رواية كشفت خيانته الفصل الثالث 3 بقلم إسراء ابراهيم عبدالله
رواية كشفت خيانته الجزء الثالث
رواية كشفت خيانته البارت الثالث
رواية كشفت خيانته الحلقة الثالثة
ماشي إما وريتك مايبقاش اسمي أسماء يا بتاع الستات وعينك الزايغة دي ماشي
أما عند حسام خد نفسه بارتياح، وبعت للي بيكلمها عالواتس إنه هيجي يتجوزها على أول الأسبوع الجاي وإنها تبقى جاهزة
أما عند أسماء فكانت بتفكر إزاي تنتقم منه على عملته دي، وجت لها فكرة خبيثة وهتسويها على نار هادية عشان تبقى لذيذة وتستمتع باللي هيحصل
في اليوم التالي كان حسام في الشغل بيكلم حبيبته وهو بيقولها: عشان تعرفي إني مش بتسلى بيكي يا نوال، وأنا راجل قد كلمتي
أما عند أسماء كانت قاعدة في الشغل وهى بتسمع المكالمة اللي بين جوزها وبين نوال وهى بتقول في نفسها: أول مرة أشوف رجالة بتخون، دا الرجالة لو سمعوك بتضم نفسك لهم هيولعوا فيك يا خاين
وبكدا أسماء عرفت اسم اللي بيكلمها وكدا هتعرف هما هيعيشوا فين، ودا حسب الخطة اللي حطتها، وطبعا بالليل وهو نايم كانت نزلت تطبيق على موبايله عشان تعرف بيكلم مين وربطت الاتصال بين الإتنين
طبعا هى عارفه الباسورد بتاع موبايله لكن عمرها ما فتشت فيه ودورت وراه كانت مفكراه راجل ضد الخيانة، بس مهما فضل يداري غلطه هيجي يوم ويتعرف طالما لسه مستمر فيه
وبيرجع حسام عادي وأسماء بتتعامل معه على طبيعتها بدون ما تبينله إنها عرفت حقارته
فات اليومين، وكان بيجهز هدومه في الشنطة، ولقيت إنه شاري كام ترينج جدد فقالت في نفسها: يا جمالو يا ولاد واخد حاجات جديدة للعروسة الجديدة، إن شاء الله اللي بتعمله فيا يترد ليك، أنت مفكر إنها هتحافظ على اسمك وهتكتفي بيك ابقى قابلني
أهي وقعت في طريق الشخص اللي يشبهها ونيتكم زي بعض وهتشرب من الكاس اللي شربتني منه يا حسام اصبر بس عليا هخليك تتهنى بيومين شهر عسل عشان بس أنا طيبة لكن بعدين هندمك على خيانتك دي عشان أنا ماستاهلش دا كله منك
ولا في حاجة هتداوي الجرح اللي جوايا والحزن دا
أصل مفكر واحدة كلمت واحد في السر هتبقى محترمة وتكتفي بيك أصل أنا عارفه النوع دا كويس من الستات
مشي حسام بعد لما سلم عليها وقالها: هكلمك على طول
أسماء في نفسها: مش عايزه أسمع صوتك ولا طايقاه، لكن بصتله بحزن مصطنع وقالت: مش متعودة على غيابك المدة دي كلها، بس هنعمل إيه حكم الشغل
حسام: معلش هحاول أنزل يومين الأجازة في معادهم يلا سلام
أسماء: مع السلامة، وقفلت الباب وراه ودخلت قعدت عالكرسي وهى بتعيط، وكان قدامها فاظة كسرتها وهى بتبص للفراغ بتحاول تفتكر هى عملت إيه تخليه يبص لواحدة تانية وعايز يتجوزها
لكن كانت بتقوله نعم حاضر ومطيعة، وفي أي خناقة كانت بتيجي على نفسها عشان ماتكبرش وفي الآخر دي جزاتها منه، حطت إيدها على وشها وهى بتفكر إزاي هتنفذ الخطوة التانية
لكن بعد لما يتجوزوا، بعدها لقيت إن حسام بيكلم نوال وهو بيقولها هيقابلها فين وبعدين يروحوا على شقتهم بعد لما ياخدها يتجوزها
بقلم إسراء إبراهيم عبدالله
كان واخد لها شقة بالايجار وعرفت مكانها لما كانت نوال بتسأله فين مكان الشقة اللي هيقعدوا فيها
عند نوال وحسام كانوا قاعدين عند المأذون بيكتبوا الكتاب وجنبهم اتنين شهود
خلص المأذون، وبعدها خدها حسام وطلعوا على الشقة
نوال بفرحة: حقيقي يا حسام أنا فرحانة إنك وفيت بوعدك ومضحكتش عليا
حسام وهو ماسك إيدها قال: مستحيل أضحك عليكي، ماتعرفيش غلاوتك عندي قد إيه
نوال: طب يلا بقى نقعد ناكل من الأكل اللي اشتريته دا عشان ريحته تجنن
حسام: حاضر يا نونو، يلا ناكل
أما عند أسماء كانت قاعدة مضايقة وهى مقررة إنها مبقتش هتنزل دمعة بسببه
فات يومين وحسام ماتصلش بيها ولا مرة يشوفها كويسة ويطمن عليها، ابتسمت بسخرية وهى بتبص للموبايل
كان مقضي وقته كله مع مراته التانية ونسي أسماء خالص
دخلت حطت الأكل اللي جابته من برا وقعدت تاكل وهى بتفكر في الخطة التانية هى عايزه شخص ينفذها، لكن هى مابتثقش في حد فقررت تنفذها هى
تاني يوم الصبح قبل ما تروح الشغل بعتت لنوال عالواتساب من خط اشترته جديد وقالت: ممكن نتعرف؟
واستنت ترد لكن قفلت الخط ومشيت على شغلها عشان متتأخرش، وكانت واخدة الرقم بتاعها من موبايل حسام قبل ما يمشي
وصلت أسماء الشغل وباين عليها التعب والإرهاق وبتكلم نفسها وبتقول: امتى هتحرر منك يا حسام وأتخلص من الألم والتعب دا، عشان ألم جروحي وأداويها
كانت زميلتها جنبها بتكلم زوجها وكان بيطمن عليها وبيقولها متتأخرش، وسامعة صوت عيالهم عايزين يكملوا والدتهم ومستنينها ترجع، وكان بيقولها إنه مجهز لها أكلتها المفضلة، كان زوجها رجع بدري وقعد بعياله
دعت لها أسماء بالسعادة ويبقوا مع بعض دايما، كانت بتتمنى حياة زي دي، بس هى كانت لسه مخلفتش من حسام بقالهم سنتين متجوزين لكن مفكروش يروحوا يكشفوا ويشوفوا إيه سبب إنهم مخلفوش لحد دلوقتي
وجه على بالها إن ممكن يكون حسام اتجوز عليها عشان يبقى عنده عيال؟
ياترى هيحصل إيه؟
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية كشفت خيانته)
