رواية من تكوني الفصل التاسع 9 بقلم ديجا
رواية من تكوني البارت التاسع
رواية من تكوني الجزء التاسع
رواية من تكوني الحلقة التاسعة
فالمستشفى هيام جهزت عشان تدخل العمليه ومعاها جويرية وهند وجاسر
هيام:أنا خايفه أوى يا جورى أمانه عليكي لو جرالى حاجه شروق امانه عندك
جويرية :بلاش الكلام ده يا هيام أن شاء الله هتقومى بالسلامه لبنتك اه صحيح ليا عندك خبر إنما ايه
هيام:خير يا جوري
جويرية :لقيتلك مكان تعيشى فيه ومش هتصدقى بكام وفين
هيام:بجد ربنا يخليكي ها بكام اهم حاجة
جويرية :200ج بس ومعايا فالبيت
هيام بعدم استيعاب:مش فاهمة هتأجريلى اوضه فى شقتكم
جويرية ضحكت :مش للدرجادى يا بنتى الشقه اللي تحت شقتنا اوضه وصاله والاوضتين التانيين محلات كلمت عم حسين وقالى انه هيفضيها ولما عرف انها ليكى قال مش هياخد اكتر من كده
هيام :ربنا يسترك زى ما سترتينى أنا وبنتى جمايلك فى رقبتى ليوم الدين
جويرية :جمايل ايه يا عبيطه انتي أختى..
الممرضه :يلا يا مدام عشان تدخلى العمليات
هيام بدموع:ادعولى
هند وجويريه:ربنا معاكي أن شاء الله هتقومى بالسلامه
عدى الوقت والعمليه خلصت والدكتور طمنهم وقالهم انها هتبات للصبح وبعدين تروح
جويرية قالت لجاسر يوصل هند ويروح وهى هتفضل معاها
جويرية اتوضت وصلت فرضها جنب سرير هيام وقعدت تدعى وتقرأ قرآن جالها رساله عالوتس وطبعا كانت من أسر🙈🙈:طمنينى على هيام
جويرية :الحمد لله بخير العمليه عدت بخير وهى تحت الملاحظة للصبح
أسر :الحمد لله يعنى روحتى البيت
جويرية :لأ طبعاً انا معاها للصبح إن شاء الله
أسر :براحه عليا وبعتلها ايموشن بيضحك😂😂
جويرية :مش قصدي انا قصدي انه ما ينفعش تبقى لوحدها
أسر :ربنا يجازيكى خير طب انتى محتاجه حاجه
جويرية :ربنا يخليك شكرا
أسر :هى المستشفى بعيد عن البيت ولا ايه
جويرية :مش قوى هى فى ميدان….. والبيت فى……
اسر:طب تمام أسيبك ترتاحي
جويرية :تمام
==========بقلمي /ديجا 💖💖💖
عاصم :الله الله يا أستاذ بتخونى
أسر :أنت هنا من أمتى
عاصم:طب مش محتاجة حاجة ناقص تقولها اجبلك وجبه كومبو وهوت شوكيلت وتقولي ابعد عنها وابويا مش هيرحمك وانت بتظبتها لنفسك لما اقول لخطيبتك دلوقتي
أسر مسك دبلته وابتسم :صدقنى يا اخى مش فارقه
عاصم :ايه ده ايه ده وقعتى يا بيضة ولا ايه مش كلهم زى بعض
أسر اتنهد: هتصدق لو قولتلك مش عارف انا بتصرف كده ليه وازاى كل اللي حسه أن هى تستاهل كل خير
عاصم :هو بدايته كده يا حبيبي بس أنت مش واخد بالك أنك هتتجوز بعد عشر ايام
أسر :مش هتفرق يا صاحبي.. بس قولى هى فيها حاجه لو خدتلها أكل
عاصم :مين؟؟
أسر :جويرية يا اخي
عاصم :لأ عادي هى موظفه عندك ومن حقك تطمن على موظفينك وماله يا بنى وماله
أسر :أنا غلطان أنى بكلم حيوان زيك يلا من هنا يلا
=============بقلمى /ديجا ❤❤❤❤❤
سماح اتصلت بسهيله والدها يبقي أبن عم رشدي
سهيله:يعنى جبلها تليفون وفستان وكمان فلوس ده ما بيعملش كده مع خطيبته
سماح:معرفش والله انا قولت اقولك ده بيتكلم معايا من مناخيره ومش طايقنى البت دى شقلبت حاله هو وابوه
سهيلة :كمان ابوه دى احلوت أوى
سماح:انا هقفل دلوقتي ولما اروح هكلمك
سهيله :ماشى ولو حاجه حصلت بلغينى.. سلام
سهيله قفلت مع سماح وطلبت رقم تاني
…… :لسه كنت هكلمك الحلو قرب يستوى عالاخر
سهيله :لما أشوف عايزاك تنجز ما فيش وقت وعايزة منك خدمة تانى
…….. :اؤامرك يا قمري
سهيله:فى بت كده شغاله عند عمو جديد ف المول عايزاك تجبلى قرارها
….. :حصل قوليلى اسمها ايه
سهيلة :تعجبنى عدى عليا بكره فالنادي خد الشيك ولسه لما احط ايدي على ثروة المنشاوي حلاوتك كبيرة
============بقلمي :ديجا ❤❤❤❤
هيام خرجت من المستشفى وجويريه بتراعيها وعم حسين جاب نقاش ودهن الشقه وجاب فيها عفش بسيط لهيام ونقلت فيها وجويريه رجعت الشغل وأسر كل يوم بيتعلق بيها عن اليوم اللي قبله بعد الشغل فالمصنع بيذاكرلها وفالمول مع بعض ولازم يكلمها واتس بالليل ومرت الايام وبكره فرح أسر
جميله بتعب :أنا كويسه يا حبيبتي روحي شغلك
جويرية :لأ يا ماما شكلك تعبان أوى اجبلك الدكتور بلاش نروح إحنا
جميله :لأ ياحبيبتي أنا كويسه روحي بقى ما تقلقيش
كح كح
جويرية :حاضر يا ماما
وصت جنه ما تتأخرش عشان ماما شكلها تعبانه
وعدى اليوم وجميله التعب زاد عليها وراحت المستشفى والدكتور قال إنها لازم تعمل العمليه خلال أيام
جويرية :هعمل ايه دلوقتي اكيد محدش هيرضى يتنازل عن دوره فالجمعيه ومفيش وقت
حسين :مافيش غير الحاج اللي ممكن يديكي المبلغ لحد ما تاخدي دورك فى الجمعيه روحيله يا بنتى وان شاء الله ربنا ييسرلك الحال
===========بقلمى /ديجا 💖💖💖
سهيله:ايوه بقى برافو عليك.. اقفل بقى دلوقتي عشان الحق أروح ليهم
……. :ماتنسيش حلاوتى
سهيلة :عيب عليك.. لازم تبقى ليا أنا بس يا أسر
يا ترى سهيله عملت ايه عشان تتجوز أسر وجويريه هتروح لرشدى تطلب الفلوس ده اللي هنعرفه الفصل الجاي ان شاء الله دمتم بخير
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية من تكوني)
