رواية المبرمجة الشقية الفصل الأول 1 بقلم نشوة عادل
رواية المبرمجة الشقية الجزء الأول
رواية المبرمجة الشقية البارت الأول
رواية المبرمجة الشقية الحلقة الأولى
-يعنى ايه عاوزين بس الناس الخبرة واللى عندهم شهادات معتمدة اومال الشباب اللى لسه متخرجة جديدة او من فترة قريبة دى تعمل ايه؟
=والله دى مش مشكلتى يا انسة دى الشروط اللى مطلوبة فى مهندسين البرمجة وكمان اللى مطلوب مهندسين شباب مش بنات
-ده ليه ان شاء الله؟!
=والله انا معنديش اجابة لسؤالك ده وانا اسف بس كده الانترفيو انتهى
-تصدق بالله البلد دى فعلا مش بتمشى الا بالواسطة وبسبب امثالكم العقول المفكرة والناس اللى عندها ضمير فى شغلها لما بتفشل انها تلاقى فرصة هنا بتهرب ع بلد غريب عشان تلاقى حد يخرجها للنور ولما ده بيحصل ترجعوا تندموا وتلومنا اننا بيعنا افكارنا للغرب
كانت بتتكلم لتتفاجئ بشخص من وراها بيقول: انتى اسمك ايه؟!
-لفت وبصتله من تحت لفوق وقالت وهى مربعة ايدها: وانت مالك؟!
+انا مالى ازاى انا يونس العدوى صاحب الشركة يا انسة
-بصدمة: حضرتك باش مهندس يونس ملك البرمجة مش ممكن مستحيل
يونس باستغراب: هو ايه اللى مستحيل؟!
-اصلك صغير بالسن انا فكرتك راجل كبير
يونس بابتسامة: طيب ممكن اعرف اسمك ايه؟!
-اسمى بسنت عبدالسلام يا فندم
يونس: طيب يا باش مهندسة هاتى السى فى بتاعك وتعالى معايا ع مكتبى
بالفعل اخدت اوراقها وشنطتها ومشيت وراه لحد ما دخلوا المكتب وقعدوا …. يونس: متخرجة من امتى؟
بسنت: من تلات سنين
بص يونس للسى فى باهتمام وقال: ما شاء الله انتى متخرجة بتقدير امتياز مع مرتبة الشرف طب هل سبق واشتغلتى فى مجال البرمجة فى مكان تانى؟
بسنت: لا لان حضرتك عارف ان مفيش اصلا شركات متخصصة بالبرمجة الا شركتك انت
يونس: طب ليه مشتغلتيش فى اى حاجة تانية تكون قريبة من مجالنا؟
بسنت: انا بحب مجالى جدا ودخلته بمحط ارادتى انا فمش معقولة بعد ما اتخرج اروح اشتغل كاشير فى مطعم مثلا
ضحك يونس وقال: فعلا والله عندك حق ع العموم انا هوافق ع انك تنضمى هنا لفريقنا بس بشرط
بسنت: ايه هو؟
يونس جاب لابتوب وحطه قصادها وقال: الشفرة اللى قصادك دى ناقصة بيتين وللاسف محدش عارف يوصلهم حتى انا شخصيا فشلت فلو قدرتى توصلى ليها هتثبتى جدارتك ليا ولطاقم العمل كله معاكى 6 ساعات من دلوقتى
قام خرج وسابها وهى بصت للشفرة بتحدى ويمر الوقت والساعات لحد ما عدت ال 6 ساعات ما عدت دخل يونس وقال: ها عملتى ايه؟
بسنت بثقة: فكيتها حضرتك
يونس باستغراب: ازاى؟! ولا اقولك استنى هجيب كل الطقم وانتى اشرحى ع الشاشة اوك
بسنت: اوك
يونس جاب الطاقم وفتحوا شاشة الشرح واتكلمت بسنت بنوع من التوتر نسبيا: باش مهندس يونس قالى ان الشفرة ناقصة بيتين وطبعا انا زيكم ركزت ع البيتين لحد ما اكتشفت انها مكتملة لكن فى النص لازم الحروف متبقاش انجليزية لكن تكون لاتينية قديمة وبكده قدرت افكها لفت ضهرها ليهم وفجأة يونس طلع جرى عليها و شدها عليه وحست بايده ع ضهرها وووووووو……….
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية المبرمجة الشقية)
