رواية من تكوني الفصل الثالث 3 بقلم ديجا
رواية من تكوني البارت الثالث
رواية من تكوني الجزء الثالث
رواية من تكوني الحلقة الثالثة
اسر لعاصم :زى ما بقولك كده شاطرة جدا هخليها من بكرة سكرتيرة مكتبى وامشى البت المايعه دي
عاصم بيضحك :هموت واشوفها أكيد شبه نجيبه متولى الخولى
أسر :اتلم يا جدع أنت هى لبسها محترم ومش بتلون وشها بطبيعتها كده
عاصم :البيه وقع ولا ايه متنساش إنك خاطب وفرحك آخر الشهر
أسر :وقعت ايه يا عم هو أنا بعاكسها انا بقولك بس انها محترمه مش أكتر وبعدين بتفكرنى ليه بالفرح ده انت عيل غتت
عاصم :حرام عليك بنات الناس مش لعبه كنت رفضت وخلاص يا صاحبي
أسر :أنت مش عارف زن امى وبعدين مش فارقه اهى جوازة وخلاص كلهم صنف واحد بيحب الفلوس والمظاهر
عاصم :لأ يا أسر مش كلهم زى بعض أنت بس اللي قابلت الغلط انسى بقى ولو مش مرتاح بلاش منها الجوازة دى
أسر :صدقنى مبقتش تفرق اكمل او لأ يلا قوم عشان نروح
=======بقلمى /ديجا ❤❤❤❤
جويرية نزلت عشان تروح لكن لقت رشدي فالعربيه راكن على جمب مش قادر يتنفس جريت عليه خبطت عالازاز
جويرية :حضرتك كويس
رشدي بيشاور انه مش قادر يتنفس وفتح العربية
جويرية :انا بعرف اسوق هاخد حضرتك على أقرب مستشفى
فالمستشفى جريت جويرية طلبت ترولى ودكتور يفحص رشدي
الدكتور :ازمه قلبيه وحضرتك كنت بتاخد ووقفته
رشدي :ايوة كنت باخد علاج ويأست خلاص
جويرية :ليه كده بس يا ولا تقنتوا من رحمه الله
رشدي :ونعم بالله يا بنتى بس أنا نفسي اروح لحبايبى بقى
جويرية :حبايبنا اللي راحوا موجدين حوالينا وبيحسوا بينا بيفرحوا معانا ويزعلوا علينا واكيد حبايبك اللى انت عايز تروح ليهم زعلانين على اهمالك لنفسك ده
جويرية فونها رن وكان عم حسين
رشدي :متقوليش لحسين حاجه محدش يعرف بمرضى دة غيرك دلوقتي
جويرية :حاضر..
حسين :روحتى يا بنتى ولا لسه
جويرية :لا لسه يا عمى مع واحدة صحبتى كده ومروحه على طول ان شاء الله
حسين :تروحي بالسلامة يا بنتى استاذ أسر عايزك بكرة ما تنزليش الصاله تطلعى على الإداره فوق عشان هتكونى سكرتيرة مكتبه
جويرية :حاضر يا عمى ان شاء الله
رشدي :معلش يا بنتى أخرتك وزمان اهلك قلقانين عليكي
جويرية :لأ ابدا ما فيش حاجه انا كلمت ماما واخويا جاى ياخدنى.. المهم ان حضرتك بخير
رشدي :حسين قالى انه فى طب
جويرية :اه وجنه فى هندسة
رشدي:وانتى كان نفسك تدخلى ايه
جويرية :انا دخلت فنون جميله سنتين
رشدي :وطبعا سبتيها عشان الشغل
جويرية :ايوة بس الحمدلله مش زعلانه ربنا يكرمنى فى اخواتي
رشدي :أكيد ربنا هيجبر بخاطرك يا بنتى
الدكتور :تقدر تروح دلوقتي يا حاج ولازم تلتزم بالعلاج
جويرية :ان شاء الله يا دكتور.. يلا بينا
رشدي :متعطليش نفسك يا جويرية انا هروح
جويرية :جاسر تحت هنوصل حضرتك ونمشي ما فيش مناقشه والعلاج حضرتك هتلتزم بيه وإلا هقول للبشمهندس أسر انا من بكره هبقى سكرتيرة مكتبه
رشدي :أوامرك يا قمر حاضر
نزلوا ركبوا العربية وساقت جويرية;انا مش معايا رخصه في حد ممكن يوقفنا فالطريق
رشدي :لا متقلقش بس إزاى بتسوقى ومش معاكي رخص
جاسر :اصل جورى بتحب تتعلم كل حاجه وخلت يوسف ابن عمتى علمها وبقت تسوق احسن منه وشايفه انها مش معاها عربيه فا ليه تطلع رخص
رشدي :ايوة فهمت.. بس فالحقيقة هى ممتازه فكل حاجه ربنا يحميها ويحفظها من كل شر
جاسر :يا رب
وصلوا رشدى قبل الفيلا بشويه وهو دخل بيها عشان محدش يحس بحاجه وجويريه وجاسر طلبوا أوبر للبيت
========بقلمى /ديجا ❤❤❤❤❤
جميله:حمدالله على السلامه يا حبيبتي
جويرية :الله يسلمك يا جوجو
جميله:اقعدي احكيلى بقى ايه حصل ده كله
جويرية :اقولك يا ستى….. وقعدت حكت لها كل اللي حصل
جميله باستها :ربنا يبارك فيكي يا حبيبتي
=======بقلمى /ديجا ❤❤❤
تانى يوم الصبح جويرية راحت المكتب واستلمت شغلها وأسر شرح ليها كل حاجه وبعت لبنى السكرتيرة مكان تاني بعيد عنه
جويرية :احممم اتمنى ما اكونش اتسببت فى قطع عيش حد
أسر :ابدا يا آنسه جويرية انا كده كده كنت هستغنى عنها
جويرية :الحمدالله.. دى الأوراق اللي حضرتك طلبت منى اصورها
أسر :تمام حطيها عندك واتفضلى
جويرية :عن اذن حضرتك
شويه وجه عاصم عشان يشوف جويرية
عاصم :السلام عليكم ورحمة الله وبركاته
جويرية وعليكم السلام ورحمة الله وبركاته اساعد حضرتك ازاى
عاصم :يخربيت جمال عنيكى ولا دول لينسس
جويرية بضيق:اساعد حضرتك إزاى
عاصم :اطلبيلى دكتور سهم عنيكى صابنى
جويرية :حضرتك عندك معاد مع البشمهندس أسر
عاصم انا مش باخد مواعيد انا بدخل على طول
جويرية :من فضلك ما ينفعش كده
دخل على أسر وجويريه وراه
جويرية :والله يا بشمهندس هو اللي دخل
أسر :مافيش مشكله ده عاصم زى اخويا اول لما يجى يدخل
جويرية :حاضر عن اذن حضرتك
عاصم :ممكن تبعتيلى عصير فريش
جويرية :حاضر
عاصم:البت قمر يخربيتك بس محتاجه تتلمع شويه
أسر :احترم نفسك يا بغل أنت
عاصم :خلاص خليها عليا وحياتك لاوقعها تراهنى
أسر :دى تبع عم حسين واكيد لو مش تمام مكنش جابها المصنع
عاصم :خلص الكلام رهان اقل من شهر
اسر:أنت حر لو بابا عرف مش هيرحمك
عاصم :أنت مش بالليل قولت ان كلهم زى بعض بتوع فلوس ومظاهر انا عايز اثبت نظريتك
أسر حس بضيق مش عارف سببه :ماشى يا عم يلا بقى ننزل نتغدا
جويرية دخله بالعصير عاصم خد الكوبايه شربها على مرة واحدة
أسر :مفجوع.. احنا هننزل نتغدا ممكن لو سمحتي تلمى الورق اللى عالمكتب وارميه على لما ارجع
جويرية دخلت المكتب ولمت كل الورق لكن لفت نظرها ان كل الورق لنفس الرسمه وهى كوليه الوقت سرقها فالمكتب اتفاجأت باسر وعاصم
أسر بدهشه :ايه ده؟؟؟
جويرية اتخضت :أنا……
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية من تكوني)
