رواية من تكوني الفصل الرابع 4 بقلم ديجا
رواية من تكوني البارت الرابع
رواية من تكوني الجزء الرابع
رواية من تكوني الحلقة الرابعة
فالصاله تحت
هند:يا عم حسين ما تعرفش جوري مجتش ليه النهارده برن عليها مش بترد
حسين :ماهي مش هشتغل هنا تاني
هند باندفاع:ليه مشيت ولا راحت تشتغل فين
حسين :يا بنتى سبينى اكمل كلامي هى هنا بس فى الإدارة استاذ أسر خلاها سكرتيرة مكتبه
هند بزعل طفولى:مش كانت تاخدنى معاها الندله دي
حسين بضحك :هو بمزاجها يعني روحي على شغلك البريك خلص
هاني شغال معاهم فالصاله ومعجب بجويريه وهند معجبه بيه
هانى:آنسه هند ممكن كلمه
هند بفرحه :أكيد اتفضل
هاني :هى آنسه جويرية مجتش ليه النهارده
هند بضيق:اممم جويرية.. هى مش جايه تاني عن إذنك اشوف شغلى لنفسها(يارب تتنقط زى ما نقطنى كده يوم ما يتكلم معايا يسأل على جورى نننى بارد)
لمياء :مالك يا هنود بتكلمى نفسك ليه إلا صحيح جورى فين لتكون تعبانه
هند بتتنهد:ابدا يا ستى واحد بارد رخم عليا وست جورى اشتغلت سكرتيرة أسر بيه
:بنت حلال وتستاهل كل خير
هيام سرحانه وعينها مدمعه ومش معاهم اصلآ
هند :مالك يا لولو مين مزعلك
هياام :ابدا مافيش
لمياء :ريحي نفسك مش هتتكلم معانا احنا مش جورى
هيام دموعها نزلت:تعبانه شويه ادعولى عن إذنكم هروح الحمام
هند ولمياء : ربنا يشفيكى ويعافيكى
======بقلمى /ديجا ❤❤❤❤❤❤❤
إبتهال :مالك يا رشدي منزلتش شغلك ليه زى عوايدك أنت تعبان ولا حاجه
رشدي :ابدا يا حبيبتي مرهق بس قولت أرتاح
إبتهال :مافيش مشكله واهى فرصه اوريك التجهيزات لفرح أسر اصل كل ما اخد رأيه يقولى اللي تشوفيه مناسب اعمليه حاسه انه مش مبسوط
رشدي :وأنا برده حسيت كده ولما اتكلمت معاه قالى لأ بيتهيألك يا بابا
إبتهال :البنت مافيهاش عيب حسب ونسب زى ما بيقولوا ومامتها صحبتى
رشدي :اللي فيه الخير يقدمه ربنا.. اقولك انا هنزل المصنع شويه زهقان من القعده
إبتهال :ليه يا حبيبي ما تريح النهارده مش بتقول مرهق
رشدي :لأ خلاص بقيت كويس الحمد لله يلا سلام عليكم
إبتهال :وعليكم السلام ورحمة الله
هنا:مامى هو بابا مشى
إبتهال :ايوة كنتى عايزه حاجه
هنا:اممم فلوس عايزه اشترى فستان يجنن عشان فرح اسورى حبيبي
إبتهال :ورينى كده لو عجبني هشتيريه ليكى أنا
==========بقلمى /ديجا 💗💗💗💗💗
جنه :جوجو كنت عايزه اشتري دريس جديد عشان خطوبه واحده صاحبتي
جميله :خلى عندك دم دريس ايه اللي عايزه تشتريه أختك هتلاحق على أيه ولا إيه دى بتلبس لبسى عشان ما تشتريش لنفسها حاجه
جنه:يا جوجو يا عسل منك انتى من الحصاله مش من جوري
جميله:انتى مالك ومال الحصاله مش بتاعتك اصلا دى لجورى
جنه:اممممم يعنى ما فيش أمل
جميله :ولا عمر حتى يلا روحي ذاكري بلاش دلع
جنه:أوك يا جميله… وباست راسها ودخلت اوضتها
==========بقلمى /ديجا ❤❤❤
جويرية :أنا اسفه مكنش لازم اقعد هنا ولا المس حاجه بس التصميم شدنى
أسر :كأنك قريتى افكارى بجد جميل شكلك بتحبي الرسم
جويرية :اه جدا بعتذر مرة تانية عن اذن حضرتك
عاصم :على كده بقى مأكلتيش
جويرية :للأسف الوقت سرقنى ما فيش مشكله
أسر :معاكي وقت اطلبى أكل وكلى
فالوقت ده دخل رشدي المكتب
رشدي :خير يا ولاد فى اية
اسر:تعالى شوف التصميم ده اللي بقالوا اسبوع مغلبنى جويرية كملته بكل سهوله وأحلى من اللي تخيلت ارسمه
رشدي :برافو عليكي يا حبيبتي
جويرية : مش للدرجادى أنا معملتش حاجه ده تعب البشمهندس
رشدي :ماهى كانت فنون جميله زيك
أسر باستغراب :بس انتى قولتى أنك معاكي ثانوية عامة
جويرية افتكرت ذكرى كانت شغاله فى مكتبه وبتعمل لوحات الطلبه وبنت صاحب المكتبه ومراته قطعوا كل اللوحات ومراته قالت لها :يا دى السنتين فنون جميلة اللى قرفتينا بيهم وكلها شويه ومش هيبقي معاكي غير اعداديه
جويرية :ابدا اصلي بسمع تعليقات سخيفه بسبب السنتين دول فابختصر واقول ثانوية عامة
أسر :انتى حقيقي موهوبه ليه ما كملتيش
جويرية :مافيش نصيب.. عن اذنكم
عاصم :البت جامده اوي يا با رشدي
رشدي :عاصم اتلم والا انت عارف انا خارج
أسر بضحكه :امال لو عرف اللي انت ناوى عليه
عاصم :وحياتك ليوم فرحك ادخل بيها فى ايدي
أسر :لما نشوف
جويرية بعد الشغل قابلت هيام وكانت معيطه خدتها وقعدوا فى كافتريا المصنع وجنه رنت عليها وقالت لها انها عايزاها فى موضوع مهم من غير ما تقول لجميله
جويرية :مالك يا هيام فيكى ايه حد مزعلك
هيام بعياط:ابدا يا جوري كل الحكايه انى تعبت ورحت كشفت وطلع عندى المرض الوحش ولازم أعمل عملية اشيله قبل ما ينتشر فى حته تانيه وجوزي لما عرف خايف يقرب عليا لعديه اصل مفكرة معدى
جويرية :لا حول ولا قوة الا بالله العلي العظيم انتي ايه اللي مصبرك على الراجل ده يا بنتى وبعدين ما تخافيش ان شاء الله خير هتعملى العملية وهتبقى كويسه
عدى اليوم وتاني يوم نزلت جويرية الصاله وطلبت منهم يسمعوها
يا ترى جويرية هتقول ايه وهتعمل ايه مع جنه
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية من تكوني)
