رواية شبل الصعيد الفصل الخامس 5 بقلم نور الشامي
رواية شبل الصعيد الجزء الخامس
رواية شبل الصعيد البارت الخامس
رواية شبل الصعيد الحلقة الخامسة
انصدمت خلود عندما وجدت حقائب ملابسها امامها وجميع صورها وكل شئ في البيت قام محمد بأزالته فاقتربت بدموع ودخل محمد ثم تحدث مردفا: هبيع الشقه وهروح اجعد مع امي وهبعتلك كل حقوقك وبقيت الفلوس هشيلها لولادي في البنك
خلود ببكاء وعصبيه: لييه كل دا… للدرجادي انا مكنتش مهمه بالنسبالك.. هانت عليك العشره اكده فين الحب ال كنت بتجول عليه… مش كنت بتجول انك متجدرش تعيش من غيري وكنت بتجول ان الدنيا ملهاش اي معني وانا مش موجوده في حياتك.. راح فين كل دا نسيت السعاده ال كانت بينا
صرخ محمد في وجهها بعصبيه مردفا: فين السعااده دي.. انا مكنتش سعيد بأي حاجه… انا كنت بتنازل وبس طول سنين جوازنا انا الشخص ال بيدي ومش باخد اي حاجه ومكنتش اصلا طالب حاجه انا كنت كل ال عايزه تقدير علي ال بعمله… انتي حسستيني اني مجرد وسيله بس علشان اجيبلك فلوس اني مهما عملت مش هجدر اخليكي مبسوطه.. كنتي دايما محسساني اني مهما عملت برده ببجي مقصر… انا كنت مضغوط في كل حاجه كنت بنام وانا خايف الا تجوليلي انك عايزه تسبيني علشان مش عارف انفذ طلباتك.. كنت ببجي خايف الا تطلبي مني حاجه بمبلغ كبير كعادتك وانا مش معايا حقها…
كنت ببجي شايل هموم الدنيا كلها وانا سالف فلوس من طوب الارض علشان طلباتك.. عرفتي اني مكنتش مبسوط.. اي علاقه فيها طرف بياخد علطول والتاني مطلوب منه ينفذ مستحيل تنجح
خلود ببكاء: ياااه للدرجادي شايل كل دا في جلبك مني.. طيب كنتي عرفني
محمد بضيق: عرفتك يا خلود وكنت بحاول اجولك من غير ما ازعلك بس انتي مكنتيش بتفهمي.. يلا علشان اوصلك البيت مينفعش تروحي في وجت زي دا لوحدك
خلود ببكاء: انا عايزه افضل في بيتي يا محمد.. انا بحبك والله متعملش اكده علشان خاطري.. بلاش خاطري علشان خاطر بنتنا
محمد بحزن: مبجاش ينفع صدجيني انا خلاص فعلا طاقتي خلصت… يلا علشان اوصلك
القي محمد كلماته ثم خرج من الغرفه فنظرت خلود ببكاء شديد وذهبت خلفه اما في المستشفي تحدث فارس بحده مردفا: وهو دا وجته يا خالي يعني انا غلطان اني جولتلك
عدلي بعصبيه: ايوه وجته لما تروح تتجوز واحده اكبر منك ب 7 سنين يبجي وجته… عندها 30 سنه وتعبانه طبيعي الحمل يبجي صعب واهه مبجاش فيه حمل خالص امك كانت صوح في كل كلامها
فارس بحده : بس بجاا يا خالي كفايه اكده هي جوه بتعمل عمليه صعبه والله اعلم لما تصحي هيبجي حالتها اي وانت لسه بتتكلم في السن
نظر عدلي اليه بضيق ثم جلس وبعد مرور ساعتين خرج الطبيب فتحدث فارس بلهفه مردفا: هي عامله اي يا حكيم
الطبيب: عملنا العمليه والحمد لله بس هي لسه تحت تاثير البينج هننقلها في العنايه المركزه ولما تفوق هننقلها اوضه عاديه ولازم الراحه التامه الف سلامه عليها
القي الطبيب كلماته ثم ذهب وفي البيت كانت الساعه تقريبا الثامنه صباحا ومنصوره في المطبخ تشعر بالقلق حتي سمعت صوت بكاء الصغيره فتحدثت زهره بلهفه مردفه: ماما دي عنود بنت سجده
نظرت منصوره اليها بحده ثم تحدثت مردفه: انا مش جولتلك متتكلميش معايا انتي فاكراني نسيت ال عملتيه اخرسي خالص علشان مش طايجه اسمعك
نظرت زهره اليها بحزن ثم خرجت فنظرت منصوره الي الاعلي بضيق ثم صعدت ووقفت امام غرفه سجده بقلق حتي قررت الدخول فوجدت الصغيره علي الفراش لخاص بها تبكي بشده وهي تحاول النهوض وسجده تحاول الوصول اليها فأقتربت من
الصغيره وحملتها ووضعتها بجانب سجده ثم تحدثت مردفه: جولي لجوزك يبجي جمبك دايما علشان لو احتاجتي حاجه او خلي حد من ال تحت يطلع يبجي معاكي
القت منصوره كلماتها ثم خرجت من الغرفه بدون ان تنتظر رد فابتسمت سجده بسعاظه وتحدثت مردفه: عنود شوفتي تيته… هي لسه بتحبني معرفتش تكرهني
اما في الاسفل تحدثت منصوره بفزع مردفه: يا لهوووي
زهره بلهفه: طيب هي عامله اي دلوجتي
علي بضيق: لسه مفاقتش بس الحكيم جال انها كويسه
عدلي بحده: جومي البسي علشان تروحي تشوفيها والله انتي ما عرفتي تربيها يا منصوره
نظرت منصوره اليها بضيق ثم صعدت الي الاعلي وابدلت ملابسها وذهبت هي وزهره وخلود اما في المستشفي تحدثت هي بتعب مردفه: يعني اي ال حوصلي
فارس بضيق: مفيش حاجه يا ياسمين انتي مجولتيش ليه انك تعبانه ومحتاجه علاج ضروري
ياسمين بتعب وخوف: انا حاولت اجولك كتير بعد الجواز والله بس انت مكنتش بتسمعني
فارس بحده: انا مش جصدي علي بعد الجواز.. جصدي علي قبل الجواز انا حاسس اني كنت مع واحده معرفهاش ولا اعرف عنعا حاجه هو مش احنا كنا بنحكي لبعض كل حاجه اي ال حوصل؟!
جاءت ياسمين لتتحدث ولكن دخل الجميع فجأه وتحدثت زهره بدموع مردفه: ياسمين عامله اي انا خوفت عليكي جووي… بصي متزعليش ربنا عيعوض عليكي ان شاء الله
نظرت ياسمين اليها بقلق ثم تحدثت مردفه: جصدك اي
تنهد فارس بضيق شديد ثم تحدث مردفا: هي لسه متعرفش حاجه
ياسمين بخوف وتعب: معرفش اي
عدلي بحده: شيلتي الرحم
وقعت هذه الكلمه علي ياسمين كالصاعقه فوضعت يديها علي بطنها وتحدثت بصدمه مردفه: انت بتجول اي… لع انا جولت للحكيم مش دلوجتي وهو جال عادي يعني هعرف هخلف مستحيل الحكيم يعمل اكده
اقترب فارس منها ثم تحدث بحزن مردفا: ياسمين دا امر ربنا وكان لازم تعملي العمليه دي
صرخت ياسمين بقوه وهي تتحدث مردفه: انا لازم ابجي أم… انا عملت كل دا علشان ابجي ام…. يارب لا بلاش تعاقبني اكده.. دي كدبه واحده انا معملتش حاجه وحشه في حد علشان يوحصلي اكده والله حرام
نظر فاؤس الها بحزن شديد ثم احتضنها وحاول تهدئتها ولكن لم يستطع فدخل الاطباء واعطوها مهدأ حتي نامت فوصل محمد اخيرا وتجاهل خلود تماما ثم اقترب من فارس وتحدث مردفا: متزعلش يا فارس هتبجي كويسه وهتتحسن ان شاء الله
فارس بحزن: الحمد لله علي كل حاجه.. محمد بالله عليك امسك انت الشغة الايامدي علشان انا مش هجدر اسيب ياسمين انت عارف وعلي كمان لازم يكون مع سجده
محمد: حاضر متخافش خليك انت اهنيه وانا هصلح كل حاجه
القي محمد كلماته ثم ذهب فتحدث عدلي بحده مردفا: اول ما تطلع من المستشفي طلجها
هيام بضيق: انت بتتكلم اكده ليه يا عدلي
عدلي بحده: بتكلم بصفتي خاله وخايف عليه.. كدبت عليه في الاول وغيرت الوصيه وبعدها شالت الرحم يعني حكمت عليك لو فضلت معاها تعيش العمر كله من غير اطفال ومش بس اكده دي عندها 30 سنه يعني اكبر منك بسبع سنين انت لست شاب في اول عمرك وهتعدي 30 طلجها
هيام بعصبيه: طلاجها او عدمه شغله فارس مش اختصاصك يا عدلي طلع نفسك انت من الموضوع دا ومتدخلش فيحاجه ملكش دعوه بيها
عدلي بغضب: هيااام الزمي حدودك
فارس بحده: خالي وطي صوتك دي عمتي وانا مسمحش ان حد يعلي صوته عليها اكده وهي اصلا كلامها صوح مش وجته انت مش شايف حالتها
منصوره بجديه: خليك معاها بس هتتجوز جبل ما تطلع هي من المستشفي يا همشي واسيب البيت ووجسما بالله ما هتعرفوا انا فين
انصدم الجميع من كلام منصوره فتحدث فارس بحده مردفا: انتي بتهزري صوح
منصوره بعصبيه: لع مش بهزر انا بتكلم جد والله العظيم لو ما اتجوزت جبل ما تطلع ياسمين من المستشفي ما هتعرفوا انا فين وهمشي واسيب البيت وانسوا ان عندكم أم
خلود بلهفه: يا ماما اي ال بتجوليه دا بس اكده حرام وبعدين عايزه تمشي وتسبينا تروحي فين
جاءت منصوره لتتحدث ولكنها شعرت بألم شديد في صدرها وفجأه وقعت علي الارض فاقده وغيها فصرخ الجميع واقترب منها فارس وحملها وذهب بسرعه الي غرفه الفحص وبعد فتره من الوقت خرح وتحدثت خلود بلهفه مردفه: يا حكيم جولي ماما عامله اي هي زينه
الطبيب: لا قلبها تعبان جدا ولو فضلت بالنظام دا ممكن تحتاج لعمليه والعمليه في سنها دا خطر علي حياتها انا هكتبلها علي علاج واهم حاجه بلاش تتعرض لأي زعل او ضغط
انصدم الجميغ من كلام الطبيب ثم دهل فارس بسرعه الس الغرفه واقترب منها وتحدث بلهفه مردفا: ماما جوليلي انتي حاسه بأي
منصوره بتعب: اسمع كلامي يا ابني بالله عليك وغلاوتي عندك ورحمه ابوك اتجوز
جاء فارس ليتحدث ولكنه انصدم عندما وجد خاله معه الماذون فنظر الي والدته بعدم فهم وتحدث مردفا: اي دا
عدلي: دا الماذون ال هيجوزك دلوجتي
فارس بصدمه: يجوزني مين و؟!
لم يكمل فارس كلماته حتي قاطعه صوت هذه الفتاه وهي تتحدث مردفه: انا
التفتت فارس ليري مصدر الصوت ولكنه انفزع من مكانه وتحدث مردفا: مستحيييل ووو
توقعاتكم ورايكم في ال بيحصل ويا تري ال بيحصل دا صح ولا غلط ومين دي ال فارس هيتجوزها وهل هيتجوزها فعلا ولا لا ورد فعل ياسمين هيبقي اي وهلحق فارس انه يتجوز ولا كده ظلم لياسمين
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية شبل الصعيد)
