رواية ملك القاسي الفصل الثاني والعشرون 22 بقلم شيماء شاكر
رواية ملك القاسي البارت الثاني والعشرون
رواية ملك القاسي الجزء الثاني والعشرون
رواية ملك القاسي الحلقة الثانية والعشرون
دقايق..وسمرا بصت على الفنجان الفاضي بأبتسامه مكر….
حازم لسه هيتكلم…
قاطعه رنت تلفون سمرا…
سمرا بصت لحازم وردت
سمرا : الو..
……….
سمرا بخضه : أي..حصل أمتى الكلام ده..
……….
سمرا قامت بسرعه : طيب طيب…انا جايه أهو…
حازم وقف : في أي…
سمرا بتوتر : بابى تعبان شويه…انا لازم أمشي..
حازم حط الفلوس على الطربيزه : طيب…يلا..
سمرا وحازم خرجو…سمرا ركبت عربيتها..حولت تدورها…لاكن مفيش…مره مع التانيه…بردو مفيش…
حازم بصلها من الشباك : تعالي وانا هوصلك…
سمرا بتوتر : مش عايزه أضايقك…
حازم : لاء مفيش حاجه..يلا…
سمرا هزت رسها ونزلت بأبتسامه جانبيه…
ركبت مع حازم عربيته…
حازم ركب وساق…
حازم بصلها : مستشفي أي..
سمرا بقلق : مستشفى………
حازم هز راسه : متقلقيش…سليمه أن شاء الله…
سمرا : يارب…
ثواني وحس بألم في راسه…ودوخه بسيطه….غمض عيونه وفتحها تاني…
سمرا بصتله : حازم..أنت كويس..
حازم بيحاول يفتح عيونه..بس بتقفل لوحدها…
سمرا بسرعه : أقف على جنب ياحازم…أقف على جنب عشان منعملش حدثه..
حازم وقف على جنب..بصعوبه…دماغه تقلت جامد…غمض عيونه.. وفقد الوعي…
سمرا بترقب بتهز حازم حاجه بسيطه : حازم…حاازم..
سمرا أتأكدت أنه فقد الوعي تمامآ…بقت تفتش في لبسه…وفي عربيته…
الاوراق اللى بتلقيها كلها ملهاش علاقه بشغله…
بعد ربع ساعه تفتيش..مفيش أي معلومه للشحنه الجديده..
سمرا بضيق : يعني أي…بعد ده كله…معرفش أخد معلومه واحده…
فاجئه سمعت رنت رساله من تلفونه..
سمرا بسرعه مسكت تلفونه : صح…أكيد شايل كل المعلومات على تلفونه…
سمرا بتفتح التلفون لقته بباس وورد…
سمرا بغيظ : والعمل…
سمرا بتفكير : أكيد عامل بصمه لتلفونه…
سمرا بسرعه بقت تجرب بصمات صوابع حازم لغايط ما التلفون أتفتح..
سمرا بفرحه بقت تدور في كل الملفات…لغايط مالاقت كل المعلومات عن الشحنه الجديده…
سمرا بصت لحازم : بتشتغل في شركة المنياوي اووي….أي ده يابني…١٥٠٠ طفل…ده انت قلبك جامدد أووي..
سمرا بعتت كل المعلومات على تلفونها…ورجعت كل حاجه زي ما كانت…..
سمرا جابت أزازة مايه…وبقت تمسح وش حازم بيها…مره مع التانيه..
حازم بقا يفتح عيونه واحده واحده…ويغمضهم تاني…
سمرا : حازم…ياحازم..
حازم فتح عيونه….وحط أيده على راسه بألم : ح..حصل أي..
سمرا : مش عارفه…فاجئه لقيتك فقدت الوعي…
حازم فتح عيونه بفزعه وبقا يدور على تلفونه…
سمرا : في أي..بتدور على أي..
حازم لقا تلفونه في جيبه : لاء لاء مفيش…هو حصل أي….
سمرا : زي ما قولتلك فقدت الوعي فاجئه…كده كده أحنا ريحين المستشفي…أبقا أكشف هناك….
حازم هز راسه..وأتجه للمستشفى
………………………………..
وعد دموعها بتنزل…وتفكرها كله في قاسم…اااه على دقات قلبي لما كان قريب مني….كان شعور جميل اووي….حسيت أنى عايزه أفضل كده طول حياتي….نسيت كل قسوته عليا في اللحظه دي….حسيت أنى ملكت الدنيا كلها….بس فاجئه قاسم خرجني من عالم الأحلام لعالم الكوابيس…..حتى انا معرفش معنى شعوري ده….أسميه بأيه….. دقات قلبي ومشاعري اللى أتحركت من قربه….اااه ياقاسم…لوكنت غير كده…….
ادهم ماشي بلعكاز…خبط على أوضة وعد..
وعد بصت على الباب…ومسحت دموعها : أدخل..
أدهم دخل…
وعد بسرعه قامت..وسندته : أنت أي اللى نزلك بس ياأدهم…
وعد أعدت أدهم..وأعدت جنبه…
أدهم بص لوعد : عايز أتكلم معاكي..
وعد : كنت أبعتلي سندس وانت أجيلك…
أدهم أبتسم : مفرقتش كتير…انا طلبت أيدك من جدتي…وقولت مش هفتحك في الموضوع ألا لما أضمن موافقت جدتي….بس كل حاجه جت بسرعه..فأنا هبتدي من جديد…وعد انا بحبك..أول ما عنيا جت في عيونك..وانا حسيت أنى مشدود ليكي…من ساعة ما شوفتك في المطبخ وسألتك أنتي مين…
أدهم مسك أيد وعد بحنيه : تقبلي ياوعد…تقبلي تتجوزيني…وتكونى معايا على الحلوه والمره…وانا هحاول بكل طاقتي أنى أخليكي ملكه…
وعد بصت في الارض….وقاسم مرسوم في خيالها….دموعها نزلو بوجع وبألم في قلبها : مو…موافقه…
أدهم عيونه لمعت بفرحه…وأترسم على ملامحه السعاده…مد أيده ومسح دموعها : طيب أنتى بتعيطي ليه…
وعد بصت في الارض : دموع الفرح…
وعد بصت لأدهم : أرجوك يا أدهم…حافظ عليا…نسيني الايام الوحشه…عايزه أعيش حياه سعيده معاك…
أدهم باس أديها بحب : هخليكي أسعد واحده في الدنيا كلها…وان شاء الله…كتب كتابنا الخميس اللى جاي…
……………………………
سمرا وحازم دخلو المستشفي…
سمرا بصت لحازم : بابا في أوضه رقم ١٤….هروحله…وأكشف أنت كمان..وشوف أنت فقدت الوعي ليه…
حازم هز راسه بجمود…
سمرا مشيت وأبتسامه خبيثه أترسمت على شفايفها…
حازم راح الاستقبال بترقب : هو في حاله جت هنا من ساعه كده…أسمه وائل الحديدي…
الاستقبال : ثانيه واحده يا فندم..
الاستقبال شاف الدفتر…
ثواني وبص لحازم : حصل يافندم…من ساعه كده دخل عندنا وائل الحديدي….
حازم هز راسه…وراح للدكتور..وقاله علي الاغماء المفاجئ….
الدكتور طلب منه تحليل…
حازم عملها…
عدي نص ساعه…
حازم أعد قدام الدكتور : التحليل فيه اي…
الدكتور بيبص في التحليل : بصراحه مفيش أي حاجه…تحليلك كلها سليمه…ممكن يكون أرهاق بس…
حازم بستغراب : يعني مثلآ مشربتش أي حاجه…عملت الاغماء ده..
الدكتور وهو باصص في التحليل : لاء أبدآ…تحليلك كلها سليمه…
حازم هز راسه وخرج…
………………………………
عدي أسبوع…
حازم وسمرا بيتقابلو كل يوم..
وحازم اتعلق بسمرا أكتر…
سمرا بتحاول متبعدش عن حازم عشان ميشكش فيها خالص…لأنه أكيد هيخسر الشحنه…
…………………………..
وعد والعيله بيجهزو لكتب الكتاب….
وعد مستغربه جدآ أختفاء قاسم عنها…..حتى هدير..مبقتش تشوفها…..
وأيقنت خلاص ان قاسم زهق منها..وسبها في حالها….متنكرش ان الشعور ده مضيقها…بس بتحاول تكدب نفسها…..
الساعه دقت ٧ بليل…
وعد أعده قدام المرايه..وسندس بتجهزها..
وعد لبست فستان بيبي بلو…وطرحه بنفس اللون…وتاج جميل مزين طرحتها…ميك اب جميل وخفيف..
وعد فعلآ بقت فتنه من الجمال…
سندس أبتسمت : زي القمر…ادهم هيتجنن من الجمال ده كله…وهياخدك معاه على شقته…مستحيل يستني يوم الفرح..
وعد بصت في الارض بكسوف…
سندس أبتسمت : ثواني وجيالك…
وعد هزت رسها..
سندس خرجت…
وعد بصت لنفسها في المرايه…قاسم مش بيروح من بالها…معقول ياقاسم نستني….
وعد كشرت : أنتى مجنونه…الحمدلله انه سبني في حالي….دلوقتي هكون على أسم أدهم….مستحيل يأذيني…انا ماشوفتش من قاسم..غير العذاب وبس….
الباب خبط..
وعد : أدخل…
الجده دخلت بأبتسامه وسعه وراحت لوعد : ما شاء الله…الله أكبر عليكي ياحببتي…
وعد وقفت وحضنت جدتها…
الجده حضنتها ودموعها نزلو : مبروك ياحبيبة قلبي….مبروك يابنت فيروز..
وعد أبتسمت : الله يبارك فيكي ياجدتي…
الجده بعدت ومسحت دموعها : يلا يلا..عريسك مستنيكي تحت…
وعد هزت رسها…
الجده خرجت بوعد…
لقت خالها كامل..مادد أيده ليها : تسمحيلي ياوعد أبقا وكيلك…
وعد عيونها لمعو بدموع..وهزت رسها كذا مره..
فاجئه حضنت خالها جامد : أخيرآ ياخالي..أخيرآ أتقبلتني..
كامل طبطب عليها…أول ماحضنته…حس بحنيه من نحيتها…حقيقي حس بفرحه مش ورث وبس…لاء حس أنه مبسوط عشان أبنه هيتجوز البنت اللى بيحبها..والبنت دي تبقا بنت أخته….
كامل بعد عن وعد : أنتى زي سندس…متفرقيش عنها حاجه
وعد هزت رسها بأبتسامه..
كامل خد وعد ونزل بيها في الشارع…
فرح بسيط وخفيف….وكوشه للعروسين…والارض متزينه….الفرح شكله جميل…
وفي طربيزه في نص الفرح..والمؤزون..أعد في نص الطربيزه..وأدهم أعد جنبه…
كامل راح أعد جنب المؤزون…ووعد أعدت جنب كامل…
أدهم بص لوعد بأبتسامه قمر….ومش قادر ينزل عيونه عنها من جمالها…
المؤزون بأبتسامه : يلا نبدآ…بسم الله الرحمن الرحيم وجعلنا بينكم مودة ورحمه…
أدهم مد أيده وكامل مد أيده..والمنديل على أديهم…
المؤزون بص لكامل قول ورايا….
كامل قال ورا المؤزون..
أدهم أبتسم : أقبل…
المؤزون بص لأدهم : قول ورايا
أدهم قال ورا المؤزون…
وعد بصت في الارض وسكتت…وصورة قاسم في خيالها….
وعد غمضت عيونها جامد : أق….
…….-: وقفو كل حاجه…أستنو…أزاي تغضبو ربنا في حاجه زي كده…
الناس كلها بصت على مصدر الصوت
وعد بستغراب : هدير…
هدير وقفت قدام المؤزون : مش خايف من عقاب ربنا..لما تجوز وحده متجوزه…
وعد وقفت وبصت لهدير بصدمه…وصدمة أدهم وكامل والجده وسندس..متقلش عن صدمة وعد حاجه…
المؤزون بستغراب : متجوزه….
هدير : بظبط…أتفضل قسيمة جوزها…وجوزها يكون….
قاطع كلامها….
…….-: قاسم محمد المنياوي…
وعد بصت لمصدر الصوت…بلعت رقها بصدمه وبخوف…وهزت رسها لاء
قاسم حط أيده في جيوبه بثقه وأبتسامه جانبيه…..
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية ملك القاسي)
