رواية أحببت وصية رسول الله الفصل التاسع 9 بقلم نورهان محمد
رواية أحببت وصية رسول الله الجزء التاسع
رواية أحببت وصية رسول الله البارت التاسع
رواية أحببت وصية رسول الله الحلقة التاسعة
في شقه عمر
ميار بعد أن اغلقت مع والدتها حاولت ان تنام ولكن لم تستطع
لتجلس اخيرا علي الفراش لبعد الدقائق ثم امسكت بهاتفها واخذت تتجول فيه لبعض الوقت وهي تشعر بملل
ميار في نفسها ايه الجو دا لا انا مش بحب كده
لتستجمع نفسها وتخرج خارج الغرفه
اخذت تتجول بنظرها في الشقه ولكن لم تجد عمر او عائشه
ميار بضيق طيب هعمل ايه دلوقتي هما اكيد نزلوا تحت
رجعت ميار إلي الغرفه مره اخري واخرجت لها بعض الملابس
وترجلت إلي الحمام لتأخذ دشا دافئا
وخرجت بعد دقائق وارتدت فستان قصير ووضعت بعض من الميك اب وترجلت إلي الاسفل
ميار وهي تلتفت حولها بإعجاب فيلا جميله وتصميمها رقيقه
واخذت تتحرك وتتجول إلي ان وصلت إلي امام مدخل الفيلا الرئيسي
ومن الواضح تجمع العائله
ميار طيب انا اعمل ايه دلوقتي هي ناقصه
لتكمل لنفسها ادخل عادي يعني انا هتكسف وبعدين عمر عارف بوجودي
وبالفعل اخذت عدة خطوات إلي ان استوقفها حديثهم
وشاهدت المباركات
ميار لنفسها انا ليه أول مره اتعرف عليهم وعايزه اعمل جو كده
الجد حامد عروستنا فين بقا
ليقطع حديثه صوت شبه مرتفع بس انا مش موافقه
ليلتف الجميع نحو الصوت بصدمه
ميار بابتسامه صباح الخير انا كنت داخله ولقيتكم بتتكلموا وقولت اهزر معاكم
عمر نظر إليها وعاود نظره إلي الأرض مره اخري وهو يعنف نفسه علي معرفته لهذه الفتاه
محمد باستغراب وهو يغض بصره مين حضرتك ودخلتي ازاي
كادت ميار ان تتكلم إلي قاطعتها عائشه
عائشه دي ميار كانت زميله عمر في بريطانيا ونزلت علشان هتساعدوا في المستشفي
محمد بس عمر متكلمش في حاجه زي كده
عائشه اه ياعمي بس حضرتك عارف انو كان مشغول
كانت فاطمه تنظر إلي زينب باستغراب من معرفة ابنها لهذه الفتاه
عائشه بتسرع تعالي ياميار نطلع نقعد في الجنينه شويه
ميار لا مش هينفع تقومي في وقت زي دا انا هكلم ماما ولما تخلصي نقدر نقعد
عائشه بانتباه تمام
كانت خديجه تتابع موقف ميار بصدمه وحزن
وايضا فهمت ان سبب حزن وتغير عائشه هو أمر هذه الفتاه
ليقطع شرودها صوت احمد الذي يحاول أن يلطف الجو ويمحو مافعلته ميار تعالي ياعروسه وذوقينا عصيرك معلش بقا لازم اطمن علي مستقبلي معاك في الاكل
خديجه بكسوف كده يعني شكرا يااحمد
محمد تعالي ياخديجه اقعدي جنب جدك
جلست خديجه بجوار جدها
الجد حامد ايه رائيك بقا في الواد الطيب اللي اسمو الدكتور أحمد بيقول انو عايز يتجوزك علشان يعقل
خديجه الكسوف اللي تشوفوا حضرتك وبابا
احمد بمزاح بسلام ياست خديجه مكسوفه دلوقتي دا علي اساس ان انا وانتي متكلمناش مع جدي امبارح وانتي موافقه عامله نفسك دلوقتي مش عارفه ماشي ياخديجه
خديجه محصلش صح ياجدي
الجد حامد ايوه صح
احمد وهو ينظر إليهم ويمثل دور المظلوم كده يعني كلكم عليا
ليكمل عادي أهم حاجه خالتو معايا وهتعملي اكل حلو انهارده بالمناسبه دي
فاطمه طيب ياحبيب خالتو انت كل طلباتك أوامر هعملك كل الاكل اللي بتحبوا وكمان الحلو أي خدمه
احمد وهو ينظر إليها بسعاده وانتصار أيضا سمعتي
خديجه بزعل طفولي كده يا ماما فرحتي احمد فيا
زينب ولا يهمك ياحبيبة خالتو انتي الحلو بتاعنا
لترد إليه خديجه نظره الابتسامه والانتصار أيضا
الجد حامد ماشاء الله ماجمع الا ماوفق اتنين نفس العقليه الله اكبر عليكم ربنا يستر علي ولادكم
احمد بهزار والله ياجدي انا خايف بردو من النقطه دي
ليضحك الجالسين علي رده
ليكمل احمد بس بجد انا مش هلقي زي ادب واخلاق وجمال خديجه
وكفاية انها بنت عمي وبنحمل نفس الدم
وانا شايف انها هتكون الزوجه الصالحه ليا والام الصالحه لاولادها
والرسول صلى الله عليه وسلم قال : (الدُّنيا كلُّها متاعٌ، وخيرُ متاعِ الدنيا المرأةُ الصالحةُ)
وانا دعيت ربنا كتير انها تكون من نصيبي وان شاء الله هتكوني الاستجابه عما قريب
ودا هيكون اعظم انتصاراتي وهو جوازي من خديجه
ليكمل بابتسامه وهو ينظر إليها وهي الاخري كانت تنظر إليه بسعاده وفخر علي كلامه وأنها كان يناجي الله كل ليله ان يجعلها من نصيبه
ليكمل قولتوا ايه بقا
نظر عمر إلي عائشه لتبادله هي الاخري نظراته بابتسامه وحب
عمر ايه يابني الكلام الحلو دا اتعلمتوا فين دا هما بعد الكلمتين دول هيوفقوا
احمد داانا عمال أحفظ فيهم بقالي كام يوم وبعدين خليني ساكت بدل ماارجع اهزر وادمر كل حاجه انا عارف نفسي
عمر وعلي ايه نسيبك متقمص الدور شويه
محمد والله طالما الحج موافق وخديجه موافقه انا كمان موافق
وبعدين بعد الكلمتين الحلوين دول لا دااحنا كمان نخلي كتب الكتاب يكون بعد افتتاح المستشفي ان شاء الله والفرح ان شاء الله بعد ماتخلص امتحانات
ولا ايه ياحج
الجد حامد علي بركه الله ياحج نقرأ الفاتحه
احمد بتسرع يحيا العدل اخيرا هتجوز
عمر اسكت انت بتقول ايه دا بيقولك موافق انت بتعمل ايه
بدأ الجميع في قراءة الفاتحة والسعادة كانت تغمر الحاضرين
وبدأت التهاني
عائشه وهي تحتضنها مباارك ياعمري انا مش مصدقه نفسي من الفرحه
خديجه بدموع استجاب ياعائشه استجاب
عائشه مش قولتلك دعائك هيستجيب وربنا اراد واستجاب
لتكمل فرحتي بيكم لا توصف مش قادره استوعب اصلا
خديجه بحب ولا انا بردو من الفرحه مش قادره
عمر واحمد في هذه اللحظات قطعوا احضانهم ليهتفوا ايه بقا هتفضلوا كده كتير عايزين نبارك
عائشه لا طبعا تعالي لتكمل وهي تحتضنه مبارك ياحبيبي وربنا يتمملكم علي خير
احمد الله يبارك فيك يا حبيبة اخوك
عمر وهو يحتضن أخته فرحتي بيك لاتوصف حاسس ان بنتي إلي بتتجوز مش اختي
خديجه وهي تحتضنه حبيبي ياعمر انت احسن أخ في الدنيا
في هذه اللحظات احمد بهزار لا معلش بقا انا بغير علي خطيبتي
عمر بهزار هو الآخر يسلام وانا كمان بغير علي مراتي تعالي ياعائشه
لياخذها من احمد
عائشه نظرت إليه بابتسامه وقبل أن تكمل
وجدت من يحتضنها احست بأن نبضات قلبها تكاد ان تقطلع قلبها من شدتها
وعمر هو الآخر احس بنبضات قلبه تبنض من جديد بكل حب
احمد بمرح نحن هنا ايه ياعصافير مش كفايه
اخرجها عمر ونظر إلي احمد بتوعد هاتفا ايامك جايه ياحبيبي متقلقش
احمد وهو يتحرك من امامه مش هتحمل حاجه
توجهت خديجه نحو امها وخالتها لتنال منهم المباركات
بعد دقائق من الهتافات والأجواء السعيد كان يجلس الجميع وكل منهم يتشاور مع الآخر
اما عائشه فجزء منها سعيد والآخر حزين
عمر موجها كلامه لاحمد اجهز يااحمد وانا هطلع اجهز بردو
الجد حامد ومحمد موجهين كلامهم لعمر
تعالي شويه معانا ياعمر
كانت عائشه خائفه من كلام جدها وعمها وايضا من ردت فعل عمر
♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎
في الداخل
الجد حامد مين البنت اللي جات دي وازاي تسمح لنفسك انها تدخل البيت
عمر انا اتفاجات بيها قدام شقتي انا حتي مش عارف دخلت ازاي والبواب واقف
ليكمل ودي كانت زميلتي هناك
محمد ومن امته ياعمر واحنا بنصاحب بنات هو دا اللي الدين قال عليه
وبعدين انت حاليا متجوز يعني المفروض كنت قطعت علاقتك معاها ودي ولا شبهنا ولا ينفع تعيش معانا
الجد حامد فعلا ياابني احنا ايوه منرضاش اننا نسيب حد جاي لبابنا بس انت عارف ان في حاله زي كده مينفعش تقعد في بيت في شباب زيكم ولا ايه يا محمد
محمد عندك حق ياحج
عمر عندكم حق هي دي غلطتي من الاول وانا هحاول اشوف اي فندق تقعد فيه لحد مااعرف هي ناويه علي ايه
محمد ايوه كده انت ابني ودا الكلام المظبوط
♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎
في الخارج كانت عائشه تترقب خروجه بخوف
الي ان لاحظت خروجه توجهت اليه
عائشه ايه ياعمر مالك
عمر تعالي نطلع فوق وهفهمك
عائشه تمام
لتكمل عائشه وهي تميل علي خديجه وتحادثها
خديجه حاضر هطلع اقعد معاها
في شقتهم
عمر تعالي ياعائشه
جلست عائشه بجواره في ايه ياعمر
عمر انا اتكلمت مع بابا وجدي
عائشه بانتباه وقالوا ايه
عمر أن وجود ميار هنا غلط
عائشه طيب وهتعمل ايه
عمر هحاول احجزلها في فندق دا الحل لحد مااعرف هتعمل ايه
عائشه طيب تمام هتمهدلها ازاي
عمر مش عارف انا بس هروح المستشفي هخلص شويه حاجات وهرجع تاني ونقرر
ليكمل تعالي بس حضريلي اللبس علي مااخد دش
عائشه حاضر
توجهت عائشه خلفه وحضرت له ملابسه
وحضر عمر نفسه بمساعده عائشه
عمر وهو يقبل رأسها ويحتضنها شكرا علي حاجه ياعائشه
عائشه بابتسامه دي اقل حاجه ياعمر
ليكمل عمر انا هفهمك كل حاجه بس لما ارجع ان شاء الله
عائشه تمام
لتكمل عائشه عمر
التفت إليها عمر بانتباه
عائشه نصلي الاول الظهر وبعدين تنزل
عمر فعلا عندك حق تمام جهزي المصلي وانا جاي
توجه إليها عمر وصلي بها بكل خشوع
وبعد دقائق انتهوا من التسبيح
عائشه مش كده افضل بردو
عمر فعلا انا كنت عامل حسابي اصلي هناك
عائشه بحكمه محدش ممكن تتأخر في الطريق او تنشغل او يحصل أي ظرف الافضل الصلاه قبل الخروج
عمر اه والله فعلا
ليكمل عمر انا هنزل دلوقتي واخد احمد وامشي وانتي بقا خليكي مع ميار لحد ماارجع
عائشه حاضر متقلقش وابقا طمني لما توصل
عمر حاضر
في الاسفل توجه عمر إلي احمد ولاحظ أثناء نزوله ان ميار كانت تحادث خديجه ولم تنتبه عليه
توجهت عائشه اليهم وجلست بجوارهم
عائشه بتتكلموا في ايه
ميار بانتباه خديجه دي عسوله جدا متختلفش عنك ياعائشه
عائشه اه انا وخديجه فينا من بعض كتير
خديجه ودي احسن حاجه اننا شبه بعض
ميار فعلا وباين عليكم اصحاب
خديجه ايوه جدا انا وعائشه محبناش ندخل حد بينا او نعمل صداقات وقررنا ان احنا نكتفي ببعض أصدقاء والباقي يكون معرفه فقط
ميار بس بردو الصداقه حاجه حلوه
عائشه اه ما احنا أصدقاء لبعض وكل حاجه بنكررها مع بعض
ميار اه فعلا شي Amazing
لتكمل ميار عمر فين
عائشه خرج حاليا هو واحمد عندهم شغل في المستشفي
ميار بس مبلغنيش
عائشه يبلغك ليه
ميار علشان يعني كنت جيت معاه
عائشه بس دي كلها تجهيزات علشان الافتتاح وهتكون صعبه عليك
ميار اه
♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎
عمر بعد دقائق من الانتهاء كده الافتتاح هيكون في ميعاده وكل حاجه بقت تمام
احمد ايوه الحمد لله كانوا كام يوم بس ايه تعب بس اهم حاجه ان ربنا يكملها بالخير
عمر عندك حق فعلا تعب
احمد كده يلا بينا نروح بقا علشان نجهز كل حاجه
عمر يلا بينا
في الفيلا
احمد بمشاغبه كالعاده عندنا ليكم مفاجأه
زينب ايه قولنا وفرحنا
عمر الافتتاح بكره ان شاء الله ياخالتو
فاطمه بفرحه بجد مبارك عليكم
عمر الله يبارك فيك ياامي
زينب طيب الحمد لله مش كنتوا بتقولوا الافتتاح هيكون بعد كام يوم
عمر احنا كنا بنقول كده علشان نعملكم مفاجاه
زينب وهي أحسن مفاجأه ياحبيبي
عمر ربنا يباركلنا فيك ياخالتو
ليكمل وهو يتفقد الفيلا باعينه هاتفا عائشه فين
فاطمه طلعت فوق مع البنت اللي اسمها ميار كانت عايزه تنام وهي قالت هتطلع تخلص شويه حاجات في الشقه
عمر تمام انا هطلع اعملها مفاجأه
ليكمل وانت يا احمد بلغ جدي وبابا
احمد ماشي ياعمر هبلغهم
♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎
في شقه عمر
دخل بهدوء وتلفت بنظره في أنحاء الشقه ولكن لم يجدها
ليتوجه إلي غرفتهم بكل هدوء
فتح عمر باب الاوضه وكانت عائشه انتهت من تمشيط شعرها الذي يزين ظهرها ويزيدها جمال
وهي تستدير بظهرها وجدت عمر يقف امامها
عائشه بصدمه وعدم استيعاب ان. انت جيت امته
عمر دلوقتي وكنت هعملك مفاجأه
عائشه بابتسامه انت مفاجاتي
عمر بحب وهو ينظر إليها انتي احلي حاجه في حياتي ياعائشه
لتنظر إليه عائشه فهي إلي الآن لم تستوعب ما تفوه به
لتكمل بجد ياعمر
عمر ايوه طبعا انتي هدية ربنا ليا
عائشه بكسوف نظرت في الأرض
عمر ايه يابنتي دا انا جوزك وبعدين تعالي بقا امسك بيدها واجلسها علي السرير وجلس بجوارها
عمر بعد عدة ثواني جاهزة تعرفي المفاجأه
عائشه بابتسامه ايوه جدا
عمر افتتاح المستشفي بكره
عائشه بسعاده بتتكلم بجد
عمر ايوه والله
لتحتضنه عائشه من كثره فرحتها
ليبتسم عمر علي عفويتها ويبادلها العناق بعد دقائق من استرخاء عائشه
لياتي صوت طرقات علي الباب
عمر ايوه
ميار انت جيت ياعمر
عمر بضيق ايوه
ميار تمام كنت عايزه اتكلم معاك
عمر تمام خمس دقايق وخارج
ميار Ok
خرجت عائشه من بين يديه وتوجهت إلي المرآه ووقفت امامها توضب حجابها
عمر اقترب منها وهتف بهدوء في حاجه تانيه
عائشه وهي تلتفت إليه ايه ياعمر
عمر انا جبت حاجه وعايز اخد رائيك فيها
عائشه باستغراب جبت ايه
عمر وهو يتجه نحو احد الادراج ويخرج عليه صغيره الشكل هاتفا وهو يفتحها ايه رائيك
عائشه بسعاده الله جميله جدا
عمر وهو يلبسها الدبله هو انا طبعا بعد كتب الكتاب سافرت وملحقناش نلبس الدبل وفي نفس الوقت لما رجعت لاحظت انك مش لابسه دبله ليكمل وهو يقبل يدها كده بقا تمام
عائشه فكره جميله يا عمر وكمان الدبله ذوقها رقيق جدا
عمر عجبتك بجد
عائشه جدا جدا جدا
عمر ربنا يسعدك دايما ياحبيبتي
كانت أول مره يتفوه بها عمر
لتكتفي عائشه بالابتسامه
لتكمل عائشه ميار عايزين نطلع لانها ممكن تزعل
عمر بتذكر اه صح انا نسيتها
خرج عمر وعائشه خلفه
عمر تعالي ننزل نتكلم في الجنينه
ميار تمام
توجهوا إلي الاسفل
كانت تجلس عائشه بجوار عمر وميار امامهم
عمر اتفضلي ياميار كنتي عايزه تقولي ايه
ميار وقبل أن تكمل قطعها صوت دلوف عربيه
عمر باستغراب في ايه ومين
ليصمت فجأه ……………
♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية أحببت وصية رسول الله)
