رواية ليل احتلت عرش القاسي الفصل الحادي عشر 11 بقلم تيسير محمد
رواية ليل احتلت عرش القاسي الجزء الحادي عشر
رواية ليل احتلت عرش القاسي البارت الحادي عشر
رواية ليل احتلت عرش القاسي الحلقة الحادية عشر
تركب ليل العربية جنب زين من سكات ، اما زين فعارف ان هى مكسوفة منه بسبب اللى حصل بينهم .
زين بخبث : ايه انتى ساكتة ليه يا ليل فى حاجة حصلت دايقتك و لا ايه .
ليل بكسوف و صوت هامس : لا مفيش .
زين : امال مالك بس ساكتة و مش بتبصيلى خالص كانك مش عايزة تشوفينى .
ليل بتسرع ترفع عنيها : لا و الله خالص ، و بعد كده تتكسف من اللى قالته فتنزل عنيها فى الارض و تسكت .
يضحك زين بصوت عالى على كسوفها : خلاص خلاص انتى مالك مكسوفة كده ، قرر زين انه يرحم كسوفها فقال : يلا بينا بقى على الشركة لحسن نتاخر .
يدخلو الشركة و يركبوا الاسانسير فليل تغمض عنيها من توترها و زين يلاحظها و يضحك عليها فى سره و اول ما الاسانسير يوقف تجرى ليل على مكتب ياسمين علشان تستخبى عندها و زين يضحك و يقول فى سره : استخبى استخبى هتروحى منى فين يعنى .
تدخل ليل مكتب ياسمين و هى حاطة ايديها على قلبها ، تبص ليل على ياسمين تلاقيها منهارة من العياط فتجرى عليها و هى مخضوضة عليها و تاخدها فى حضنها .
ليل بخضة : مالك يا ياسمين بتعيطى بالشكل ده ليه .
ياسمين بانهيار : انا تعبت يا ليل ليه بيحصل فيا كده ليه ، ليه كل اللى بحبهم بيبعدوا عنى و بيسيبونى لوحدى ليه يا ليل ، هو انا وحشة اوى كده يا ليل علشان كل اللى احبهم يسيبونى ، انا عملتلهم ايه طيب ده انا بحب كل الناس يا ليل و عمرى ما كرهت حد ، ليه بيحصل فيا كده .
ليل بعياط عليها : خلاص يا ياسمين اهدى انا مش عايزة اعرف حاجة خلاص المهم اهدى بس .
ياسمين بضعف : انا خلاص مش عايزة حد فى حياتى سيبونى كلكو ، مش عايزة حد خلاص سيبونى بقى انا تعبت ، و يغمى عليها فى حضن ليل .
ليل بفزع تصرخ : ياسمين ياسمين مالك يا حبيتى ، فوقى يا ياسمين ، و تقوم تجرى على مكتب زين و تدخل من غير ما تخبط تلاقى زين و عمر مع بعض : زين الحقنى يا زين .
زين بلهفة : مالك يا ليل فيكى حاجة .
ليل ببكاء : مش انا يا زين تعالى معايا بسرعة ياسمين مغمى عليها و انا مش عارفة اعمل ايه ، عمر اول ما يسمع كلامها قلبه يوقع فى رجله و قبل ما تكمل كلامها او حد فيهم يتحرك يجرى على مكتبها علشان يطمن عليها و يدخل يلاقيها على الكنبة زى ماهيا ، يشيلها عمر و يطلع من المكتب يلاقى زين و ليل فى وشه .
زين : ايه مالها يا عمر .
عمر : معرفش يا زين معرفش و بعدين احنا لسه هنتكلم وسع من وشى و روح طلع العربية خلينا نلحقها .
يجروا و يركبوا العربية زين هو اللى بيسوق و قاعده جانبه ليل و هى بتعيط ، و عمر شايل ياسمين زى ما هو و قاعد بيها ورا ، و كل شوية يمسك ايديها علشان يشوف النبض و لما يلاقيه شغال يطمن شوية بس عيونه كانت كلها دموع و كان بيانب نفسه على اللى حصلها ، يوصلوا المستشفى و تنزل ليل و زين يفتح الباب لعمر و ينزل عمر و يجرى على الباب و وراه زين و هو ماسك ايد ليل لانها منهارة من العياط ، اول عمر ما يدخل من باب المستشفى تجرى عليه الممرضات بسرير و يحط ياسمين عليه فتيجى دكتورة و تاخد منه ياسمين و تدخل بيها اوضه الكشف .
ليل : هما ليه مرضوش يدخلونى معاها يا زين انا عايزة ابقى معاها .
زين ياخد ليل فى حضنه : اهدى يا ليل هى ان شاء الله هتكون كويسة .
عمر : انا السبب ، انا اللى عملت فيها كده ، انا مش هسامح نفسى لو جرالها حاجة .
زين يتضايق من فكرة ان عمر هو السبب فى اللى حصل لياسمين لانه بيعتبر ياسمين اخته الصغيرة بس يهدى نفسه لما يشوف دموع اخوه .
زين : اهدى يا عمر و هى هتكون كويسة ان شاء الله .
عمر بانهيار : يارب يا زين يارب .
تخرج الدكتورة من اوضة ياسمين ىفيجروا كلهم عليها و يسالها عمر بلهفة : ياسمين عاملة ايه و فاقت ولا لا .
الكتورة بعملية : مين فيكم جوزها ، يرد عمر و يقول : انا جوزها ممكن تفهمينى فى ايه .
الدكتورة : المدام عندها انهيار عصبى بسبب حاجة اتعرضتلها و مقدرتش تتحمل فنصيحة منى ياريت تبعدوا عنها اى شئ يضايقها ، لان هى ممكن تتعب اكتر و الموضوع يقلب معاها بتعب نفسى ، و عموما هى ساعة بالكتير و هتفوق تقدروا تدخلولها عن اذنكم .
يدخلوا الاوضة يلاقوا ياسمين نايمة و باين عليها التعب جدا و متعلق فى ايديها محاليل .
زين ياخد ليل و يطلع بره اول ما يلاقى اخوه انهار و بدا يعيط علشان ياخد راحته ، اول ما ليل و زين يطلعوا بره .
عمر يمسك ايديها و يبوسها بكل حب و ندم : انا اسف يا حبيبتى ، انا عارف انى انا السبب بس و الله غصب عنى مكنتش اعرف انك ممكن تتعبى كده ، انا بس كنت عايز اعرف انا بالنسباك ايه .
فجاه و هو بيتكلم يلاقى صوابعها بتتحرك فى ايده و تفتح عنيها براحة .
ياسمين بتعب : اهه انا فين .
عمر بفرحة : حمد الله على السلامة يا ياسو انتى فى المستشفى انتى بس تعبتى شوية فجبناكى نطمن عليكى .
ياسمين تسحب ايديها من ايده و تودى وشها الناحية التانية و تقول بدموع : انا عايزة امشى من هنا لو سمحت .
عمر يعرف انها مش هتسامحه بسهولة فيقول بتنهيده : حاضر يا ياسمين الدكتورة بس تطمنا عليكى و نخرج على طول ، يقوم عمر و يخرج علشان ينادى على الدكتورة فتدخل ليل و زين .
ليل و هى بتحضنها : الف سلامة عليكى يا ياسو كده برضو تقلقينى عليكى ده انا كنت هموت لما شفتك واقعة و مش عارفة افوقك .
ياسمين و هى فى حضنها : الله يسلمك يا ليل .
زين : حمد الله على سلامتك يا ياسو .
ياسمين بابتسامة باهتة : الله يسلمك يا زين .
تدخل الدكتورة مع عمر اللى عينه منزلتش من على ياسمين اللى هى اصلا رافضة انها تبصله ، تكشف عليها الدكتورة و تطمنهم و تكتب لها على خروج .
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية ليل احتلت عرش القاسي)
