رواية ندم الفصل الثالث 3 بقلم رانيا عمارة
رواية ندم البارت الثالث
رواية ندم الجزء الثالث
رواية ندم الحلقة الثالثة
بعد ما لقيته عاملي بلوك..غصب عني قلبي وجعني وعيطت مقدرتش استحمل وأقاوم مشاعري!..وابتديت أحط احتمالات كتير للي حصل! قولت مش يمكن انا غلطت في حاجه؟..طيب مش يمكن معملش بلوك وقفل رقمه!..طيب مش يمكن حابب يكون لواحده ومش عايز حد معاه؟ مش يمكن عنده مشاكل أو ضغوطات؟..وعلشان اتأكد.. جيبت رقم تاني ودخلت لقيته ظاهر عادي! ومقفلش رقمه ولا أي حاجه!.. دخلت الاكاونت عنده لقيته بينزل صوروا..واستوريز..والحياه ماشيه عادي!..فضلت ٣ أيام على نفس الحال..تعبانه وعالطول نايمه بتعذب وقلبي واجعني..حتى دموعي مبتلحقش تنشف..لحد ما في مره لقيت البلوك اتشال..وداخل يكلمني بيقول إني وحشته..وانه زعلان من اللي حصل..وكان بيعرفني قد ايه انه عامل فيا جِميل عشان جه يكلمني..حتى كان بيقلب عليا كل اللي حصل رغم انه اللي غلطان مش انا!! وبيحاول يطلع مبررات لـ غلطاته! مكنش بيعتذر..كان كل كلامه ان كل اللي حصل ده له أسباب!..وعلشان قلبي بيحبه ومتعلق بيه..خدت واديت معاه في الكلام..وقولتله كل اللي مزعلني! وان مكنتش اتخيل انه يعمل معايا كل ده! خصوصاً ان انا كنت محتاجاه جنبي!..فضل يتحجج بالظروف والمشاكل و الضغوطات اللي عنده..واتصالحنا ورجعنا نتكلم من تاني..وحاولنا نحط حدود لمشاكلنا وازاي نقدر نحلها في وقتها!..عدى شهرين كنا كويسين مع بعض جداً..أي حد يشوف أفعاله وتصرفاته معايا يقول ده بيعشقك مش بيحبك بس!..لحد آخر مشكله واللي ابتدا يحصل فيها غلط بالكلام.. غلط مفيش انسان يقبله على كرامته مهما حصل!..كان قاسي في كلامه اوي! كلامه كأنه سكينه بتجرح في قلبي وبتموتني بالبطئ لحد ما سابني للمره التانيه! والمره دي قالهالي في وشي قالي مش عايزك في حياتي تاني..وعملي بلوك.. ساعتها كانت الدنيا بتلف بيا ومش قادره اقتنع ولا أصدق اللي حصل ده..لا ارادياً انهارت انهيار شديد.. قومت من مكاني وفضلت أصوت وانا حاطه ايدي على قلبي! بقيت أخبط رجلي في الأرض من شدة الذل اللي انا حاسه بيه!..ايوه ماهو الحب ذل!..لحد مااختي جات وشدتني وكانت مصدومه من الحاله اللي انا فيها..وخدتني في حضنها تهديني..وانا بقيت أعيط اكتر وأكتر وجسمي يترعش من الألم النفسي الرهيب اللي جوايا!..قالتلي انا عارفه انك مش بخير بس محبتش أضغط عليكي وقولت أسيبك على راحتك!.. قولتلها انا مش قادره انا تعبانه اوي فيا حاجه بتموتني بالبطئ!..كانت حالتي صعبه ملهاش وصف لان الحقيقه كنت بعشقه مش بحبه! كان واخد مكانه في قلبي تانيه خالص عن كل الناس اللي حواليا! كنت الأم والصديقه والأخت والحبيبه وكل حاجه!..كنت بقوم بكل الأدوار في سبيل راحته!..قامت أختي تجيبلي مايه ورجعت.. كنت رافضه أشرب أي حاجه!.. اتحايلت عليا وسمعت كلامها وقعدت تهديني وبعد ربع ساعه ابتديت احكيلها كل حاجه كانت بتسمعني وهى بتتقطع عليا!..وبعد ماحكيتلها..قالتلي هتلف وهيرجع وانتي وقتها هتخرجيه من حياتك وبدل ماهو اللي كان مش عايزك انتي اللي مش هتكوني عايزاه مهما لف او اتنطط، عمرك ماهتديله نفس المكانه اللي هو مقدرش قيمتها!..الأيام بتنسي!..بس انا من جوايا كنت رافضه فكرة ان حد غيره يكون في حياتي!..حتى لمجرد التفكير مش قادره!..ازاي هقدر اتجوز حد غيره؟ واحقق أحلامي مع حد غيره؟ ازاي هقدر اعمل كل ده مع حد تاني!..قالتلي وقتها ده مش هيكون تفكيرك، لما تنسي الشخص اللي أذاكي وربنا يعوضك بالأحسن…هتحمدي ربنا مليون مره انه شالك من طريقه!.. وعسى أن تكرهوا شيئا وهو خير لكم!..قولتلها عندك حق.. وابتديت اقتنع بكلامها مع انه صعب!..اختي خرجت من الأوضه تجيب حاجه وفي الوقت ده مسكت الموبايل لقيت آيه قرآنيه ظهرت في وشي فجأه(وعسى أن تكرهوا شيئا وهو خير لكم وعسى أن تحبوا شيئاً وهو شراً لكم والله يعلم وانتم لا تعلمون)
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية ندم)
