رواية من تكوني الفصل الحادي عشر 11 بقلم ديجا
رواية من تكوني البارت الحادي عشر
رواية من تكوني الجزء الحادي عشر
رواية من تكوني الحلقة الحادية عشر
سهيله بتتكلم فالفون :ايوة يعنى بنت فقيرة من حى شعبى
……. :الله ينور عليكي بتشتغل عشان تعلم أخواتها وتعالج امها وعلى فكرة أمها فالمستشفى بتعمل عملية
سهيله :امممم أمال ايه بقى بيعمل معاها كده ليه
…. :إنتى مش قولتى انهم بيحبوا يعملوا خير يمكن بيعطف عليها المهم انا هتطير كده شهر ولا انتين عشان اخلص من زن ليان اللى عايزانى اروح أتقدم ليها
سهيله :وليه لأ متبقاش غشيم البنت وحيدة أهلها وأبوها رجل أعمال ليه وزنه خش بقلب جامد واكبش واملى جيوبك بما انها بتحب الكلام الحلو سمعها وخد اللي أنت عايزه
…. :والله فكره برضو اهو يبقى حد فينا استفاد فالليله دى
سهيله :وحياتك لأعرف مين سعيدة الحظ واخد مكانها. سلام دلوقتي
هنا كانت داخله البلكونه وسمعت اخر جمله قلقت
سهيله بتوتر:هنا؟؟ انتى هنا من امتى.. اااقصد فيه حاجه
هنا ابتسمت:ايه مالك أنا كنت جايه اقولك العشا جاهز.. هنا اتأكدت ان سهيله بتخطط لحاجه
سهيله :هاى يا جماعه امال فين أسر
إبتهال :مع صحابه عشان عاملينله حفله
سهيله :ما قولتوش يعنى مين العروسه
رشدي :ما تعرفيهاش بكره ان شاء الله تشوفيها وتتعرفى عليها يلا كلى الاكل هيبرد
سهيله بضيق:اوك حاضر
==============بقلمى/ديجا ❤❤❤❤
أسر مع عاصم قاعدين فى كافيه
عاصم :انت ياض معندكش شخصيه مش قولت مش هتتجوز اياكانت العروسة وشوحت بإيدك كده البت جابتك على جدور رقبتك اعترف
أسر :احترم نفسك بدل ما اشوه وشك يا جدع أنت اتكلم عنها بأدب كل الحكاية محبتش ازعل ابويا
عاصم :لأ مش عليا انا الكلام ده أنا فاهمك اكتر من نفسك تعالى معايا فى العدل احسنلك بتحبها صح
أسر :مش عارف بجد مش عارف كل اللي اعرفه أنى مبسوط حاسس اني عايز اكمل حياتى معاها فاهمني
عاصم :ايوة بقى هو والله هو كمل كمل
أسر :انت بتتريق صح؟
عاصم :لا يا حبيبي والله انت مش شايفها ام عيالك وكده وعايز تشوفها وتكلمها طول الوقت
أسر :ايوة بالظبط كده
عاصم :شوفت بقى انى فاهمك اكتر من نفسك مبروك يا صاحبى هو ده الحب أنت تستاهل كل خير يا حبيبي ومرات اخويا تستاهل برضو كل خير
حضنوا بعض… أسر :يلا بقى عشان ننام يومنا طويل بكره
عاصم :يلا يا صاحبي ربنا يتملك بخير
==========بقلمى /ديجا ❤❤❤❤
جميله :اقعدي يا جورى مالك مصدومه كده احكى انا سمعاكى
جويرية بتوتر:ابدا يا حبيبتي قولى بقى انتى فى ايه
جميله :روحي يا جورى أوفى بوعدك يا حبيبتي اتجوزى أسر مش هو ده اللي انتى مش عارفه تقوليه إزاى
جويرية😮😮 :ايوه فعلاً هى عمتو قالتلك
جميله :لا والله ابدا.. ومتضغطيش عليا دلوقتي اقولك حاجة لما اخرج من هنا هتعرفى انا هكلم اخواتك يبقوا معاكى وعمتك هتاخد بالها منى متقلقيش عليا ومتنسيش تتصوري وتبعتيلى الصور
جويرية بدموع:حقك عليا يا ماما أنا عارفة ان موافقتى من نفسى كانت غلط بس والله مش عارفه الكلمه طلعت منى إزاى
جميله :الناس دي شكلها طيبين عشان كدا ربنا بيبعتك ليهم فالوقت المناسب عشان الطيبين للطيبات متنسيش
جويرية باست راسها:أنا لو طيبه فأنا طالعه ليكي يا قمر أنت
جميله :يلا روحي نامي وارتاحي ياقلبي عشان بكره يومك طويل أوى
جويرية :انا هنام هنا جنبك وبلاش تعترضى وتتعبى نفسك ماشي عشان مش هرجع فى كلامى
جميله :ماشي يا عروسة
دخلت جنه وجاسر ونرمين وهند وهيام كمان جم عشان يطمنوا على جميله وجويريه حكت لهم كل حاجه ورأى جميله والكل استغرب موافقتها على كده وجويريه طلبت من الكل يروح وهى هتبات مع مامتها ويبقوا يجى بدرى وأسر عالعاده كلمها عالوتس وعرف إنها مع مامتها فالمستشفى وقالها إن هو اللي هيعدي ياخدها للفندق عشان يطمن على مامتها
الباب خبط عند أسر وكانت هنا
أسر :تعالى يا هنون فى ايه
هنا:انا مش مرتاحه لسهيله بنت عمك دى شكلها ناوى على مصيبه زى عوايدها
أسر :ليه بتقولى كده انا برضو في استغربت انها عارفه ان ليان رجعت فى كلامها مع ان مكنش في حد يعرف
هنا :أنا سمعتها وهى بتقول لحد فالفون إنها لازم تعرف هى مين وتاخد مكانها ده غير إنها فضلت تسأل مين العروسه وبابا قالها بكره تعرفي شكله شاكك فى حاجه
أسر :متقلقيش أنا هروح بنفسى اخد جويرية من عند مامتها وهخلى عينى عليها
كانوا فالبلكونه وسمعوا خبط خفيف عالباب أسر قالها تفضل فالبلكونه لحد ما يشوف مين.. لقى سهيله لابسه قميص نوم طويل اسود ستان وعليه روب من نفس اللون وسايباه مفتوح
أسر :سهيله خير فى حاجه ليه خارجه من اوضتك كده
سهيله بدلع:جيت أطمن عليك عشان اتأخرت بره أوى
قربت عليه وحاولت تحضنه لكن مازن جه اترمت فى حضن أسر وهى بتلم الروب كأنها خارجه من عند عنده
مازن :هو ايه اللي بيحصل هنا يا أسر
سهيله بتمثيل :ارجوك وطى صوتك لحد يصحى وتبقي فضيحه ده فرحه بكره
أسر :استنى انتي فضيحه ايه يا أم فضيحه ده اللي هعلى صوتى واصحى النايم انتي اللي جيتى وخبطى ومكنتش عارف انتى عايزه ايه
مازن :يعني مكنتش معاك فالاوضه
هنا فالوقت خرجت :أنا اللى كنت مع اخويا فالاوضه يا مازن واخوك ما بيكذبش سهيله اضايقت ان خطتها فشلت هى كانت جايه توقع أسر فالغلط وتجبرة يتجوزها
مازن :انا عارف اخويا كويس انا شايف الهانم وهى جايه تتسحب على هنا يلا كل واحد على اوضته وعلى فكرة يا سهيله كل ده أتصور لو حابه نذيع قولى ذيع وضحك بصوت عالي وهى اتعصبت ومشيت مازن كمل بابا شاكك فيها انها هى ومامتها اللى عملوا كده عشان كده كلفنى اراقبها لحد ما بكرة يعدي على خير
دخلوا ناموا وفى صباح جديد على أبطالنا
جنه وجاسر ونرمين وصلوا المستشفى ومعاهم أكل لجويريه وجميلة وقعدوا فطروا مع بعض وشويه وجه أسر عشان ياخد جويرية للفندق
جميله :ممكن تسيبونى مع العريس شويه
الكل خرج وسابوهم
أسر :أنا عارف انك عايزه توصينى على جويرية هى فعنيا متقلقيش عليها وبعد ما حضرت تخرجى من هعملها فرح تانى عند البيت عشان الناس كلها تعرف انها اتجوزت
جميله ابتسمت:فعلاً يا حبيبي انا كنت عايزه اقولك كده أنا حبيتك من اول مرة شوفتك فيها
أسر :وأنا كمان والله حاسس انى اعرف حضرتك من زمان
جميله :القلوب عند بعضها يلا خد عروستك أخواتها هيبقوا معاها
أسر :على راسى يا حبيبتي
جنه بس اللى راحت معاها وجاسر قالهم يبعتوا اللوكيشن وهو هيجي على هناك فالعربيه جويرية قاعده جنب وجنه فالكرسى اللي وراه
جنه :احمم هو فى عروسه من غير فستان
أسر :متقلقيش كل حاجه جاهزه من إمبارح ووجه كلامه ل جويرية لو في حاجه حابه تغيريها قوليلي هكون فالسويت اللي جنبك
جويرية :ان شاء الله.. وعم الصمت من جديد لحد ما وصلوا الفندق وأسر وصلهم للسويت بتاعها اللي هتجهز فيه
جويرية دخلت لقت بنات هيساعدوها فى اللبس والميك اب
ولقت استاند عليه فستانين واحد ليها والتاني لجنه
جويرية فتحت الفستان لكنها اتفاجأت😮😮😮
ياترى ايه اللي حصل وايه اللي خلى جميله توافق على الجواز ده اللي هنعرفه الفصل الجاي ان شاء الله
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية من تكوني)
