رواية صدفه الفصل العاشر 10 بقلم أسماء السيد

رواية صدفه البارت العاشر

رواية صدفه الجزء العاشر

رواية صدفه الحلقة العاشرة

_ عدي الليله يا بربر
يادي المرار، أية التدبيسة دي
بعد اسبوع:
_ ايه رأيك يا ابو ابرار؟
_ الرأي رأيك يا عمي بس مش واجب يكون معاه والده ووالدته.
_ اني بدالهم أنه هما برات البلاد ومش عارفين يرجعوا عشان اللي بيجولوا عليها دي.
سكت جدي وبصلي فرديت بسرعه:
_ كورونا يا جدي .
_ ايوا هي دي وانا مهلقيش زي علي لابرار.
_ يبقي علي خيرة الله يا عمي كلامك أوامر علي راسي نقرا الفاتحه
_ لاااه لسه مخلصناش

كان مهران قاعد مصدوم والدمعه هتفر من عينه خصوصا بعد ما الجد اتكلم معاه وعرفته أن في واحده تانيه هتموت عليه وهي أخت لابرار مش بس بنت عمها ومهيصحش نكسر قلبها وعشان كده ابرار رفضاه وهو اقتنع ووافق
_ احنا كمان هنقرا فاتحة مهران علي صابرين بنت عوض.
الفرحة كانت واخده الكل . اكتشفت أن الكل عارف ان صابرين عاشقة مهران عشان كدا كله كان فرحان حتي المجنونه ابرار
وقرينا الفاتحه وبدأت الستات بالزغاريد ملت البلد.
بعد يومين
_ ابرار انتي يا بت.
_ ايه يا امه الله.
_ قومي يا زفته
_ يييه هو في ايه ايه صوت الزغاريد ده.
_ انهارده كتب كتابك
_ نعم ..كتب كتاب مين يا امه.
_ كتب كتابك علي ابن خالتك.
كنت حاسه اني في كابوس ملوش ملامح ومفوقتش منه إلا علي صوت ابو يا ا وجدي وهما بيغصبوني عالجواز من علي بابا الفاشل حتي بعد كل محاولاتي بإفشال الزواج بردو تم
استسلمت في النهايه بس أقسمت بالله لوريه النجوم في عز الظهر لو ما نفذش اتفاقنا اللي بعد مشاورات بينا وخناقات اتفقنا عليه.

_ افردي وش امك ده.
دا كان صوتي وانا شايفه مبوزه زي اللي داخله حرب.
_ الله يحرقك يا علي بابا الزفت.
_ التمي يا زفته انتي.
_ متقوليش كده.
_ بومه بومه يعني.
_ اف.
كان دا حوارنا طول ما احنا قاعدين في الكوشه مش مصدق نفسي ولا اللي بقيت عليه مهما اتخيلت مكنتش اتخيل اللي بيجرالي ده بس كل ما ابص علي صابرين اللي طائره من الفرح جنب مهران اضحك والله واحس بالفرح.
_ حاسس اني اتسرعت.
_ الهي تتسرع يا بعيد
_ عدي الليله يا بربر
_ بربر
_ بدلعك يا ابرار مش عاجبك بربر .
_ الله يقرفك.
_ كده ابربر.
_ متقوليش يازفت.
_ بقولك ايه؟
_ ها..

_ دي ليلة العمر ومش هتتعوض حتي لو مش طايقين بعض لازم نستمتع بيها.
_ استمتع يا اخويا
_ اخوكي يا فقر.
_ اه اخويا.
_ طيب ايه متقومي ترقصي زي صابرين ومتفرحيش مهران فيكي
قدرت اوصل لنقطة ضعفها لمعت عينيها بالشر وابتسمت وقالت:
_ تصدق عندك حق قوم يالا..
وخدت ايدي ونزلنا من عالمسرح وقررنا نعيش اللحظه وكاننا احباب بقالنا عمر.
كان مهران قاعد مصدوم اللي فرحه علي بنت عمه صابرين معانا حقيقي صعب عليا بس مكنش في قدامي حل غير ده حقيقي خصوصا بعد ما ابرار قالتلي اني بنت عمها دايبه فيه وأنهم أصدقاء واكتر من اختها واستحاله تكسر قلبها.
تعبنا من الررقص وقعدنا.
_ فض الليله دي بقي يا علي بابا انت صدقت نفسك بجد
_ أقسمت بالله لاقصلك لسانك بس صبرا.
_ أقسمت بالله ما تقدر.
اسبوعين بس قعدتهم وبقيت بتكلم زيها وبستخدم تعبيراتها لا واضح اني هقدر عليها يا شماته مهاب ابن عمي فيا كنت دائما أقوله مراتك صوتها اعلى منك وبتمشي عليك اهي جت اللي هتفضحنى وتخلي رقابتي زي السمسمه.
دخلنا الدور التاني في بيت جدي اللي كان جدي موضبة سوبر لوكس من كافة شيء ودا فاجأنا كلنا وقرر أن دا شقتنا هنا.
_ اوعي بقي أما اخلع ام الفستان ده.
_ ادخلي يا اختي ما انتي مش وش فرحه دا أنتِ فقر.
_ احترم نفسك يا علي الزفت.

_ احترميني انا الاول يا بومه لاساوي وشك بالارض
_ منحط.
_ بومه.
_______
الفصل التاسع:
بعد يومين:
_ خلي بالك من بت خالتك يا علي
_ دي في عيني يا جدي انت هتوصيني علي مرتي.
كنت بتكلم زي جدي بالظبط جدي اللي حبيته جدا وانا ببصلها بشماته ودعناهم وركبنا نفس القطر والمره دي بقي دخلت انا وهي وجيت ادفع صممت ندخل بلطجة مقدرتش عليها للاسف ودخلنا
_ انا هنام فوق.
_ نام يا حيلتها انتي فالح الا في النوم
_ بت اتلمي مش عاوز صداع وبعدين انا فالح في حاجات تانيه كتير انتي اللي فقر.
_ متقوليش يا بت وبعدين لتلك.
_ اومال اقولك ايه بربر وشكلك فاهمني يانصه.
_ يييييه بطل سفاله بقي اتخمد
الخناق معاها طول الطريق كان مسلي جدا ولأول مره اكتشف انها اجمل من رات عيناي رغم قصرها ولسانها اللي متبري منها بس كان عندي فضول اتعرف علي كل حاجه تخصها. روحنا البيت واول ما دخلت من باب العماره لقيت أمي في وشي ميتا جت دي.
_ حبيبي انت جيت كل دي غيبه، مين دي؟
مسكت ايدها بتملك وقربتها مني وهي معترضتش كانت مسالمه بطريقه شككتني في أمرها بس مهتمتش دلوقت. من عادة العيلة أنهم اخر الليل بيتجمعوا تحت في الحديقه ونتعشي سوا كلنا، واحنا وصلنا عالعشا
_ اعرفكم يا جماعه ابرار مراتي وبنت خالتي ازهار
_ نعم يا اخويا قولت ايه؟
_ ابرار يا امي بنت اختك ومراتي مش عارفاها.

فعلا أمي مكنتش تعرفها ما هي كانت بتروح زياره ساعة بس وبتقضي الطريق رايح جاي وعمرها ما اهتمت تعرف حاجه عن حد.
________
بعد ساعتين مناهده:
_ اتجوزتها ووطيت راسي وكسرت قلب بنتك عمك
غريب أمر أمي والله بتدافع علي بنت عمي اكتر من بنت اختها.
_ يا أمي ملوش فائدة كلامك ده ابرار مراتي وانتهينا هنام هنا انهارده في اوضتي لحد ما بكره اجهز الشقة اللي فوق عشان نستقر فيها.
_ لا انت اكيد مش طبيعي اكيد ازهار عملتلك عمل زي ما عملت لابويا وخلته كتبلها كل حاجه.
_ انتي مصدقه نفسك؟
صرخ ابويا:
_ علي! احترم والدتك مش عشان ساكتلك من الصبح هتسوق فيها.
خرجت من شنطتي كل اوراق الورث بتاعتها ورميته ليها
_ جدي كتبلك ورثك محرمكيش من حاجه انتي بس فتحي عينك دي، وشيلي الغشاوة اللي علي عنيكي ربنا يهديكي بجد.
_____
_ مالك؟
_ مفيش
_ جعانه

_ لا
_ اومال مالك.
_ خالتي حتي مسلمتش عليا يا علي بابا
_ ناهيك عن علي بابا دي بس اكيد الصدمه بس اللي نستها.
_ انت بتعمل ايه ؟
_ بغير هدومي!
كان لسه هيقاع قميصه :
_ لا استني
_ استنا ايه
_ روحني شفتي يالا.
_ نعم يختي.
_ نعم ايه مش انا وانت اتفقنا علي كده.
افتكرت اتفاقي معاها عشان اخليها توافق عالجواز وهي اني هسيبها تروح شقتها عادي، ونرجع تاني ولا كأننا نعرف بعض وكل واحد يعيش حياته لحد ما تخلص السنه دي.وترجع البلد تعيش فيها، بس دا كان كلام ابن عم حديت تعرفوه طبعا، ال

اسيبها ال ال هبلة دي ياااك دا انا دايب في هواها البوم.ه دي ومن اول نظره كمان بس كنت بكابر وعامل وقور:
_ علي!
_ ها، اه ماشي الصبح.
_ اه.. ايه! يالا بينا صبح ايه؟
_ الصبح..الصبح انا تعبان يا ابرار.
_ ييييه اتخ.مد…
________

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية صدفه)