رواية تزوجت طفلة الفصل الخامس 5 بقلم دعاء تهامي
رواية تزوجت طفلة البارت الخامس
رواية تزوجت طفلة الجزء الخامس
رواية تزوجت طفلة الحلقة الخامسة
بس انتي صغيرة اوي علي انك تتجوزي لسه العمر قدامك كنت كملتي تعليمك وامنتي مستقبلك
زين: من فضلك ي ايناس متتكلميش معاها كده
ايناس: بس انا مقصدش حاجه ي زين انا بتكلم بحس نيه
قمر: اكيد متقصدش ي زين حصل خير
ايناس: شكرا انك فهمتيني
ام زين: تعالوا الاكل جاهز اكيد جعانين
جهزوا السفرة والعيلة كلها اتجمعت علي السفرة وابتدوا يتغدوا
ام زين: كلي ي بنتي متتكسفيش
ايناس: مقدرش اكل الاكل ده ي طنط كله معمول بالسمنة البلدي الرجيم يبوظ
ام زين: مينفعش متاكليش حاجه
ايناس: هاكل سلطة ي طنط
ام زين: وهيا السلطة بتغذي ي بنتي دوقي المكرونه الباشميل دي هتنسي الرجيم خالص
داليا: شوفي قمر بتاكل كل حاجه ومع كده جسمها حلو قوي
ايناس: اوك
ميلت داليا علي اسراء واتكلمت بصوت واطي
داليا: بت ي اسراء
اسراء: في اي
داليا: هيا مالهم رافعة رقبتها السماء كده
اسراء: انا عارفه علي اي حتي قمر احلي منها
داليا: عايزه اقوم اجيبها من شعرها
اسراء: وطي صوتك وكلي وانت ساكته عاد
ام زين: بتتوشوشوا في اي
داليا: لا ي امي ولا حاجه كنت بقول قمر بتعرف تطبخ
ام زين: امال عاد
داليا: تسلم يدك ي قمر
قمر: بالهناء
ايناس: المكرونه حلوه بس تقيله شويه
داليا: هيا المكرونه الباشميل لازم تبقا تقيله
ايناس: الحمدلله
ام زين: كملي اكلك انتي كلتي اي
ايناس: شبعت زين هو ممكن تاخدني بعد ما تخلص اكل تفسحني في الصعيد عشان انا معرفش حاجه هنا
داليا: طب خد قمر معاك تغير جو من ساعة ما اتجوزتوا ملطعتش من البيت
ام زين: خدها ي بني معاك تغير جو من ساعة مجت اهني مشفتش الشمس
زين: حاضر ي امي اطلعي اجهزي ي قمر وانتي كمان ي ايناس
قمر: طب لما اشيل السفرة معاهم
داليا: بس روحي انتي وانا موجوده
قمر: ماشي
طلعت هيا وايناس يجهزوا كل واحده في اوضتها عده وقت وكانوا خلصوا وايناس نزلت بس لسه قمر
ايناس: هيا قمر لسه مجهزتش لدلوقتي
داليا: عروسة وبتتذوق
ايناس: اهااا ماشي طب هنستني كتير ولا اي
زين: هطلع اشوفها انا
طلع زين عشان يشوف قمر اتاخرت ليه فتح الباب من غير ميخبط كانت قمر بتجهز اتخضت من فتحت الباب لزقت ضهرها في الحيط علي طول
زين: اتاخرتي ليه ي قمر
قمر: خلصت اهو
زين: طب يالا ننزل
قمر: طب انزل انت وانا هاجي وراك على طول
زين: مش خلصتي يالا ننزى سوا
قمر: هو بصراحه يعني طب ابعتلي داليا
زين: قولي عايزه اي من داليا
قمر: عشان تقفل ليا السوسته معلقة
زين: هههه لفي هقفلهالك انا
قمر: لا تقفلها ليا انت ازاي
زين: انا جوزك والله
قمر: طب متبصش
زين: حاضر هغمض عنيا
قمر: غمض الاول واوعي تفتح
زين: خلاص ماشي
لفت ضهرها وهو مد ايدوا مسك السوسته حست بقشعريرة في جسمها كله من لمستوا غمضت عيونها ودقات قلبها اتسارعت فاقت على صوت زين وهو بيقولها خلصت
قمر: شكرا
زين: في واحده بتشكر جوزها عشان ساعدها في حاجه
قمر: هااا
زين: خلصي وانا هنزل قدامك
نزل زين وقمر لفت الطرحة ولم تضع اي مساحيق في وجهها كانت لابسه درس بيج في اسود وطرحة تجمع اللونين نزلت وكان توجد عيون تراقبها بحب واخري بغيرة وحقد
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية تزوجت طفلة)
