رواية المعلمه صباح الفصل الرابع 4 بقلم يارا عبدالسلام
رواية المعلمه صباح البارت الرابع
رواية المعلمه صباح الجزء الرابع
رواية المعلمه صباح الحلقة الرابعة
تانى يوم عامر صحى بفزع على صوت حد بيصوت ويزعق ولما انتبه للصوت سمع:المعلمه صباح ما”تت المعلمه صباح اتق*تلت
عامر استغرب وبص للناس اللى بتبص لبعضها بذهول واستغراب مش مصدقين أن المعلمه صباح اللى الكل بيعملها الف حساب اتقتلت!!!؟
وكلها دقائق معدوده والحارة كلها بقت مليانه مباحث وشرطه بتحقق في القضيه دي وبدأو يسألو في الناس اخر مره شافوها امتى وبدأو يقولو انها كانت ماشيه مع عامر وأخواته وخارجه من الحاره لكن بعد كدا محدش شافها…
في شقة عامر
الباب خبط وكان متوقع أنه البوليس..
فتح الباب ولقى الظابط واقف قدامه..
عامر:افندم
_انت عامر
_ايوا أنا
_كنت عاوز اتكلم معاك بخصوص قضية قتل صباح اكيد انت سمعت عنها
عامر وفتحله الباب ودخله والظابط بص لاسماء اللى كان باين عليها التوتر وحاول يهدى الموقف:احم ممكن تجبيلي كوباية ميه لو سمحتى
هزت راسها ودخلت ..
عامر:اتفضل في الصالون
دخلو وقعدوا والظابط بدأ يتكلم:معظم الناس قالت انها شافت صباح وهى خارجه معاكو من الحارة دا صحيح
_ايوا يا فندم لانى كنت رايح أخطب وعلشان هى يعنى قريبه من اختى وكدا حبت تيجي معانا عادي..
_تمام وفي حاجه كمان
_اي هى
_في ناس قالت إنها كانت بتشوفك انت وهى مع بعض وأنها كانت عوزا تتجوزك لكن انت كنت رافض دا صحيح
_اه صحيح بس هى اتفهمت رفضي ودليل على كدا انها جت معايا خطوبتى امبارح وجت معانا من الخطوبه وروحت ومشوفتهاش بعد كدا..
_بيقولو أن عندك اخ توأم بس تعبان شويه دا صحيح
_اه سامر بس اي دخله في الموضوع
_عادي أنا بسأل لأنهم قالو أنه كان بيتعرض للت*نمر وأوقات كتير كانت بتكون المعلمه صباح السبب فالشخصيات دي لما بيتربي جواهم عد*وان من حد ممكن يأذوه
_لا طبعا سامر ميعملش كدا ولا يقدر يأذي نمله حتى يا فندم سامر دا نسمه وعمره ما اذي حد ولما حد بيتنمر عليه بيسيبه ويمشي وعمره ما حاول يضايق حد ولا يضرب حد دا طيب جدا …
_تمام
وقام وقف وقال:أنا آسف على الازعاج مره تانيه بس دا واجبي
_اكيد طبعا..
اسماء خرجت بالميه والظابط يصلها وخد الميه وقال:مفيش اي داعى للتوتر اللي انتى فيه دا عامر صاحبي وكنت جاي اقعد معاه شويه
اسماء هزت راسها وابتسمت وهوا ابتسم ومشي …
عامر:كويس الظابط دا اول مره اشوفه تحسيه شاطر في شغله وكمان محترم
اسماء:اممم محترم
_بس اموت واعرف مين اللى قت*لها هى مروحه معانا امبارح ومكنش في حاجه ومعتقدش انها كانت بتعمل حاجه غلط لسمح الله اكيد ليها أعداء …
اسماء:المعلمه صباح كانت متجوزه وكانت بتقول أن جوزها دا لو شافها ممكن في اي وقت يقت*لها لانه شرانى وشغله بطال
_هى قالتلك كدا؟
_اه كانت بتقول بس انا كنت بحس أن في حاجه مخبياها ،اوعى يكون انت يا عامر
_انتى هبله يا اسماء أنا اقت*ل ؟
_انا بأكد عليك بس انت اخويا وخايفه عليك خايفه لتكون خفت لتعملك مشاكل مع رحمه
_اقوم اقت*لها!
_مش عارفه بقى
_والله انتى مش واثقه فيا أنا اللى مربيكي يا اسماء واكيد عارفه أنا على اي بالظبط
_عارفه والله يا اخويا أنا اسفه
_هوا فين سامر
_في اوضته
عامر سابها ودخل
لقى عامر قاعد وبيترعش وكامش نفسه وببعيط ويقول :مكنش قصدي مكنش قصدي
عامر قرب منه وخده في حضنه:مكنش قصدك اي يا سامر مالك
_غمضت عينيها ومفتحتش تاني
_هى مين
_المعلمه صباح
_اي؟
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية المعلمه صباح)
