رواية نور القلب الفصل الرابع 4 بقلم إيمان السيد
رواية نور القلب الجزء الرابع
رواية نور القلب البارت الرابع
رواية نور القلب الحلقة الرابعة
-احمد : ايه يا بنتي ايه الخضة دي شوفتي عفريت ولا ايه؟
-نور : لا ولا عفريت ولا حاجه بس مكنتش متوقعة خالص
-احمد : حصل خير يا ستي بصي بقاا انسي انك تعرفيني اصلا واحنا دلوقتي في رؤية شرعية وربنا يقدم إللي فيه الخير..
-نور : لهو انت فاكر انى هديك نقط ذيادة عشان انت اخو صحبتي وكدة لا لا معنديش الكلام ده
-احمد : نقط!! احنا في امتحان ولا ايه..
-نور : طبعاً مش فيه اسئلة للرؤية الشرعية لازم تجاوب عليها وعلى أساسها هحدد إذا كنت تنفع اب لاولادى قبل ما تكون جوزي ولا لا وهل هتتقي الله فيا ولا لا لازم اعرف اكيد بص يا استاذ احمد الجواز زيي البطيخة يا تطلع حمرا يا تطلع قرعة😂 سوري يعني بس بصراحه ده مستقبل عيلة بأكملها
-احمد : اكيد.. اتفضلي اسألي براحتك
-نور : نبدأ بسم الله..
-ملحوظة يا جماعه انا كتبت اسئلة الرؤية الشرعية في الحقيقة عشان كلنا نستفاد وهو ده الصح عمتاً تمام يلا نكمل
-- ايه مفهوم القوامة بالنسبة لك؟
-احمد : طبعاً دى معروفة ربنا ذكرها في القرآن الرجال قوامون عن النساء القوامة في كل حاجه يعنى انا اتكفل بالمصاريف وانا اكون بالنسبالهم الأمان والحماية والسند القوامة في كل حاجه عمتاً بس ده طبعاً برا عن اني اكون انا الراجل وسي السيد وهي أمينة لا هى معززة مكرمة وهي بنت الناس والرسول وصاني عليها فلازم اتقي الله فيها القوامة اني اكون راجل بالمعني مش كلمة وبس وقعد يتكلم وبصراحة اخد النقط كاملة في أول سؤال
2- شايف تربية الأطفال مسؤولية مين اكتر ؟؟
– طبعاً مسئولية الاتنين مينفعش واحد منهم يسيب الحِمل كلو على التاني كده يغرق والتاني طاقته هتخلص وهتُستنزف وكل ده طبعا هينعكس بالسلب على الأطفال وهما اللي هيدفعوا التمن لازم الاتنين يتشاركوا في كل حاجه في التربية من الالف الي الياء عشان يطلعوا اطفال سويين نفسياً
– نور في دماغها : برضو النقط كاملة الاااااه
3- بتسمع وتقرأ لمين ، وليه ؟
– بحب الشيخ محمد الغليظ ، ودكتور عبدالله رشدي ، وفيه دكتور حازم شومان ، والساخر الهادف ، امير منير وليه دي بقاا بترجع للراحة النفسية اللي بتحسها وانت بتسمع لحد فيهم ومن النساء طبعاً دكتورة هالة سمير بارك الله فيها ولو من الشيوخ في القرآن وكدة الشيخ ماهر المعيقلي
– نور في عقلها : لا كده كتير هو جاي حافظ الاجابات ولا ايه برضو النقط كاملة
4- ناوي تربي أطفالك علي ايه؟
– علي طاعة الله ورسوله وعلى صلة الرحم وبر الوالدين وغيرو وغيرو كتير من الخصال اللي الرسول صلى الله عليه وسلم قال عليها
– نور في سرها : برضو لا تعليق
5- لو حصل بينا مشكلة شايف الأمر بيتحل ازاي ، وهل ساعتها هتسمح لحد يدخل بينا ؟
– بصراحه شايف إن كل طرف يهدى لأن وقت الغضب الشيطان بيتمكن مننا جدا فلازم نهدا الاول وبعدين كل طرف يكون معترف بغلطه وميكابرش وانه يكون معتقد إن هو وبس اللي صح لا ممكن يسمع عادى ويتقبل عادي ويعتزر عادي جدا ومش شرط يكون واحد هو الغلطان ويعتزر ممكن التاني يكون مش غلطان وهو اللي ينهي المشكلة والتاني هيشيلهالوا جِميله على دماغوا وهيبقي حريص انه ميزعلوش، لا مبحبش كدة المشكلة تفضل ما بينا لحد ما تتحل ومفيش مخلوق يعرف عنها حاجه مبحبش اسرار بيتنا تطلع برا
– نور في سرها : لا دا انت كده شكلك مخاوي عارف كل الاجابات كدة ازاااي؟؟!!
6- مفهومك ايه عن بر الوالدين ، وهنا هتعرفي نقطة البر عنده و هل هو بار بأهله ولا لا ؟
– بر الوالدين ده حاجه عظيمة جداً لان ربنا وصانا عليهم في القران الكريم ولا تقول لهما آف وقل لهما قولا كريماً ولا تنهرهما وقل ربِ ارحمهما كما ربياني صغيرا يعني لازم لازم لازم نحترمهم ونقدرهم ونشيلهم فوق دماغنا مش واحد بس لا هما الاتنين ونسمع كلامهم ونوقرهم ونشيلهم على دماغنا لحد ما يموتوا ونعيشهم عيشه كريمه زي ما هم عملوا معانا وربونا واحنا صغيرين وابدا ابدا ابدا ما ينفعش نزهق عليهم لو كان حد فيهم مريض او فيه علة او اي حاجه لا بالعكس لازم نعمله بالراحه زي ما كانوا بيعملونا واحنا اطفال وبيفضلوا يلاعبونا ويعملولنا اللي احنا عايزينه وهكذا
– وحابة اذكر موقف أحد الأشخاص البارين وهو الدكتور:
– ” محمد راتب النابلسي”
مراته بتحكي وتقول إنه دكتور محمد وصل لدرجة كبيرة جدا من البر بوالدته وكان بيراعيها جدا وبيخاف على راحتها جدا وبيحاول علي قد ما يقدر إنه يسعدها حتي إنه في مرة وهو بيسرح ليها شعرها وجعها فخاف عليها.. وجاب ليها مشط من الورق المقوى عشان يكون ناعم عليها و خاصة أنها تعرضت لحادث سير شُلت فيها جميع أطرافها حتي أنه بالرغم من إنه كان مشغول جدا مكنش بيقصر في حقها ابدا حتي ظننتُ أن بِره وطيبة قلبه تكفي جميع العاقين .
7- ايه الصفات اللي تحب تكون في زوجتك ، وايه الصفات اللي تكره تكون فيها؟؟
– تكون تقية نقية تتقي الله فيا وفي اهلي وتكون محترمة ملتزمة بأوامر الله ورسوله مرتدية اللبس الشرعي اللي ربنا أمرنا بيه ،،، مبحبش الست اللتاته واللي بتنم وتغتاب وتنقل الكلام وغيرو كتير من نفس الصفات دي.
9- حابب لبس زوجتك يكون ازاي ، وليه ؟
-زي ما قولنا فوق اللبس الشرعي اللي ربنا أمرنا بيه.
10 – نيجي بقا لآخر واهم حاجه التدخين
– عمرك دخنت قبل كدة
– احمد : لا الحمد لله
– نور : ورأيك فيه ايه؟ هل موافق انه حرام لانه بيأذي الصحة وأن المفروض إن لبدنك عليك حق وكدة
– احمد : آه طبعا موافق على انه حرام ومش بشجع إن حد يشربها وربنا يتوب علي الناس اللي بيشربوها
– نور : تمام يا احمد هصلي استخارة وابلغك وربنا يقدم إللي فيه الخير بعد اذنك
– احمد : اتفضلي
– خرجت نور والباقي دخلوا وقعدوا شوية وبعدين مشيوا نور اول ما خرجت راحت لتقي كانت هتجيبها من شعرها ( عنيفة اوي نور دي😂 )
– نور : انتي يا كلب البحر يا اللي اسمك زفت تقي مقولتليش ليه أن اخوكي هو العريس
– تقي : عشان تبقي سربرايس يا نوري وتتفاجئي وانا افرح فيكي اصدي ليكي 😂
– نور : بس الله يخربيتك انا متوترة خلقة انا معرفش ازاي جتلي الجرأة افضل قاعدة كدة ونازلة فيه اسئلة بس الغريبة يا بت يا تقي إن اخوكي جاوبها كلها صح ويكأنه مكشوف عنو الحجاب بت يا تقي اوعي يكون مخاوى الله يخربيتك
– تقي : بس يا مجنونه ايه الكلام ده يا بت
– نور : امال جوبهم كلهم صح كدة ازاي
– تقي : وليه متقوليش توفيق ربنا مش اكتر وإن انتوا إن شاء الله نصيب بعض
– وشوية سمعناهم بينادوا علي تقي عشان يمشوا ومشيوا الحمد لله قعدت افكر شوية وبعدين قلت ليه لا طالما إنسان كويس وبما أن كان وارد جدا يكون شخص غيره وانا مكنتش عايزة شخص بعينه ليه لا
– وقامت نور اتوضت وصلت صلاة الاستخارة وقالت :
– «اللهُمَّ إنِّي أسْتَخيرُكَ بعِلْمِكَ، وأسْتَقْدِرُكَ بقُدْرَتِكَ، وأسْألُكَ مِنْ فضلِكَ العَظِيم، فإنَّكَ تَقْدِرُ ولا أقْدِرُ، وتَعْلَمُ ولا أعْلَمُ، وأنْتَ عَلاَّمُ الغُيوبِ، اللهُمَّ إنْ كُنْتَ تَعْلَمُ أن هذَا الأمرَ -الحاجة اللي انت عايزها- خَيرٌ لي في دِيني ومَعَاشي وعَاقِبَةِ أمْري عَاجِلهِ وآجِلِهِ فاقْدُرْهُ اللهم إن كنت تعلم أن هذا الأمر خير لي في ديني ومعاشي وعاقبة أمري ، وعاجله وآجله ، فيسره لي ثم بارك لي فيه وإن كنت تعلم أن هذا الأمر شر لي في ديني ومعاشي وعاقبة أمر وعاجله وآجله فاصرفه عني ، واصرفني عنه ، وقدر لي الخير حيث كان ، ثم رضني به. ويشرع في قراءة هذا الدعاء بعد الانتهاء من صلاة الاستخارة والله أعلي و أعلــم.
– نور بعد ما خلصت صلاة قعدت تذكر ربنا شوية وبعدين قامت نامت وصحيت الصبح مرتاحة عادى مش مقبوضة ومفيش حاجه خوفتها..
– نور خرجت تساعد مامتها في تجهيز الفطار
– نور : صباح الخير يا ست الكل يا سكره انتي
– كوثر بسعادة : يا بكاشة، يجعل ايامك كلها سعاده بس ايه سر السعاده دى هي الصنارة غمزت ولا ايه
– نور : ايه ده يا خراااشي دى الأمومة بقت في إجازة امااااه اتقي الله
– كوثر : اختاااه روحي صحي ابوكي اجري
– نور : انا بقول كده برضو
– بتروح نور تصحي والدها الحاج صلاح
– نور وهي بتخبط على الباب : بابا صلاح اصحي يلاا يا بوب الفطار جهز
– صلاح : فتح الباب وهو بيقول انتي فكراني بنام قد حمار زيك ولا ايه انا صاحي من بدري يختي
– نور بزعل مصطنع : انا بنام اد حمار مشكور يا حاج كلك ذوق يا ابن الأصول
– الحاج صلاح : علي ابوكي يا نوري
– نور وهي بتضحك : لا مقدرش بصراحة يلا بقاا احسن زمان ماما هتيجي تاكولنا دلوقتي انت متأكد انها امى مش مرات ابويا 😂
– الحاج صلاح: خليها تسمعك وشوفي هتعمل فيكي ايه
– نور : لا وعلى ايه انا عيلة اصلا وبرجع في كلامي عادي
– الحاج صلاح وهو بيضحك طيب يلا يا قدري وبختي
– نور : اكيد بختك حلي بيااا عارفه عارفه لا داعي للتصفيق
– الحاج صلاح: لا انا كدة هسيب كوثر عليكي وهي تتصرف بطريقتها وراحوا عشان يفطروا وبعد الفطار الحاج صلاح لنور، يا نور فنجان قهوه وتعالي عايزك
– نور : حاضر يا بابتي هواا وهتلاقيني وراك
– قامت نور عملت القهوة وخدتها وراحت لباباها
– الحاج صلاح: تسلم ايدك يا غالية اقعدي يا حبيبتي
– نور : ألف هنا على قلبك
– الحاج صلاح: ها يا حبيبتي قررتي ولا
– نور : هو بص الصراحة انا صليت امبارح صلاة الاستخارة ونمت وصحيت وكنت مرتاحة بس بقول استني يومين كمان كدة عشان ابقي متأكدة مية فالمية
– الحاج صلاح: ماشي يا حبيبت قلبي ربنا يكتبلك الخير حيث كان ثم يرضيكي به
– نور : اللهم آمين يارب ربنا يتقبل
– وقامت نور اتوضت وصلت وقرأت شوية قرآن وبعدين قامت للمهام المنزلية المعتادة يوم الجمعة..
– كوثر : ياااااا نووووووووور تعالي يا حبيبتي عشان نشوف هنعمل ايه
– نور : مبقلقش غير من الكلمتين دول عشان بعديها بتمرمطيني انا وكرامت كرامتي
– كوثر : يلاا يا نور بلاش دلع ادخلي لمي الغسيل اللي على الحبل نشرته الصبح بدري زمانه نشف وطبقيه وتعالي طلعي اللي في الغسالة وانشريه وروحي اكوي عباية ابوكى عشان هيروح يصلي فيها وبعدين اكنسي الشقة كدة على السريع هي نضيفة بس عشان لو كان في حبة تراب كدة ولا كدة وبعدين تعاليلي على المطبخ عشان نشوف هنعمل ايه
– نور وهي فاتحة بوقها من الصدمة : مش عايزهDVD بالمرة دا انا لو روبوت هتخافي عليه اكتر من كده يا ماما يا اللي المفروض نبع الحنان ده المفروض بس انتي شكلك ليكي رأي تاني
– كوثر : الشبشب بقاا ليه رأي تالت وانا هنا ديمقراطية بحب كل واحد يعبر عن رأية بحرية وأكيد مش هتيجي على الشبشب وامنعه إذا كنت خليتك انتي بذات نفسك تعبري هتيجي علي الغلبان
– نور : ثواني بس معلش انتي حطاني انا والشبشب في نفس المكانة
– كوثر : لا يا عمري هو اعلي منك شوية علي الاقل ليه فائدة لكن انا ايدي منك والأرض
– نور : ثواني بس الله يسترك أما ادور على جبهتي مش بقولك كرامتي وكرامت كرامتي اتحسبن على مين عليكي ولا على الشبشب
– كوثر : الاتنين يا روحي يلا اتكلي على الله وشوفي انا طلبت منك ايه
– نور : حاضر
– كوثر : متنسيش تصلي على الرسول كتيير انهارده الجمعة يا نوري
– نور : حاضر يا قلب نورك
– وبدأت نور تعمل اللي انطلب منها ولسانها بيردد آيات من الذكر الحكيم
– كوثر : يا نوور
– نور : نعم يا ماما
– كوثر : قرأتي الكهف يا بنتي
– نور : آه يا حبيبتي الحمد لله
– كوثر : بارك الله فيكي يا حبيبتي
– وخلص اليوم بكل ما فيه وبليل نور اتوضت وصلت وقالت الدعاء تاني ونامت وانهاردة برضو صحيت مرتاحة لبست وراحت الكلية قابلت تقي
– تقي : نوري عاملة ايه يا روحي
– نور : مخصماكي على فكره
– تقي : ليه بس كده
– نور : امبارح ولا اتصلتي بيا ولا بعتيلي رسالة ولا اي حاجه خالص كدة
– تقي : والله مرضتش اتصل بيكي عشان مضغطش عليكي لاني مكنتش هقدر اوقف كلام واسئلة عن الموضوع ده فقولت اسكت احسن
– نور : خلاص سماح المرادي
– تقي : هااا بقاا قررتي
– نور : شكلي كدة والله اعلم هوافق
– تقي : الله هو ده الكلام التمام مبروك يا مرات اخويا
– نور : قوام كدة خليتيني مرات اخوكي
– تقي : متقطعيش بس إن شاء الله وكملوا اليوم ما بين ضحك وهزار ومحاضرات وبعدين كل واحدة راحت على بيتها
– نور : السلام عليكم يا اهل الدار
– اهلها : وعليكم السلام ورحمه الله وبركاته
– نور : كوكي انا ميته من الجوع
– كوثر : مستنيينك يلا هغرف عقبال ما تغيري وتصلي
– نور : اوك يا جميل
– وتروح نور تغير وتتوضي وتصلي وتروح تاكل وللمرة التالتة تتوضي وتصلي ركعتين الاستخارة وتقول الدعاء وبعدين تنام
– بتشوف نور رؤيا إن احمد بيديها فستان ابيض فبتصحي نور الصبح مبسوطة وخلاص مقررة أنها بإذن الله هتوافق
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية نور القلب)
