رواية خادمة الصقر الجزء الثاني الفصل الثامن والثلاثون 38 بقلم يوستينا سامى
رواية خادمة الصقر الجزء الثاني الجزء الثامن والثلاثون
رواية خادمة الصقر الجزء الثاني البارت الثامن والثلاثون
رواية خادمة الصقر الجزء الثاني الحلقة الثامنة والثلاثون
في اوضة نسمة و ميرا كانوا نايمين جمب بعض و الساعة كانت قربت من 12 و كل اللي في البيت ناموا . فاجأه باب اوضة بتاعتهم بيتفتح بهدوء و بيدخل يزن و هو بيتسحب
و شاف ميرا نايمة جمب نسمة .. قرب منها بهدوء و قعد علي الارض قدامها
يزن بيكلم نفسه بحب/ معقول يا ربي الذل ده يعني يوم ما تبقي حلالي و تتكتب علي اسمي معرفش اقرب منها
و بدا يدقق يزن في ملامحها بحب و فاجأه بحركة تلقائلية قرب منها و هي نايمة و باسها و اتصدمت ميرا ولقت نفسها تلقائي مسكه من هدومه بخوف وفتحت عينيها برعب و شافته قدامها
يزن بصلها بحب / متخفيش ده انا يزن ..اهدي با حبيبتي
ميرا بصلت حواليها بصدمة و بدات تتكلم بصوت واطي خالص علشان نسمة / انت ايه اللي جابك هنا انت اتجننت انزل حالا عيب ميصحش كدة
يزن بغل / واللي بيحصل فيا ده عادي و يصح مش كدة . يعني تبقي حلالي و صقر باشا يحرمك عليا ،طب ده انا هتجنن و انتي قدام عيني و مش عارف اخدك في حضني
ميرا اتاثرت اوي بكلامه لكنها ردت بقوة / لو كنت فارقة معاك كنت سمعت كلامه و جيت بدري .. بس انا مش فارقالك .
يزن / انتي مش فارقالي .. انتي لو مش فرقالي كنت
طلقتك و خصوصا بعد ما وقفتي قدامي مع صقر
ميرا اتصدمت لانه بيتكلم عن كلمه الطلاق بسهوله جدا وكانها هينه عليه وده خلاها تسكت وتجمعت في عيونها الدموع وفي الحظه دي يزن ادرك غلطتهو قرب منها و حضنها
و قالها بحب / والله ما اقصد خالص .. حقك عليا انا قصدي اني مش بقبل ان مراتي تكسر كلامي يا ميرا .. بصي تعالي نخرج من هنا قبل ما نتفضح و هصالحك بعدين يلاا
و اخد ميرا وهي بالبجامة و بدوا يتسحبوا بالراحة
و فاجاه لقوا حد طالع برضو يتسحب ..
فهد بخوف / بسم الله الرحمن الرحيم.. انت جيت امتي
يا زفت انت .. اي ده انت هتاخد البت و تفلق بيها
يزن بغيظ / ايه تفلق دي يا حيوان .. دي مراتي بس كله من صقر ربنا يسامحه بقي .. اوعي من وشي و اوعي صقر يعرف لحد ما نغور من الفيلا هنا
فهد ابتسم/ يعرف ايه يا ابني ده انا متجوز و مراتي حامل
و طالع بتسحب علشان اطمن عليها .. يلا اهربوا و انا هداري عليكم.و نصيحة مني ابقي اخرج من الباب الوراني وادي الحرس اي حاجة علشان يعدوك علشان صقر موصيهم لو شفوك مع ميرا يبلغوه
يزن بغل / كمان طب ما يفجر*ني احسن ده ايه القرف ده عمك ده لا يطاق و اوعي بقي احسن نتقفش .و ساعتها لا هنشوف ميرا و نسمة تاني يا خفيف
و شد يزن ميرا و خرج فعلا من الباب الوراني و ميرا كانت مصدومة من جنانه و خصوصا انها بالبجامة و اخدها و ركب العربية و طلع بيها ..
_______________________________________________
في الاوضة 😛
دخل فهد و كانت نسمة نايمة بتعب و هي لابسة بجامة بكم و محتشمة (ده لان فهد كان متوقع ان يزن ممكن يدخل الاوضة فكان منبه عليها كدة)
فهد قرب منها و حط ايدو علي وشها بحب و كلم نفسه بحسره/ طب الواد يزن رايح يعمل شهر عسل جديد و يعيش حياته ..انما انا فقري .. الدكتورة محرجة عليا اني اقرب منك
قال ايه نو تتش بذمتك ده كلام.. حاجة تقرف و كأن البنت اللي جاية في الطريق دي هتقطع عليا .. بس معلش كل ده يهون كفاية انك قدام عيني
و بدا يلعب فهد في شعرها برخامة علشان يضايقها و هي نايمة و كان عمال يضحك علي رياكشنات وشها و هي مضايقة من هزاره .. و في اخر ما تعب قرب و اخدها في حضنه و نام
_______________________________________________
في العربية 🙊
ميرا بستغراب/ ممكن تقولي هتوديني علي فين بقي
يا ابني رد عليا احنا من ساعة ما طلعنا من الفيلا و انت ساكت
يزن بصلها بخبث / اه مش عايز اضيع طاقتي في الكلام
و العبط ده . اي عندك مشكلة
ميرا فهمت مخزي كلامه و ده وترها اوي و قلقت من نظرات يزن و ضربته في كتفه بغل و قالتله / بطل تبصلي كدة متخلنيش اندم اني جيت معاك يا يزن و بعدين انت محترم و متربي و اكيد مش هتعمل اللي في دماغك ده
يزن قعد يضحك بتريقة/ انا محترم و متربي .. لا واضح انك متعرفنيش خالص يا ميرا بس مش مشكلة ادينا بنتعرف علي بعض اهوو …عموما انا عايزك تهدي اعصابك خالص
و تغمضي عينيكي و تنامي شوية عقبال ما نوصل
ميرا بقلق / ما هو انت لو تقولي هنروح فين ..انا والله قلبي هيطمن و هسكت طول الطريق
يزن ضحك بتريقة / لا و بعدين ايه قلبك هيطمن دي يا بت .. ده انتي مع جوزك اقولك اعتبري نفسك مخطوفة .. و بعون الله هتبقي احلي خطفة في حياتك
ميرا ابتسمت / كدة بالبجامة
يزن بهزار /شاغلة دماغك انتي اوي بالبجامة متقلقيش اول ما نوصل هتقلعيها يا ستي
و غمزها يزن بوقاحة زي ما ميرا قالت عليه و انكمشت في نفسها و هي بصاله و قالت في سرها/ شكلك مش هتجيبها لبر يا يزن .. استر يارب
و فعلا غمضت ميرا عينيها لان كان مشوارهم طويل و الصبح طلع عليهم و هما في الطريق لحد ما وصلوا الغردقة و كان يزن حاجز يخت ليهم هما الاتنين يقضوا فيه ٣ ايام بالعدد و ده طبعا بسبب ظروف شغله .. واول ما وصلوا يزن بدا يفوق ميرا علشان تشوف اليخت ..
_______________________________________________
في اوضة معاذ كان صاحي بدري يذاكر و لقه باب الاوضة بيخبط
معاذ باستغراب لان الوقت كان بدري قوي وقال / اي ده مين هيبقي صاحي دلوقتي .. ادخل
واتفاجئ بجميله وهي لابسه بيجامه رقيقه جدا وداخله وشكلها باين انه عامل عمله
معاذ ضحك بتريقه / طالما جايه بالمنظر ده وفي الوقت ده يبقى انتي منمتيش وفي حاجه عايزه تقوليها .. تعالي
جميله قربت منه وهي متوتره / بصراحه كده معرفتش انام كنت بفكر في موضوع .. هو انا ينفع اتكلم معاك
معاذ ضحك / اه طبعا ينفع.. قوليلي بتفكري في مين في ادهم مش كدة
جميلة اتكسفت اوي و وطت راسها/ لا وبطل غلاسة لعلمك بقي انا صليت الفجر و دعيتله ان ربنا يرجعه لينا سالم و معافي
معاذ حط ايدن علي شعرها بهزار / امم هنيالوا يا عم
اومال مالك بقي في ايه
جميله / بصراحه لارا صعبانه قوي عليا ولما كلمت طنط همس عشان اكلمها قالتلي انها رافضة تتكلم مع اي حد .
معاذ/وانا كمان حاولت اتواصل مع عساف واروحله بس رافض يقابلني و صقر قالي ان عساف لما يبقى مضغوط يستحسن انه يسيبه لوحده لحد ما يفوق وده اللي هما كلهم عاملينه
جميله / لا بس انا مش هقدر على كده انت لازم تاخدني ونروح نطمن عليهم بنفسنا ايه رايك نروح علي الظهر كدة
معاذ ابتسم / يا ريت حتى لو عشر دقايق .. على الاقل عشان يحسوا ان احنا جنبهم فعلا وما سبناهومش
جميلة / طيب انا هقوم بقى انام تصبح على خير
ولسه جميله هتخرج من باب الاوضه بصت لمعاذ بتلميح و هي بتضحك وقالتله/ الا صحيح هي مين سيلين دي وتعرفها من امتى اصلها كانت بتتكلم بثقه قوي شكلها عارفك من زمان .. يلا ربنا يوفقك يا معاذ يا اخويا
..وخرجت جميله وهي بتضحك من الاوضة ومعاذ حط ايده على راسه و بدا يلعب في شعره بحيره اول ما افتكر سيلين لكن بعد كده اتضايق جدا من نفسه
وقال / هو انا بفكر ليه فيها اصلا دي واحده في غايه قله الذوق ومش بتشوفني الا لما بتهزقنيو انا معملتش حاجة دي انسب حل معاها اني معبرهاش … اه مش علشان حلوو يعني تتنك كدة و تفتكر نفسها حاجة
و كمل معاذ مذاكرته قبل ما يروح الجامعة علشان كان عنده سكاشن .
______________________________________________
في اليخت
ميرا بصدمة / واو بجد ..انت عايز تفهمني اننا هنقعد هنا في وسط البحر ٣ ايام
يزن بزعل /والله كان نفسي يبقى فتره اطول بس اعمل ايه بقى ظروف شغل يا ميرا وعشان كمان ما اسيبش كريم لوحده ولا ياسمين
ميرا حضنته /كفاية اني معاك .. انا مش عايزة حاجة تاني من الدنيا يا يزن
يزن بفرحة / يسلام .. طب تعالي بقي وحش افرجك الاوض تحت دي هتعجبك اوووي و هتتصدمي
ميرا ضحكت بدلع / شكلك مش هتجيبها لبر يا يزن
يزن شالها هي اتعلقت في رقبته بدلع و هو قالها بحب و كان بيغمزلها بهزار / انا يمكن مش هجيبها لبر .. بس هجيب عيال
تعالي بس دي الاوض تحت هتعجبك اوي
و نزل بيها للاوض و هي كانت بتضحك بحب ليه ❤️
و نسيبهم مع بعض لان دول عرسان 😉
________________________________________________
في الجامعة 💐
خرج معاذ من السكشن بتاعه و كان لسه هيروح الاوضة بتاعة الدكاتره اتفاجاه بسيلين وقفت تعترض طريقه
معاذ بصلها بذهول/ يا نععم .. خير يا ترى حفظتلي كام كلمه دبش وجايه تقوليهم ليا قدام الطلبه ولا في حاجه جديده انا لسه ما شفتهاش
سيلين / ايه الغلاسه دي يا معاذ المفروض ان احنا زمايل
في مكان واحد يعني اصحاب .. مش كده برده
معاذ / صحاب ده من انهي اتجاه بالظبط مش فاهم انتي مهزقاني امبارح مرتين ولو كنت سبتك شويه كنت هتهزق للمره الثالثه ده انا حتى لما وصلتك امبارح رزعتي الباب
وما قلتليش شكرا
سيرين بتوتر/ بص بقى انا مش تنكة ولا مغروره ولا قليله الذوق كل الحكايه اني مش بتعامل مع ولاد ودي اول مره ليا احتك بيكوا زي ما تقول كده بخبط جامد لاني مش عارفه اتعامل ومش عايزه حد يفتكرني سهله فحاطه وش خشب
معاذ / ايوه بس ده مش خشب ده طين
حلو انك تحطي لنفسك حدود دي حاجه كويسه واحترمها فيكي ، بس برده ده ما يمنعش انك تتعاملي بادب واحترام وذوق وخصوصا انك مشفتيش مني حاجه
سيلين باحراج / ما هو عشان انا ما شفتش منك حاجه جيت دلوقتي اكلمك بس واضح انك قافش قوي مني ورافض حد تسمعني عموما انا اسفه بعد اذنك
ولسه سيلين هتمشي معاذ مسك ايديها وقالها / طب خلاص استني انا ممكن انسى كل اللي عملتيه و نبدا صفحه جديدة
ومد معاذ ايده بثقه وقالها / انا معاذ الحديدي ابن صقر الحديده لو تسمعي عنه
سيلين ابتسمت ومدت ايديها / وانا سيلين العزازي والدي ابراهيم العزازي بس هو توفى من سنتين تقريبا
معاذ باحراج / احم البقاء لله طب و انتي بقي عايشه
مع جدتك و مين تاني يعني والدتك ولا
سيلين اتضايقت اوي و قاطعته في الكلام بعصبية / وانت مالك اصلا ليه تدخل في حاجه ما تخصكش ليه تفتكر نفسك شخص مهم عندي عشان احكيبك اسراري… ما كانش يعني توصيله
وسابته ومشيت ومعاذ فضل واقف مصدوم وحط ايده على وشه بحيره / يا بنت المجانين .. لا ده انتي مش طبيعيه بجد .. ده انا عيل عشان اتكلمت معاكي تاني
وخرج معاذ وهو متعصب قوي وراح للاوضه بتاعه الدكاتره وماجد شافه وقاله وهو بيضحك / مالك يا ابني مكشر ليه كده هو حصل حاجه في السكشن
معاذ / يا ريتها جيت على السكشن وربنا كنت ارتحت المعيدة اللي معانا دي هتجنني قريب بتكلم معاها بعد ما اعتذرتلي وبرده هزقتني .. هو انا وشي مكتوب عليه هزقني شكرا
ماجد قعد يضحك / طب ما انا قلتلك فكك منها دي شايفة نفسها حلوه ومغرور علينا اقولك حاجه تيجي نديها الخازوق المتين ونروح نشتكيها للدكتور عثمان
معاذ / لا حرام دي لسه جديده ومهما حصل انا ماضرش حد في شغله .. انا مش هتعامل معاها تاني
بقولك ايه انا مودي اصلا وحش وعندي سكشن واحد هخلصه واطلع على عساف عايزه اطمن عليه ..عايز حاجة
ماجد / لا يا سيدي ربنا معاك
________________________________________________
في الحمام 🤧
دخلت سيلين الحمام وقعدت تعيط جامد وهي مش مصدقه انها اتكلمت معاه باسلوب دوت برغم انها لسه معتذره له ..
سيلين بعياط /وبعدهالي بقى هو انا كل ماجي اكحلها اعميها .. هو ما قالش حاجه لكل ده بس يستاهل عشان بعد كده ما يتدخلش في حياه حد وهو ميعرفوش ..
استغفر الله العظيم يا رب .
وغسلت سيلين وشها وخرجت عشان ميبانش انها معيطه ومرضيتش انها تخش الاوضه لحد ميعاد السكشن بتاعها وخلصته وروحت على طول ومعاذ لاحظ عليها انها متضايقه جدا لكن مهتمش و خلص السيكشن وراح اخذ جميله وطلع على بيت عساف
______________________________________________
في اوضة عز ..
كان قاعد علي السرير و فاتح صفحة الفيس بتاعة كارمن و هو مبسوط اوي من صورها و انها برغم من غناء عيليتها
الا ان لبسها محترم جدا
عز بحيره / يا ترا شاغل تفكيرك زي ما انتي عاملة فيا كدة
يا كارمن ولا مش في دماغك اساسا .. انا خايف اكون بعلق نفسي بوهم دي بنت خالد الحديدي يعني اكيد مش هتبصلي برضو
عز رمي التليفون علي السرير و دخل الحمام ياخد شاور علشان ينزل يروح شغله و هو حزين اوي و في الوقت ده دخلت والدته الاوضة و هي معاها كوباية القهوة بتاعته
حنان / يلا يا عز انا عملتلك القهوة يا حبيبي .. اي ده هو ليه رامي التليفون كدا ..مهمل في كل حاجة يا عز عمرك ما هتتغير ابدا
ومسكه التليفون واتفاجئت بصور كارمن و حبت شكلها اوي لانها رقيقه جدا ولاحظت من الاسم وافتكرت ان هو كان بيتكلم كثير عن عيله الحديدي .
حنان بفرحة / يكونشي بيحبها .. طب ياريت والله ده انا كنت فقدت الامل انه يبص لحد من كتر تركيزة في الشغل و مع يزن و مشاكله
وفضلت قاعده مستنياه يخرج من الحمام علشان تعرف ايه حكايه كارمن و اول ما خرج لقاها واقفة مبسوطة و ماسكة التليفون في ايده
عز كان خارج و بينشف شعره بالفوطة و استغرب جدا بصات مامته ليه / مالك يا حاجة واقفة كدة ليه مبتسمة
حنان بفرحه / مين دي هاااا … يلا قر و اعترف بسرعة
عز اتحرج جدا وقالها / ايه ده جرى اي حاجه انتي بتقلبي
في موبايل ابنك و هو في الحمام .. كدة برضو
حنان / يسلاااام .. اه اعمل اللي انا عايزاه و عايزة اعرف ايه حكاية البنت دي و هنروح امتي نتقدم ليها بقي
عز حزن قوي من كلمتها وقالها / مش لما نكون من مستواهم الاول يا ماما دي بنت خالد الحديدي اكبر رجال الاعمال اللي مش بس في مصر اللي في الوطن العربي
وقعد عز يحكيلها كل حاجه عن كارمن وعن عيلتها وحنان زعلت قوي ان عز بيبص كده لنفسه وشجعته
وقالتله/ طالما بتحبها يبقى حاول علشانها حتى لو ابوها رفض
وفعلا كلامها هشجع عز جدا وقرر ان هو يواجه يزن ويقوله الحقيقه علشان يتوسط معاه لخالد
______________________________________________
في بيت عساف معاذ دخله المكتب 😲
معاذ باستغراب / انا مش فاهم انت ليه بتعاملني المعامله الكلابي دي .. طب ده انا حتى زوز حبيبك وصاحبك … ايه ده انت سكت ليه هو احنا مش صحاب يعني انت كنت بتخدعني طول الفتره دي
عساف ابتسم علي كلامه ومعاذ سقف بفرحة و قاله /بالصلاه على النبي ايوه كده يا عم بقى في ايه .. صدقني يا عساف ما فيش حاجه مستاهله انا عارف انك متضايق بس احمد ربنا انها رجعتلك كويسه ونفكر عشان نعرف ناخد حقنا بالعقل وبالاصول مش زي ما يزن وفهد عمله
عساف بصله بتركيز/ يزن وفهد ايه اللي لم الشامي على المغربي وعملوا ايه اصلا
معاذ / يوه دول عملوا بلاوي وعكوني معاهم وصقر قلب علينا ونزل فينا ضرب انا اللي عمري ما اتضربت من صقر اتضربت بسببه
عساف/ لا بالراحه كده وفهمني نيلته ايه بالضبط
وبدا معاذ يحكي كل اللي حصل من البدايه وعساف كان مصدوم ان يزن ضحى بشغله واسمه وعمل الكلام الاهبل
ده بس عشان كان خايف على لارا ودي حاجه حسيته انه فعلا سايب وراها ظهر وسند
معاذ باستغراب اتفاجئ من ملامح وش عساف الفرحانه وقاله / مالك يا عم ساكت ليه وبتضحك ليه اصلا بقولك احنا اتضربنا من صقر تخيل شحوطه زينا يتضربوا
على اخر الزمن
عساف / هو انتم فعلا بتحبوا لارا ولا بتعملوا كده عشاني
معاذ استغرب قوي السؤال وقاله /بص هو سؤال مش منطقي لان احنا مش متعرفين على بعض امبارح يعني ..الا ان احنا بنعمل كده عشان لارا بجد احنا كنا خايفين عليها قوي لدرجه ان انا اللي بكره العنف طوعتهم من كتر خوفي عليها
عساف ابتسم بفرحه / فرحان عشان سايب لبنتي اخوات جدعان زيكم ربنا يحميكم لبعض يا ابني دايما كان صقر يقول الاستثمار في البشر اهم بكثير قوي من العقارات والفلوس لانها بتروح وتيجي لكن البشر هي اللي بتبني العالم
معاذ ضحك بتريقه/ ابويا برده كلامه فيه حكم دايما مش عارف ليه ما طلعتش زيه برغم ان انا ابنه الوحيد
عساف/ ومين قالك اصلا انك مش شبه ابوك ده انت نسخه كربون منه يلا .
معاذ /تفتكر .. طيب قوم بقي علشان احلقلك دقنك دي علشان الصراحة شكلك شبه المساجين و كمان ريحتك مشاء الله زي القمر
عساف خبطوا في كتفه بهزار / بتتريق عليا يلا الله يرحم ده انا اللي كنت بغيرلك . يلا يا اخويا اهو الواحد يستغلك في حاجه
ودخل معاذ عشان يحلق دقن عساف ويهزر معاه علي امل انه يخرجه من الحالة اللي هو فيها وحكاله على سيلين واللي عملته كله وعساف كان بيتريق عليه .
______________________________________________
في فيلا الحديدي 🤔
كانوا كلهم متجمعين على السفره بيتغدوا وصقر كان بيبص لفهد بنظرات اتهام و فهد ما كانش مستحمل بصاته
فهد /هو انت بتبصلي كده ليه يا عم انت وانا عملتك حاجه ليه محسسني ان انا متحرش عايش معاكوا في الفيلا
نغم ضحكت قوي وقالتله / اصلك النهارده كنت بايت مع مراتك في الاوضة و دي غريبة .. الا قولي صحيح هو فين يزن و ميرا
فهد بتوتر / طب وانا مالي بيزن وميرا هو انا هشتغل جارد عندهم مثلا انا نسمه حبيبتي مراتي ام ابني جت قالتلي انها خايفه تنام لوحدها اسيبها مثلا رد عليا يا عمي رد عليا اسيبها
صقر كان بيبصله بنظرات انبهار علي ادائه
و نسمة كانت محرجه جدا وقالت / طبعا يا اونكل لو حلفتلك اني كنت نايمه اصلا وما اعرفش ان هو جه الاوضه ونام جنبي مش هتصدقيني
فهد بصدمه / ايه ده انت بتعترفي من قبل اول قلم انتي عبيطه ولا ايه في واحدة تسلم جوزها كده بالسهولة دي
صقر ضحك / سيبيه يغني علينا يا نسمه اصل هو فاكرني
ما اعرفش ان يزن اخذ مراته وخرج من الباب الخلفي وهي بالبيجامهوان الاستاذ كان طالع بيتسحب بالليل عشان يخشلك الاوضه فاكرني عبيط انا ساكت بمزاجي
مش انا الي يضحك عليا يلا انا صقر الحديدي يلا
فهد بنبهار/ ده ايه الحلاوه دي يا جدعه ده احنا متراقبين واحنا مش حاسين والله .. كل يا صقر ..كل
_______________________________________________
في اوضه لارا 😑
جميله سقفت بفرحه / اهي كده احنا خلصنا كل الشوربه نخش بقى في المهمة الاصعب انك تتكلي حتة الفرخة دي لو مش هيضايقك يعني
لارا ضحكت علي طريقتها وقالتلها / بتعمليني كاني بنت اختك …علفكره انا كويسه يا جميله صدقيني هو اه كسرني وخليني افقد الثقه في نفسي قبل ما افقدها في اللي حواليا … بس انا مش هفضل كده صدقيني مش هفضل كده
و بدات لارا تعيط بحزن و جميلة قربت منها و اخدتها في حضنها و قالتلها بحب / صدقيني ما يستاهلش دموعك ديت لانه مش بيحبك يا لارا و بعدين انا قولت انك خلاص فوقتي من الصدمة دي شكلي كدة حسدتك .. انا عارفة ان عيني وحشة
لارا ضحكت / لا والله ده انت حتى عيوني خضراء وزي القمر
و مسحت لارا دموعها / انتي قولتيلي ان انت عايزه تقوليلي على حاجه مهمه ايه هي
جميله بتوتر / بصي انا متردده اني اقولك بس هقولك بقى وامري لله …انا في واحد اسمه تامر جالي قدام الكليه واداني جواب وقال لي ان هو امانه ليكي تاخديه ولا ايه النظام
الولد اتصدمت اول ما سمعت الكلمه دي وقالتلها / جواب ليا انا .. يبقي اكيد عاصي هو اللي بعته هاتيه يا جميلة
وجميله فتحت الشنطه طلعت منها الجواب وهي متردده جدا بس الجواب ده كان محطوط جوه ظرف واول ما فتحته لقيت فيه اكثر من ورقه
لارا استغربت جدا لكن لقت ان هو باعت ليها جواب بخط ايده كمان مع الورق ده
لارا غمضت عينيها بحزن ووجع وقالت لجميله/ اقري انتي الجواب يا جميله انا مش قادره ..
وفعلا اخذته وبدات تقراه واتصدمت في كل كلمه كانت مكتوبه فيه ..
يا ترى بقى عاصي باعتلها ايه ؟
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية خادمة الصقر)
