رواية عائلة جميلة الفصل الأول 1 بقلم زينب محروس
رواية عائلة جميلة الجزء الأول
رواية عائلة جميلة البارت الأول
رواية عائلة جميلة الحلقة الأولي
النهاردة يبقى بقالى شهر متجوزة …. قاعدة فى بيت عيلة … ( انا جميلة … بنت مصرية بشتغل مدرسة فى مدرسة حكومية و جوزى محمود بيشتغل دكتور صيدلى .) جوازى جواز صالونات …. ام كانت بتدور لابنها على عروسة و يشاء القدر ان عيلتى و عيلة محمود يكون فى مناسبة تجمعنا … كان فرح هدى بنت خالتى و محمد جار محمود ….. و والدته شافتنى و عجبتها و طبعا سألت عليا و على عيلتى …. و اتقدموا رسمى و حصل قبول …. اتخطبنا سنة و اتجوزنا … و بعد شهر بدأت المشاكل …
اه قبل ما انسى محمود له اخ اسمه ماجد بيشتغل فى المحارة متجوز سمر من ست سنين و عندهم حبيبة عمرها خمس سنين ….. و كمان محمود عنده اخت اسمها فرح فى اخر سنة فى دبلوم صنايع و مخطوبة لشاب اسمه سعد سواق على عربية …..
انا بروح المدرسة اربع ايام فى الأسبوع …. و الاسبوع فيه سبع ايام …. فاحنا مقسمين الشغل بينى انا و فرح و سمر انا بشتال 3 ايام و سمر 3 و فرح بتشيل الجمعة . …
سمر تبقى بنت اخت حماتى (وفيقة ) .
بروح المدرسة سبت و اتنين و اربع و خميس .
يوم السبت صحيت من النوم روقت شقتى و صحيت محمود عشان يفطر قبل ما يروح الصيدالية ، و لبست و خرجت روحت المدرسة عشان عندى الحصة التانية …. بس قبل ما اخرج دخلت الاول اصبح على حماتى و حمايا كالعادة .
و خرجت روحت شغلى عادى . و بعد دوامى فى المدرسة رجعت البيت غيرت هدومى و نمت شوية و بعدين نزلت عند حماتى . اول ما دخلت لقيت حماتى بتقول اهى جت اهى .
قولتلها : خير يا ماما فى حاجة و لا ايه .
ردت عليا ببرود و قالت : مفيش .. بس زى ما انتى شايفة سمر رجلها بتوجعها ….. ادخلى انتى جهزى الغدا .
ابتسمتلها و قولت : عادى يا ماما … الف سلامة عليكى يا سمر ….. ثوانى و يكون الغدا جاهز .
و سبتهم و دخلت المطبخ جهزت الغدا و رسيته على السفرة و دخلت اندهلهم من اوضة الصالون و اتصلت على محمود عشان يجى يتغدى …… و بعد ما اتغدينا شيلت الاكل و دخلته المطبخ … لقيت فرح جاية ورايا قولتلها : عايزة حاجة يا فرح ؟
ابتسمت فرح و قالتلى : لاء بس جاية اساعدك فى غسيل المواعين
قولتلها : لاء ادخلى انتى اقعدى و انا هغسلهم
فرح : لاء انا هغسلهم اوعى انتى بس .
قولتلها : خلاص اعملى انتى الشاى .
فرح : ماشى .
على ما غسلت المواعين كانت فرح عملت الشاى و روحنا نقعد مع العيلة ….. لقيت محمود بيقولى : هى منى هتيجى النهاردة يا جميلة .
قولتله : اه … جاية .
حماتى (رفيقة ) : هى منى مفيش وراها غيرك … كل يومين تجيلك كدا .
حمايا (عادل ) : ما تيجى يا وفيقة ربنا يديم الود بينهم …. ايه اللى مزعلك .
حماتى (وفيقة ) : لاء مش زعلانة …. بس اصلها …..
حمايا (عادل ) : ولا اصلها و لا فصلها … اللى يجى يجى دول اهلها يجوا فى اى وقت … البيت بيتهم .
انا : ربنا يخليك يا بابا .
حماتى (وفيقة ) : و انا ربنا ياخدنى .
انا : بعد الشر عنك يا ماما .. ربنا يبارك فى عمرك .
محمود : انا رايح الصيدالية … عايزين حاجة ؟
الكل : سلامتك .
حمايا ( عادل ) : يلا يا وفيقة مش هنروح نزور عزة .
حماتى (وفيقة ) : اه هنروح … بس هصلى العصر الاول عشان ميفوتنيش .
حمايا ( عادل ) : طب قومى يلا عشان نيجى قبل المغرب .
حماتى (وفيقة) : حاضر .
بعد ما حماتى و حمايا خرجوا … سمر خدت حبيبة و طلعت شقتها و انا و فرح طلعنا شقتى …. انا قعدت احضر و فرح قعدت تذاكر .
بالليل منى جيت هى و فريد اخويا و ابنهم مروان …. و محمود جيه من الصيدالية عشان يقعد معاهم . ….. و قعدوا لمدة ساعة و بعدين مشيوا …. و انا و محمود نزلنا تحت عشان اجهز العشا ….. بس لقيت فرح بتجهز فى المطبخ و سمر فى شقتها منزلتش اول مدخلت حماتى قالت بتريقة : حد قالك اننا مش هنتعشى النهاردة ولا ايه يا جميلة .
قبل ما اتكلم حمايا (عادل ) رد عليها بنبرة حادة : ما خلاص يا وفيقة ما فرح بتجهز .
انا : اسفة يا ماما … انا هدخل اكمل تجهيز انا بدل فرح .
حمايا (عادل ) : لاء يا بنتى خليها تساعدك …. هى اصلا زمانها خلصت .
دخلت المطبخ كانت فرح فعلا خلصت تجهيز بس عملت انا السلطة . و حطينا الاكل و طلعت انده ل سلفتى سمر بس قالت انها مش هتاكل و مرضيتش تنزل ..
اتعشينا و سهرنا تحت لحد الوقت ما اتأخر ….. و عد اليوم .
و تانى يوم صحيت الساعة سبعة و نزلت عند حماتى روقت البيت و جهزت الفطار و طلعت صحيت سمر اللى جوزها نزل من بدرى و معاه حبيبة و هى لسه نايمة … و برده منزلتش .
العيلة كلها فطرت ما عدا سمر و بعدين محمود و ماجد راحوا شغلهم و حمايا كمان راح شغله و انا رتبت المطبخ و روحت وصلت حبيبة الحضانة ……و لما رجعت ساعدت فرح فى شوية رسومات بخصوص المدرسة بتاعتها …. و بعدين فرح راحت مدرستها و قعدت مع حماتى شوية … كانت الساعة 11 و سمر نزلت .
سمر : صباح الخير
انا : صباح النور .
حماتى ( بابتسامة ) : صباح الفل يا حبيبتى …
تعالى اقعدى … رجلك عاملة ايه .
سمر : الحمد الله بقت احسن .
حماتى بصيتلى و قالت : ايه يا جميلة مش هتجهزى الفطار ل_ سمر و لا ايه .
انا : حاضر يا ماما ثوانى و هيكون الفطار جاهز .
و قومت و جهزت الفطار و بعد ما سمر فطرت قالت : معلش يا جميلة ممكن كوباية شاى .
انا : حاضر يا سمر .
و شيلت الاكل و عملتلها شاى و الضهر أذن اتوضيت و صليت الضهر . و دخلت اجهز الغدا …. و حماتى و سمر راحو عند الراجل بتاع الادوات المنزلية يشتروا شوية حاجات عشان فرح ….. استغربت ان سمر ازاى رجلها بتوجعها و راحت مع حماتى و المحل فى الشارع اللى ورانا و راحين مشى …
بس خرجت الفكرة من دماغى و قولت عادى .
خلصت تجهيز الاكل واقف بس على التسخين ….. دخلت قعدت اتفرج على التلفزيون …. و حمايا رجع من برا و سالنى على حماتى و سمر و قولتله انهم خرجوا …. و دخل يصلى الضهر …… و حماتى و سمر و محمود و ماجد كمان رجعوا …. دخلت جهزت الاكل و حطيته على السفرة و فرح كمان رجعت و اتغدينا كلنا مع بعض و بعدين انا قومت روقت المطبخ و فرح عملت الشاى و دخلنا قعدنا مع العيلة و احنا بنتكلم حماتى ( وفيقة ) : عايزين شوية خضرة من السوق يا جميلة .
أنا : حاضر يا ماما هجيبهم بكرة و انا جاية من المدرسة .
قبل ما حماتى ترد ماجد اتكلم و قال : لاء يا جميلة … سمر هتروح تجيبهم بكرة ..
انا : بس سمر رجلها بتوجعها .
ماجد : لاء بقت كويسة الحمد الله … مش كدا يا سمر .
سمر بتلعثم : اه …. اه الحمدالله بقت كويسة .
ماجد : اكيد معندكيش اعتراض صح .
سمر : لاء معنديش اعتراض ….. هروح انا .
انا : ماشى …براحتك .
و مر اليوم و تانى يوم بالليل بنت خالت حماتى كانت عندنا بس مكنش حد فى البيت غيرى انا و حماتى .
حماتى : اعمليلنا كوبيتين شاى يا جميلة .
انا : حاضر …..
دخلت المطبخ و عملت الشاى ….. و اخدته و جيت راحة الصالون سمعت حماتى بتتكلم و انصدمت انها ممكن تعمل حاجة زى كدا …………………
يتبع …
لقراءة الفصل التالي : اضغط هنا
لقراءة الرواية كاملة اضغط على : (رواية عائلة جميلة)
