رواية عالم تاني الفصل السابع 7 بقلم آلاء
رواية عالم تاني البارت السابع
رواية عالم تاني الجزء السابع
رواية عالم تاني الحلقة السابعة
وعد صحيت لقت شخص قاعد قصادها قامت مفزوعه…اييييه
انس قاعد بصصلها و ابتسم…اهدي مالك صباح الخير
وعد بتنهيد…حرام عليك انت قاعد كده ليه شبه عزرائيل
انس كشر.. عزرائيل تمام وقام
وعد بسرعه …اسفه بس اتفجعت اقاعد عشان خاطري
انس بصله… احم ماشي يلا قومي عشان هنخرج
وعد بستغراب…فين
انس بحماس ورجع قاعد قصادها … هنفطر برا انا وانتي واحكيلك هنعمل ايه بالظبط اها في دريس جبتهولك هنا البسي
وعد بفرح… كل دا ليا
انس ابتسم… عارف انك شوفتي ايام وحشه وتعذبتي من غير ذنب بس انا باذن ربنا هعوضك عن كل يوم وحش شوفتي باذن الله ومسك ايديها وباسها
وعد تنحت … انا اختك مش حببتك عشان تعمل الحركه دي
انس ضحك… نظفي نيتك شويه عارف ياختي انك المفعوصه اختي الصغيره
وعد ابتسمت ب احراج…صحيح انت عندك كام سنه
انس لعب في شعرها… البس وجهزي يلا وهنتكلم في كله بسرعه وسبها وطلع
وعد ضحكت بفرحه وقامت تتنطط علي سرير .وبعدها قامت تلبس
(كان الدريس لونه موف الكوم وسع ومن فوق وسع بس نزله بوسع اكتر )
ــــــــــــ
انس نزل لقه احمد قاعد تحت… صحيت بدري ليه
احمد … صحبي كلمني في موضوع كده عايزني اخلصو لي
انس…. اممم
احمد… وانت
انس بفرح وحماس.. هاخدوعد و اخرجها
احمد … انت اكنك عيل وجبوله لعبه
انس ضربه في كتفه…لم نفسك وضحك وبصله انت عارف وانا صغير فرحت ان امي جابت بنوته قولت انا اللي هربيهاهبقا ابوها وضحك كنت بشوف دايما كده في المسلسلات بس ملحقتش وتغيرت ملامحه
احمد طبطب علي كتف.. الحمد الله علي كل حال ربنا يرحمهم و اهو وربنا عوضك برجوعها
انس ابتسم.. الحمد الله وبصله لسه مش طايقه
احمد بصله بطرف عينه… انت هتعمل زي تيتا
انس ضحك.. كنت متاكد هتكلمك بس عموما بقولك اهو وعد من نهارده اللي هيزعلها هزعلو
احمد بصله بطرف عنيه…امشي يلا من هنا
انس …ايوه بالظبط كده ما وراهاش رجاله ولا ايه
احمدابتسم.. اهبل
انس ضحك.. صحيح برضو مردتش حاسس ب ايه لما عرفت انها بنت عمك
احمد…عادي
انس بصله بقرف… دا انت فصيل
احمد.. حل عن دماغي بقا قطع كلامهم
وعد مكشر ونزلت لي انس .. ايه دا انتي جايبه قدك
الاتنين بصوا عليها
الدريس كان طويل عليها جدا واكن طفله لبسه دريس مامتها ومنزله شعرها وصل لي ضهرها ونزل علي وشها واكنها عفريته
انس ضحك…ايه دا عوذ بالله دا منظر
احمد ابتسم… شبه الزومبي وبص علي دريس دا بتاع تيتا ولا ايه
وعد بصت لي احمد…شكله كده وبصت لي انس شكلي اهبل انا استحاله اخرج معاك كده
انس ضحك… طب هنعمل ايه انا متوقعتش تكوني اوزعه كده
وعد كشرت بطفوله…علي فكره انتم اللي طوال اووي وبعدين محدش قصيرغيري وتنحت اكنش مش بنتكم
احمد …علي اساس الاعترافات بتاعت امبارح دي كانت حديث الصباح والمساء بلاش غباءه بقا
انس بصله بقرف…بس ابت وبعدين انتي كنشه شعرك كده ليه شكلك يخوف
وعد …لا بصوا بقا انا كنت بسكت ليكم عشان انتم كنتم راقدين وانا عاديه دلوقتي انتم اهلي فا مش هسكتلكم وبصت لي احمد وانت تيتا قالتلي اني زي زايك هنا ماشي
احمد قام واقف قصادها بحده وبنظر ترعب… ومقالتلكيش اني الكبير اللي هنا واياكي تعالي صوتك عليا
وعد رجعت لي ورا وبلعت ريقها…احم متبصليش كده
احمد …انا لو كنت اتجوز كان زماني جيب قدك يا شاطر فا بلاش تتعدي حدودك احسن وسبها ومشي
وعد بغيظ بصت لي انس بهمس…هو عندو كام سنه
انس بيكتم ضحكو.. 30
وعد ضمت حواجبهاولفت وبصتله ..ايه كنت هتتجوز وانت عندك عشر سنين
انس ضحك
احمد لف وبصلها بغضب شديد
وعد لفت وبصت بخوف لي انس اكنها بتكلمو هو … انت اخويا الكبير برضو وطيب
احمد هز راسه…عيله هستنا ايه ومشي
انس ضحك… جبانه
وعد.. وخد الدنيا شد هو متفنعر
انس كان بصص ليها وضمم احواجبه وبيحاول ميضحكش.. بعيد عن الشد ومتفنعر يعني ايه كنتم راقدين
وعد… مش انت رائد وهو رائد وعز رائد فا جمعها راقدين
انس ضحك… ينهار اسود
وعد بعصبيه…بطل تضحك
انس قام وشلها.. انتي هتتعصبي علي يا اوزعه وفضل يلف بيها
وعد بصريخ وبتضحك… لا لا بخاف
انس بضحك…لما انتي جبانه لسانك طويل كده ليه وطلع بيها من القصر
وعد بضحك…نزلني رايح فين انا شكلي وحش
انس… اتنيلي ودخلها العرببه وبصلها هنعدي علي مول نختار هدوم حلو ليكي وبعدها نخرج بس الاول تفطري
وعد ضحكت جامد. ومش عارفه تتكلم…همشي كده
انس كان بصصله وفرحان ..
وعد…هفضحك بشكلي
انس باس راسها… اقولك علي سر
وعد بطلت ضحك وابتسمت.. اها
انس… انا كنت معجب بيكي اووي وكنت بفكر اتجوزك
وعد تنحت…ايه
انس غمز وقفل باب العربيه وركب..اقفلي بوقك عيب كده
وعد بصتله… انت بتتكلم جدا ازي انا اختك
انس ضحك…قولت كنت يعني اكيد قبل ما اعرف انك اختي
وعد بشك…عشان كده الصبح بوست ايدي اها يا قلل الادب
انس ضربها بخفه علي جبهتها… يالهوي علي الغباء اللي مكتف دماغك كنت عارف انك اختي
وعد تنحت…اهاا صح وانت ايه اللي خالك تحبني عشان تبقا عايز نتجوز
انس … كنت غبي
وعد كشرت وربعت ايديها .
انس مسك خدودخا… يختش كميله ياناس
ـــــــــــــــ
فاطمه نزله جري…وعد وعد
احمد … مع انس اهدي
فاطمه مسكت قلبها…الجزم مش يقوله طيب راحو فين
احمدابتسم… من اولها كده هتاخدك مني عموما قال هيفطرو برا
فاطمه ابتسمت… مش عيب تغير من عيله
احمد… تمام
فاطمه راحت وحضنته… كلكم غلوه واحد صحيح حصل حاجه بنكم الصبح
احمد…لسانها طويل علي فكره البنت دي فاهميها ان انا اكبر منها مش عيل
فاطمه ضحكت… لسه طفله واللي في قلبها علي لسانه وعد دلوقتي شايفاكم سندها بعد ربنا هتلاقي بتقرب منكم عشان تعوض اللي شافته طب انت عارف لما اتكلمت معاها قالت عنك ايه
احمد بصله بستغراب..
فاطمه.. بتقولي حسيت لي اول مره ليا اهل لما شدني من اللي اسمو شحته دا وضربو عشان وحمني منه كانت عايزه تشكرك بس خافت تكسفها وعد لسه طفله ومش عشان انت كبرت لا هي لسه دماغه ما تلوثتش اعتبرها جميله اختك وتخيل حصلها كده بعد الشر هتقبل حد يعملها وحش
احمد. … انا مش كرها بالعكس انتي عارف كنت متعلق ب عمي محمد عموما هحاول ا احسن علاقتي بيها
فاطمه باس راسه… ربنا يحفظك.يا حبيبي
ـــــــــــــ
عند وعد وانس فطرو وبعدها راحو يشترو هدوم ولفو كتير وبعدها راحو يقعدو علي البحر وجابه اكل
انس… بس ياستي فا فرق بيني وبينك 8 سنين وعز كمان اكبر منك 9واحمد
وعد وهي بتاكل …10
انس ابتسم…بالظبط يا قلبي
وعد والاكل في بوقها… انت فعلا حسيت اني اختك وكده
انسي ضم حواجبه وكان قرفان بس محبش يضايقه .. اها لقيت نفسي متعاطف معاكي و وحاسس بشعور غريب ناحيتك لدرجه فكرت اني حبيتك بس طلعتي حبيبت اخوكي.
وعد ضحكت بطفوله…اممم والاكل في بوقها هو بابا كان شبهك
انس جز علي اسنانهواتنهدت من منظهرها وهي بتاكل… اها وانتي فيكي من ماما شويه بس مش كده
وعدد.. ازاي
انس …لا فكك
وعد..عايزه اشوفهم
انس… تيجي نزورهم اكيد هيحسو بينا وهيفرحو
وعد نطت في حضنه.. بحبك اووي
انس حضنها ابتسم… وانا كمان
وعد بعدت عنه.. يلا بينا انس اخدها وراحو اول ما دخلت فضلت واقف قصادهم وسكاته
انس ابتسم…لو حب اسيبك لواحدك شويه
وعد بخوف…لا بخاف
انس …متخافيش انا جمبك خلاص هقف هنا بعيد شويه تمام وهفضل بصص عليكي
وعد هزت راسها بالموافقه وانس بعد عنها رجعت بصتلهم ابتسمت وعيونه دمعو .. مش عارفه هتصدقوني ولا لا انا حسه احساس غريب اول مره قلبي وجعني بس بس فرحانه اني عرفتكم كان نفسي اشوفكم بجد طب هتصدقو لو قولت انكم وحشتوني كنت دايما بدعي ان ربنا يرحمكم لو موته ويعطرني فيكم لو عايشين ضحكت ومسحت دموعه اصل انا مكنتش عارف انتم مين اساس علي فكره كنت عارفه انهم مش اهلي اصلا بس الحمد الله انا دلوقتي عرفت كنت اسمع وابتسم الام الحنيه والطبطب وان بتبقا احن حد علي بنتها وبتحاف عليها من الهوا اما الاب سند لي اولاده ويقف قصاد اي حد لو جه ناحيتهم ونفجرت في العياط انا اتبهدلت اووي يا بابا كانو بيضربوني لحد معملها علي نفسي كنت بتمنا امو*ت او يغما عليا عشان محسش بضر*بهم واللهي ما كنت بعمل حاجه كنت محتاجكم عايزكم كان نفسي تبقو عايشين انا معرفش حاجه خالص عنكم حتي لما عرفت انا مين حسي اني ضايع وقليله اهلي ناس عالي وانا جهله كان نفسي اتعلم حسه غريبه مع وشهقه مع ان تيتا فاطمه ربنا ميحرمنيش منها طيبه اووي يابابا بتزعق لي اي حد يضايقني وابتسمت حساها لو كنتي عايشه يا ماما هتبقي كده صح اكيد كنتي هتبقي كده وضحكت انس اخويا طيب اوووي بيعمل كل حاجه نفسي من غير ما اقولها اكيد ربنا عوضيني بيهم وانا هفضل ادعي ان ربنا يجمعني بيكم قريب عشان اشوفكم علي فكره انا ارتحت لما جيت ليكم حسه زي مابيقول انكم حواليا ومسحت دموعه وقرات الفاتحه بحبكم اووي وقامت وبتحاول متعيطش تاني وبصت وراها لقت انس مسح دموعه بسرعه ابتسمت وراحت له
وعد… انت بتعيط
انس بيدير وشه… لا ابدا
وعد بصله بطرف عنيها … كنت رمي ودانك وبتكدب كمان مش عيب كده
انس ضحك وبصله… شكلك غلباويه وبعدين صوتك كان عالي
وعد… وحشوك
انس… اووي
وعد حضنته… وانا حست بدوخ بصتله عايزه اروح
انس باس راسها… حاضر
ــــــــــــــ
في مكان مهجور
درهم بخوف… هتعمل ايه ياباشا
الباشا بصص قدامه بشر… وصيت عليهم في السجن يخلصو عليهم
درهم بلع ريقه… ازاي
الباش بصله بحده خوفت درهم… اناميتقاليش ازاي بس هقولك ابراهيم مسك في شحته وانه سبب وخلصو علي بعض
درهم…وعفاف
الباش… لا لا دي مش مهم اساس ممكن تنتحر لما تعرف جوزه مات وغمز لي وضحك
درهم تنح وابتسم.. دماغك دماغ الماظ ياباشا طيب وفي عيله عبد الحميد هتعمل معاهم ايه
الباشابشر … لااا دوله ليهم تخطيط تاني خالص وبذات الرائد احمد
ــــــــــــــ
فاطمه بقلق… اتاخرو اووي دوله بيفطرو ولا بيتغدو دا خلاص شويه وهنتعشا
عز ضحك… اها ياريت
فاطمه بصتله…مش بهزر
عز رفع حاجبه…ولا انا
احمد… نفسي اعرف جميله حباك علي ايه
عز خمس في وشه… حقد الله اكبر دا انا اتحب من اول نظرها
احمد حدفه بشلته… اتكلم عدل انت راجل
عز رقص حواجبه… غصب عنك يا حبيبي
عزة طلعت من المطبخ.. مرات عمي انس و وعد اتاخرو كده ليه
فاطمه… اوووي قلبي وجعني ليكون حصلهم حاجه
وعد وانس وصلو القصر . اول ما دخلت
فاطمه قامت بغضب … اتاخرتو كده ليه
انس… ابدا بس كنا بنشتري حاجات
عزة برتياح… هجهز العشا وناكل مع بعض ومشيت
وعد بتعب… لا لا انا شبعانه عايزه انام بس
فاطمه … مالك وشه مصفر كده ليه وبصت لي انس عملت في اختك ايه
انس… معملتش حاجه والله
وعد ضحكت… بالعكس ياتيتا دا انا مبسوطه وداني وقبل متكمل كلامها اغما عليها
انس وفاطمه بخضه… وعد
ـــــــــــ
تسريع الاحداث
انس طلعها اوضتها واحمد كلم دكتور وعز فضل يهدي في فاطمه ويطمنها لانها كانت رفضه تفوقه واول ما جه دكتور ركب ليها محلول وطلع ضغطها نزل وانها مش بتاخد العلاج ولا الفتيامينات بتاعتها وبعد وقت فاقه وفاطمه اكلتها ونامت تاني
ـــــــــ
فاطمه… انت خرجتها وما اكلتهاش
انس…ازاي بالعكس والله
فاطمه… حصل ايه دكتور قال اللي فيها داسبب زعل انتم عملتو ايه
انس… في ايه ياتيتا هو انا هأذي اختي علي يدك اول ما صحيت طلبتني انا
فاطمه… انت معيط
انس بتوتر…لا
فتطمه بحزن… روحتلهم
انس هز راسه ب اها…
فاطمه…ربنا يرحمهم هي عملت ايه
انس حكلها اللي حصل… بس كنت عايز اروح امو*تهم انهم وصلوها لي كده
فاطمه… ربنا ينت*قم من كل ظالم فيها شبه من وعد امكم وانت كلك ابوك عوضو بعض انتم الاتنين محتاجين بعض وهي مشفتش حنيه خليك سندها بعد ربنا
انس… انا بحبها اووي معرفش ازاي وامتا وخايف يجرلها حاجه انا عايز اعرف علاجها بيتاخد امتا والفيتامنات هتابع انا علاجها
فاطمه ابتسمت بفرحه… حاضر هقولك وتروح تنام
ــــــــــ
عده الايام وانس بقت وعد من ضمن شغله وبيهتم بيها وبقت تتحسن واحمد بيحاول يتجاهلها عشان ميتعصبش عليها .ووعد كانت بتضحك كل ما تعصبو اما عز ورها جميله وخلها تتكلم معاها .وعزة كانت بتحاول تعوضها عن غيب امها هي وفاطمه وفي يوم عرفو ان شحته وابراهيم مو*ته بعض بس طبعا احمد فاهم ان في حد هو اللي خلص عليهم وبعدها عفاع لقوها منتحر بس استغربو لان كانت خايفه تمو*ت بس انس واحمد وعز برضو شكو ان حد موتها ون كل دا بتنفيذ حد ليهم في الحبس
والايام بتمر وبيحاول يعرفو مين اللي تباعهم ودرهم هربان فين وبين كل دا وعد كانت بتحاول تقراء اكتر وتتعلم وكانت قاعده في المكتب بتقراء اي كتاب تشوفه وانس كان بيدور عليها
ــــــــ
انس…تيتا هي فين
فاطمه…انت من ساعة ما عرفت انها اختك وانت مش سيبها تقعد لي واحدها
انس..اختي في ايه المهم هي فين
فاطمه بهمس..في مكتب بتاعكم
انس بستغراب…ليه
فاطمه… بتقراء من الكتب كالعاده لما تمشو تعمل كده اوع بس تعرف حد
انس ابتسم .. احمد لو عرف هينفخه هطلع اغير ونزلها
احمد دخل… عامله ايه يا تيتا وباس ايدها
فاطمه بتوتر… هااوبصوت عالي الحمد الله يااحمد يا ابني
احمد بستغراب…مالك
فاطمه بصوت عالي…ابدا يا احمد مافيش حاجه يا احمد
احمد رفع حاجبه… انتي بتعالي صوتك كده ليه
فاطمه بنفس طريقها… انا يا احمد صوتي عالي ابدا
احمد ابتسم… يمكن انا هدخل المكتب بعد اذنك
فاطمه لطمت… كملت
وعد كانت مسك الكتاب ومقربه وشها اووي منه وبتقراء
احمد اول مالقها ملامح وشه كلها غضب وبصوت يرعب.. انتي بتهببي ايه هنا
وعد اتفجعت وبصتله…عااا في ايه
احمد وقف قصادها… انتي ازاي تدخلي هنا مش مسموح ليكي او لي اي حد غيرانس وعز
وعد بحراج… كنت بقراء كتاب عادي
احمد جز علي اسنانه… انتي عماله تتعدي في حدودك معايا ولحد هنا لا
وعد بصتله بحده …عندك راس زياده
احمد ضم حواجبه…ايه
وعد.. عندك ايد او رجل زياده مش عندي
احمدبعصبيه… انتي بتقولي ايه
وعد.. اصل لو عندك حاجه زياده مش عندي فا ليك الحق تتعصب كل شويه وتزعقلي ورفعت صبعها قصاده ..بطل تزعقلي وتشخط فيا وتؤمرني وانا زي زيك وعلي فكره انت مغرورومتكبر ومتفنعر
احمد بعد صبعها عنه…اسمها متقنعر
وعد بستغراب وطفوله…بجد
احمد جز علي اسنانه…دقيقه لو مش مشيتي من قدامي متلوميش غير نفسك
وعد رفعت حاجبهاوربعت ايدها…لا وللي عندك اعملو وشبت عشان تطول شويه وانت اللي هتندم
احمد مسكها من قفاها وطلعها برا المكتب وقفل الباب جامد في وشها
…طفله مقرفه
في نفس الوقت
وعد اول ما الباب اتقفل عدلت هدومها…احم ناس متجيش غير بالعين الحمر
فاطمه وعزة ضحكو
وعد بصت من جمبها لقتهم
عزة بضحك … دا هو اللي كرشك يا هبل عين حمره ايه بس
فاطمه… انتي مشكله
وعد…
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية عالم تاني)
