رواية السر القديم الفصل الثالث 3 بقلم علاء جمال
رواية السر القديم البارت الثالث
رواية السر القديم الجزء الثالث
رواية السر القديم الحلقة الثالثة
بعد ما هي سابتني قعدت مع نفسي و فكرت كتير في حالي وفي اللي بيحصلي وقررت إني مش هاسكت علي نفسي اكتر من كده. لازم أشوف حل. وفعلا قررت اروح للشيخ إدريس ده.
بس المشكلة إنه مش عايش في نفس القرية بتاعتنا لا بيته في قرية تانية جنبنا.
لكن مش مهم هروحله حتى لو لأخر الدنيا.
رتبت كل حاجة وانتهزت فرصة أن نبيل في شغله وام عبدالرحمن عدت عليا من غير حماتي ما تحس بحاجة واخداني وروحنا للشيخ . بيته كان بعيد اوي وفي حتي مقطوعة تقريباً ورغم أننا كنا الضهر إلا اني مشوفتش بني آدم واحد بيعدي من الحتة دي. كانت حتة أرض واسعة أوي ومفيش فيها بيوت غير بيت واحد مبني دورين بس شكله فقير اوي من برا. كنت خايفة مكدبش عليكي وفضلت دماغي تودي وتجيب. وفي ميت فكرة وحشة كانت مسيطرة عليا .
اول ما دخلت عنده لقيت في ناس كتير جدا اضطريت أدفع فلوس اكتر عشان يدخلوني بدري لاني لازم ألحق ارجع قبل ما جوزي يرجع من شغله او حماتي تحس إني مش موجودة.. وبرضه الفلوس مكانتش مهمة أوي قد ما كان المهم اني الاقي حل لمشكلتي. لما جه دوري الست اللي قاعدة برا بتنظم الدخول وبتاخد القلوس منعت أم عبدالرحمن إنها تدخل معايا وقالت لا ادخلي وحدك لأن دي اسرار ومينفعش حد يتطلع عليها.
دخلت للشيخ وشكله كان يخوف بصراحة. كان كبير في السن عنده حوالي حاجة وخمسين سنة. ووشه مليان تجاعيد وجسمه كان رفيع اوس وهزيل كأنه عنده انميا.
بدأت احكيله مشكلتي وكل اللي بيحصل معايا . سمع المشكلة ولقيته بيقولي.
“الحكاية دي بدأت بعد جوازك علي طول صح؟
” ايوه صح الموضوع مبداش يحصل غير بعد الجواز انا كنت كويسة ومكنش فيا اى حاجه.
بصي طيب يابنتي اللي بيعمل معاكى كده حد من أهلك أو بتربطه بيكي علاقة أي أن كانت بس الحد ده بيكرهك وعشان كده بيحاول يتخلص منك. وفي سر وراء في الموضوع أنا مش عارفه بصراحه بس اللي انا متاكد منه انك هتعرفيه مع الوقت..
بس المهم دلوقتي انك تعرفي مين اللي بعمل معاكي كده. وانا عارف ابنك بينك وبين نفسك عرفتي مين ده اللي بتكلم عنه.
وفعلاً من غير ما يقول فهمت هو يقصد مين حتي من غير مايقول أسماء أداني عمل” وقال لي حطيه في اوضة الشخص اللى انتى شاكه فيه و بالشكل ده الخادم بتاع العمل هيعمل فيه اكتر من اللي كان بيحصل فيا. وقالي مش هقدر أخلصك من اللي بيحصلك غير لما تجيبى العمل اللي معمولك ومحطوط في بيتك.
مكنتش متحمسة بصراحه لموضوع العمل ده كنت عايزة اخلص من اللي بيحصلي وخلاص. بس قلت لنفسي ما هي ياما عذبتني ليه متدوقش شوية من العذاب اللي انا عشته طول الفترة اللي فاتت.
خرجت ولقيت أم عبدالرحمن لسه قاعدة مكانها اخدتها ومشيت وطول الطريق كانت بتحاول تعرف مني إدريس قلي إيه. لكني معرفتهاش حاجة وفضلت اقفل على الموضوع.
بعد ما وصلت البيت طلع عادي ووقفت عندي شقتي لحد ما أم عبد الرحمن تطلع شقتها. وأنا كمان دخلت وقفلت الباب ورايا عشان هي متشكش في حاجة وبعد ربع ساعة خرجت تاني من الشقة ومعايا العمل اللي ادهولي الشيخ إدريس.
خطبت علي باب حماتي لاني عارفة إنها قاعدة جوه مخرجتش هي شبه البومة مش بتخرج كتير من عشها.
كانت قاعده تتابع المسلسل اللي بتحبه. طلبت منها ملح لان الملح بتاعي خلص‘ شاورتلي علي المطبخ من غير ماتتحرك من مكانها.
وهو ده المطلوب ‘انا مش عايزاه تقوم ‘دخلت المطبخ ودورت على مكان ينفع أحط فيه العمل.
حطيت العمل في مكان أمان جداً. واخدت الملح وخرجت بسلام وحماتي لسة قاعدة منسجمة مع التلفزيون. وانا خارجة لقيتها بتبص لى بصة في قرف وكأني قتلت ابنها مثلاً. لقيتي بقول لنفسي والله تستاهلي اللي هيحصل فيكي يابومة.
سيبتها وطلعت علي شقتي وجهزت الاكل واخدت دوش كمان عادي كأن مفيش اي حاجه حصلت وفضلت مركزة مع اي صوت ييجي من شقة حماتي لكن مفيش حاجة الدنيا هادية وعادية. فضلت ساعات علي الحال ده لدرجة إني قلقت تكون ماتت ولا حصلها اي حاجه بسبب العمل ده. وعشان كده اتصلت عليها واتحججت بانى بسالها اذا كان نبيل هيتاخر النهارده ولا لا.
بس لقيتها بترد عليا عادي ومفيهاش اي حاجه. اطمنت بصراحه لانى عايزاها تتعذب شوية لكن مش تموت وأشيل أنا ذنبها واعيش العمر كله بتعذب من الذنب ده. مش هتعذبني وهي عايشة وهي ميتة كمان..
رجع نبيل من شغله جهزلته الاكل واكلنا ودخل نام هو لكن قعدت انا استني إن أي حاجة تحصل لكن برضه مفيش‘ غلبني النعاس وأنا قاعدة منتظرة وقررت أدخل أنام.
شكل الشيخ إدريس طلع خايب وملوش لازمة.
دخلت اوضتي ونمت جنب نبيل علي السرير.
فجاة سمعت صوت صراخ عالي جداً قمت مفزوعة من النوم لكن المرادي مكنتش لوحدي محمود هو كمان صحى قولتله هوانت سمعت حاجة؟
قالي ايوه سمعت صوت حد بيصرخ.
-عشان تصدق إني مش مجنونة وإن كل يوم بالليل بيكون في صوت صراخ مرعب.
بصلي بدون مايرد علي كلامي وخرج يدور في الشقة عشان يشوف الصوت جه منين.
الصراخ رجع تاني وبصوت أعلى المرادي.
بصلي برعب وهو بيقول الصراخ جاي من شقة أمي. ونزل يجري على السلم عشان يلحق امه
وأنا روحت وراه وبحط ايدي علي بوقي وبحاول إداري ضحكتي.
دخلنا الشقة وكانت حماتي منكمشة على نفسها في زاوية صغيرة وعماله تصرخ وتقول تعبان ‘تعبان كبير اوي كان هيموتي‘ جسمها كان بيرتعش و العرق على جبينها وعيونها كانت بتلف في الاوضة كلها برعب. كل دي حاجات تأكد إنها عاشت ليلة مرعبة فعلاً ‘ شكراً ياشيخ ادريس طلعت سرك باتع مش مجرد نصاب وخلاص. أول مرة أشوفها خايفة ومرعوبة بالشكل ده. بس حسيت بسعادة كبيرة إنها بتشرب من نفس الكأس اللي كانت بتسقيني منه.
حاول نبيل يشيل امه ويدخلها اوضتها لكنها كانت مرعوبة فعلاً ومش قادرة تتحرك وكل مانبيل يحاول يشيلها تذقه بعيد عنها وتصرخ في وشه
” سيبني في حالي انت السبب أنت اللي عملت كل ده سيبني في حالي. يارتني ماسمعت كلامك. بصلها نبيل بغضب وكأنها قالت حاجة مينفعش تتقال ومسكها غصب عنها وشالها دخلها اوضتها.
أول مرة في حياتي اشوف نبيل بيعامل امه بالطريقة دي.
مكنتش فاهمة وحاسة إن في حاجة غريبة بتحصل.
وبدأت حالت حماتي تسوء يوم بعد يوم. كل يوم بالليل وفي نفس المعاد نسمعها بتصرخ باعلى صوت. ولما ننزل نشوفها بلاقيها مرعوبة ومش قادره تاخد نفسها حتى.
وكل مرة كنت بحس في عنيها بكلام كتير عايزة تقوله ليا.
لكن نبيل كان بيسكتها.
ويدخلها اوضتها غصب عنها.
وفي يوم منا نايمين كالعادة وسمعت صوت صرخة جامدة اوي.
قمت مفزوعة من النوم وجريت بسرعة حتي قبل ما نبيل يتحرك من مكانه.
ونزلت عند شقة حماتي لاني عارفة إن الصوت جاي من عندها.
حاولت افتح الباب لكنه كان مقفول من جوه.
ذقيته مرة واتنين لكن مفيش فايدة.
لقيت نبيل نازل ورايا.
ومن غير ما اتكلم فهم إن الباب مقفول وانا مش قادره افتحه.
خبط الباب برجله كسره.
ودخل يجري على جوا. وانا من وراه
لقينا حماتي مرمية على الأرض وعنيها مفتوحة ومبحلقة في السقف وكأنها في غيبوبة.
جريت علي المطبخ جبت ميه واديتها لنبيل.
وبدأ هو ياخد من الكوباية ويرش على وشها عشان تفوق.
بعد شوية فاقت وفتحت عينيها. وكانت مرعوبة ومش قادرة تتكلم.
وبتبصلي بخوف كده كأنها شايفة عفريت قدامها.
وفجاة عنيها اتملت دموع وقالت تعالي ياابتهال انتي لازم تعرفي كل حاجه، انا اتأكدت إن كل اللي بيحصلي ده بسبب اللي عملته معاكي، وعشان كده انا عايزة اخلص من الذنب ده واعرفك كل حاجه.
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية السر القديم)
