رواية حكاية رزان الفصل الثاني 2 بقلم لمياء
رواية حكاية رزان البارت الثاني
رواية حكاية رزان الجزء الثاني
رواية حكاية رزان الحلقة الثانية
.. فاق يوسف من تفكيره ع صوت حد بيخبط مين؟
=ممكن ادخل؟
يوسف: اتفضل
_ سعد: ممكن نتكلم في موضوع
يوسف ب استغراب: طبعا يبابا خير
سعد : جدتك يسيدي مصره انك تتجوز وقبل مترفض انت عارف ازاي هي بتحبك وعايزه مصلحتك
يوسف :بلاش شغل الافلام القديمه ده يحج لاني مش صغير عشان تغصبني اتجوز وقولتلك مليون مره مش عايز
سعد:بس المرادي مختلفه غير كل مره بنت عمتك ملهاش حد غيرنا دلوقتي بعد مرجعت مصر وجدتك عايزه تطمن عليها وع فكره احنا قررنا خلاص يعني رايك مش هيفرق انا ببلغك بس
: انت عايزنى اتجوز رزان يابابا رزان
قالها يوسف بغضب لابوه ال واقف بيكلمه
سعد ب استغراب : أيوه مالها رزان أدب وأخلاق وجمال وخفه دم طب والله خساره فيك وبعدين انت عرفتها منين
يوسف بانفعال:شوفتها النهارده دي هبله
والده : ولد عيب ماتتكلمش على بنت عمتك كده
اخر كلام كتب الكتاب يوم الخميس ال جاي خلصنا
جه صوت واحده بتزغرط :اخيرا هشوفك عريس لولولولولوليي ودي خديجه والدت يوسف
يوسف :خلتوني عريس خلاص
جت ريماس : اي يماما جالي عريس ولا حاجه بتزغرطي ليه
ضحكو كلهم على ريماس
سعد بضحكه :مستعجله على الجواز ليه يست ريماس وانتي لسه اولى جامعه
ريماس بهيام :يوه يبابا هي الست مننا ليها اي غير بيت جوزها وعيلين يملو عليها البيت واكلمو بصوت شتوي كده واقولو يفرعوني الكبير
سعد :ب استغراب مالها دي
خديجه :لا يموكوسه مش عريس ده اخوكي هيفرحنا وهيتجوز
ريماس :يعني هبقا اخت العريس بقا وكده لازم ابقا اجمد واحده في الفرح عشان يجي عرسان بقا يماما واجي واقولك عريس يماااااي عريسسس وبدات تغني وادوني على بيت حبيبي نعيش مع بعض فيه
خديجه بجديه :بسسسس خلينا ف اخوكي مش هتبقي انتي وهو عليا
سعد: وانتي بقا يست ريماس لما عايزه تتجوزي اوي كده بترفضي كل الي بيجولك ليه
ريماس سرحت وبحزن حاولت تخفيه بهزار :اصل يسي سعد مفيش ولا واحد منهم شبه تاي ولا حتى جونغكوك متخيل
سعيد ب استغراب يطلعو اي دول اسماء جن ولا حاجه
ريماس :ياه ده موضوع كبير اوي المهم مين العروسه بقا
يوسف :واحده لسه اول مره اشوفها النهارده من شويه عايزين يلبسوهالي يستي
ريماس بضحكه عاليه:شكلها معنسه ي باشا ومين سعيده الحظ الي هتاخد يوسف بقا
سعد:رزان بنت عمتك
ريماس:يابن المحظوظه ي فوزي وصفرت بدهشه وقالت دي جمل يابا الحج جمل
خديجه بصدمه :شوف البت تربيتك يسعد بتقول اي
سعد: بضحك هي تربيتي لوحدي وبعدين مش عندك امتحانات روحي ذاكري
ريماس: اذاكر اي بقا كل سنه وانت طيب اروح انا بقا اجهز الفستان من دلوقتي وجريت وهي بتقول
نحنا ما عنّا بنات
تتوظّف بشهادتها
عنّا البنت بتدلّل
كلّ شي بيجي لخدمتها..
وبعد نقاش طويل بين يوسف وسعد وخديجه..
اقتنع
طلعوا من اوضت يوسف
قفل يوسف الباب ونفخ بضيق ماشى يارزان ده انتي هتشوفي ايام زي وشك
نروح عند رزان
رزان بردح : نننننعم مين دي الي تتجوز يتيته ويوم متجوز اتجوز يوسف ده انا شوفتو مره عميه وياريت بصلي كويس ده كل شويه يبصلي من فوق لتحت متقوليش اكلت ورثه هو اه واد قمر كده ف نفسه وكاريزما وعيونه يخرابي دوخوني بس كلو الاكرامتي يشيماء
جدتها: يخربيتك ده انتي واقعه خاالصص
ريماس دخلت: يالهووي يالهووي الحقي يتيته لمي الفضيحه دي البت واقعه وقالت ب لهجه صعيديه كلوو الا العاار ي سمرر يننجوزوهم ينق*تلوهم
سمر بنفس الهجه: صوح الصح يبتي
رزان بصوت عالى : خلاااص انتو بتقولوو كلام غريب يتيته بقا لسه جيالكو من سفر بدل متخدوني ب الاحضان
عايزين تجوزوني ومين البني ادم الي بوزو شبرين ده
ريماس بغمزه: مش ده ابو عيون بتدوبك
سمر كتمت ضحكتها بالعافيه وقالت بجديه : مالو الي بوزو شبرين قصدي يوسف حلاوه ورجوله وبيحبك
رزان بشهقه : نننعم بيحبنى !!! ده انا لسه شيفاه امبارح حب من اول نظره ده طب مش متجوزه ولو غصبتو عليا هلم عليكو الناس ويخ*رااابي الحقوني يناااس
جدتها خرجت وهي بتقول : عوض عليا عوض الصابرين يارب
___صلوا على شفيعكم 🤍🤍🤍🤍✨
تاني يوم
الكل بدأ ف التجهيزات لكتب الكتاب
سمر :تفتكر يسعد اني بظلمها
سعد :مش عارف يماما بس ان شاء الله هيحبو بعض ويوسف هينسى
______عارفه دلوقتي انتو بتقولوا يوسف هينسى اي بس هتعفرفو مع الاحداث مش دلوقتي 😂
يلا نكمل 💁
يوم الخميس
ريماس :رحمه هتجنن مش عارفه البس ايييي ده ولا دهه ولا ده
=خلاص روشتيني البسي دهه حلو ياريماس وانجزي عشان ننزل
:طيب طيب هلبس اهو
رحمه :طيب هطلع البلكونه ع متخلصي اشوف بيعملو اي تحت
بعد لحظات دخلت بصدمه ريماس الحقي
ريماس :ب استغراب في أي
رحمه:عمار جه تحت
ريماس بحزن :طيب اعملو اي اكيد يوسف عزمه وبعدين حاولت تخفي حزنها وقالت الحق البس
رحمه بزعل ع صحبتها :تمام يقلبي
___نروحلهم تحت بقا 🚶
___عمار بحقد :الف مبروك ي يوسف
_____عمار ده بقا حكايته حكايه وهنعرفها مع الاحداث 🌚_
يوسف :عبالك يصحبي
رزان كانت داخله عليهم وكانت لابسه فستان ازرق لايق مع عيونها الزرقاء الي بيسحرو اي حد وشعرها الدهبي مع تسريحه بسيطه مبينه طولو وجمالو كانت شبه الملاك
واول ما يوسف عينو وقعت عليها سرح ف جمالها وقال ف نفسو هي ازاي كده
تحت انظار عمار الي كان هيكلها بعيونه
قربت رزان وسلمت ع عمار وقالتلو مش معقول صدفه حلوه اوي اني اشوفك هنا
عمار ب ابتسامه صفره مبروك بس انتي ازاي مقولتليش انك نازله مصر
رازان: الموضوع جه فجأه انا نفسي مكنتش عارفه اني هنزل
يوسف ب استغراب: انتو تعرفو بعض
رزان: اه طبعا يوسف يبقا ابن اقرب صاحب ل بابا وانا وهو نعرف بعض من زمان اوي
يوسف بغيره من نظرات عمار ليها: طيب كنت عايزك في حاجه ثانيه وشدها بعصبيه
=جراا اي يجدع انت شادت بقرا وراك مبرااحه
يوسف: انا مش موافق ع الجوازه ديي
رزان بصتله بتحدى وقالت : يعني أنا ال واقعه فيك ايه فاكر نفسك توم كروز
يوسف بصلها من فوق لتحت : بقا الطفله دي هتبقا مراتى مش هتجوز
رزان: الجوازه دي مش هتتم يعني مش هتتم ادفن زهره شبابي مع واحد شبهك
__بعد لحظات ….
: بارك الله لكما وبارك عليكما وجمع بينكما في خير
المأذون قال الجمله دي وارتفعت الزغاريط
جدتها حضنتها: مبروك ياحبيبتى عبال مشوف ولادكم قدامي
رزان: ولادنا مره واحده
ريماس: وهي بتبص ل عمار بخيبه امل كبيره من بعيد
وعمار لمح نظراتها قرب عليها وقالها ايدا ريماس مش معقول كبرتي واحلويتي ويترى عقلتي ولا لسه زي ما انتي
ريماس وهي بتحاول تتماسك والدموع فعيونها: كلو بتغير مع الزمن بعد ازنك ورايه كام حاجه
_نروح للعرسان بقاا 👀..
رزان بصتلو بق*رف وقالت : جوازه مهببه
يوسف بصوت واطى : مبروك ياعروسة الندامه هتشوفي ايام عنب وبعدين اي القرف الي عملاه ف شعرك ده والفستان شكلو بايخ ع فكره
ببرود : الله يبارك فيك ياعريس مش بهتم بكلام الحاق*دين ع فكره
: هتندمى على ايامك كلها
رزان بسخريه : هه هنشوف مين الي هيندم ياكتكوتي
يوسف باستغراب: كتكوتكك
رزان: وانت تطول تبقا كتكوتي
لسه هيرد سمعو صوت مش غريب عليه بيقول بيقول
يوسف كده برضوا تكتب كتابك من ورايه
رزان بصت بصدمه
البنت همست ف ودن رزان : انا ….
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية حكاية رزان)
