة
اسامة/ سلم عليها ويشبحلها بفرحة…الحمدلله كيف حالك انتي
ساجدة/ بالبسمة…الحمدلله… وشبحت لامها… سامي وعبود وينهم مجاوش ؟
غالية/ عبود عنده محاظرة خليله غداه وسامي كلمته قال قاعد في طريق كان تمشي اتسخني لين مايوصل
ساجدة/ اي باهي…
وطلعت بعد ماشبحت لاسامة بمعني تعال شوية
واسامة منحرج ايكلمها جنبهم ومنحرج يطلع وراها المطبخ ????♀️ قعد متزنح مقعمز في مكانه وبعد وصل سامي حطوا الغداء دايرة سفرة عزومة حلوة قعمزوا ياكلوا
وبعدين شربوا الشاي وكلوا الفاكهه واسامة معش قعمز مع ساجدة بروحهم
وساجدة غسلت الموعين وتمتم بغضب و حذت حتى سفرة الشاي غسلتها وجت قعمزت معهم قعدين ايهدرزوا الشباب ع السيارات و امور دنياوية
وهي كل اشوية ترفع عينها تشبحله كيف ايهدرز ويضحك مع بلال وسامي تقعد تنفخ ودير في حركات بيش تلفت نضره وهو وخذا الميعاد????♀️
ساعة ثلاث ونص رن تلفون بلال كلماته مرته ايجي يرفعها للمزين استاذن و دع اسامة ومشى قعدوا بس سامي وغالية
سامي/تكسل وشبح لاسامة…ااااهه انت مش براني عاد نخش ناخذ غفوة
اسامة/ لا خوذ راحتك شوية و طالع
سامي/ صبى… باهي انشوفوك بخير…
ودعه سلام بالحضن
اسامة/ ان شاءالله…
وطلع سامي قعدت ساجدة تهدرز بشوية و غالية معهم خش عبود من برا سلم على اسامة وقال لامه اتسخنله غداه ومشى ايدوش
صبت غالية للمطبخ
سامي/ شبحلها… تعااالي قعمزي قريب مني…
صبت جت قعمزت ع نفس الصلون
ساجدة/ ابتسمت… عجبك الغداء
اسامة/ اي عجبني الغداء واللي دارت
الغداء… وغمزلها…طالعةحلوة اتهبلي يابنت
ساجدة/ ضحكت… عيونك الحلوة
اسامة/ شبح للباب…قربي شوي
ساجدة/ اهو قاعدة قريب وين تبي نقعمز
اسامة/ قعمزي على قلبي ???? تعالي خيرك خايفة…
وحط يده اتجي تقعمز قريب منه هلبا
ساجدة/ لا مش حلوة ايخش علينا حد
اسامة/ باهي ياستي…
وصبى جاء قعمز لاصق فاها
ساجدة/ بخوف…اااسامة اهبلت بررري غادي
اسامة/ ضحك… انشوف كل هالجمال ومانهبل!؟ باهي شديت روحي عليك ????????
…
و طبع بوسة على خدها
ساجدة/باحراج…. وااااك تبي تحرجني مع امي بطل عاااد…وضرباته ع يده
اسامة/ اااهه منك بنستاحشك والله
ساجدة/ بوجع????… شن بيفوتهم الثلاث اشهور ????
اسامة/ اايفوتوا ان شاءالله ماتزعليش روحك هيا عاد معش نبي نشوفك تبكي ????
….
وقعدوا ساعة ايهدرزوا بروحهم وخذين راحتهم ????
اسامة/ صبى بيمشي… ديري بالك من روحك انتلاقوا على خير…
ساجدة/ وقفت جنبه دمعتها في عينها… ان شاءالله????
اسامة/ هيا بسلامة
ساجدة/ بحزن…بيش اتكلمني ماتنسانيش
اسامة/ اي ان شاءالله …
وقرص خدها ومشى ودع عمته و طلع
وساجدة خشت دارها نزلوا دموعها استحشاته حتى وهو معها مالا بعد ايسافر شن ادير ???? يوجع شعور الاشتياق و يبعد عليك شخص عزيز على قلبك تحس بنقص في حياتك و كل شي ماليش طعمة ????????
والوقت يمضي ببطئ شديد????
.
.
.
عندي قاعدة نشوف في اوراق الشغل انراجع فيهم رن تلفوني وبعدين وصلت رسالة فتحتها ????????
خالد… هذا هو رقم زوجك ولالا…
وكان كاتب رقم يامن جيت اتصلت عليه
انا/ بغضب… قووووولي شن تبي
خالد/ اتجي للكافي انقولك
انا/ لاااا قول ع تلفون نبي نعرف شن غرضك
خالد/ ع تلفون ماينفعش تعالي توا تعرفي
انا/ وووين قاعد الكافي؟
خالد/???? في ال***** هيا تلقيني قدامك سلام… وصكر عليا
انا/ ???? ماااشي يا خالد الززفت…
وصبيت لبست واتصلت حنين رديت عليها وانا نازلة
انا/ بتعب…ايوووه حنييين
حنين/ بستغراب… خيره صوتك داهش
انا/ نازلة من ع دروش مستعجلة
حنين/ وين ماشية
انا/ وصلت للصالة… الحيوان خالد يبي انتلاقى معه في كافي ***…
وفتحت الباب بنطلع تلاقيت مع معاذ ???? ارتبكت خفت ايكون سمعني
حنين/ ماتقوليش تبي تمشيله!؟????
انا/ بربكة… ااوكي يا حنين تووووا اااانكلمك سلام…
وصكرت عليها
حنين/ الوووو وردة… وشبحت للتلفون …
يستر الله ان شاءالله ماتمشيش ????
معاذ/ يشبحلي بتركيز… وين ماشية في حاجة؟!
انا/ بلكلكة…. لااا بنمشي لحووووش خوي
معاذ/ همم اوكي…
واعطني الطريق بيش انفوت من الباب ونطلع
قعد ايتبع فيا بعيونه لين ركبت السيارة ومشيت
معاذ/ لازم انتاكد منها الله اعلم شن في وراها ????… ورجع ركب سيارته وطلع وراي ????????
قدام الكافي
خالد/ كيف ماقلتلك نبيهم واضحات
شاب/ اووكي شغلي ح يعجبك
خالد/ تمام…
نزل من سيارة وخش للكافي طلب قهوة و استننى انجي
……………… ????????????????????????????????
في الالمانيا
مشى هيثم ايدق على شقة ادم اشوية وفتحله الباب
هيثم/ مساء الخير
ادم/ مساء النور تفضل
هيثم/ لالا مرة ثانية بس جيت نعزم ع العشاء امي و اختي جايين عندي زيارة
بيش اتفضلوا
ادم/ صحيت والله مااا… قاطعه
هيثم/ مانبيش اعذار هذه عزومة خاصة ليكم ???? و عاد ايتعرفوا وتلقى جوري مع من تهدرز ????
ادم/ ابتسم بمجاملة… ااان شاءالله
هيثم/ تمام اتشرفونا…
ومشى خش شقته
وادم/ صكر الباب رقيتله????… مبرده من وين طلعلي الزززح…
جوري/ كانت واقفة على باب دارها … هذا دكتور هيثم! ؟
ادم/ ???? ااي هو…
و قعمزت ايكمل الفيلم
جوري/ سمعته يعزم خير شن عنده
ادم/ بغيرة… اقطاف فاضي مادوريش
جوري/ ???? قصدك ماتبيش تمشي؟
ادم/ شبحلها بتسأل… وووين
جوري/ للعشاء ????
ادم/ بنرفزة… لالا مش ماشين
جوري/بمكر… احكي على روحك اني بنمشي انتعرف على امه واخته انهدرز عليهم احسن ماقاعدة ابروحي…
وخشت دارها
ادم/ عيطلها… ااانتي مريضة ماينفعش تمشي ????
جوري/ بصوت مرتفع… من قالهالك لا اني بنمشي يعني بنمشي
ادم/ نفخ بعصبية… شن ماشية اتشوووف الللهم هذه…
وقعد ع tv لوقت طويل لين ساعة ستة ونص طلعت لابسة احلى ماعندها شبحلها ادم بستغراب
ادم/ بصدمة… هذااااا شنو ووووين طالعة
هكي
جوري/ شبحت لروحها… خيرني قاعدة حلوة ولبستي حلوة????
ادم/ ااومشي غيريه
جوري/ بعناد… مااانبيش انغيره
لتكون صدقت روحك زوجي حق…
ومشيت للباب بتفتحه جري عليها شدها من يدها
جوري/ توجعت… اااهه ااااايدي????
ادم/ رخي يدها… جو العناد مانحبش خشي بدلي حوايجك
جوري/ اااوف ماااعنديش دبش حلو
ادم/ خلاص مالا خليك في الحوش مافيش داعي تمشي..
فاتت كلامه وفتحت الباب طلعت نكاية فيه و ادم عصب لحقها
تلاقوا مع ام غلا طالعة من شقتها بعد شبحت ادم الدم رقي لاوذانها مشيت لعنده ????
ام غلا/ بحقد… ااانت السبب في ضياع بنتي حسبي الله ونعم الوكيل ????
ادم/ لوسمحتي امشي شوفي بنتك وين ماتجيش اتفتتي وتحسبي عليا…
ومشى بياخذ جوري من يدها وجوري نتشتاها
ام غلا/ تنكر انها كانت عندك…
جوري/ ????
ادم/ بضيق… لا حول ولاقوة الابالله شن قااعدة اتخرفي بالله …
وصوت ام غلا ارتفع وهي اتحسب عليه
طلعت بنتها منال شدتها
و هيثم سمع الصوت برا طلع عليهم
منال/ خلاااص ياماما ارجوكي…
ودخلتها للشقة
هيثم/ يشبح لجوري كيف زعلانة… اااتفضلوا انستوا…
وادم وجه عرقان ويشبح لجوري اللي عيونها معبية دموع وجها احمر من الغضب
هيثم/ هيااااا ااتفضلوا ليش واقفين برااا…
وخشوا ادم وجوري والتوتر على وجوهم
هيثم/ قعد اينادي على امه… خشوا اهلا وسهلا…
طلعت امه من المطبخ جت اتسلم بحرارة و طلعت اخته نجاة عمرها 35 سنة سلمت عليهم
هيثم/ قرب لاخته… اهي اللي قلتلك عليها شن رايك فيها….
نجاة/ بصوت ضعيف… نجيها اتهبل…
وادم وجوري كل حد في وادي و ايخمم من اللي صار وشن زعما ايصير ????
يتبع..
لقراءة الحلقة السادسة عشر : اضغط هنا
لقراءة باقي حلقات الرواية : اضغط هنا
نرشح لك أيضاً رواية رقية للكاتبة هاجر محمود.
