رواية حين التقيتك الفصل الخامس 5 بقلم هبة حامد
رواية حين التقيتك البارت الخامس
رواية حين التقيتك الجزء الخامس
رواية حين التقيتك الحلقة الخامسة
النهارده الجمعه بتاعت نص الشهر اللي بنعزمه هو واهله فيها وتتجمع العيلتين علي العشاء وبنبداء سهرتنا الجميله بقصص اهلنا وطفولتهم وطفولتنا، والجو مش بيخلي من الضحك من تريقة ادم واسر اخوه وياسين اخوياعليهم وعلي اللي كان بيحصل زمان ودلوقت
ادم كان قاعد ف البلكونه وبيلعب ف الفون لما دخلت عليه بالعصير ـ بتخوني صح قول قول متنكرش
ـ بالله عليكي دا منظر واحد يخون؟ وبعدين لو بخونك هديكي باسورد الفون برضو
ـ اممممم اقنعتني، بس عارف لو فكرة تغيره هعرف عطول انك بتخوني
ـ لا يستي مش هغيره، هبقي اجيب واحد تاني اخونك منه
ـ اذا كان كدا ماشي
طلع شنطة هدايا شكلها رقيق
ـ اتفضلي يستي بما اننا خلصنا سورة الانعام وكمان الاربعون النووايه
اختها منه وفتحتها ـ الله كتب محمد الغليظ!
طلعت بوكس صغير كان فيه سلسله سمبل وكان عليها اسمه
ـ ادم بجد تحفه اوي بس دا كتير، كان كفايه حاجه واحده المره دا، انت كل مابخلص سوره بتجبلي هديه
ـ لازم اشجعك طبعا وبعدين مش احنا اتفقنا كل سوره هنحفظها في مكافئه
هزيت راسي بايجاب وانا مبسوطه جدااا
عايزه اقوله انو احسن مكافئه فحياتي، واني مش عايزه غيره
ادم حبه واهتمامه بيبان من غير مايعبر بكلام حب
ادم بيعبر عن مشاعره وحبه باهتمامه بأدق التفاصيل بخوفه عليه، بثقته فيه وف نجاحي، بدعمه ليه ف كل خطوه، بوجوده جمبي، ادم بيستحملني فكل حالاتي، هحتاج مكافئه اي غيره بعد كل دا
يكفيني انا تكافئني بوجودي جوارك مدي الحياه ايها الفارس الذي تفصح عينيه عن مايوجد بداخل قلبه، يكفيني انت
فات سنه ونص علي خطوبتنا كنت ف اخر سنه وكان باقي شهر علي الامتحانات
ـ وتوته توته خلصت الحدوته
ـ ادم هو احنا مش هنخرج؟ انا تعبت من المذاكره وعايزه افصل
ـ البرنسيسه عايزه تروح فين؟
قولت بحماس ـ اي مكان حلو، حتي لو هنقعد علي البحر اهو اسمه تغير جو
ـ خلاص ياستي، علي الجمعه الجايه ان شاءلله هخرج انا وانتي وافسحك فسحه جامده
قولت باستغراب ـ اي دا اول مره متقولش وياسين انا وانتي وياسين
ـ لا مش هيبقي في ياسين ان شاءلله، انا هاجي بكره واكلم مع عمي
ـ امممم، مش فاهمه حاجه بس اللي تشوفه
ادم من وقت ماتخطبنا وهو محافظ علي ضوابط الخطوبه وف الحقيقه دا احلي فتره فحياتي إن شخص يثبتلي حبه بافعاله وهو بيراعي ربنا فيه وناوي يبدا حياته برضا ربنا ، ومراعي ثقة اهلي والاصول، وهو فعلا ابن اصول
ـ احم عمي انا كنت عايز اطلب من حضرتك اننا نكتب الكتاب الجمعه الجايه والفرح بعد الامتحانات، دا لو حضرتك معندكش مانع
ـ والله يبني انا مش عايز بس حاجه تشغلها عن الامتحانات
ـ اوعدك ياعمي، اني مش هخلي حاجه تقف فوش مستقبلها ولا حتي انا
ـ ماشي يبني علي بركة الله
ـ انت مقولتليش ع موضوع كتب الكتاب دا ليه ان شاءلله
ـ حبيت اعملهالك مفاجأه اي رايك؟
ـ اممم، بس انت كنت قايل هنكتب الكتاب يوم الفرح
ـ وغيرت راي
ـ طب ليه؟
ـ هقولك بعد كتب الكتاب
بارك الله لكم وبارك عليكم وجمع بينكم في خير
جه يوم كتب الكتاب، كنت لابسه فستان بيبي بلو في ورود ولؤلؤ ابيض وخمار بنفس الون، وبعد اصرار كتير من اهلي حطيت ميكاب سمبل بما ان الرجاله لوحدهم والستات لوحدهم
ـ الف مبروك ياحلي عروسه ف الدنيا
ـ الله يبارك فيك يادومه
ـ يااااه دومه طلعه منك زي العسل قوليها تاني كدا
ضحكت بكسوف ـ الله بقا يادومه
ـ الله عليك انتِ، ليال هو انا قولتلك قبل كدا؟
ـ قولتلي اي؟
ـ اني بحبك ومحبتش فحياتي غيرك
اتكسفت ووشي احمرـ وانا كمان يادم
ـ انتي كمان ايه؟
ـ اممم بحبك
ـ يافرج الله، كنت سألتيني ليه غيرت راي وخليت كتب الكتاب قبل الفرح
ـ ايوه صح ليه؟
ـ علشان تعبت ياليال، كلام كتير اوي عايز اقولهالك، مشاعري خلاص ياجدع مش عارفه اخبيها اكتر من كدا، دانا عيوني فضحاني
غمز ـ ولا ايه؟
ضحكت ـ كلام ايه بقا اللي انت عايز تقوله
ابتسم ـ ضحكتك حلوه اوي طفوليه، وعيونك كمان كلها بحر حنيه
باندهاش ـ يسلام
ـ بصي هو انا مش شاعري ومش بعرف اقول كلام حلو اوي يعني، بس اعرف اقول اللي حاسه
قرب مني ـ وبصراحه بقا انا حاسس اني جعان
ضحكت ـ جعان؟ لا حول ولاقوة الابالله، هقوم احضر الاكل
ـ بقولك انا عايز اكل انا وانتي بس لوحدنا
رفع ايده لفوق ـ خلاص بقا انتي بقيتي حلالي ولا ايه؟
مشيت وسبته حضرت الاكل واتغدينا سوا كان بيأكلني بأيده، كأن مزيج مبين الخجل والحب
حطيت ايدي علي بوقي وهو بياكلني ـ خلاص بقا يادم انا شبعت
نزل المعلقه من ايده ـ وانا مش هغصب عليكي يستي، مش كان زمنا اتغدينا بره بدل ماليوم بيخلص مننا كدا
ـ ماما يسيدي مش معترفه باكل المطاعم، اكلها احلي طبعا، دا عملت لازانيا عشان انت بتحبها
ـ ربنا يباركلنا فيها يارب، طب يلا عشان نمشي اتاخرنا
الخروجه المره دا كانت مختلفه، انا وهو والعشق سبقنا، ماسكت ايده لاول مره مع قشعريرة جسمي، كلامه الحلو اللي بيوصف مشاعره ليا، عيونه اللي منزلتش من عليه، وصفه لكل حاجه حلوه فيه، خلتني احس اني بعيش لاول مره قصة حب، بتمنيء متنتهيش
_مبسوطه؟
انا اسعد انسانه ف الدنيا معاك
_ودا المطلوب، بيقولك كل مازوجتك تبقي مبسوطه هتبسطك، وانا بدور علي انبساطي ورحتي برضو
ـ يسلام، لا حريف وبتلعبها صح
ـ اومااااال، عندي ليكي مفاجأة
ـ هي ايه؟
ـ قومي بس يالا
اخدنا وقابل واحد معاه كاميرا، وطلعنا علي البحر
ـ هو احنا هنعمل سيشن؟
ـ اه دا هدية كتب الكتاب ياحبيبتي، وبعدين احنا مفيش صوره بتجمعنا مع بعض
اتصورنا كتير اوي وكنت مبسوطه جدا خلصنا ورحنا جبنا ايس كريم وقررنا نمشي لحد البيت، الكلام بينا مكنش بيخلص، مكنتش عايزه ايده تفرق ايدي ابدا انا مصدقت مسكت فيه، محسناش بالوقت ولا برجلي اللي وجعتني من كتر المشي، هي الحظات الحلوه كدا بتخلص بسرعه، ودعنا بعض وكل واحد راح علي بيته
ملحقتش اغير لبسي، لقيت اسمه منور الفون
ـ الو
ـ وحشتيني
ابتسمت دا اول مره اسمعها منه ـ يسلام انا لسه سيباك
ايه لحقت؟
ـ طب والله وحشتيني، عارفه ياليال كل مره كنت بمشي من عندكم كنت ببقا عايز ارجع تاني كنت بحس الوقت بيعدي بسرعه اوي مش بلحق اشبع من وجودك
اتنهد وكمل ـ انا بتمني الشهرين دول يعدو بسرعه عشان نبقي ف بيت واحد بقا وارجع كل يوم من الشغل وانا ملهوف اشوف القمر اللي منور حياتي
كنت مبسوطه ومكسوفه اوي مكنتش عارفه ارد عليه..
ـ سكته ليه؟
ـ مش عارفه اقولك ايه
ـ قولي لا اله الا الله كدا
ـ لا اله الا الله
ـ محمدرسول الله، تصبحي علي خير ياحببتي
ضحكت ـ وانت من اهل الخير
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية حين التقيتك)
