رواية كانسر الفصل الثاني عشر 12 بقلم آية السيد
 |
| رواية كانسر الفصل الثاني عشر 12 بقلم آية السيد |
رواية كانسر الفصل الثاني عشر 12 بقلم آية السيد
فايزة نزلت ولقت أسر علي الناحيه التانيه من الطريق بصت ليه وابتسمت وهو شاور ليها
فايزة بصاله ومبتسمه وبتعدي الطريق ومش واخده بالها من العربيه اللي جايه ناحيتها
أسر بصراخ وهو يركض ناحيتها /فايزة حاسبيييييي
فايزة بصت ولقت عربيه جايه ناحيتها
فايزة وقفت مكانها من الصدمه ومتحركتش وكانها اتشلت
وفي ثواني كان أسر وفايزة واقعين علي الارض والعربيه مشت بسرعه ومش وقفت
الناس اجتمعوا حواليهم
راجل /انتوا كويسين يا بني
ست كبيره /شوف مراتك يا بني بخير ولا لا؟؟ ربنا ينتقم منهم
فايزة كانت واقعه جنب أسر وماسكه فيه جامد وبتعيط وجسمها بيرتعش
أسر قام بهدوء وهو شايف فايزة اللي ماسكه فيه جامد وم راضيه تسيبه
أسر بهدوء /فايزة اهدي الحمد لله محصلش حاجه
فايزة بصاله بعياط /ك… كنت ه.. هموت
أسر مستحملش كلامها ودموعها وشدها لحضنه وهي حضنته وعيطت اكتر
أسر وهو بيهديها/اهدي يا حبيبتي عشان خاطري اهدي
فايزة بتعيط اكتر
ست من اللي واقفين لاحظت الدم اللي نازل من رجل فايزة
ست /يا بني دي باين انها اتعورت
أسر بعد فايزة شويه عن حضنه وبص علي رجلها لقاها كلها دم والأرض كمان
أسر جه يلمس رجلها بس هي صرخت من الألم
أسر شالها وراح ناحيه العربيه بسرعه وراح المستشفى
__________________
في المستشفى
أسر وفايزة وصلوا وأسر شال فايزة ودخل بيها
أسر بزعيق /عاوزين دكتوره
الممرضه /يا استاذ اهدي بعد اذنك
أسر /المفروض اهدي ازاي يعني قولت هاتولي زفت دكتوره هنا
دكتور /اتفضل يا استاذ معايا
أسر بزعيق /قولت عاوز دكتوره
دكتوره من وراه /اهدي يا استاذ وتعالي معايا
أسر راح معاها وحط فايزة علي السرير
الدكتوره /لو سمحت اخرج بره عشان اعرف اشوف شغلي
أسر /حاضر
أسر جه يخرج بس لقي فايزة ماسكه ايده وبتعيط
أسر قرب منها /انا هبقا واقف جنب الباب مش هتحرك متقلقيش ماشي
فايزة بعياط هزت راسها بايوة وأسر باس جبينها وخرج وفضل واقف جنب الباب
_______________________
عند مالك وحور
حور /مالك هو مش هيخلص بقا
مالك /خلاص يا حبيبتي معتش غير حاجه بسيطه اهوه ويخلص
حور بتعب/انا تعبت
مالك خرجها من حضنه بحب /سلامتك من التعب يا روحي خلاص هانت اهيه ويخلص يا دوبك هنادي للدكتوره وارجع يكون خلص ونمشي
حور بتعب واضح عليها من أثر الكيماوي /ماشي
مالك بصلها بحزن علي حالتها وعدل دماغها علي المخده وراح ينده لنورهان
_______________________
عند أسر
أسر كان واقف جنب الباب وكان قلقان علي فايزة وفجأه تليفونه رن
أسر بص عليه لقاها حسناء جده فايزة…. أسر حاول يهدي وحاول يخلي صوته يكون طبيعي
أسر /ايوة يا تيته
حسناء بخوف /ايوة يا بني فيه ناس بتقول ان كان فيه بنت هتعمل حادثه تحت البيت فايزة كويسه يا بني طمني عليها وبرن عليها مش بترد ليه
أسر اتوتر ومش عارف يقول ايه
حسناء /انت معايا يا بني
أسر /ايوة معلشي يا تيته هقفل الوقتي لأنهم محتاجين ليا ضروري وهكلمك تاني
حسناء /بس…
وبصت لقت الخط اتقفل
أسر قفل معاها واتنهد والباب اتفتح
أسر بلهفه /هي كويسه طمنيني عنها حصلها ايه
الدكتوره /اهدي يا استاذ بعد اذنك… هي الحمد لله بخير والجرح اللي في رجلها الحمد لله مش عميق اوي كام يوم وتتحسن ان شاء الله
أسر /يعني هي كويسه
الدكتوره /الحمد لله وتقدر تدخلها كمان عن اذنك
أسر دخل بسرعه لفايزه اللي كانت رجلها مربوطه بشاش ابيض ودموعها نازله علي خدها
أسر قرب منها وقعد جنبها علي السرير ومسح دموعها وفجأه حضنته ورجعت تعيط تاني
اسر اتصدم في الأول بس قدر اللي هي فيه وضمها ليه وحاول يهديها
أسر /هشششش اهدي يا قلبي مفيش حاجه
فايزة بتعيط اكتر
أسر بمرح لكي يخفف عنها /وبعدين انتي كل شويه تحضنيني وبصراحه بقا خطيبتي بتغير عليا اوي
فايزة بعدت عنه واتكسفت اوي
أسر بمرح /لا انا مش اد الخدود دي لما بتحمر
فايزة خبطته في كتفه /علي فكره انت بارد
أسر بضحك /هههههههههه عارف….. اه صحيح جدتك اتصلت
فايزة بفزع /ايه!!! طيب قولتلها حاجه
أسر /اهدي بس ومقولتش حاجه توهت في الكلام بس الاحسن تكلميها تطمنيها عشان متقلقش
فايزة /طيب هات موبايلي طيب من الشنطه
أسر /ماشي يا ستي
أسر جاب ليها الشنطه بتاعتها /خدي وانا هنزل اجيبلك اكل وعصير
فايزة /بس
أسر /مفيش حاجه اسمها بس انتي اكيد مكلتيش حاجه فأنا هنزل اجيب وانتي كلمي جدتك
فايزة بابتسامه /ماشي
أسر نزل وساب فايزة وهي كلمت جدتها
حسناء بخوف /ايوة يا فايزة انتي فين وتليفونك كان مقفول ليه وأسر كمان كلمته وقفل بسرعه مفهمتش حاجه انتي كويسه يا بنتي
فايزة /اهدي بس يا حبيبتي انا كويسه متقلقيش
حسناء /انا سمعت ان حد كان هيعمل حادثه تحت البيت بس مش عارفه مين وخوفت اوي واصلا مكنتش عوزاكي تنزلي النهارده
فايزة بارتباك /اهدي بس انا فل اهوه ومفيش حاجه وهخلص جامعه وهرجع علطول
حسناء /ماشي يا بنتي خلي بالك من نفسك
فايزة /حاضر يا حبيبتي سلام
حسناء /سلام
أسر جه وجاب اكل وعصاير لفايزة
فايزة بزهول /ايه كل ده
أسر /ايه اكل وعصاير
فايزة /ايوة ما انا شايفه بس مين هياكل دا كله
اسر بابتسامه /انتي
فايزة بنفي/لا اكيد بتهزر
أسر بنفي /لا ويلا بقا بدل ما اكلك بنفسي
فايزة /بس
أسر بتحذير/ها
فايزة بحنق /طيب
أسر بابتسامه /شطوره
_________________________
عند مالك وحور
مالك نده لنورهان وراحوا الاوضه اللي فيها حور ومالك وقف جنبها ومسك ايدها
نورهان قربت منها /حاسه بايه يا حور دلوقتي
حور بتعب /حاسه اني تعبانه اوي وجسمي كمان فيه ألم صعب
مالك بصلها بقلق /هي ليه حاسه بالتعب دا مع انها كانت احسن الأول
نورهان /دا طبيعي مع علاج زي الكيماوي لانه مش بس بيروح للخلايا الخبيثه لا بردوا بيروح الخلايا السليمه ودا اللي سبيلها التعب والإرهاق دا
مالك /تمام
نورهان /هو خلص خلاص وهنشيله
حور مسكت ايد مالك وضغطت عليها بس بالراحه بسبب تعبها ومالك حس بضغطها وضغط علي ايدها كأنه بيطمنها
نورهان شالتها من ايدها وحور قامت بس كانت هتقع ومالك سندها
مالك /حور اشيلك
حور /لا انا تمام متقلقش
خرجوا ووقفوا جنب الباب
مالك /كده الجرعه التانيه هتبقا أمته؟؟
نورهان /نفس اليوم بعد تلت اسابيع ان شاء الله
مالك /تمام عن اذنك
مالك كان ماشي هو وحور بس حور كانت هتقع تاني ومالك لحقها بسرعه
مالك مستناش رائيها المره دي وشالها وهي اتخضت
حور باعتراض /يا مالك انا همشي
مالك /هششش انا غلطت لما سمعت كلامك اصلا ممكن بقا تهدي
حور لاحظت ان الكل باصص عليها واتكسفت وخبت وشها في صدر مالك
مالك وصل العربيه وقعد حور في الكرسي ولف وركب هو كمان
مالك لقي حور سانده علي الشباك من تعبها فراح شدها لحضنه وساق العربيه
__________________________
في منزل عائله الصواف
ايمان /اتصل علي مالك شوف حور
أحمد /اهدي يا ايمان هما…
ولسه مكملش كلامه سمع صوت الباب
ايمان جرت بسرعه ناحيه الباب وفتحت ولقت مالك شايل حور اللي باين عليها التعب
ايمان /حمد لله علي السلامه يا بني تعالي
مالك /الله يسلمك يا طنط
مالك دخل حور اوضتها ونيمها في السرير وقعد جنبها وإيمان واحمد واقفين جنبهم
ايمان /عامله ايه دلوقتي يا بنتي
حور بخفوت /الحمد لله يا حبيبتي
أحمد /الف سلامه عليكي يا حور
حور /الله يسلمك يا بابا
أحمد لاحظ تعب حور وأنها محتاجه تنام فسحب ايمان بهدوء وخرج ومالك فضل معاها
ايمان دموعها نزلت علي بنتها
أحمد شدها لحضنه /اهدي هتبقا كويسه ان شاء الله بس لازم تبقي قويه عشان هي هتستقوي بينا
ايمان /مش قادره مش قادره يا احمد شوفت عامله ازاي قلبي واجعني عليها اوي
أحمد /هتخف ان شاء الله وترجع تاني احسن من الاول
ايمان /يا رب يا احمد يا رب
___________________________
في غرفه حور
مالك بحب /حاسه بايه دلوقتي يا حوري
حور بخفوت وعيونها دمعت /بتعب صعب اوي
مالك اتعدل جنبها واخدها في حضنه /هيروح يا روحي وهتخفي والله بس اهدي
حور دخلت في حضنه اكتر /خليك جنبي يا مالك متمشيش انا محتجاك
مالك بحب /انا جنبك يا قلب مالك متخافيش نامي وانا هفضل جنبك نامي يا روحي
حور من تعبها نامت بسرعه
مالك بأس دماغها وضمها ليه اكتر
“اللهم اشفي كل مريض يتألم شفائا لا يغادر سقما”
“اللهم اشفي مرضانا ومرضى المسلمين”
______________________________
عند أسر
أسر اخد فايزة وخرجوا من المستشفى وفايزة أصرت انها تروح الجامعه
أسر كان رافض بس هي اسرت وهو اضطر يوافق
أسر وصلها الجامعه ونزلوا هما الاتنين
فايزة /خلاص يا أسر انا الحمد لله بقيت احسن وهو جرح بسيط
أسر باعتراض /انا اصلا مش فاهم سبب تصميمك ولو علي المحاضرات قولتلك خلي حد من زميلك يكتبها وهاتيها منهم
فايزة /يا أسر محاضرات النهارده مهمه ولازم احضر و..
قطع كلام فايزة لما حد حط ايده علي كتفها
فايزة لفت وشها ناحيه الشخص دا واتصدمت
فايزة بصدمه /انتي؟؟؟؟؟؟
الشخص/……………
يتبع…..
لقراءة الفصل الثالث عشر : اضغط هنا
لقراءة باقي فصول الرواية : اضغط هنا
نرشح لك أيضاً رواية جوازة غصب للكاتب عمرو خالد
