رواية جوزي ظابط الفصل الحادي عشر 11 بقلم فتاه بالخمار تجملت
رواية جوزي ظابط الجزء الحادي عشر
رواية جوزي ظابط البارت الحادي عشر
رواية جوزي ظابط الحلقة الحادية عشر
والباب خبط وفتحت لقيت محمود واقف ومعاه دسته عصير وكيس مليان حجات كأنها اكل وبقول
= اي دا محمود عامل اي طنط فيها حاجه
– اي يحجه في اي هو لازم تكون فيها حاجه بس هي باعتلكم الحاجه دي بتقولك شليها ف التلاجه عشان معندهاش مكان
وخدت منه الاكياس ووقولتله
= حاجه تانيه
– اه بص بصي كدا انا لقيت الكارت دا واقع من شنطتك وعليه الرقم دا
فلاش باك
وانا بنت كنت بشتغل معا مدرس احياء كان مشهووور جدااا وكان طابع كروته وعلى ضهرهم رقمي بس رقمي القديم اللي كسرته بسبب حسام كنت بروح سناتر كتير واماكن كتير وبودي فيها الكروت دي واظاهر كدا اما وقعت ع الارض وقع من شنطتي اني كنت ناويه ارجع للمستر تاني بعد ما لقيت ساره محتفظه بكارت من الكروت دي وبتقولي فاكره ايام الشغل ي هناء وانتي صغيره لسا محتفظه بالكروت اللي كنتي بتقرفينا بيها عشان كدا كنت محتفظه بالكارت دا ف شنطتي وقولت اول م اجيب الخط الجديد اتصل بيه واساله ع شغل عشان ابتدي حياه جديده
باك
= اه دا كارت بتاع حد عرفه
– طب و دا رقمك اصل بصراحه انا قولت رقمك ولقيته ع التروكولر متسجل ب هناء وقولت اكيد بتاعك وقولت اتصل يعني اطمن عليكي بس لقيته مغلق
= لا منا عندي مشاكل ع الخط دا ووقفته
ساره ♡ هنااااء مين ع الباب يبنتي
= احم دا استاذ محمود جارك ي يزن
♡ في حاجه ي استاذ محمود لا لا انا بس كنت بطمن ع مدام هناء وماما باعتلها الحاجه دي وفي شوكلاته ي هناء متسبهاش كدا لتسيح
= م نانا.. وشوكلاه؟؟؟؟ انت مش قولتلي…
– ايوه ايوه ما انا كان لازم اقولك يالا عن اذنكم
= طب ثانيه بس
– معلشي متاخر
● ونزل وقفلت الباب وصاره بتبصلي وبتضحك وبتقولي
♡ ايوه بقا يست كل دي فاكهه وعصاير وشوكلاتات يبت اغم عليكي كل يوووم مانتي لقيتي اللي يجبلك حجات حلوه بقااا
= اي ي ساااره بقا بس ( واتكسفت ودخلت اوضتي)
● وقعدت ف اوضتي افكر ف محمود وهل ليا نصيب معاه ولا لا مش قادره انسا لمسه ايده وهو بيفوقني ولا خضته عليا اي نعم هو ميعرفنيش اوي ومجرد اعجاب بس برتاحله ف الكلام جدا وبنسا نفسي ونا بتكلم معاه وبتمنا سعتها الوقت ميجريش بجد مش عارفه انا بعمل اي بقول لنفسي احيانا فوقي ي هناء انتي لسا متجوزه يعني ع ذمه راجل حرام عليكي تفكري ف غير جوزك غير بعد الطلاق عشان يعتبر خيانه وسعات بقول مهو كمان هيتجوزك وهيرميني وانا صغيره واشوف نفسي …. وفجاتا تيتقطع حبل افكاري والفون بيرن برقم غريب
= الو
• الو ي هناء انا احمد
= احمد جبت رقمي منين
• ساره لسا بعتهولي ع الواتس
= عامل اي ايه الاخبار عندك
• حسام مش ساكت ي هناء رايح جاي ع القسم هنا والمستشفيات وبات امبارح ف شقتكم و…
= و اي ي احمد عمل اي قولي
• وجاب كل بواقي هدومك رماها ف الشقه اللي هنا عشان هيتجوز ف شقتكم
= ااااي اتجنن ولا اي ازاي يعمل كدا انا من بكرا هاجي واخد كل حاجتي
• اعقلي تيجي فين مانتي عارفه انك ع ذمته ومفيش قوه تمنعه انه يخدك تاني لو ع عفشك يست يغور بيه هو ومراته الجديده المهم تخلعي منه يست
= عندك حق بس متعرفش اهلي تعبوا ازاي وانا ف شغلي عشان اجيبه
• خلاص ابعتي راجل ياخد الحاجه
= راجل ؟؟؟ منين بس
• خلاص فوضي امرك لله
= ونعمه بالله بس انا هتصرف
• بصي اتصلت اطمن عليكي واقولك متجيش عاوزه حاجتك ابعتي حد تمم
= تمم
• عاوزه حاجه
= سلامتك باي
• باي
● وكأن جرح ف قلبي مكبوس بالبن ادلق عليه حبه خل وفتح الجرح من تاني بجد كنت ف لحظات حلوه بيني وبين محمود وفجاه عكنن عليا سيره حسام بس انا لازم اتصرف بجد واعرف حد من اهلي يروح يجيب الحاجه انا هتصل ب خالد ابن عمي هو محامي وهيعرف يروح ياخد حاجتي عاافيه منه ودخلت ع صفحه الفيس عندي وجيته رقمه
= الو
– مين
= انا هناء ي خالد
– عامله اي مال صوتك كدا
= تعبانه انا ف مصيبه ( وعيطت
– مالك بس اهدي
= حسام انا هربانه منه عند صحبتي وهيتجوز ع فرشي بعد اسبوعين ومش عارفه اعمل اي
– ننننعم هربانه منه عند حد غريب انتي اجننتني وكمان يتجوز ع فرشك لي موتي يعني ولا رجالتك ماتت
= اهدى بس انت لازم تساعدني اجيب منه حقي ونبي
– مش دا برضه اللي عارضتي اهلك عشانه وكسفتيي امك قدامه
= ي خالد انا دفعت تمن غلطتي عذبني هو وامه وشفت ذل عمري م شفته دا كان بيربطني و،…
– و اي يهناء انتي اللي عملتي ف نفسك كدا بس انا عمري م هرميكي هجيب اخوكي ونيجي انتي فين
= قابلني عند كافيه …
– تمم ساعه ونكون عندك
● لبست اشيك دريس وميكب خفيف وضوافر بصراحه حسيت براحه نفسيه شويه اما لقيت حد من اهلي هيستجيب معايا وحد دخل حياتي زي محمود كدا المهم نازله وحسيت بوجع القولون دخلت الصيدليه اخد برشامه ولقيت محمود
– اي دا اي دا الشياكه دي هو في قمر بالنهار كدا
= اي دا بتعرف تعاكس اهو عاوزه برشام القولون…
– حاضر اتفضلي
= شكرا اتفضل الفلووس
– لا خلي بقا هزعل
= هزعل انا بجد اتفضل
– طب الصيدليه فيها توصيل للمنازل ممكن رقمك وهطلعلك الحاجه لحد عندك
= ( بصراحه انا قولت فرصه اتعرف عليه عشان لو مش هيناسب همنع اي اعجاب مني للشخصيه دي ) اه تمم ٠١١…
– تمم بس مقولتليش ع فين
= هقابل اخويا هنا ف الكافيه
– تمم
= باي
● وروحت الكافيه والاقي خالد واخويا و…
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية جوزي ظابط)
