رواية هو الخائن الفصل الرابع 4 بقلم أميرة محمد
رواية هو الخائن البارت الرابع
رواية هو الخائن الجزء الرابع
رواية هو الخائن الحلقة الرابعة
أمير بصراخ: انت يا غبي يا اللي اسمك ياسين اشوف فيك يوم يا بعيد انزل يا حيوان من فوق وخلصني
ياسين بصراخ مماثل وهو يلقي ما بيده : الحق عليا بتعب علشانك ومتعلق فوق زي القرد الجربان اللي مش لاقي شجره يهرش فيها
ليرفع الاخر حاجبيه بسخريه : والله تصدق صح ده اول مره تقول حاجه صح اي القرف اللي بتهببه ده
لينظر الاخر لما يفعله وهو يقول بأستغراب : ماله اللي بهببه منا بهبب اكتر منه ومكنتوش بتتكلموا اشمعنا النهارده
أمير بعصبيه : لان مش عايز قرف فخطوبتي يخويا اي الزينه المعفنه اللي جايبها دي حد قالك ان في عزا جايبلي بلالين سمرا وصفرا صفرا يا ياسين ملقتش غيرها
ليبتسم الاخر بغباء وهو يقول : عشان تشيل الحسد بتوع الناس الصفرا يستمدوا الطاقه من بعضهم وبعدين يا جاهل يا ظالم منا منوعلك اهه وجبتلك حته لو صبرت كانت هتبقي مفاجأه عنب انت اللي دايما بصلتك محروقه
أمير بأبتسامه ساخره : اتفضل يا حبيب اخوك فاجئني ابهرني يا ياسين عايزك تشلني قبل ما ادخل دنيا
ليبتسم الاخر بتشجيع وهو يقول : اصبر بس بإذن الله مش هشلك بس هجلطك بالمره
ليخرج احدي الزينه ويقوم بفردها بكل فخر ليفتح الاخر فمه بصدمه وهو يشير لها : اي ده
ياسين بفخر : اي رايك كنت عارف انها هتعجبك أصلها تغيير وجديده محدش عملها قبل كده
ليضرب أمير خده بنواح وهو يقول : روح يا شيخ حسبي الله ونعم الوكيل فيك لا حد عملها ولا حد هيعملها يا بني آدم بمخ كلب اي الهبل ده
لينظر ياسين للزينه بأستياء وهو يقول بضيق : مالها يعني مهي جميله ومش سمرا ولا صفرا اهه حمرا وجميله
امير بعصبيه : جايبلي هابي فلانتين داي يا حيوان فيوم خطوبتي فلانتين اي اللي النهارده انت عارف احنا فشهر كام اصلا
ياسين بضيق : الااااه مهو كله تبع الحب وانت هتخطب خالتك سماح يعني بعدين بقت موضه قديمه انك تكتب ان النهارده خطوبتك ما كله عارف وهيحضر علي الأساس ده
أمير بعصبيه : تقوم تجيبلي هابي فلانتين داي ملقتش غيرها
ليكمل الاخر بفخر : لا ازاي لقيت بس مرضتش اجيبه هو انا غبي كان بتاع اللي والدين دول وانت مش والد برده لسه بدري عيب كده
ليزفر الاخر بهدوء حتي لا ينقض عليه وهو يقول : امشي من وشي يا ياسين اخلص كلها ساعه والناس تيجي مش حابب اتعصب عليك دلوقتي
ليزفر الاخر بملل وهو يكمل تعليق الأشياء الاخري ليأتي عامر ويصرخ فجاه لينتفض الآخرين بفزع ليقول بصراخ: احيييه النهارده عيد الحب نسيت اجيب هديه لمنار
ليلقي عليه امير الزينه بعصبيه وهو يصرخ بهم : جوز معاتيه بالله انا قربت اتهبل منكوا جتكوا ستين نيله
ليتركهم ويرحل بغيظ لينظر الاثنين بأستغراب ليقول عامر بأستغراب : ماله ده في اي
ليرفع ياسين كتفيه بعدم استيعاب ليقول بلا مبالاه : معلش يعيني مش طايق نفسه اكمنه النهارده زي العريس بقي وكده
لينظر له عامر وهو يومئ بأقتناع : انا بقول كده برده يعيني قلتله في سلك من نافخوه هيضرب بس مقتنعش ربنا يشفي
___________________
يخرج الاخر بعصبيه ليقوم بأغلاق الباب بقوه وهو يستغفر من هؤلاء المعاتيه ليقول بعصبيه وهو يذهب سريعا وينظر تجاه الباب : اشوف فيكوا يوم يا بعده مرارتي يا ناس حد يلحقني
ليشعر بشئ يصتدم به بقوه ليمسك به سريعا قبل أن يسقط ليشعر بجسد احدهم بين زراعيه ليبعده سريعا : ليان انا اسف مشوفتكيش
لتنظر له الاخري بهيام لشكله بتلك البدله وهندمته لنفسه بتلك الطريقه التي سلبت الباقي من عقلها لتبتسم بهدوء وهي تقول : عادي يا عريس مستعجل بقي
أمير بعصبيه : مستعجل اي جوز الاغبيه اللي جوه عكرولي مزاجي خشي الحقيهم عشان لو مظبطوش الدنيا هجيب زينه دفنهم بنفسي واعلقها
لتضحك ليان بشده عليه ليشرد الاخر لدقائق بها ليقول بعدم وعي : طالعه زي القمر النهارده اول مره اشوفك بالطريقه دي
لتتوقف الاخري عن الضحك فجاه وهي تنظر له بصدمه ليقول الاخر بتوتر وهو يضع راسها تحت زراعه بمرح : قصدي انك عسل من يومك يا سيد بس اول مره اشوفك شكل انثي كده الاااه
لتبتعد ليان عنه بضيق وهي تقول: يعم ابعد بوظتلي شعري وبعدين سيد اي يا اعمي البصر والبصيره طول عمري انثي قمر بس اللي يشوف
ليصطنع الاخر التفكير وهو ينظر لها بمرح ليقول : معاكي حق بس هفتح بقي بعد كده ولا اي رايك
لتبتسم الاخري بسخريه وهي تمسك يديه لتشير لها : وقت ما دبلتها تتحط فأيدك مظنش انك تفتح بعد كده معدش هيكون ليك فرصه
ليرفع الاخر كتفيه بلا مبالاه وهو يقول : مظنش اني اعمي اصلا بس تراهني اني مش غبي ومفتح ها واقدر افتح اكتر فأي وقت عايزه
لتنظر له ليان بصمت لدقائق لتبتعد وهي تقول بهدوء: بكره نشوف يا يا عريس لينظر أمير لها بأستغراب وهو يهبط للاسفل
_______________________
تجلس الاخري وهي تنظر لنفسها بسعاده لتشعر بالباب يفتح بقوه لتدخل ليان وهي تبتسم لها لتبادلها الاخري الابتسامه بسعاده
هديل : لينو ادخلي يقلبي اتاخرتي عليا ليه ها لتقول الاخري بهدوء وهي تنظر لها بتركيز : معلش كنت بجهز نفسي مبروك يا هديل
لتحتضنها هديل بسعاده وهي تقول بهدوء: عقبالك يا لينو يارب واتعبلك كده زي ما تعبتيلي
لتنظر لها ليان بهدوء ليشعروا بدخول احد ما لتري منار تدلف بسعاده وهي تغني بمرح : والليله فرحي يا جدعان وهتجوز هتجوز وولووولووولووي
لتضحك هديل وهي تحتضنها بحب : يا هبله فرحي اي النهارده خطوبه بس لسه بدري
لتضحك منار بغباء وهي تقول : الااااه وفيها اي مش كله فرح فبعضه مش مهم تفائلوا بالخير تجدوه اعتبريني بسبق
لتضحك لها هديل بشده وتنظر منار لليان وهي تضحك بسعاده لتحتضنها : ليان يا خاينه بقي كل ده لا كلمتيني ولا عبرتي اهلي مكنش عيش وملح يختي
لتبتسم لها ليان بهدوء وهي تقول لها : منستش يختي بس الظاهر خطيبك هيفقع الكل هنا معرفتيش اللي حصل فعيد ميلادي
لتضحك منار بشده وهي تقول : انا اصلا معرفوش ولا ليا علاقه بيه مجرد علاقه عابره كده لتبتسم لها هديل وهي تقول : المهم اي رائيكوا فيا شكلي حلو
لتنظر لها منار بسعاده وهي تقول: قمر يروحي أمير هيتصدم بجمالك
لتخرج ليان سريعا وهي تقول بأختناق : هروح اشوفهم جهزوا ولالا
لتنظر منار بأستغراب لها وهي تقول لهديل : في اي حاسه ليان مش تمام هو في حاجه حصلت
لتنظر هديل بأستغراب لها وهي تقول : مش عارفه من ساعه ما عرفت بخطوبتي مع أمير وهي كده مش حابه اظلمها بس مش عارفه بجد
لتنظر لها منار بتفكير وهي تومئ لها لتشرد وهي تتذكر شئ ما لتزفر بهدوء
___________________________
يشعر الاخر بأهتزاز الهاتف في جيبه ليقول سريعا وهو ينظر للاسفل : واد يا عامر انت يا زفت امسك الفون ده
لينظر الاخر حوله بغباء وهو يقول: فين التليفون مش شايفه ليزفر الاخر من غبائه : يا غبي فجيبي يعني مش شايف قلنا معلش انما مش سامع كمان اخلص يعم
ليزفر الاخر بضيق وهو يتمتم بغيظ : تصدق تستاهل وانت متعلق فوق شكل النسناس كده لا طايل سما ولا ارض اتفضل يخويا امسك
لينظر له ياسين بحده وهو يقول بعصبيه : الو مين معايا لينتفض الآخر بقوه وهو يقول بتوتر : اهلا روجدا هانم اتفضلي
لتقول روجدا بعصبيه: فين الملف اللي قلتلك عليه تخلصه ها راح فين يا ياسين
ليبتلع الاخر ريقه بتوتر وهو يضرب جبهته : طبعا لو حلفتلك اني نسيت وخدته معايا مش هتصدقي ها
روجدا بعصبيه : انت غبي يلا الاجتماع بكره ولازم اناقشه النهارده يعني اي نسيته انت عارف الساعه كام اصلا
ياسين بتوتر : مهو اصل يعني خطوبه اخويا النهارده وبجهز بقي وكده وكل سنه وانتي طيبه
روجدا وهي تزفر بضيق : كل سنه وانا طيبه ليه يخويا عيد الاضحي اخلص اديني العنوان هاجي اخده
ياسين بصدمه : تيجي فين تيجي هنا عندي انا مستحيل لتقول روجدا بملل : انت هتغني العنوان هستناه فرساله خمس دقايق موصلنيش هعرفه بنفسي
لتغلق الخط سريعا وينظر الاخر للهاتف بصدمه ليقول عامر بأستغراب : في اي مالك
ياسين بصدمه : جايه هنا احيه ليقفز سريعا وهو ينظر في المرأه ويعدل من هيئته ليقول سريعا : واد يا عامر شكلي حلو شعري مظبوط طب هدومي
عامر بأستغراب : في اي جايلك خطاب هيخطبوك ولا اي ما تهدي يعم حولتني
لينظر له ياسين بحده وهو يخرج سريعا لتصل الاخري بعد فتره وهي تنظر له بحده ليبتسم الاخر بتوتر : ساعه عشان تبعت العنوان اي نسيت عنوان بيتكوا
ياسين بضيق : في اي نازله زعيق ليا من ساعتها ومتكلمتش اي الدخله الشمال دي
لتنظر روجدا للبيت من الخارج وهي تقول بفضول : هو ده بيتكوا صح ليقول الاخر بسخريه : لا ده بيت الجيران
لتومئ الاخري بأقتناع وهي تقول بهدوء: مش هتعزمني اي قله الزوق دي لينظر لها الاخر بأستغراب وهو يقول : اعزمك فين
لتشير الاخري لتلك الاضواء المعلقه : تعزمني هنا مش قلت خطوبه اخوك ولا بتضحك عليا تكونش كنتوا بتكذب عشان اعدي الليله ومتتعاقبش علي الملف
ليقول الاخر سريعا : لالا والله خطوبه اخويا حتي لو مش مصدقه احضري وشوفي بنفسك لتنظر الاخري له بشك وهي تومئ بأقتناع
لتتحمحم وهي تقول بلا مبالاه مصطنعه : اصلا مش فضول ولا حابه احضر بس هحضر عشان اشوف بتكذب ولالا وبعدين لولا اصريت بس
لتصعد هي قبله لينظر لها بسخريه وهو يقول بصوت منخفض : لولا اصريت بس محصلش والله كذابه انتي اللي عايزه تحضري ايوه بقي والله وشكلك وقعتها يواد يا ياسين يا جامد
___________________
يجلس الجميع بسعاده خاصا تلك الجالسه وهي تنظر له بعدم تصديق لا تستوعب انه بعد دقائق سيكون ملكا لها بمثابة وضع الخاتم فقط
أمير بسعاده : مش مصدق ان اخيرا هتبقي ملكي ياما اتخيلت ده بس اني اعيشه دلوقتي حاجه مختلفه اوي
لتنظر له هديل بخجل وهي تقول : وانا كمان عمري متخيلت ده ابدا غير فأحلامي معقول يا امير هتكون ملكي دايما
ليبتسم لها أمير وهو يقول بهدوء: ايوه معقول انا ليكي يا هديل وعمري كله فداكي وفدي ضحكه واحده منك
لتبتسم الاخري بخجل لتأتي ليان وهي تقول بأبتسامه : مبروك يا عرسان الف مبروك اخيرا النهارده هتكونوا لبعض
ليبتسم أمير بسعاده وهو يقول : الله يبارك فيكي يا ليو عقبالك بقي شدي حيلك شويه لتضحك هديل وهي تقول بسعاده : ايوه بقي متجيش النهارده نعملها ونتخطب سوا
لتنظر ليان حولها وهي تقول بأبتسامه بارده : ماشي موافقه بس مش شايفه عريس تاني غير أمير اي هترضي تشاركيني فيه
لتنمحي تلك الابتسامه من هديل وهي تقول بهدوء: أمير بتاعي لوحدي مقدرش أشارك نفسي حتي فيه بس نشوفلك حاجه تانيه اي رايك
لتنظر لها ليان بتركيز دام لثواني وهي تبتسم مره اخري : فعلا وانا هسعي لده متقلقيش يا هديل يروحي وعلي ما تتخطبي هشوف واحد عسول هنا شاغلني من ساعتها
ليقول أمير فجاه بأستغراب : واحد مين اللي شاغلك لتشير ليان لاحد ما وهي تبتسم بهدوء: ده من اول ما دخل مشالش عينه من عليا وانا الصراحه عاجبني اوي
لتغمز هديل بمرح وهي تقول : ايوه بقي يمعلم بقي لينا معجبين وبنعجب كمان بيهم العب يا جامد
ليضغط امير علي يده بغيظ وهو يقول بحده هامسه : هديل اي اللي بتقوليه ده اتلمي بعدين مش معني اني اسيبكوا تهزروا تقولوا كده مش محترمين اني راجل قاعد فوسطكوا ولا اي
لتقول هديل بأستغراب : مالك يا أمير بعدين ليان ليها الحق انها تحب وتتحب مستغرب ليه
ليقول الاخر بضيق : مش مستغرب يا هديل بس مكونش قاعد في النص زي كيس الجوافه ليان زي اختي ومينفعش تتكلموا علي راجل عاجبكوا وانا قاعد اي معنديش رجوله
لتنظر ليان له وهي تبتسم بخبث لتقول بهدوء: طيب يا هديل عن اذنكوا مفيش داعي تعملوا مشكله بسببي انا هقعد هناك
لتنظر هديل بأستغراب لأمير وهو يتابع ليان بشده ليأتي عامر وهو يقول بمرح : ايوه بقي علي العريس اللي مش صابر علي نفسه لما يتجوز ونازل حب وغرامات
لينظر له أمير بضيق وهو يقول : اهي عينك دي اللي جيباني ارض ارض يعني مفيش هزار
ليزم الاخر شفتيه بضيق وهو يقول: ده بدل متقولي عقبالك يا عموره ولا حاجه اخص عليك صديق واطي بصحيح
ليشعر بضربه علي ذراعه وصوت الاخري بصدح بعصبيه وهي تقول: نعم يخويا والله عال اوي يسي عامر عايز تتجوز عليا كمان يبجاحتك يا اخي
عامر بزعر : بيبي منار يروحي محصلش بعدين استني هو انا عارف اتجوزك لما اتجوز غيرك اصلا
ليأتي ياسين بصحبه روجدا وهو يقول بأستغراب : مالكوا يجدعان زي اللي هياكلوا بعض كده ليقول عامر بضيق: استاذه منار مفكره اني هتجوز عليها
ياسين بسخريه : يا شيخه اتنيلي هو عارف يتجوزك لما يتهبب ويتجوز غيرك انتو بقالكوا فوق التلات سنين مخطوبين
ليحمل عامر طبق جاتوه من الجانب وهو يأكله ليقول بضيق : قولها سدت نفسي الا صحيح يا ياسين انت اتجوزت من غير متقولنا ولا اي
لينظر الاخر له باستغراب وهو يقول : لا ليه بتقول كده ليشير عامر لروجدا بأستغراب
ليقول ياسين سريعا: اااه لا يخويا دي روجدا هانم مزه ياسين بيه اللي هو انا يعني بس ده ميمنعش انها مديرتي برده ومش طيقاني مقولكش بقي مش بطيق حتي تشوف وشي بتموت فيا
ليومئ له أمير وهو يقول بسخريه : واضح من بصاتها ليك لتقول روجدا بأبتسامه مجامله : مبروك انا جيت اخد ملف وياسين أصر عليا احضر
ياسين سريعا : بالله كذابه هي اللي قالتلي اعزمني شكلها كده عايزه تفضل جمبي والسناره غمزت
لتنظر له روجدا بحده وهي تضحك بتوتر لتقول هديل سريعا : فرحتيني بحضورك اوي انا هديل ودي منار خطيبه عامر ده وفي ليان كمان بس هي مش هنا دلوقتي
لتومئ لها روجدا بمجامله ليأتي تامر وهو يقول سريعا: يلا يا جماعه عشان تلبسوا الخواتم ليستقيم أمير وهو يمسك بيد هديل ليبتسم لها بسعاده وتبادله الاخري
ليمسك أمير بالخاتم سريعا وهو يلتفت لهديل لتنقطع الكهرباء مره واحده تحت صرخات الآخرين بأستياء لتتداخل الاصوات
ليقول محسن سريعا: استنوا يا جماعه هشغل المولد ثواني ليقول تامر بضيق : معلش يجماعه وطوا صوتكوا
شويه محدش كده سامع التاني باذن الله شويه والكهربا تيجي محصلتش من فتره دي
ليزفر أمير بضيق وهو يقول : وهو ده وقته يعني هديل انتي كويسه متخافيش الكهربا هتيجي علطول انا عارف انك بتخافي من الضلمه
ليشعر بيد تمسك يده وهي تضع به الخاتم سريعا ليضحك بأستغراب وهو يقول : يخربيتك مش صابره استني لما الكهربا تيجي وبعدين نعمل الخطوبه اول مره اشوف حد بيلبس الخواتم في الضلمه
لتهمهم الاخري وهي تمد يديها لتضعها في الخاتم الذي يمسكه ليضحك الاخر بشده عليها وهو يلبسها ذلك الخاتم لتأتي الكهرباء بعد فتره
ليستمع لصوت محسن وهو يقول بسعاده : يلا يا جماعه معلش كان في عطل بسيط واتصلح الله امال فين هديل
لينظر أمير امامه سريعا وهو يقول بأستغراب : كانت هنا من ثواني دي حتي لبسنا الخواتم والكهرباء قاطعه
لتأتي هديل من الداخل وهي تقول بأبتسامه : معلش يجماعه انا خفت لما الكهربا قطعت ودخلت اجيب فوني عشان انور بالفلاش انا جاهزه
لينظر لها أمير بصدمه وهو يقول : جاهزه اي متهزريش يا هديل امال مين اللي كان بيلبسني الخاتم من شويه
لتضحك هديل بخفه وهي تقول : أمير مش وقت هزارك فين الخواتم بعدين اي ده لبست خاتمك لوحدك مش صابر لما البسهولك يعم
أمير بصدمه : هديل مش وقت هزار انتي شديتي ايدي ولبستيني الخاتم بعدين انا لبستهولك هو فين
لتختفي ابتسامه هديل وهي تقول : انا كنت جوه ملبستكش حاجه وبعدين مش متخلفه هعمل ده في الضلمه ليه يعني اي الهبل ده فين الخاتم ومين لبسك ده
ليقول محسن سريعا : خير يا جماعه شوفوا الخاتم التاني فين بس ويلبسهولك يا بنتي وخلاص يمكن حصل سوء تفاهم
أمير سريعا : سوء تفاهم اي يا عمي بقولك متاكد في حد شد ايدي ولبسني الخاتم ولبسته الخاتم بتاع هديل انا فكرتها هي
تامر بأستغراب : هيكون راح فين يعني ومين الشخص ده محدش هنا يبني هيعمل كده وهو عارف ان دي خطوبتك مع هديل مين اصلا هيعملها
ليضع أمير يده علي راسه بتفكير وهو يقول بحيره : مش عارف بس انا مش بتوهم الكلام ده بجد لتقول حسناء سريعا : طب دوروا علي الخاتم يا جماعه يكون واقع فحته كده ولا كده ومحسش بيه
لينظر لهم أمير بضيق فلا احد يصدقه تحت نظرات هديل الصامته ليبدا الجميع بالبحث عن الخاتم دون فائده ليستمعوا لصوت شخص وهو يقول : لقيته هو ده صح
ليلتفت الجميع لها ليقول أمير سريعا : ليان كويس انك لقيتيه لتبتسم الاخري وهي تقول : كان واقع هنا معرفش اي جابه عندي
ليذهب أمير سريعا وهو يأخذه منها ليبتسم لها وهو يقول براحه : والله مش عارف من غيرك كنت هعمل اي
لتبتسم له الاخري لتقول سريعا : يلا يا جماعه بلاش نضيع وقت لبسها الخاتم يا أمير
ليومئ لها الاخر وهو يمسك بيد هديل ليضع بها الخاتم ليصفق الجميع وتظل هديل صامته تنظر له بتفكير فقط لتبتسم ليان وهي تنظر للخاتم الذي لم يخلعه امير واكتفي بتلبيس هديل فقط خاتمها
لتذهب لجانب ما وهي تغمض عينيها براحه لتفتح كف يديها لتري ذلك الخاتم وهي تتذكر ما فعلته منذ قطع الكهرباء حتي اخذت مكان هديل لتلبسه الخاتم سريعا وتأخذ ذلك الخاتم الأصلي لتبدله بأخر مزيف لهديل
لتقول الاخري بخبث : وكده بقي مين خطيبه أمير فينا يا هديل ها اللي لبست خاتم مزيف ولا اللي لبست الاصلي اللي جاي علي اسمه
لترتدي ذلك الخاتم وهي تنظر ليديها بسعاده لتستمع لصوت خلفها وهو يقول بحقد: يعني طلعتي انتي اللي عامله كده تصدقي انا كنت شاكه اصلا من بدري انك اللي بتحاولي تبوظي كل حاجه
لتلتفت لها ليان سريعا وهي تبتلع ريقها بتوتر فها كشف أمرها من ثاني شخص فهل سيعلم الجميع بما حدث
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية هو الخائن)
