رواية من تكوني الفصل السادس 6 بقلم ديجا
رواية من تكوني البارت السادس
رواية من تكوني الجزء السادس
رواية من تكوني الحلقة السادسة
ليان:شوفيلك حل يا طنط مع أسر لو مش عايزنى يقولي أنا بجد تعبت
ابتهال :أهدى بس يا ليلو هو بس مالوش فى شغل شباب اليومين دول انتى بس بعد الجواز دلعيه وتخليه مش قادر يستغنى عنك مش كل شويه هقولك كده
ليان :اصلك ما شوفتيش بيبص للبت اللوكل اللي شغاله معاه ازاى ده عمره ما بصلي كده
ابتهال بضحك:يعنى هيسيب الحلاوة والشياكه دى ويبص للوكل زى ما بتقولى
هنا جت من بره هنا لنفسها (يادى القرف ايه اللي جابها دى) :هاى يا ليان
ليان:هاى يا هنون تعالى اقعدى معاناشوفى دريس الفرح هيتشحن فى خلال يومين
هنا :اممم معلش انا جايه تعبانه هطلع ارتاح شويه وبعدين ابقى أتفرج
ليان:تعالى بس أنا اختارتلك واحد يجنن تعالى
هنا :لأ ميرسى انا اختارت خلاص عن إذنك
ليان:واضح جداً ان محدش متقبلنى فالبيت ده غير حضرتك
إبتهال :اقعدي بس يا حبيبتي متزعليش هى بس جايه تعبانه من بره
ليان :لا خلاص يا طنط أنا ماشيه ورايا تحضيرات كتير باى
إبتهال :باى يا حبيبتي… طلعت ابتهال لهنا
إبتهال :ايه يا بنت قله الذوق دى مش كفايه اخوكى عليها
هنا: انا عملت ايه يعنى سلمت عليها وبعدين هى ليه تختارلى أصلا حد قالها انى مش بعرف البس هى متطفله شويه
إبتهال :عايزه تحس انها واحده مننا وانتى واخوكى الله يسامحكم مش عارفة هو عايزها ولا لأ
هنا :اخويا متخطاش اللي حصل معاه وحضرتك ضغطتى عليه فبقى مش فارق معاه
إبتهال :ما هو انا سألته وهو وافق انا ما اجبرتوش عليها
هنا:حضرتك ضغطة بشكل غير مباشر هو فى عريس راضى عن جوازته مايختارش اى حاجه وميجهز اى تحضيرات
إبتهال :مش عارفه يا هنا بقى خلاص الفرح باقى عليه اسبوعين
هنا :خليها على الله بقى يا ماما
===========بقلمى /ديجا ❤❤❤❤❤
أسر :استنى أوصلك يا جويرية
جويرية : شكرا لحضرتك هطلب تاكس
أسر :لسه هتستنى تعالى بس واعتبريتى تاكس يلا يا بنتى
جويرية بتردد : شكرا مش عايزه اتعب حضرتك
أسر دور العربية :يلا بقى
جويرية :حاضر….. وركبت جمبه
أسر :على فين
جويرية :مستشفى………..
أسر :مين اللي تعبان ان شاء الله خير
جويرية :ماما… هربت دمعه من عنيها والقلق باين عليها وبعد شويه وصلوا للمستشفى ونزلت تجرى على جوه وهو دخل وراها بس وقف بعيد
نرمين :تعالى يا حبيبتي هى جوه والدكتور معاها
جويرية :ايه اللي حصل يا عمتو
نرمين :بعد ما جاسر وجنه نزلوا راحوا الفرح رحت اقعد معاها فضلت اخبط ما ردتش قولت يمكن فالحمام ولا حاجة استنيت شوية وخبط تاني ولما ما ردتش فتحت بالمفتاح لقتها مرميه فالأرض ناديت على ام أحمد وشلتها وجينا على هنا رنيت على أخواتك تلفونهم مقفول رنيت عليكي
الدكتور خرج وجويريه جريت عليه :طمنى يا دكتور ماما مالها
الدكتور :ازمه بس جامدة شويه شكلها اتعرضت لضغط جامد
جويرية :وهى عامله ايه دلوقتي
الدكتور :تقدر تروح بس لازم ما تتعرضش لأى ضغط ولازم فى أقرب وقت تعمل العملية
جويرية :ان شاء الله يا دكتور ممكن أدخلها
الدكتور :اتفضلي بس ما تخليهاش تتكلم كتير
جويرية :حاضر.. ودخلت تطمن عليها وقعدت تتكلم معاها شوفتى يا ماما ربنا كريم استاذ أسر قدملى الورق فى الجامعه تانى وهيساعدنى اخد شهادتى واشتغل بيها
جميله بفرحه :ربنا يسعدك يا بنتى ويديكى على اد نيتك يا حبيبتي
نرمين دخلت :مين الشاب اللى جاى معاكي ده ياجورى
جويرية :هو لسه موجود يا خبر ده استاذ أسر اللى لسه بحكيلك عنه ياماما ابن الحاج انا هخرجله
نرمين :جاسر كلمني وجاي بيوصل جنه البيت
جويرية خرجت لأسر وبتمسح دموعها أسر شافها قرب عليها واتمنى لو يقدر يمسح دمعتها ويضمها يواسيها
أسر :احم إيه الأخبار مامتك عامله ايه
جويرية :الحمد لله بخير شويه وهنمشى أنا اسفه تعبت حضرتك معايا تقدر تمشى
أسر :آسفه على أيه انا هفضل معاكي وهوصلكم المهم إنك اطمنتى عليها
جويرية :الحمد لله على كل حال ما فيش داعي تعطل نفسك أخويا جاي فالطريق
أسر: ولو قلتلك إنى مصمم أفضل معاكي (وادرك ما قال) قصدي معاكم واتعرف على مامتك
جويرية :مش هقدر اعترض اتفضل معايا
فونه رن وكانت مامته :هرد عالفون تكوني اديتها خبر انى هدخل
جويرية :تمام عن اذن حضرتك
أسر رد على إبتهال وقالها انه مع جويرية فالمستشفى وده عصبها أوى بس ما أهتمش وراح عشان يتعرف على جميله
أسر :ألف سلامة على حضرتك
جميله بحب :الله يسلمك يا حبيبي شكرا على وقفتك مع جورى
أسر :آنسه جويرية تستاهل كل خير
جه جاسر والمحلول خلص وأسر أصر انه يوصلهم لحد البيت ودفع حساب المستشفى وجويريه رفضت واتفق معاها يخصمهم من المرتب وجميله أصرت عليه يطلع يتعشى معاهم وبعد محايله كتيرة أوى من جميله ونرمين وجاسر وافق وطلع
جنه لجورى:يخربيت جمال امه جبتيه منين ده
جويرية :احترمى نفسك يا بت انتي وبعدين انتى شايفاه بيطلب أيدى كل الحكايه ان الناس دي بتحب تعمل خير واحنا بالنسبهلهم حاله انسانية مش أكتر فهمتى وبعدين ده خاطب واحده من مستواه
جنه:فهمت يا اختى
أسر اتعشى. معاهم وشرب قهوته ونزل روح البيت كانت إبتهال ورشدى مستنينه
إبتهال :حمد لله على السلامة تتعشى
أسر :شكرا يا ماما اتعشيت فى بيت جويرية الناس مسكت فيا والصراحه مردتش اكسفهم
رشدي :وماله يا بنى ربنا يجبر بخاطرك المهم مامتها عامله ايه
أسر :الحمد لله بخير هى مريضه قلب حكى لرشدى اللي حصل وده خلى ابتهال تقرر أنها تقابل جويرية
===========بقلمى /ديجا 💖💖💖💖
جويرية بتكلم يوسف فيديو كول
يوسف :خلاص بقى يا جورى كفايه عياط متقطعيش قلبى يا بت الحمد لله ربنا سترها معاها بس معرفتيش ايه اللى زعلها
جويرية :لأمردتش عشان متتعبش تاني بس أكيد افتكرت عيلتها الله يرحمهم
يوسف:الله يرحمهم خلى بالك من نفسك عشان تعرفي تاخدى بالك منها
جويرية :أنت هتيجي امتى بقى هتفضل سايبنى لوحدي كده ياض انت
يوسف بيضحك :كلها اسبوعين واجيلك يا قمري 😘😘
يلا تصبح على خير يا قلبي
شويه وجالها رساله عالوتس من أسر :عامله ايه دلوقتي
جويرية :الحمد لله بخير
أسر :لو تعبانه ومش هتقدرى تيجى بكره ارتاحي
جويرية :ان شاء الله هاجي
أسر :تمام تصبحي على خير
جويرية :وحضرتك بخير
أسر أستغرب نفسه هو ليه بيتعامل معاها كده عقله:أكيد صعبانه عليك يعنى قلبه:مش يمكن معجب بيها هى تنحب الصراحه عقله:حب ايه وكلام فاضي ايه انت ناسى انه ما فيش حب قطع الصراع ده فونه وكان عاصم
فون جويرية رن وكانت هيام
جويرية : السلام عليكم خير يا حبيبتي مالك
هيام:………
جويرية :يا خبر أبيض معقوله
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية من تكوني)
