رواية سيدرا الفصل الأول 1 بقلم أحمد سعد
رواية سيدرا الجزء الأول
رواية سيدرا البارت الأول
رواية سيدرا الحلقة الأولي
سيدرا : 26 سنه خريجة سياحه وفنادق
أحمد : 28 سنه ابن صاحب فندق كبير ف شرم الشيخ لكنه قريب من العمال ومابيدخلش ف ادارة الفندق
سليم : 33 سنه أخو احمد وهو اللى ماسك فلوس ابوهم وادارة الفندق
( والمزيد من الشخصيات واللى هتتوالى ف ظهورها )
…………
( الحلقه الاولى ) ❤
سيدرا : أنا مش مصدقه ان الفندق ده قبلنى اشتغل هناك
مى ( اخت سيدرا ) : ومايقبلوكيش ليه يعنى . ؟ هما يطولوا
سيدرا : يطولوا ايه بس انتى ماشوفتيش ساعتها اللى كانو متقدمين اد ايه وكام بنت وفيهم اللى جايين بوسايط كمان ,, والله ما مصدقه
مى : كلموك تروحى تستلمى الشغل امتى . ؟
سيدرا : السبت الجاي .. هروح ف اتوبيس الفندق اللى بيطلع من هنا يوم الجمعه م القاهره وهما هناك ف شرم عارفين ومسجلين اسمى ف كشف الباص
مى : ربنا معاك يا قلبي ويجعلها فتحة خير عليك
سيدرا : يارب عاوزه اريحكوا شويه انتى وماما
مى : المهم .. الراتب كام فرحينى
سيدرا : ههههههههههه لا اتطمنى دا اولاكش كده 6200 جنيه .. اول تلات شهور بس بعد كده لو عجبتهم ف الفندق هيخلوها 8 الف ..غير النسبه الى الفندق بيعملها واللى العمال بيكون ليهم نصيب ف الربح .. يعنى ممكن اعمل اد الراتب مره كمان او مره ونص … دى فرصه عمرى
مى : يارب يارب ..
……………
خديجه ( صاحبة سيدرا ) : الوووووووووو
سيدرا : ايه يابت
خديجه : انا مش مصدقه وفرحانالك كتيييييييير ع الشغلانه دى ..
سيدرا : ربنا يخليكى ليا يا قلبي ادعيلى بس ربنا يوفقنى هناك لان طلع عينى
خديجه : قبلوك ازاى وانتى اساسا كنتى بتكلمينى وكنتى عارفه ومتاكده انهم مش هيقبلوك وفيه بنات كتير مقدمين عليها
سيدرا : والله ولا اعرف … ده حتى وانا بعمل المقابله هنا ف مكتب الفندق محستش باهتمام منهم اوى وقالولى هنبقي نبعتلك
خديجه : لا الحكايه فيها إن ههههههههههه
…………
زين ( صاحب احمد ) : انت يابنى مش ناوى تمسك الفندق ده مكان ابوك
احمد : مش غاوى ياعم .. كفايه اخويا سليم
زين : ايوه ماهو سليم اللى طول عمره واقف مع ابوك وواخد باله م الشغل والفنادق اللى عندك دى .. وانت شغال عمال تبرطع ف الفلوس بس هههههههههههه
احمد : هو فيه احلى م كده … مافيش احلى من شغلانه الفلاتى اللى انا شغالها دى
زين : ياسطا انت النسوان لحست مخك ههههههههههه لا مؤاخذه ف الكلمه
احمد : اعملهم ايه ماهما اللى حلوين .. وبيحلوا اكتر كمان لما يعرفوا انى غنى ومعايا فلوس
زين : طب ما تفكر تحب كده وتتجوز
احمد : انت هتعملى زى امى … مالهاش سيره غير عاوزه اجوزك واجوز اخوك
زين : وهو سليم ماتجوزش ليه صحيح دا اكبر منك ب 3 سنين
احمد : سليم غبى … حب واحده وطلعت بنت كلب انتهازيه وفضلت تقلب فيه وف فلوسه .. ولما اكتشفها اتعقد م صنف الحريم كله
زين : طب وانت . ؟
احمد : لا انا متعقد من بدرى هههههههههه منا قولتلك مافيش احلى من انك تبقي فلاتى وبتعمل اللى على مزاجك من غير ما حد يقرفك
زين : ربنا معاك ومع سليم اخوك
احمد : تعالى نسهر النهارده ف النايت بتاع امبارح .. فيه حتة مزه طليانيه ماراحتش من دماغى من امبارح … هقابلها هناك النهارده
…………………..
( يوم السبت الساعه 11 صباحا )
سليم ( اخو احمد 32 سنه ) : مش فاضل غير الفوج بتاع بكره بس وكده يبقي الاسبوع كله كومبليت الحمد لله
عزيز : ( ابو احمد وسليم ) اقعد يا سليم عاوزك ف موضوع
سليم : خير يا بابا
عزيز : انا مش عاجبنى حالك انت ولا احمد اخوك
سليم : مالنا بس ماحنا كويسين اهو
عزيز : كويسين ايه . ؟ انتو عيال صايعه دايرين على حل شعركو عاوزكو تتجوزو وتتلموا بقي وخصوصا ابن الصايع اخوك
سليم : هههههههههه بكره يعقل
عزيز : ماهو مش هيعقل لا انت ولا هو غير لما تتجوزوا .. عاوز اشيل عيالكو يا شوية كلاب
سليم : ربنا يسهل ان شاء الله
عزيز : يسهل ازاى وانت مغمقها اوى ومش عاوز تبص على اى واحده كل ده بسبب بنت ال
سليم : بابا لو سمحت .. ده موضوع قديم وانا قفلته ومش عاوز اتكلم فيه من فضلك
عزيز : انت هتعمل عليا كبير يالا .. انا اتكلم ف اى حاجه احبها
سليم : طبعا وكلامك على راسي بس من فضلك انا قفلت الموضوع ده
عزيز : طيب اتصلى على اخوك شوفهولى فين
سليم : حاضر
….
سليم : الو !
احمد : ايه يا سوس
سليم : انت فين يالا
احمد : خارج شويه مع الواد زين
سليم : يادى زين . طب تعالى شوف ابوك
احمد : الغزاله رايقه ولا نص نص
عزيز : سامعك يا كلب … تعالى عاوزك ..
احمد : خير يا حاج اؤمر ..
عزيز : تعالالى بقولك
احمد : طب ساعه طيب
عزيز : هقفل التليفون وعشر دقايق تكون قدامى .. سلام
…………..
سيدرا : لو سمحتى ! فين ادارة الفندق او الاتش ار
فيروز : ( موظفة استقبال في الفندق )
سيدرا : من هنا .. هتاخدى الاسانسير ده لفوق … اول مكتب ع اليمين .. انتى جايه بخصوص الشغل مش كده ؟
سيدرا : اه انا اول يوم ليا ومش عارفه اروح فين
فيروز : ولا يهمك … انا فيروز
سيدرا : اهلا يا فيروز انا سيدرا
فيروز : اه انا عندى اسمك .. طب استنى لحظه واحده هبعت معاك حد لفوق
سيدرا : لا مالوش لزوم انا عرفت همشي ازاى . متشكره جدا
…………..
هدى : ( زميله فيروز ف الاستقبال ) اوووف ! ايه البت القمر دى . دنا كنت هعاكسها وهى واقفه
فيروز : هههههههههههههه عسل ماشاء الله ورقيقه … ايه ده لسا فيه بنات كده ؟
هدى : بعتيها للاتش ار ؟
فيروز: اه
…………
( امام المصعد )
احمد : طلبتى الاسانسير . ؟
سيدرا : اححم . اه
احمد : طيب … اتفضلى اهو وصل
سيدرا : متشكره
……..
( ف المصعد )
احمد : اححححم .. انا متأسف بس انتى جيست هنا ولا بتشتغلى ولا ايه
سيدرا : لا انا جايه استلم شغلى اول يوم وطالعه للاتش ار لمستر محمد
احمد : اهلا بيك هنا ..
سيدرا : متشكره
احمد : وجايه هنا ف شغلانة ايه . ؟
سيدرا : حضرتك مش شايف انك زودتها يعنى . ؟ انا لو كنت اعرف انك بقلة الذوق دى مكنتش ركبت معاك الاساسنير من اساسه
( المصعد وصل )
سيدرا : عن اذنك
احمد : ( خارج من الاسانسير بيبصلها وهى ماشيه ف ذهول وابتسامه )
…..
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية سيدرا)
