رواية حب الهلال الفصل السابع 7 بقلم سما الحملاوي
رواية حب الهلال البارت السابع
رواية حب الهلال الجزء السابع
رواية حب الهلال الحلقة السابعة
نجمه…ياارب بقولك عاوزه رايك في حاجه
محمد…قولي ياحبيبتي
نجمه…في شغل حلو اوي في محلات ومصانع الخولي هصمم اغلفه جديدة لمنتجاتهم واغير ديزاين المحلات ها ايه رأيك بدل القاعده دي
محمد بجديه… هو انا قصرت في حاجه ياحبيبتي
نجمه بسرعه….لا ابدا ياحبيبي بس زهقت من القاعده
محمد…طيب يانجمه موافق بس عشان خاطر هما مشهورين ومعروفين
نجمه حضنتوا…حبيبي يا احلى بابا
دخلت اوضتها وبعتت رسالة لشخص..
»كل حاجه ماشيه تمام وخطتنا زي ما هي«
༺༺༺༺༺༻༻༻༻༻
غرفة جميع ما حولها ستائر من الحرير وتقف في منتصف الغرفة نجمه من السماء تنظر بأستغراب لما حولها و تمسد على فستانها الابيض الطويييل المصنوع من الحرير وفصوص الؤلؤ…
تلتفت لحركة الستائر ليظهر من خلفها اميرها وهو يرتدي بدلة سوداء اللون ويبتسم لها
نجمه بصدمه…هلال!!
تصدم اكتر عندما يأخذ بيدها ويرقص بها على..
بعترف قدام عينيك من النهارده انا عمري ليك سيبني احبك يا حبيبي وانسى روحي بين ايديك هو ده اللي حلمت بيه ضحكته نظرة عينيه يا حبيبي وانت جنبي تفتكر انا هعمل ايه يا حبيب قلبي الوحيد هات ايديك نبعد بعيد كل ماعيونك تاخدني يتولد احساس جديد هو ده اللي حلمت بيه ضحكته نظرة عينيه يا حبيبي وانت جنبي تفتكر انا هعمل ايه هو ده اللي حلمت بيه ضحكته نظرة عينيه
فجأة هلال بيقوم من النوم…
هلال بأبتسامه…ايه الحلم دا بس حلوو اوي
وقرر انه هيرن عليها…
نجمه…الوو
هلال…الو هتيجي بكره
نجمهه…اه بابا وافق
هلال…هستناكي متتأخريش عن ٩
نجمه…حاضر
هلال…تلبسي واسع
نجمه…هلبس لبسي
هلال بغضب…لو شوفت حاجه ملفته هعمل معاكي تصرف مش هيعجبك فاااهمه
نجمه بغيظ…طيب خلاص
༺༺༺༺༺༻༻༻༻༻
عند نادر…
قاعد في اوضته بيفتكر موقف علا…
فلاش باااك..
نادر بندم…فعلا بس بردو الواحد مبيتعلمش ببلاش وادينا لسه فيها ها رأيك ايه تتجوزيني
علا وهي باصه قدامها…انا مش موافقه
نادر بصدمه…انتي بتقولي ايه اتكلمي يانجمه
نجمه باستغراب…في ايه ياعلا مالك
علا ببرود…انا مش لعبه يقرر من نفسه وميفهمش مني ويبعد بمزاجه ويرجع بمزاجه معلشي مش هقبل ب كدا
نادر…بس انا اعترفت بغلطتي
علا قامت…ربنا معاك ويوفقك بس انت مش مناسب ليا سلااام
ومشيت من غير ما تسمع رده…
نادر بحزن…وبعدين يانجمه
نجمه…براحتها ياحبيبي انت تستاهل احسن منها الف مرا
بااااااك…
نادر بحزن…ليه ياعلا كدااا ليييييه
༺༺༺༺༺༻༻༻༻༻
تاني يوم نجمه صحيت الساعه ٨لبست وجهزت ونزلت ٨ونص…
وصلت ٩ بالظبط دخلت الشغل…
ميار…انتي حضرتك مين
نجمه…انا سكرتيرته مستر هلال الجديدة نجمه محمد المالكي
ميار….بس هلال بيه مقالش ليا على حاجه زي كدا
نجمه بهدوء…تقدري تتصلي تسألي
كانت هتتصل لقت هلال داخل…
ميار بيهام…هلال بيه صباح الخير
هلال بجمود…صباح النور ازيك يا انسه نجمه
نجمه…الحمدلله
هلال…انسه ميار انتي اتنقلتي لقسم الحسابات و انسه نجمه هتمسك مكانك
ميار بغيظ…ايه ازاي وليه
هلال بغضب…انا الي اقول ازاي و ليييه فاهمه وكلمه كمان هتبئي برا الشغل كلو فاااهمه
ميار بخوف…فاهمه يا هلال بيه
هلال…نجمه ورايا
دخلت نجمه وراه..
هلال بهدوء….خدي الملفات دي خلصيها وتعالي
نجمه….حاضر يامستر هلال
هلال وهو باصص في الورق الي قدامه…هلال هلال وبس
نجمه بأبتسامه خفيه…حاضر
خرجت نجمه رتبت شغلها ومكتبها وقعدت بعد شوية لقت معتصم داخل المكتب…
نجمه بسرعه…لحظه لحظههه حضرتك مين
معتصم بأستغراب…انتي الي مين وفين ميار
نجمه…احم انا السكرتيره الجديدة
معتصم…اها طيب انا معتصم و هدخل لهلال
نجمه…لحظه الاول اقولوا
ودخلت على طول وهو مستناش ودخل وراها…
نجمه…هلال بيه في واحد اسمه معتصم عاوز حضـ
معتصم…ايه ياهلال مش تعرفني ان في سكرتيره جديدة
هلال بجديه…معتصم ابن عمي وشريكي لما يجي بعد كدا دخلي يانجمه
معتصم بصدمه…نجمه الي هـ
هلال بسرعه ومقاطعه…روحي انتي يانجمه يلا
نجمه خرجت على طول…
هلال بغضب…انت غبي كنت هتقول قدامها اييه
معتصم بضحك…انت مش سهل ابداااا
هلال…روح يالا شوف شغلك وحل عني
معتصم بضحك…ماشي ياسيدي سلااام
وخرج معتصم وفضل يتلفت لحد ما لمح كاميرا فوق مكتب نجمه وكانت شكلها مختلف عن باقي الكاميرات شك انها تكون بتسجل ف راح لنجمه…معلش ياقمر مكنتش اعرفك
نجمه بأبتسامه هاديه…لا ولا يهمك عادي
معتصم بخبث…طيب سلام ياقمر
في مكتب هلال…
هلال بغضب…طيببب يانجمه انا هوريكي وهوريك يامعتصم
༺༺༺༺༺༻༻༻༻༻༻
عدا ساعه ونجمه لقت بنت جايه الشركة لابسه جيب لحد ركبتها سودا جلد وهيلز اسود وقميص ابيض واسع شوية وحطاه في الجيب ورفعاه شوية لفوق ورافعه شعرها ديل حصان وحاطه ميكب ملفت…
نجمه بصتلها بصدمه وقالت في سرها…في رمضاااان في رمضاااان
البنت بغرور…هلال جوا
نجمه وهي لسه متنحه…اه
البنت…طيب هدخلوا
نجمه فاقت بسرعه…ايه دااا استني اقولوا
البنت بغضب وغيره من جمال نجمه…انتي هبله ولا ايه متعرفيش انا مين
نجمه بغيظ…اللهم طولك ياروح لا معرفش وهتكوني مين يعني
البنت…انا ميرنااا النجار بنت خالة هلال بيه وانتي شكلك عبيطه عشان تتكلمي بقلة الزوق دي
نجمه بغضب…التزمي حدوووودك احسنلك
هلال خرج على الصوت…فيييي ايه ايه الصوت العالي دااا
ميرنا بغضب…البيئه دي ياهلال بتغلط فيا
نجمه بغضب…هلال بيه هي الي غلطت في الاول
هلال بهدوء…ميرناا اعتذري حالا
ميرنا بصتلوا بصدمه….اعتذر من دي يا هلااال
هلال بغضب دفين…انا قولت اعتذري حالا
ميرنا بغل…ماشي ياهلال ماشي انا اسفه
مشيت ميرنا وهي بتتوعد لنجمه…
هلال بهدوء مريب…وانتي تعالي ورايا
راحت وراه نجمه وهي سعيدة من جواها انو خلى ميرنا تعتذرلها…
هلال بغضب ومسكها من دراعها…حسككك عينك تسمحي لمعتصم او اي رااااجل يتغزل فيكي تاااني فاهمه
نجمه بوجع من دراعها وغيظ…انت بتقول ايه فين دا حصل
هلال بغضب…نجمهههه لأخر مرا احذرك انك تتكلمي مع شاب اصلااا فاهمه
نجمه…حاضر حاضر فاهمه
هلال…اخرجي
خرجت بسرعه وهي ماسكه دراعها وبتشتمه في سرها…اللهم اني صااايمه
༺༺༺༺༺༻༻༻༻༻
في بيت علا…
والده علا…يعني انتي دلوقتي هتعملي ايه
علا…رفضت ياماما خلاص
والده علا…يعني هتنفذي الي في دماغك بردو
علا بضحك وخبث…لازم ياحبيبتي لازم
والده علا…ااااه منك اااه
༺༺༺༺༺༻༻༻༻༻
في بيت محمد المالكي..
الساعه ٢ونص…
نور…مالك يانادر ياحبيبي
نادر بهدوء…مافيش ياحبيبتي
محمد…منزلتش معايا الشغل ليه انهاردة في شغل في الشركة متعطل
نادر…هنزل بكره ان شاءلله
محمد…ماشي
نور…طب ياحبيبي انت متأكد ان مافيش حاجه
نادر باس ايدها…لا ياحبيبتي مافيش حاجه
༺༺༺༺༺༻༻༻༻༻
عند نجمه كانوا خلصوا شغل الساعه ٤ وهلال بعت ل ١٠موظفين مهمين في الشركه اميل ب عزومه فطار بكره في فيلته…
خرج هلال بعد ما خلص شغل…نجمه
نجمه بجديه…انا خلصت يا هلال بيه وهمشي دلوقتي
هلال قفل باب مكتبها وقرب عليها وقال…متزعليش مني
نجمه بصت في عيونوا وسرحت…ها
هلال بأبتسامه وسيمه…متزعليش يانجمتي واه اعملي حسابك بكره في فطار جماعي للموظفين في فيلتي وانتي لازم تيحي عشان سكرتيرتي لازم تيجي
نجمه…مش زعلانه خلاص هسأل بابا
هلال بتحدي…هتيجي
نجمه بغيظ….هسأل بابا
هلال…هتيجي ويلا عشان اوصلك ومتقوليش لا
مشيت معاه وهي بتمتم…
༺༺༺༺༺༻༻༻༻༻
عدا اليوم ووالد نجمه وافق…
نجمه دخلت اوضتها…
علا…الخطة ماشيه مظبوط
نجمه…متقلقيش والله ونادر صدق بس
علا…نجمه عشان خاطري متقوليش حاجه
نجمه…خلاص ماشي نادر مش هيعرف اي حاجه
علا…تسلميلي ياحبيبتي
نجمه بضحك…صعبان عليا والله بس يستاهل عشان يتعلم
نادر كان في بلكونة اوضته وهي واقفه في الشباك وهما جمب بعض وسمعها واتصدم وراح لها اوضتها…
نادر فتح الباب وعيونوا حمرا من الغضب وفيها دموع…الاول سبت خطيبتي وخبيتي عليا والي قالتهولك والله اعلم في ايه تاني ويمكن انتي السبب وخبيتي عليا ان علا بتحبني ودلوقتي بتتفقي مع علا عليا عشان تكسريني انتي ايييه اخت ازاي انتييي
نجمه بدموع…لا افهمني
نادر بغضب وزقها…انتي اخت ايههه انتي
وخرج من الاوضة وسابها وخرج من الشقة كلها ولحسن حظهم محمد ونور كانوا مع نورسين فوق في شقتها…
نجمه خرجت وراه…نااادر تعالى عشان خاطري هفهمك
لكن نادر كان مشي وركب عربيته واتحرك بيها بأقصى سرعه…
فجأة صوت زمارة عربيات وفرامل…
