رواية إكليل الحياة الفصل التاسع والثلاثون 39 بقلم دودو محمد
رواية إكليل الحياة الجزء التاسع والثلاثون
رواية إكليل الحياة البارت التاسع والثلاثون
رواية إكليل الحياة الحلقة التاسعة والثلاثون
نظرت ابرار إلى يد سراح الممسكه بيدها وتنهدت بحزن ونظرت له وقالت
ابرار :-بس أنا ببقى ضعيفه اوى بعد ما بشوفها قلبى بينكسر وبحس بخنقه
ربت على يدها وقال بنبره هادئه
سراج :-انا جنبك متقلقيش امشى يلا
تحركت معه لداخل حتى رأت معاذ نظرت إلى سراج بتوتر وقالت بقلق
ابرار :-سراج ممكن اطلب منك طلب
اومأ رأسه بالتأكيد وقال
سراج :-اه طبعا قولى
ردت عليه بتوتر وقالت
ابرار :-ممكن متعملش مشكله مع معاذ علشان خاطرى عدى اللحظه دى بس من غير مشاكل علشان انا مش مستحمله اصلا
زفر بضيق وقال بأمر
سراج :-ماشى بس انتى برضه متتكلميش معاه خالص فاهمه
تنهدت بنفاذ صبر وقالت
ابرار :-حاضر يا سراج حاضر
وصلوا أمام غرفة والدتها وشعرت بدقات قلبها تتزايد ضغطت على يد سراج بتوتر وأغلقت عينيها حتى لا تنهمر دموعها
نظر لها بحب وقال بنبره هادئه
سراج :-اهدى يا ابرار
اقترب إليهم معاذ وقال بسعاده
-ابرار اخيرا وافقتى انك تيجى تشوفى والدتك
نظرت له بتوتر ثم نظرت إلى سراج بقلق وظلت صامته
رد عليه بضيق وقال
سراج :-ممكن تبعد كده هى متوتره لوحدها
وأبعده عنهم
نظر له بعدم تصديق وقال
معاذ :-لا بجد ربنا يشفيك ويقويكى يا ابرار على اللى انتى فيه
وتركهم وجلس على المقعد
نظر له بغضب وكاد أن يشتبك معه لكن أمسكت يده ابرار حتى تمنعه وقالت بترجى
ابرار :-بلاش يا سراج علشان خاطرى
زفر بضيق ونظر له بتوعد ثم طرق على الباب
فتحت لهم ملك ونظرت لها بعدم تصديق وقالت بسعاده
-ابرار أنا مش مصدقه نفسي تعالى ادخلى
نظر لها حتى تتحرك وقال
سراج :-ادخلى يا ابرار وانا هستناكى هنا
نظرت له بتوتر وتنهدت بضيق وتحركت لداخل
أغلقت ملك الباب وقالت بسعاده
-ادخلى يا ابرار اقعدى هى لسه نايمه دلوقتى هصحيها
حركت رأسها بالرفض وقالت
ابرار :-لا خليها نايمه، الدكتور قالك ايه
تنهدت بحزن وقالت
ملك :-تجرثم فى الدم بس الحمدلله انها سلبي طبعا هى مفكره أن السكر عالى عليها بس وقاعده هنا لحد ما السكر يتظبط علشان كده مش قايله لحد حالتها ، غيرك انتى لانك بنتها ولازم يكون عندك علم بكل حاجه
نظرت لها بقلق وقالت بتساؤل
ابرار :-طيب ده في خطوره عليها
نظرت لها بقلق وقالت
ملك :-هما دلوقتى بيعالجوها بالمضادات وفى نفس الوقت بيحاولوا ينزلوا السكر الدكتور طمنى من شويه أن الميكروب قلة نسبته حاليا وان شاءالله هتبقى كويسه
نظرت إلى والدتها بحزن وقالت
ابرار :-بتحس بألم ولا حاجه
اجابتها بحزن وقالت
ملك :-اوقات كتير بتتألم بس بيدوها مسكن بيهديها شويه
جلست على المقعد ونظرت لها بحزن امسكت يدها ثم نظرت إلى ملك وقالت بتساؤل
ابرار :-طيب الدكتور مقالش مدة علاجها هتكون قد ايه
حركت رأسها بالنفى وقالت
ملك :-لا مقالش قالى وقت ما تظهر التحاليل كويسه هيكتبلها على خروج
ربت على يدها بحنو وظلت تنظر إليها بصمت تام
اقتربت منها وقالت بترجى
-ممكن اصحيها دى هتفرح اوى لأنها لسه كانت بتقول عايزه تشوفك
اومأت رأسها بالموافقه وقالت
ابرار :-ماشى بس انا هصحيها
ثم نظرت لها وقالت
-ممكن تسبينا لوحدنا
ابتسمت لها بتوتر وقالت
ملك :-ماشى بس ارجوكى متزعلهاش لأن السكر عالى والزعل ممكن يأذيها
نظرت لها بضيق وقالت
ابرار :-متقلقيش هى تبقى أمى انا كمان وخايفه عليها زيك واكتر
تحركت ملك إلى الخارج وأغلقت الباب خلفها
نظرت إلى الباب بضيق ثم نظرت إلى والدتها وقالت بصوت هامس
ابرار :-ماما يا ماما فؤقى
فتحت عينيها بعدم تصديق ونظرت لها بصدمه وقالت
وفاء :-انا بحلم صح اكيد أنا شيفاكى دلوقتى فى الحلم
حركت رأسها بالرفض وقالت
ابرار :-لا مش بتحلمى انا فعلا هنا موجوده جنبك
اعتدلت سريعا وحركت يدها على وجه ابرار وقالت بدموع
وفاء :-بنتى حبيبتى ونور عينيا انا مش مصدقه نفسي ياريت كنت تعبت من زمان علشان اشوفك هنا جنبى
ابتسمت لها بدموع وقالت
ابرار :-الف سلامه عليكى أن شاءالله تبقى كويسه وترجعى تنورى بيتك
إزالة دموعها بحب وقالت
وفاء :-متعيطيش يا قلب امك أنا ما صدقت شوفتك جنبى وماسكه ايديا انا اسفه يا بنتى اسفه على كل لحظه بعد فيها عنك اسفه أن سيبتك تقاسي مع الزمن لوحدك اسفه على كل لحظه عيطى فيها وانا مش جنبك
فركت يدها ببعض بحزن ونظرت لهم وقالت من بين دموعها
ابرار :-انا مش عارفه المفروض اعمل ايه دلوقتى اى بنت طبيعيه هتكون جنب والدتها فى وقت زى ده إنما أنا مش قادره اكون جنبك ولا قادره ابعد واسيبك أنا بجد نفسي اسامحك واترمى فى حضنك اللى اتحرمت منه طول السنين دى بس مش قادره صدقينى مجرد التفكير بس قلبى بيوجعنى احساس الحرمان صعب اوى اصعب ممكن تتخيلى أنا جوايا حاجات كتير اوى عكس بعض ومش قادره ارسي على حاجه تريحنى
ثم تنهدت بحزن وقالت
-سيبك مش وقت الكلام ده بعدين المهم دلوقتى تبقى كويسه
نظرت لها بحب وقالت
وفاء :-انا دلوقتى بس بقيت كويسه علشان شوفتك يا نن عينى
إزالة دموعها بأناملها بحزن وقالت بأبتسامه حزينه
ابرار :-انا لازم امشى دلوقتى واسيبك ترتاحى وهبقى اجيلك تانى اطمن عليكى
أمسكت يدها بترجى وقالت
وفاء :-خليكى معايا شويه ملحقتش اشبع منك يا بنتى
نظرت إلى يدها بحزن ثم نظرت لها بأبتسامه وقالت
ابرار :-ماشى شويه صغيرين بس علشان بعد كده ترتاحى
حركت يدها على وجهها وقالت بترجى
وفاء :-ممكن تيجى فى حضنى ارجوكى يا بنتى نفسي احضنك
نظرت لها بتوتر ونهضت من على المقعد وجلست بجوارها على حافة السرير واقتربت منها واحتضانتها
تمسكت بها بشده وانهمرت دموعها وقالت بحزن
وفاء :-يااااااه يا بنتى كان نفسي احضنك من زمان اوى حقك عليا يا ضنايا حقك عليا
تمسكت بها بقوه وانهمرت دموعها بغزاره وظلت تبكى حتى تقطعت أنفاسها
ربت على ظهرها وقالت
وفاء :-نفسي الباقى من حياتى تفضلى كده فى حضنى متبعديش عنى ولا لحظه
ابتعدت عنها وأخذت نفس عميق حتى تهدأ واخرجته بهدوء وقالت
ابرار :-انا لازم امشى دلوقتى جوزى بره مستنينى
نظرت لها بأستغراب وقالت
وفاء :-جوزك!!
اومأت رأسها بالتأكيد وقالت
ابرار :-ايوه هو اللى جابنى هنا بعد ما معاذ اتصل بى وبلغه
نظرت لها وقالت بصوت هادئ
وفاء :-مش تقولى قومى دخلى الراجل بدل ما هو مستنى بره كده
اومأت رأسها بالموافقه ونهضت من على السرير وتحركت بأتجاه الباب إزالة بقايا الدموع من على وجهها وتنهدت بتوتر وفتحت الباب وقالت
ابرار :-تعالى يا سراج بتقولك ماما
نظر لها بقلق واقترب منها وقال بصوت هامس
سراج :-انتى كويسه !؟
ابتسمت له بحزن وقالت
ابرار :-كويسه متقلقش
تحرك إلى الداخل ونظر إلى وفاء وقال بنبره جديه
سراج :-الف سلامه عليكى يا امى
ابتسمت له وقالت بسعاده
وفاء :-الله يسلمك يا حبيبى تعالى يا ابن اقعد
رد عليها وقال بنبره هادئه
سراج :-مش هنقدر نطول معاكى اكتر من كده لان الدكتور لسه قايل لبنتك أن الزيارة ممنوعه وكده بنعرضك لخطر بكرا أن شاءالله تخرجى من هنا بالسلامه ونيجى ليكى البيت نقعد معاكى براحتنا إنما دلوقتى لازم نمشى
نظرت له بترجى وقالت
وفاء :-طيب يا ابنى خليكوا قاعدين معايا شويه ملحقتش اشبع منكم
نظر إلى ابرار وقال
سراج:-معلش هنبقى نجيلك مره تانيه علشان دلوقتى ورانا مشوار مهم
حركت رأسها بقلة حيله وقالت
وفاء :-ماشى يا حبيبى ربنا يسعدكم
ثم نظرت إلى ابرار وقالت
-تعالى فى حضنى يا بنتى خلينى اشبع منك
أغلقت عينيها بحزن وذهبت إليها احتضنتها وبعد عدة ثوانى ابتعدت عنها وقالت
ابرار :-خلى بالك على نفسك و كونى كويسه
ابتسمت لها وقالت بنبره حنونه
وفاء :-حاضر يا بنتى متتأخريش عليا تانى هستناكى
اومأت رأسها وقالت
ابرار :-حاضر
أمسك يدها بحب وقال بنبره هادئه
سراج:-يلا بينا
نظرت إلى والدتها نظره اخيره وقالت
ابرار :-يلا
وخرجوا من الغرفه نظرت إلى ملك وقالت بضيق
-خلى بالك منها وانا هبقى اجى اطمن عليها تانى
ابتسمت لها وقالت
ملك :-حاضر ممكن تخدى رقم تليفونى علشان لو حبيتى تطمنى عليها كمان فى التليفون
اومأت رأسها بالموافقه وقالت
ابرار :-ماشى رقمى مع معاذ ابقى خديه منه وسجليه ورنى عليا
صر على أسنانه بغضب وقال
سراج :-وبعد كده امسح الرقم من تليفونك
نظر له بنفاذ صبر وقال
معاذ :-ماشى تحب امسحه قصادك دلوقتى اصلها مش قصه هى ما انا لو عايز اكلمها فيه مليون طريقه أوصلها بيها ربنا يعينك على دماغك
أمسكت يد سراج قبل أن يوجه له لكمه وقالت بضيق
ابرار :-ابوس ايدك مش وقت اللى بتعمله ده امشى يا سراج الله يخليك
نظر إلى معاذ بغضب وتحرك إلى الخارج ومعه ابرار
نظرت له وقالت بتساؤل
ابرار :-مشوار ايه ده اللى هنروح
اوقف سيارة اجره ونظر لها وقال
سراج :-اركبى بس وهتعرفى بعدين
صعدت السياره وقالت بهمس
ابرار :- يا مفاجئاتك اللى مش بتنتهى ربنا يستر
صعد السياره بجوار السائق وتحرك سريعا وغادر المكان.
………………………………………………………………..
هبط احمد من أعلى الدرج ومعه حقيبة ملابسه نظرت له بأستغراب ونهضت سريعا وقالت بتساؤل
نعمه :-ايه اللى فى ايدك ده ورايح فين كده !؟
اجابها بضيق وقال
احمد :-هروح اقعد عند صاحبى فى شقته لحد ما ادور على شقه مناسبه ليا
أمسكت الحقيبه بغضب وقالت
نعمه :-انت اتجننت سيب دى وبلاش عبط ليه كل ده علشان اللى حصل يوم اختك قولتلك مكنتش ناويه اقتله والموضوع عدى وخلاص مكبره ليه بقى
ابعد يدها عن الحقيبه وقال بغضب
احمد :-عدى بالنسبالك انتى إنما أنا لا مش قادر اتخطى اللى حصل منك كان ممكن اختى تروح فيها بسبب تفكيرك المريض
هدرت به بغضب وقالت
نعمه :-احمد متنساش أن انا امك اتكلم بأدب معايا و بعدين ابوك السبب فى كل اللى حصل ده لو مكانش خطف بنتى وجوزها لزفت ده غصب عنى وعنها علشان مصلحته مكنتش خطط لكل ده علشان نهرب
ابتسم بتهكم وقال
احمد :-ونعم الاهل اللى تشرف الصراحه اب أنانى كل همه الشركه والفلوس وممكن يبيع اى حاجه علشانها وام مورهاش حاجه غير تخطط فى افكار شيطانيه ومؤذيه، اقولكم ايه بس منكم لله على اللى انتوا وصلتونى ليه مش مسامحكم بجد
وخرج سريعا وضع حقيبة ملابسه بالسياره وصعد امام المقود وقاد السياره وغادر الفيلا بغضب شديد .
………………………………………………………………
نهض جمال من على السرير ونظر إلى سعديه بأستغراب وقال بصوت مرتفع
-انتى يا وليه نايمه شبه الشوال كده ليه قومى فزى حضرى الفطار
ابتلعت ريقها بتوتر وتململت على فراشها وقالت
سعديه:-مش قادره جسمى تعبان أفطر اى حاجه
نظر لها بغضب وقال
جمال :-هو ايه اللى أفطر أى حاجه قومى يا وليه قامت قيامتك
اعتدلت بضيق وقالت
سعديه :-مش قايمه قولتلك تعبانه
اقترب منها وأمسك شعرها بغضب وقال
جمال :-انتى اتجننتى ولا ايه يا وليه شكلك عايزه كسر رقبتك
تكلمت بألم وقالت
سعديه :-سيب شعرى يا جمال حرام عليك
رد عليها بغضب وقال
جمال :-حرمت عليكى عيشتك هتتعدلى يا وليه ولا اعدلك وارمى عليكى اليمين واخلص من شكلك
تكلمت بدموع وقالت
سعديه :-هتعدل هتعدل بس سيب شعرى ابوس ايدك
دفعها بقوه وابتعد عنها وقال بأمر
جمال :-هدخل الحمام واخرج تكونى نزلتى حضرتى الفطار فاهمه
تكلمت بدموع وقالت
سعديه :-ف ف فاهمه
بصق عليها وقال بغضب
جمال :-قبر يلمك
ودلف المرحاض
نظرت إلى أثره بدموع ونهضت من على السرير وقالت
سعديه :-منك لله يا ريم كنتى هتخربى بيتى بسبب كلامك ده
وهبطت إلى الأسفل وجدت ريم تقف بالمطبخ نظرت لها بضيق وبدأت تعد الطعام
نظرت لها بأستغراب وقالت
ريم :-صباح الخير مالك كده على الصبح
ردت عليها بضيق وقالت
سعديه :-بصى يا بنت خالى انتى فى حالك وانا فى حالى كفايه كان هيتخرب بيتى بسبب كلامك ده
تكلمت بأستغراب وقالت
ريم :-بسببى أنا!! ليه ايه اللى حصل
اجابتها بضيق وقالت
سعديه :-حاولة اعمل زى ما انتى قولتيلى مد أيده عليا وكان عايز يطلقنى أنا قولتلك اللى زى جمال ده مش هيفرق معاه حاجه وانا خلاص اتعود على طبعه واوعى كده خلينى احضر الفطار ليه قبل ما ينزل
تكلمت بنفاذ صبر وقالت
ريم :-ما لازم يمد ايده عليكى علشان شاف الخوف فى عينيكى لازم تظهرى قصاده قويه وعيونك مش ظاهر فيها الخوف لازم لما يقولك هطلقك تقوليله ياريت علشان ارتاح من نكدك وقرفك على الأقل محدش هيمد ايده عليا هيتفاجئ بردت فعلك هيحاول يقرب منك علشان يضربك ابعديه عنك بكل قوتك اصلا الست بتكون اقوى من الراجل مليون مره فى غضبها يعنى لو اتعصبتى وبعديه عنك انتى نفسك هتتفاجئ بقوتك وهو كمان وهيلاقيكى قصاده اتمردى هيفكر الف مره بعد كده قبل ما يجرحك ولا يمد ايده عليكى وبعدين ده انتى عندك سلاح يخليه يتجنن اللى قولتلك عليه امبارح شوق ولا تدوق بس اهم حاجه شيلى الخوف من جواكى
نظرت لها بقلق وقالت
سعديه :-لالالا مش هقدر اعمل كده
نظرت لها بضيق وقالت
ريم :-براحتك انتى حره أنا كنت عايزه مصلحتك
ثم اخذت الطعام وقالت
-عن اذنك اصل هنفطر أنا وجوزى فى اوضتنا لوحدينا
وتركتها وصعدت إلى غرفتها
نظرت إلى أثرها بتوتر وابتلعت ريقها وفى ذلك الوقت انتفضت مكانها عندما سمعت صوت جمال وهو ينادى عليها من الخارج حتى تحضر له الطعام
تحركت سريعا واحضرت له الطعام وتحركت إلى الخارج وضعته أمامه على الطاوله وركضت إلى غرفتها
نظر لها بأستغراب وبدأ يتناول طعامه.
……………………………………………………………….
هبط سراج من السياره وفتح الباب ونظر إلى ابرار وقال
-انزلى يلا
هبطت من السياره ونظرت حولها بأستغراب وقالت
ابرار :-احنا فين
امسك يدها وتحرك بها اتجاه الصائغ
وقفت على الباب بأستغراب وقالت
-انت جايبنى هنا ليه مش فاهمه
تكلم بنفاذ صبر وقال
سراج :-ممكن تدخلى يا ابرار
زفرت بضيق ودلفت إلى الداخل وتحرك خلفها سراج نظر إلى البائع وقال
-عايز دبله دهب ودبله فضه لو سمحت
ابتسم لهم وقال
-اتفضلوا هجبلكم احدث تشكيله حالا
اقتربت منه وقالت بهمس
ابرار :-لمين الدبل دى
حدق بها بغضب وقال
سراج :-لامى ، اسكتى يا ابرار اسكتى
جاء البائع ومع احدث الموديلات ووضعها امامهم وقال
-اتفضلوا ولو فيه مشكله فى المقاس متقلقوش انا هظبطهم
وتركهم بمفردهم
نظر لها وقال بنبره هادئه
سراج :-اختارى دبله من دول
نظرت له بضيق وقالت
ابرار :-ليه انا مطلبتش منك دبله
رد عليها وقالت بضيق
سراج :-بس أنا عايز اجبلك يا ابرار عايز دبلتى فى ايدك زى ما هلبس دبلتك فى ايدى هو المفروض اجبلك اكتر من كده بس زى ما انتى شايفه الظروف مش سامحه بس ربنا يكرم واجبلك حته من السما
نظرت له بخجل ثم نظرت إلى المحابس وظلت تختار ما بينهم وحركت يدها بأتجاه ما اعجبها أخذته ووضعته بيدها ونظرت له بأعجاب وقالت
ابرار :-دى عجبتنى اوى
ابتسم لها وقال بحب
سراج :-تعرفى أن انا كان عينى عليها برضه عجبتنى اوى
نظرت لها بأعجاب وقالت بأبتسامه
ابرار :-فعلا شكلها حلو اوى
امسك المحابس الخاصه به وقال
سراج :-اختارى واحد من دول
نظرت له بأستغراب وقالت
ابرار :-انا اللى اختارك
اومأ رأسه بالتأكيد وقال
سراج :-ايوه اختارى انتى
نظرت لهم بتوتر ثم حركت يدها اخذت محبس منهما وقالت
ابرار :-دى عجبتنى اوى بس برضه انت وراحتك لو عايز تشوف واحده غيرها مافيش مشكله
حرك رأسه بالنفى وقال
سراج :-لا عجبتنى وهخدها
ثم نظر إلى البائع حتى يقترب منهما
ابتسم لهما وقال
-مبروك يا جماعه ربنا يتمملكم على خير
نظر له بضيق وقال
سراج :-دى مراتى على فكره
نظر له بأسف وقال
-اه اسف بحسبكم لسه هتتخطبوا
أعطاه المحابس وقال بنبره جاده
سراج :-هناخد دول شوف تمنهم كام
اومأ رأسه له وقال بتساؤل
-المقاسات مظبوطه !؟
اجابه بالتأكيد وقال
سراج :-ايوه
وضعهم على الميزان وبدأ يحسب لهم السعر وقال
-عاملين (…..)
اومأ رأسه له وأعطاه النقود
نظر لهما وقال
-احطهم فى علبه ولا هتلبسوهم هنا
أخذهم منه وقال
سراج :-لا هنلبسهم هنا
ابتعد عنهم البائع وتركهم
امسك يد ابرار ووضع لها المحبس بأصابعها وقبل يدها بحب وقال
سراج :-دى متتقلعش من صوبعك مهما حصل ما بينا فاهمه
نظرت إليها بتوتر ثم نظرت له وامأت رأسها بالموافقه
وارتد المحبس الخاص به وقال
سراج :-دى هتفضل فى ايدى لاخر يوم فى عمرى
ثم نهض وقال
-يلا قومى
نهضت من على المقعد ونظرت له بتوتر وتحركت إلى الخارج وقالت بتساؤل
ابرار :-هنروح ؟
حرك رأسه بالرفض وقال
سراج :-لا هنتغدا بره
نظرت له بضيق وقالت
ابرار :-مش خايف واحده من طالباتك تشوفنا مع بعض
رد عليها بعدم اهتمام وقال
سراج :-انا مش بخاف من حد وبعدين ايه هيجبهم هنا، تحبى تاكلى فين
حركت رأسها بحيره وقالت
ابرار :-مش عارفه، أنا معرفش المطاعم هنا شوف انت
اومأ رأسه بالموافقه وأمسك يدها وقال
سراج :-ماشى يلا بينا
نظرت إلى يده الممسكه بها وابتسمت بسعاده وتحركت معه.
……………………………………………………………..
نهضت وسام من على سريرها وخرجت من الغرفه وجدت والدتها تجلس بالخارج تحركت بأتجاه المرحاض وأغلقت الباب خلفها نظرت إلى انعكاسها بالمراه وتنهدت بحزن ثم فتحت صنبور الماء وغسلت وجهها اعتدلت مره اخرى وأخذت نفس عميق واخرجته بهدوء وخرجت مره اخرى نظرت لها والدتها بقلق وقالت
اعتماد :-تعالى يا وسام يا بنتى
حركت رأسها بالرفض وقالت
وسام :-معلش يا ماما مصدعه شويه ومش قادره اقعد هدخل اوضى انام شويه
ردت عليها سريعا وقالت
اعتماد :-تعالى يا بنتى هتكلم معاكى كلمتين
تحركت إليها وجلست بجوارها على الأريكة وقالت بحزن
وسام :-خير يا ماما
نظرت لها بقلق وقالت
اعتماد :-مالك يا بنتى بقالك يومين لا بتاكلى ولا بتشربى وعيونك منفخه من كتر العياط
حركت رأسها بالرفض وقالت
وسام :-مافيش يا ماما أنا مضايقه شويه بس ومضغوطه علشان الامتحانات قربت
ردت عليها بضيق وقالت
اعتماد :-كده برضه يا بنتى بدارى على امك اتكلمى يا حبيبتى وقوليلى مالك يمكن اقدر اساعدك واخرجك من المشكله اللى انتى فيها دى
انهمرت دموعها وقالت
وسام :-كنت بحب واحد وهو كمان بيحبنى بس فاجئه قالى أنه مش هيقدر يكمل معايا وسابنى من غير مقدمات أنا متأكده أن هو عمل كده غصب عنه لأن مستحيل يتخلى عنى بالسهوله دى بس انا تعبانه اوى من غيره ومش قادره اتقبل فكرة بعده عنى دى
وظلت تبكى بشده
ربت على يدها بحنو ونظرت لها وقالت بنبره هادئه
اعتماد :-احمد اخو ابرار صح
نظرت لها بصدمه وقالت
وسام :-ا ا انتى عرفتى ازاى ابرار اللى قالتلك
حركت رأسها بالنفى وقالت
اعتماد :-لا طبعا ابرار مقالتش حاجه انا اللى عرفت من نظراتكم لبعض لما جه هنا يوم كتب الكتاب وهو كان واضح عليه حبه ليكى وعلشان كده مرضتش اتكلم معاكى فى الموضوع ده واستنيت انك انتى اللى تيجى وتحكيلى
تنهدت بحزن وقالت
وسام :-احمد راجل اوى ومحترم وعمره ما اتخطى حدوده معايا وعلى طول كان هو اللى يطلب منى أنه يجى يتقدم وانا اللى كنت برفض علشان محدش يقول اننا طمعانين فى فلوس ابوه ومتخيلتش ابدا ان هيجى يوم ويبعد عنى أنا متأكده أنه بيحبنى اوى وعارفه أنه بيتعذب دلوقتى بس اللى مش قادره اعرفه هو بيعانى من ايه علشان يوصل لمرحلة التخلى عنى
ربت على يدها بحنو وقالت
اعتماد :-ما هو حاجه من الاتنين يا بنتى يا هو شاب لعوب وبيعرف يضحك على عقول البنات يا اما زى ما انتى بتقولى فيه حاجه حصلت وصلته للى عمله ده ممكن مثلا مامته غصبت عليه يتجوز واحده من مستواهم وهو مقدرش يزعلها ونفذ ليها طلبها
حركت رأسها بالرفض وقالت
وسام :-لا طبعا ايه جو الروايات الهابط ده احمد مش كده خالص احمد محترم بجد وبعدين والدته متعرفش حاجه عن علاقتنا اصلا الموضوع مش كده خالص اكيد فيه سبب تانى
ردت عليها وقالت
اعتماد :-ابرار تعرف اللى بينكم
اومأت رأسها بالتأكيد وقالت
وسام :-ايوه من قريب وراحت قابلته واتكلمت معاه وجات قالتلى أنه هو فيه مشاكل بينه هو وأهله وعلشان كده مخنوق ومش عايز يتكلم مع حد وبعدها على طول جه وقالى أنه مش هيقدر يكمل معايا
نظرت لها بحزن وقالت
اعتماد :-انا قهرانه عليكى يا بنتى وعلى اللى انتى فيه ده ربنا يصلحلك الحال ولو فيه الخير يقربه منك ولو فيه الشر يبعده عنك
ابتسمت لها بحزن وقالت
وسام :-يارب، أنا هدخل اوضى واحاول اذاكر شويه عن اذنك
وتركتها ودلفت غرفتها
نظرت إلى أثرها بحزن وقالت
اعتماد :-ربنا يريح قلبك يارب يا بنتى.
……………………………………………………………….
تناول اشرف الطعام مع ريم فى غرفتهم ونظر لها بقلق وقال
-تعرفى أن انا لحد دلوقتى مش قادر اثق فيكى خايف انك تكونى بتخططى لحاجه تانى من ورايا
حركت رأسها بالنفى وقالت
ريم :-لا والله مش بخطط لحاجه كل الموضوع بس أن انا حبيتك ونفسي تكون حياتنا طبيعيه زى اى اتنين متجوزين
نظر لها وقال بقلق
اشرف :-ما هو ده اللى مخوفنى انتى مش من النوع اللى بيسلم بسهوله كده ايه اللى حصل فى يوم وليله خلاكى تعترفى ليا بحبك
أمسكت يده وقالت بحب
ريم :-انت لسه متعرفنيش يا اشرف انا شخصيه عنيده جدا ومدام حبيتك تبقى خلاص من حقى ومش هفرط فيك مهما حصل ليا خططى وأساليبى بس علشان اسلب بيها عقلك واتسلل بيها جوه قلبك لحد ما اخليك متقدرش تبعد عنى لحظه واكون ليك زى الإدمان بالظبط لو مأخدش منى الجرعه تنهار
واقتربت منه وحركت يدها على صدره ونظرت بعينه وقالت
-زى ما انت اتسللت جوه قلبى وربعت فيه
ووضعت قبله صغيره فى شفتيه
ابتلع ريقه بتوتر وتعالت أنفاسه اقترب منها وقال بصوت هامس
اشرف:-انتى شقيه اوى وهتتعبينى معاكى اليومين دول
ابتسمت بدلع وقالت بهمس
ريم :-انت جوزى حجى انا من حقى ادلع وادلعك مش عيب صح
نظر إلى شفتيها بشهوه عارمه حملها على قدميه والتهمهما بشغف ثم ابتعد عنها ونظر لها بأنفاس لاهثه وقال
اشرف :-انتى عملتى فيا ايه كان عندك حق لما قولتيلى انك هتبقى بالنسبالى ادمان
ابتسمت له بدلع وقالت
ريم:- شوفت بقى أن انا عندى حق ازاى
اغلق عينه حتى يهدأ وقال بنفاذ صبر
اشرف :-هو فاضل فيها قد ايه
اجابته بخجل وقالت
ريم :-يومين
تكلم بتمنى وقال
اشرف :-يارب يعدوا بسرعه بقى
وأخذها فى حضنه وقال
-جننتينى يا بنت الايه
تمسكت به بشده وقالت بحب
ريم :-بحبك اوى يا اشرف
وابتسمت بسعاده .
………………………………………………………………
نظرت ولاء إلى الهاتف بتوتر وظلت تعبث به بضيق ثم قامت بالاتصال بعلى وانتظرت الرد
اجاب عليها سريعا بقلق وقال
على :-ولاء خير فيه حاجه انتى كويسه
ردت عليه بضيق وقالت
ولاء:-انا مخنوقه اوى يا على عملت حاجه وخايفه اكون اذيت ابرار بيها وخايفه اتصل بيها
تكلم بأستغراب وقال
على :-عملتى ايه يا آخرة صبرى
ردت عليه بتوتر وقالت
ولاء :-ا ا اديت رقمها لاخويا معاذ لأن مامتها تعبانه فى المستشفى وكان عايز يبلغها أنا عارفه أن مافيش اى حاجه بين اخويا وابرار بس اخوك بيغير عليها اوى وممكن ينكد عليها بسبب المكالمه دى
زفر بضيق وقال
على :-هو مش ممكن ينكد عليها هو اكيد نكد عليها انتى فين دماغك انتى كان ممكن تقوليلوا انك انتى اللى هتبلغيها الخبر وكنتى اتصلتى بيها وقولتلها، سراج عصبى وللاسف لسانه سابق تفكيره وممكن يخرب الدنيا لو سمع المكالمه دى
تكلمت بضيق وقالت
ولاء :-مش قصدى والله انت عارف ابرار بالنسبه ليا ايه بس لما كلمنى معاذ وقالى أنا مامتها تعبانه جدا وعايز رقمها علشان يقولها معرفتش اعمل ايه اديته الرقم وانا متأكده أن اخويا مش فى نيته حاجه وحشه هو عايز يصلح ما بينهم الأمور هو اصلا بيحب اختها يبقى ازاى بس هيفكر فيها
تكلم بنفاذ صبر وقال
على :-يا بنتى افهمى المشكله مش فى أن اخوكى بيفكر فيها ولا لا المشكله ان سراج بيغير عليها ومش عايزها تتكلم مع اى راجل غيره هو كده ربنا خلقه كده مش بقول أنه صح بس كل واحد مننا فيه مميزات وعيوب وده عيب فى سراج ومش هنقدر نغيره
زفرت بضيق وقالت
ولاء :-طيب انت متعرفش إذا كان حصل ما بينهم مشكله ولا لا
أجابها بعدم معرفه وقال
على :-معرفش بس بيتهيألى كده محصلش حاجه لانه اخدها وخرجوا مش معقول يكونوا زعلانين وهيخرجها يتغدوا بره
ردت عليه بأرتياح وقالت
ولاء :-الحمدلله طمنتنى
تكلم بنبره هادئه وقال
على :-واحشتينى
ردت عليه بحب وقالت
ولاء :-وانت كمان واحشتنى اوى انا زهقت بقى الوضع ده هيطول ؟
زفر بضيق وقال
على :-والله يا ولاء أنا بحاول اشتغل اليومين ده شغل إضافى وأمسك ايدى شويه فى المصاريف علشان اقدر اجى اتقدملك ادعيلى بس ربنا يسهل الحال
ردت عليه بحب وقالت
ولاء :-انا بحبك اوى يا “على”انت اجمل حاجه حصلتلى
ابتسم بسعاده وقال
على :-وانا مش عايز حاجه تانى بعد الكلمتين الحلوين دول بعشقك يا قلبى يلا لازم اقفل معاكى دلوقتى علشان ماما بتنادى عليا اتغدا
أغلقت الخط معه وابتسمت بسعاده وقالت
ولاء :-يارب قرب البعيد واجمعنى بى على خير .
………………………………………………………………
جلست ابرار على المقعد وجلس سراج على المقعد المقابل لها ونظر لها بحب وقال
-مبسوطه
اومأت رأسها بتوتر وقالت
ابرار :-ا ا ايوه
امسك يدها ونظر لها وقال
سراج :-ابرار مش عايزك تزعلى منى عارف ان اوقات كتير بتعصب عليكى وبقولك كلام يزعلك بس ده من حبى فيكى بغير عليكى وبتجنن لما بلاقى معاذ ده بينطق اسمك ولا انتى تدافعى عنه
ردت عليه بضيق وقالت
ابرار :-بس أنا اوقات كتير اعصابى بتتعب من ضغطك ده بحس نفسي محبوسه فى قفص ومخنوقه الغيره حلوه لما تكون بحدود المعقول إنما غيرتك بحسها شك بحس أن انت شايفنى حبيبتك القديمه وان ممكن اخونك فى اى لحظه أنا بحاول اديك فرصه تدخل حياتى بس انت فى كل مره تقلل فرصتك دى ارجوك يا سراج حاول تفكر قبل ما تقول اى كلمه لأن انت بتفكرها مجرد كلمه وخلاص إنما أنا بشوفها خنجر بتخترق قلبى انا مقدره الحاله اللى انت كنت فيها واللى مريت بى بس انا كمان حياتى مكانتش سهله زى ما انت شايف اهو اتربيت مع جدتى بعيد أن امى وابويا كل واحد عاش حياته ومسألش فيا بحاول أكون قويه وأكمل حياتى بس وجودك معايا بيضعفنى أنا محتاجك تقوينى وتسندنى مش تكمل عليا
قبل يدها بحب وقال
سراج :-هحاول اتغير بس بمساعدتك ليا يا ابرار هنتعب شويه فى الاول بس هنرتاح بعدين اوعدينى مهما حصل ما بينا مشاكل مش هتبعدى وتسبينى
تنهدت بضيق وقالت
ابرار :-مقدرش اوعدك بحاجه زى دى دلوقتى لازم احبك الاول واتأكد من أن عايزه اكمل حياتك معاك سعتها بس هوعدك وهفضل معاك العمر كله ومش هتخلى عنك لحظه واحده
نظر لها بحب وقال
سراج :-وانا هستنا وعدك ده يا ابرار
ثم نظر لها بأستغراب وقال
-انتى ليه مطلبتيش تعيشى فى الشقه بتاعتنا لوحدك
حركت رأسها بعدم اهتمام وقالت
ابرار :-عادى لان وقتها مكنتش بفكر اكمل معاك قولت هما شهر ولا حاجه وكل واحد هيروح لحاله مكانش هيفرق معايا نعيش الوقت ده فين
رد عليها بتساؤل وقال
سراج :-طيب ايه رأيك نجهز الشقه ونعيش فيها براحتنا بدل الاوضه اللى عايشين فيها دى
نظرت له بتوتر وقالت
ابرار:-مش شايف أن لسه شويه على الخطوه دى
حرك رأسه بالنفى وقال
سراج :-لا يا ابرار هو ده وقتها نجهزها مع بعض وزى ما انتى عايزه وبعد كده ننقل فيها
اومأت رأسها بتوتر وقالت
ابرار :-م م ماشى بس نجهزها على أقل من مهلنا يعنى بلاش نستعجل
قبل يدها بحب وقال
سراج :-ماشى
وفى ذلك الوقت سمع صوت صفاء وهى تقول له
-بقى هى دى اللى مش عايز ترجعلى علشانها
ابعدت ابرار يدها سريعا ونظرت لها بصدمه
اغلق عينه بغضب وقال
سراج :-………….
……………………………………………………………..
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية إكليل الحياة)
