رواية هو الخائن الفصل الخامس 5 بقلم أميرة محمد
رواية هو الخائن البارت الخامس
رواية هو الخائن الجزء الخامس
رواية هو الخائن الحلقة الخامسة
ليان بصدمه : روجدا انتي بتعملي اي هنا
لتنظر لها الاخري بأستفزاز وهي تقيمها من اعلي لاسفل لتجلس أمامها وهي تضع قدم علي اخري : لما جيت هنا مصدقتش اشوفك تاني ولما سمعت اسمك بره برده قلت يمكن غيرها بس صدمتيني باللي حصل
لتنظر لها ليان بعدم فهم : انتي بتعملي اي هنا ازاي دخلتي بعدين دي مش شقتنا حتي عرفتي اني هنا ازاي
لتبتسم روجدا ببرود وهي تنظر لها : متقلقيش مش جايه عشانك كنت جايه عشان شغل بس لما وصلت وكانت نفس العماره ونفس الاسم سمعته بيتكرر كتير فضولي خدني لغايه لما شفتك وانتي بتديله الخاتم
لتبتسم وهي تتابع بخبث : او الخاتم المزيف تؤتؤ مكنتش اعرف ان العرق دساس برده وان العيب اللي كرهتيه فيا هتلاقيه فيكي وبزيادة
لتنظر لها ليان بحقد وهي تقول : انتي جايه عايزه اي واي فكرك بيا بعد الوقت ده كله وبعدين اوعي تشبهيني بيكي مهما عملت مش هوصل ليكي
لتضحك روجدا بشده وهي تقول : مشبهكيش اي بس واحده بتحاول تاخد خطيب صاحبه عمرها منها وبتعمل ان محدش هيحبها قدها وتقوليلي مش شبهي ده انتي عدتيني بمسافات
لتنظر ليان حولها بخوف وهي تسحب روجدا لتخرج من الغرفه لتصعد بها دون انتباه احد وتغلق الباب لتتنفس سريعا
روجدا بسخريه وهي تنظر للشقه : والله زمان يا بنت خالتي الشقه اللي ممنوعه ادخلها دلوقتي بنفسك دخلتيني فيها
لتنظر لها ليان بصمت لثواني لتقول فجاه : اياكي حد يعرف باللي حصل تحت واللي بينا راح عليه زمن بلاش نفتح في القديم لا تعرفيني و لا اعرفك
لتضع روجدا يديها علي قلبها بدراما وهي تقول : اه قلبي وجعتيني اوي بقي ده كلام يتقال لرفيقه عمرك نسيتي ان دايما مكناش بنفارق بعض زمان تصدقي أن هديل معرفتنيش بس هي هتعرفني منين مشافتنيش غير كام مره وكنا صغيرين اوي بس معلش الايام جايه
لتقترب ليان منها وهي تنظر لها بحقد : اسمعي اللي هقوله هديل تستاهل كل اللي حصل فيها انا معملتش حاجه غلط هي غلطت معايا فياريت متدخليش فحاجه متخصكيش
لتنظر لها روجدا ببرود وهي تقول : وانا مالي بكل اللي تقوليه تعرفي لما سمعت اسمك تحت قلت لا مستحيل بس شوفتك قبل ما الكهربا تقطع وانتي رايحه ناحيه العدادات من ورا ولما لحقتك الكهربا قطعت صحيح رجعت مكاني بس شكيت فيكي لغايه لما شفتك ومعاكي الدبله اتغيرتي يا لينو
لتضع ليان يديها علي راسها وهي تدلكه برفق : اتغيرت او متغيرتش حاجه متخصكيش عايزه مني اي ومحسساني اني هماكي ليه دلوقتي بعد اللي حصل
روجدا ببرود : واي اللي حصل معلش فكريني اصلي نسيت لتقول ليان بعصبيه: انتي نسيتي ان انتي ك….
لتقطع حديثها صوت طرقات علي باب المنزل لتنظر لروجدا سريعا التي تجلس وتنظر لها ببرود لتقول ليان سريعا : قومي بسرعه خشي جوه
روجدا ببرود : وادخل جوه ليه خايفه حد يشوفني عندك تؤتؤ مكنش العشم
ليان بعصبيه : بلا عشم بلا بطيخ قومي خشي جوه المفروض اقولهم اني عرفاكي منين وليه كل السنين دي محدش يعرفك لو كده
لتنظر لها روجدا بصمت لدقائق لتستقيم وهي تقول بهدوء: لولا الموضوع فيه مصلحتي ان محدش يكشفني دلوقتي بس
لتذهب لداخل غرفه ما سريعا لتزفر ليان بتوتر وهي تحاول اصطناع الابتسامه لتفتح الباب سريعا : اي يا بنتي كل ده بقالي ساعه بدور عليكي تحت
ليان بتوتر : معلش يا منار حسيت اني تعبانه شويه فطلعت اريح حبه لتقول الاخري بأبتسامه : طب يلا كله مستني تحت
لتومئ لها ليان وهي تقول سريعا : تمام انزلي انتي قبلي وانا هلحقك علطول معلش لتومئ لها منار سريعا وهي ترحل لتستدير ليان وهي تنظر لتلك الغرفه التي تخرج منها روجدا
ليان ببرود : عايزه اي دلوقتي واي اصلا فكل اللي حصل تحت يهمك
روجدا بلا مبالاه : كل اللي حصل تحت ميهمنيش بس تخيلي لو رحت قلت لكله الحقيقه وعرفوا حقيقتك اي هيحصل
ليان بعصبيه : لسه قايله اللي حصل ميهمكيش عايزه دلوقتي تغيري رايك وتقوليلهم ليه ها هتستفادي اي
روجدا بخبث : مش هستفاد حاجه غير اني اضرك وده قمه استفادتي بس معلش مضطره ااجل الفرحه دي دلوقتي واديكي فرصه لو مش عايزاني اقول لحد
ليان بعدم فهم : مش فاهمه قصدك اي لتقول روجدا بخبث : قصدي سهل سكوتي مقابل ياسين
ليان بصدمه : انتي بتقولي اي ياسين مين لتمسك روجدا بصوره تجمع بليان والجميع أثناء مراهقتهم وتنظر لها بتركيز وهي تقول : ياسين اخو حبيب القلب عايزه تساعديني اتجوز ياسين
______________________
أمير بضيق : يا هديل بالله معرف اللي حصل هكون عملت ده قصدا ليه انتي مجنونه لو مش حابك ومش عايزك هخطبك ليه حد ضاربني علي ايدي يعني
هديل ببكاء : انت كمان مش عايزني ازعل يوم خطوبتي و حد تاني لبس خطيبي الدبله ويومي باظ وكهربا قطعت ومبقتش فاهمه اي اللي بيحصل
ليقترب أمير منها وهو يربت علي راسها : والله غصب عني ومعرفش حصل ده ازاي ويا ستي لو عايزه نقلع الخواتم ونلبسهم تاني معنديش مانع
لتنظر له هديل بأعين دامعه وهي تقول : لا يا امير ده فال وحش متقلعش دبلتك مهما كان خلاص هي جت علي اسمي واللي كان كان
ليبتسم الاخر وهو يغمز لها بمرح : طب اي بقي مش هتحن يا جن ولا القلب مش ميال
لتبتسم الاخري عليه ليكمل الاخر بسعاده : الله اكبر يجدعان ضحكت يعني قلبها حن اهه أمال في اي بقي
لتضربه الاخري بخفه علي كتفه وهي تقول : بس بقي بطل تكسفني ليستمعوا لصوت شخص ما خلفهم : هييييح شايف يواد يا عامر جفاف عاطفي يناس حد يلحقني
عامر وهو يمسح دمعه وهميه : جتنا نيله فحظنا الهباب الواحد حاسس بجفاف هيجيب أجله السنجله معدتش نافعه لازم نخطب احنا كمان
لينظر له ياسين بأستغراب وهو يضربه علي يديه بغيظ : فوق يا غبي منت خاطب ليقول عامر سريعا بغباء : اه صحيح والله امال مالها الخطوبه مش شغاله معايا ليه
لتأتي منار خلفه دون شعوره ليقول ياسين بسخريه : طلع الدبله يخويا وهزها هزتين شكل حجارتها خلصانه
ليقول عامر بأندماج دون النظر لها : اه والله يواد يا ياسين شكلهم فعلا غشوني والدبله حجارتها فذمه الله الا بفكر ابدل البت منار واجيب واحده تانيه لاني حاسس اني اتسكيت فيها
لينظر له ياسين سريعا وهو يشير بعينيه خلفه : احم احم لينظر له عامر بأستغراب وهو يقول : يعم اسكت بلا احم احم من يوم ما خطبتها مشوفتش يوم عدل ولا في دلع ولا حنيه زي الواد امير المسهوك ده
ليضرب ياسين وجنته بنواح وهو يقول : يخربيتك يا عامر يخربييتكك يعم احم احممممم
ليحرك عامر يديه بلا مبالاه وهو يكمل بحسره: الا الواحد بيشوف المخطوبين دول عليهم شويه كلام اي حكم يا اخي وحب وحركات الا دي لبسالي الوش الخشب ده انا قربت انسي اني خاطب
ياسين بنواح : جالك الموت يا تاااارك الصلاه ابوس ايدك اسكت انت واخد حبوب الصراحه النهارده ولا اي ليعود أمير بظهره بتسليه وهو يقول : سيبه سيبه بالله ده تمن نقه اللي جايبنا ارض كلنا خليه يدوق شويه
ليحرك عامر يديه وهو يقول : يا اخي فكك يعني هيحصل اي اكتر من التدبيسه اللي حصلت مهو مستحيل الف ضهري كده و الاقيها قد….
ليصمت سريعا وهو يري منار تنظر له بهدوء وهي تضم يديها لصدرها ليبتسم وهو يكمل سريعا: قدامي مثلا شفت مش قلتلك مستحيل
منار ببرود : يلا عيد بقي كل اللي قلته ده فوشي كده تاني ليشير عامر لنفسه بغباء: انا يبنتي وقلت محصلش ده انا حتي كنت بقول لياسين يعم اسكت صدعتني من ساعتها بتتكلم وانا ساكت بسمعلك لما قربت افرقع
لتبتسم الاخري ببرود وهي تقول : منت هتفرقع من جهه هتفرقع هتفرقع متقلقش مش هضيع عليك اللحظه دي ابدا
ليبتلع الاخر ريقه وهو يقول بخوف : طيب استأذن بقي شكل العشا اذنت وانا اكره ما علي قلبي ان اصلي العشا متاخر امال
ليغمزه ياسين سريعا وهو يقول بصوت منخفض : يا غبي الساعه ١١ ونص بليل وانت صليت العشا مرتين اصلا النهارده بسبب حججك
عامر بغباء : يا راجل احلف بالله طب يجماعه يدوب بقي اروح اتوضي عشان اصلي الفجر مقولكلوش الا صلاه الفجر احب اصليها حاضر يلا سلامو عليكو
ليذهب سريعا وتلحق به منار بعصبيه وهي تصرخ به : عاااامرررر وحياه امي لعرفك لو مسكتك لهفرمك تعالي هنا قولي مين اللي مش عجباك مش كفايه مستحملاك يخويا
لينظر ياسين بتشويق لهم وهو يقول : والله وضعهم مسلي اكتر من سبيستون الا صحيح فين روجدا تكونش طمعت فحته الجاتوه اللي سبتها معاها وخدتها ومشت
لتنظر هديل وهي تضحك بشده لأمير: هموت هو احنا هنكون زيهم كده ونتخانق بالطريقه دي وتقول ان الخطوبه وحشه
لينظر لها أمير بهيام وهو يقول بحب : تؤ لاني اول مره اشوف خطوبه قمر وعسل كده بس مالها الخطوبه احلوت اوفر النهارده كده ولا هي كانت كده من زمان ولا اي
لتقول هديل بخجل : هي شكلها كانت كده بس في ناس اللي عاميه شويه ليقول أمير بضيق : في اي يجدعان كلكوا مقتنعين اني اعمي ليه
هديل بأستغراب : ليه مين قالك تاني الكلمه دي ليقول أمير بلا مبالاه : ليان قالتهالي النهارده كنا بنتكلم وقالتلي اني مش مفتح واني لو خطبتك واتحط دبلتك فأيدي مش هفتح اكتر
لتنظر له هديل بصمت دام لثواني لتقول بهدوء: اممم قلتلي طيب هقوم اجيب حاجه ناكلها سوا واجي
ليبتسم أمير بحب وهو يغمز لها : تؤ خليكي مرتاحه وانا هجيبلك كل حاجه نفسك فيها بس حبيبي يشاور لتبتسم له هديل بخجل وتنظر لاثره في شرود وتتذكر كلمات أمير عن حديثه مع ليان
_________________________
في صباح اليوم التالي
تفتح الاخري عينيها بأنزعاج من قفز الاخري فوقها بحماس لتقول بضيق : في اي يا هديل علي الصبح مالك
هديل بحماس : قومي يلااا انتي لسه نايمه يا كسوله الساعه بقت ٣ العصر ده انا اللي كانت خطوبتي امبارح محصليش كده ومنمتش قدك تقومي انتي تعمليها
لتزفر الاخري بأنزعاج وهي تحاول النهوض : طيب طيب ابعدي قايمه اهه حتي النوم طلعالي فيه زي فرقع لوز يا ستي
هديل بأبتسامه : ايوه ده لازم ولابد واكيد وكل حاجه بعدين جهزي نفسك يلا لتنظر لها ليان بأستغراب وهي تقول : ليه رايحين فين
هديل سريعا : هنروح لأمير هنعمله مفاجأه فشغله حضره المهندس ولا مره عزمني علي هناك وبما انها كانت خطوبه علي الضيق فا معزمش ناس كتير هاخد حلويات واوزع هناك واعرفهم حابه اعمل ده ونكون انا وهو سوا
لتبتلع الاخري ريقها بغضه مؤلمه وهي تحاول الابتسام : طيب انتي رايحه لخطيبك انا اي ذنبي تشديني معاكي مش لازم كل مره تقابليه اكون معاكي
لتضيق هديل عينيها بتركيز وهي تبتسم بهدوء : ليه مش انتي صاحبه عمري برده وعمرنا ما عملنا حاجه من غير بعض ولا اي يا ليان
لتنظر لها ليان بتوتر وهي تقول: اه طبعا بس يعني لتقاطعها الاخري سريعا وهي تدفعها للأمام: مبسش قومي يلا البسي عشر دقايق وهاجي اشدك اتفقنا اتفقنا يلا سلااام
لتنظر ليان لاثرها وهي تغمض عينيها لتجلس بتعب : ياربي انا اي ذنبي اني اشوفهم فكل مره لازقين فبعض ونظرات الحب اللي ما بينهم كل محاول اهدي ناري ترجع تزيد باللي بشوفه ده كان حقي وهي خدته مني
لتنظر أمامها بحزن لتستعد بعد فتره ويذهبوا سويا لتلك الشركه لتقف هديل وهي تبتسم بفرح لتقول : اوبااا بت يا ليان دي شكلها شركه مش سهله وكبيره اوي
لتنظر لها ليان وهي تومئ لها : معاكي حق مكنتش اتوقع انها كده الصراحه انتي متأكده انهم هيدخلونا لتومئ هديل بلا مبالاه وهي تقول : عيب عليكي يلا ندخل
لينظروا في ارجاء الشركه بلهفه وهم يتابعون كل انش بها بتركيز لتقول ليان سريعا : يخربيت كده دي قصر ولا شركه اي المدخل ده تحسي انك داخله قصور تاريخيه
هديل وهي تومئ بأقتناع : معاكي حق والله يبت يا ليان انا مش مصدقه ازاي عرفوا يعملوها كده وجتلهم الفكره دي
ليستمعوا لصوت ما خلفهم وهو يقول بأستغراب : هديل اي اللي بتعملوا هنا لتلتفت الفتاتين سريعا لتبتسم هديل وهي تركض لأمير وتمسك بيديه سريعا لتقول بسعاده : مفاجأه
أمير بصدمه : مقولتليش انك جايه ليه كنت علي الاقل استنيتكوا وبعدين افرضي مكنتش هنا انتي عارفه اني بروح الموقع كل شويه
لتبتسم الاخري وهي تقول سريعا : يعم متقلقش منا عرفت من عامر بعدين حبيت نوزع الحلويات دي بمناسبه خطوبتنا عليهم ومنها اتعرف عليهم برده مفرحتش ولا اي
ليمسك أمير يديها بحب وهو يقول : ودي تيجي دي الشركه كلها نورت ومش مصدق نفسي لتبتسم هديل بخجل وهي تتابع نظرات ليان الحزينه لتكمش حاجبيها بأستغراب
أمير بسعاده : ليان هانم جايه كمان دي مش الشركه بس اللي نورت دي الدنيا كلها لتبتسم ليان بحزن واضح وهي تقول : واضح يا سي أمير من لقي احبابه نسي أصحابه
ليترك أمير يد هديل سريعا وهو يذهب ناحيه ليان ليضع راسها اسفل ذراعه كعادته ليقول بمزاح : يا جدع يا بتاع الصعبانيات يا جميل متقولش كده يا شيخ
لتبعد هديل يد أمير عنها وهي تحاول الابتسام لتقول : أمير مينفعش كده احنا في الشركه مش مكان عادي وبعدين الناس تفكر اي انا خطيبتك مش هي
لتنظر ليان سريعا لهديل التي تناظرها ببرود ليقطع أمير ذلك التواصل وهو يقول بأحراج : معلش يا جماعه بس انا متعود اعمل كده مع ليان ومخدتش بالي تعالوا يلا نوزع الحلويات عليهم
لتقول ليان بضيق : لا معلش انا هستناكوا هنا في المكتب بتاعك لو ينفع وانتو روحوا ليقول أمير بأستغراب : يا بنتي تعالي معانا هتقعدي لوحدك تعملي اي
لتقول ليان سريعا : معلش هديل صحتني فجاه ولسه حاسه اني حابه افوق كمان شويه فلو مفيش مانع هقعد في المكتب واطلبلي قهوه ده واجب الضيافه ولا اي
ليحاول أمير الحديث لتقاطعه هديل وهي تمسك يديه و تقول بأبتسامه : معلش يا امير سيبها وبعدين دي حلويات خطوبتي انا وانت يعني لازم نكون احنا سوا بس ومش هنتاخر مش كده يا ليان
لتنظر هديل لليان بتركيز لتقول الاخري بأبتسامه : ايوه حصل هي كده روحوا بقي ومتتاخروش لينظر أمير لها بأستسلام ليرحل هو وهديل سريعا لتنظر ليان لاثرهم بحزن وهي تحاول ازاله دموعها
لتدخل للمكتب وهي تحاول تفقد كل انش به لتضع يديها علي كرسي المكتب وهي تتلمسه بحب ليفتح الباب فجاه وتنتفض الاخري لتستمع لصوت شخص : أمير فين ملف ا…..
ليصمت سريعا وهو ينظر لها لتبادله النظرات بأخري متوتره وهي تقول سريعا : أمير خرج شويه وجاي هو في الشركه قصدي مخرجش بره يعني بس هو …
ليبتسم الاخر عليها وهو يقول بمشاكسه : امم يعني أمير خرج ومتبدلش بقمر مكانه صح طمنتيني لتنظر له ليان بعدم فهم : مش فاهمه قمر اي
ليضرب الاخر جبهته وهو يضحك بشده: لا متاخديش فبالك انتي مين بقي وبتعملي اي هنا
لتقول ليان بتوتر : انا قريبته قصدي احنا صحاب يعني اللي هو متربيين سوا وكده وجيت مع خطيبته عشان يوزعوا حلويات خطوبتهم وانا مستنيه هنا
ليضع الاخري يديه أمام صدره وهو يتكئ علي الباب بتسليه واضحه : ومالك بتقوليها وانتي متوتره كده ليه اوعي تكوني بتكذبي
لتقول ليان سريعا وهي تحرك يديها بنفي : لا والله حتي لما ييجي اسأله انا اساسا اول مره اجي هنا وقعدت في المكتب عشان بس يعني …
ليضحك الاخر وهو يقترب منها ليقول بأبتسامه وهو يمد يده ليمسك يديها : انا كريم يست متوتره وانتي اسمك اي
لتنظر ليان ليديها بين كف الاخر بأستغراب وهي تقول بعدم وعي : ليان اسمي ليان
ليقطع تحديقهم ببعض دخول أمير وهديل وهم يبتسمون بسعاده لتنمحي ابتسامه أمير وهو يري تحديق كريم بليان لتنتبه الاخري وتسحب يديها سريعا بتوتر
ليقول الاخر ببرود : اي اللي بيحصل هنا ليذهب كريم سريعا وهو يبتسم له : مش تقولي أن عندك صحاب قمر بالطريقه دي يعني لو مكنتش جيت مكنتش هعرف ها
لتبتسم هديل بعدم فهم وهي تقول : هو يقصد ليان ولا انا بيتهيألي اي ده انتو اتعرفتوا بسرعه كده لحقتي تعملي صداقات يا شيخه وانت اللي كنت خايف عليها تقعد لوحدها اهي مضيعتش وقت
لينظر أمير بتركيز لليان لتجفل الاخري وهي تحرك عدستيها بتوتر من نظراته الحارقه
ليكمل كريم بدون انتباه : اصلي كنت جاي أسألك علي ملف ولقيتها قاعده لوحدها شكلها خجوله اوي بتتوتر من أقل حاجه بس اول مره اشوف حد قمر بكسوفه كده
لينظر له أمير بحده وهو يقول بغضب حاول منعه : في اي يا كريم ما تحترم وقفتي علي الاقل ولا هو اكل وبحلقه
ليبتسم الاخر بجانبيه وهو ينظر لليان : منا محترم اهه انا بقول الحقيقه مش اكتر وعلي العموم الف مبروك علي الخطوبه مضطر استأذن بقي وهاخد الملف بعدين
ليتابعه أمير بنظرات حارقه ليعود كريم سريعا وهو يقترب من ليان ليقول بتسليه : واه صحيح نسيت فرصه سعيده يا قمر اشوفك بعدين ومظنش انها اخر مره ولا اي
لتبتسم له ليان بتوتر وهي تومئ له لتقول هديل بسعاده : اكيد مش اخر مره ولا اي مش انت وأمير صحاب يعني لازم نتقابل كتير
ليتابع كريم ليان بعينيه وهو يقول : بقول كده برده الجايات كتير ومين يمنعني عن اذنكوا بقي سلام وفرصه سعيده انسه هديل عقبال الفرح يارب
لتبتسم له هديل بسعاده ولم تنتبه لنظرات أمير الحارقه لليان والتي شعرت بوجود شئ خاطئ بنظراته فلو كانت النظرات تقتل لكانت في عداد الموتي الان
لتقول هديل سريعا بشهقه : أمير نسيت اديله حلويات استني هروح بسرعه واجي لتخرج هديل سريعا وهي تلحق بكريم
ليقترب أمير من ليان بكل هدوء مخيف لتبتعد الاخري للخلف بخوف من نظراته والتي تراها لاول مره وهي تقول بتوتر : أمير مالك بتبصلي كده ليه
ليظل الاخر يتقرب منها حتي حاصرها وهو يقول بهدوء مريب : سمحتيله يمسك ايدك ها لتنظر له الاخري بعدم فهم ليضرب الاخر الحائط بقوه وهو يقول بصراخ هامس : سمحتيله يمسك ايدك ليه انطقي
لتضع ليان يديها علي عينيها بخوف وهي تقول : أمير ابعد بتخوفني كده
ليقول الاخر بعصبيه : خايفه اوي ومن شويه وهو ماسك ايدك ملاحظتيش وهو بيضغط عليها مكنتيش خايفه منه وقتها صح
ليان بأستغراب : مكنش قصده حاجه بعدين انت اي هامك اوي كده ومضايق ليه ليقول أمير سريعا : لان محدش ليه الحق يلمس ايدك ولا يقرب منك فاهمه ولالا
لتنظر له ليان بصمت دام لدقائق لتقول فجاه : واشمعنا انت مقرب مني دلوقتي كده واشمعنا انت مسكت ايدي واشمعنا فيوم خطوبتك مسكتني انا
لينظر لها أمير بأستغراب ليقطع حديثه صوت خلفه وهو يقول بخفوت : أمير اي اللي بيحصل
#بقلم / اميره محمد
#يتبع يا تري اي اللي هيحصل بعد كده وأمير هيبقي موقفه اي بين هديل وليان وروجدا عايزه اي من ياسين توقعاتكم يا حلوين
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية هو الخائن)
