رواية أحببت وصية رسول الله الفصل الثامن 8 بقلم نورهان محمد
رواية أحببت وصية رسول الله الجزء الثامن
رواية أحببت وصية رسول الله البارت الثامن
رواية أحببت وصية رسول الله الحلقة الثامنة
في منتصف الليل
يفيق عمر بفزع علي طرقات علي باب شقتهم
وأثناء خروجه وجد عائشه تخرج هي الاخري من غرفتها
عائشه بقلق في ايه
عمر مش عارف ربنا يستر
فتح عمر الباب وصدم مكانه
عمر بصدمه انتي ليقف الكلام عالقا ليستطيع الخروج
ليستجمع قوته وينظر إليها هاتفا انتي جيتي امته وازاي ياميار
ميار بدلع من شويه يامور..ي لتلاحظ وقوف عائشه
ميار من شويه يا عمر ونزلت من المطار علي الفيلا هنا
عمر بعدم استيعاب اه تمام تمام
ادخلي ونتكلم
كل هذا وسط نظرات عائشه المتفاجاه من هذه الفتاه بملابسها الهاتكه للحياء وكلامها وحركاتها
وايضا حزينه وغير راضيه عما يحدث تماما من معرفه زوجها لهذه الفتاه ومدي التعارف بينهما ليجعلها تاتي إلي منزله في هذا الوقت
ميار مش تعرفني
عمر بضيق يعني في وقت زي دا وفي شقتي هتكون ايه غير مراتي ياميار
ميار بغضب اه تمام اهلا انا ميار الغزالي صديقه عمر
عائشه اهلا بيك وانا عائشه مرات عمر
ميار بابتسامه خبيثه عرفت تختار يا عمر مراتك جميله
نظر إلي عائشه هاتفا تسلمي شكرا
ميار عفوا بس دي حقيقه
عائشه بابتسامه شكرا علي كلامك
ليكمل عمر مقولتليش بردو ايه سبب النزول الغير متوقع دا
ميار انت نسيت ولا ايه مش قولتلي اني انزل واساعدك في المستشفي
عمر تذكر وأخذ يهتف نفسه ايه اللي عملتوا في نفسك دا يا عمر
ميار سرحان في ايه يا عمر
عمر ها بتقولي ايه
ميار لا انت مش معانا خالص
عمر تمام انا هنزل ابات تحت وانتي هتباتي مع عائشه هنا
ميار لا انتو عرسان جداد ومينفعش ازعجكم معايا انا همشي دلوقتي
عمر ملوش لزوم الكلام دا هتباتي انهارده وبكره نبقا نشوف حل
عائشه عمر عندو حق مينفعش تمشي في وقت زي دا وبيتنا موجود ولا ايه يا عمر
عمر باتفاق علي كلامها اه فعلا اسمعي الكلام بقا ياميار
ميار بابتسامه انتصار تمام ياجماعه شكرا
توجه عمر نحو باب شقتهم وكانت خلفه عائشه لينظر إليها عدة نظرات منها اعتذار ومنها خوف من القادم
ليهتف بارتباك انا هبات تحت انهارده
لتقطعه عائشه انا نازله معاك علشان ارتبلك الاوضه
عمر متتعبيش نفسك
عائشه مفيش تعب ولا حاجه
عائشه وهي تتوجه نحو ميار معلش عشر دقايق وطالعه البيت بيتك
ميار خدي راحتك
في اوضه عائشه
عمر انا كنت نمت في اوضتي وخلاص
عائشه لا اوضتك عايزه وقت نام في اوضتي انهارده
عمر تمام
بعد دقائق انتهت عائشه وتوجهت لتخرج من الغرفه
عمر بصوت شبه مرتفع عائشه
عائشه بانتباه وهي تلتفت إليه نعم ياعمر
نظر إليها عمر وتوجه نحوها عدة خطوات وأخذ ينظر إليها بحزن واضح
ليهتف اخيرا وهو يقبل اعلي رأسها حقك عليا ياعائشه
عائشه بابتسامه ليه بتقول كده
عمر وهو ينظر إليها علشان انا حاسس اني تاعبك معايا
عائشه بابتسامه ولا تعب ولا حاجه دا واجب عليا
لتكمل وربنا قال في كتابه العزيز
” ومن آياته أن خلق لكم من أنفسكم أزواجاً لتسكنوا إليها وجعل بينكم مودة ورحمة إن في ذلك لآيات لقوم يتفكرون ”
لتكمل عائشه فالمودة والرحمة والسكن لا تتحقق إلا بالتعاون بين الزوجين
وفي احاديث كتير عن رسول الله صلى الله عليه وسلم تؤكد وتبين أن المرأة يجب عليها أن تقوم بوظيفة البيت والاهتمام بزوجها .
عائشه بابتسامه طولت عليك وانت اكيد تعبان وعايز تنام
عمر وهو ينظر إليها بالعكس انا بكون سعيد بالوقت اللي بتتكلمي فيه عن الحقوق والواجبات ومدي اهتمامك وحبك باللي حواليك
وكمان بيعجبني جدا اهتمامك بامور الدين
عمر بحزن الظاهر سفري لبريطانيا نساني حاجات كتير
عائشه بهدوء اللي اتنسي نرجع نفتكره أهم حاجه انك تنوي علي كده ونبدأ سوا
عمر ان شاء الله ياعائشه
♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎
في الاعلي
عائشه وهي تترجل للداخل
لتتوجه وتجلس بجوار ميار الشارده في هاتفها
ميار بغل ايه دا انتي قاعدتي امته مخدتش بالي
عائشه لسه داخله وبعدين ولا يهمك
لتكمل عائشه ممكن تاجي معايا ادخلك اوضه تنامي فيها
ميار Sure
عائشه تمام
في غرفه الاطفال التي تسكنها عائشه موقتا
عائشه وهي تنتهي من ترتيب السرير كده الاوضه بقت تمام تقدري تنامي
ميار بذكاء هو انتي بتنامي هنا
عائشه لا ليه
ميار اصل السرير واضح عليه انو مش مترتب ودي يعني اوضه الاطفال
عائشه اه اصل انا نمت هنا شويه في النهار لما عمر كان في المستشفي
ميار تمام
عائشه عايزه حاجه تانيه
ميار اه ممكن مج نسكافيه لو مش هتعبك معايا
عائشه ولا تعب ولا حاجه نسكافيهك ايه
ميار بكل تناكه زي عمر
توجهت عائشه واتت إليها بعد دقائق بالنسكافيه
عائشه انا هدخل انام ولو احتجتي حاجه صحيني
ميار تمام شكرا
دخلت عائشه وألقت بجسدها علي الفراش بكل تعب واجهاد لتخلد في نوم عميق
♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎
في الصباح
استيقظ عمر علي صوت العصافير
عمر أخذ يتلملم علي الفراش بتعب ليفتح عيناه اخيرا
عمر وهو ينظر في هاتفه ليهتف بتعب ايه دا الساعه لسه سته الصبح
خرج عمر وجلس في جنينه الفيلا والقي بجسده علي الاريكه يفكر بشرود في هذه المكالمه وفي ميار وفي ماهو اتي لتمر بعض الدقائق
في الاعلي
فتح عمر وتوجه إلي الداخل ولكن لم يسمع أي صوت
عمر في نفسه اكيد نايمين الوقت لسه بدري
ليتوجه إلي غرفة نومه ليجد عائشه نائمه في سبات عميق
وقف ينظر إليها لبعض الدقائق وهو يتأمل ملامحها وجمالها وبرأتها ورقتها ليقترب ويجلس علي حافه السرير وأخذ ينظر إليها بكل حب
والي شعرها الذي يزين وجهها
ليظل ينظر إليها إلي ان غفي مكانه
في غرفه ميار فاقت علي رنات هاتفها
ميار بدهشان Hello Mam
صوفيا Hello Baby
صوفيا How are you mayo
ميار I Am fine
صوفيا
You were asleep, or what, I first met you with your number, I called him
ميار
I was tired and fell asleep the first time I got along
صوفيا
All right, my love, sleep and I will talk to you when you wake up
ميار Ok
صوفيا Bye
ميار Bye
لتترك ميار هاتفها وتعود إلي نومها مره اخري
♥︎♥︎♥︎♥︎♥︎♥︎♥︎♥︎♥︎♥︎♥︎♥︎
كانت تفتح عينها وتغلقهم مره اخري
عائشه بصدمه اخذت تنظر امامها وتفرق عينها باستغراب
الي ان فاقت اخيرا
لتنظر بابتسامه علي عمر الذي ينام ووجهه في اتجاهها وينام بسكينه وبراءه
عائشه في نفسها عمر طلع امته
لتجيب نفسها اكيد مقدرش ينام تحت ويرتاح
اخذت تنظر إليه وتتامل ملامحه بحب وسعاده
وهي تهتف انت اول واخر حب في حياتي ليه بتعمل فيا كده
وبعد دقائق من النظر
عائشه لنفسها يلا ياعائشه فوقي كده وابدأي بسم الله علشان يومك طويل
وبالفعل ترجلت من مكانها وتوضات وصلت وقرات الأذكار وتوجهت إلي خارج الغرفه لتحضير الفطار
في المطبخ
عائشه طيب انا اروح اصحيه يجهز وانا بحضر الفطار
توجهت إلي الغرفه مره اخري
عائشه بهدوء عمر عمر فوق
عمر اه اه
عائشه يلا بالعمر فوق بقا
عمر بدهشان هي الساعه كام
عائشه داخله علي عشره
انتفضت عمر من مكانه
عمر اه داانا عندي ميعاد مهم الساعه ١١
عائشه تمام اجهز وهتلحق ميعادك
عمر طيب تمام
عائشه وانا بحضر الفطار
بعد دقائق اخذ دشا وتوضأ وصل فرضه وجهز نفسه وتوجه إلي الخارج
عمر الووو يااحمد
احمد ايه ياعريس كل دا نوم
عمر اه راحت عليا نومه وكمان عائشه اللي صحتني لولا كده كان زماني نايم
احمد ايوه كده الجواز ليه فوائد
عمر يعني مش كفايه مصحتنيش لا وكمان بتهزر
ليكمل قولي جهزت ولا لسه
احمد يعني اجهز ليه من دلوقتي
ليكمل هو الآخر وبعدين الميعاد اتأجل للساعه اتنين الظهر
هما بلغوني بالميعاد امبارح وانا نسيت
عمر بنفاذ صبر ياابني قولي اعمل فيك ايه يعني صاحي وعمال اجهز بكل سرعه وفي الاخر الباشا عارف ان الميعاد اتأجل ومش سائل
احمد ما قولنا نسينا ايه مبتنسوش
عمر اقفل يااحمد بدل ماانزلك
احمد وعلي ايه انا اقوم اشوفلي حاجه مفيده اعملها
عمر طبعا حاجه فيها اكل
احمد لا وكمان ذكي وبتلمحها وهي طايره
عمر ياراجل انت بتفكر في حاجه غير الاكل
احمد انت ظلمتني انا كنت رايح اشرب قهوتي
عمر طيب يادكتور شويه كده ونازل
احمد تمام هستناك وكمان اكون خلصت القهوه وبعدين نشرب حاجه تانيه
عمر اقفل يااحمد احسن ليك
احمد ماشي ياباشا مستنيك
ليكمل اه صحيح عمي محمد مش هيروح الشركه انهارده وجدي كان عايزكم في موضوع
عمر طيب تمام دقايق ونازل
♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎
في المطبخ
كانت تحضر عائشه الفطار وهي شارده لم تنتبه لذلك الذي ترجل إلي الداخل ووقف يبعد عنها خطوات
عمر بهدوء سرحانه في ايه
عائشه بانتباه عادي ليه انت واقف من بدري
لتكمل انا هجهز الاكل علي السفره
عمر لا متتعبيش نفسك ناكل هنا عادي
عائشه تمام
جلسوا يتناولوا الطعام وسط النظرات المتبادله بينهما
فمنهم الذي ينظر بارتباك وقلق والآخر بحيره وخوف
عمر الميعاد اتأجل للساعه اتنين الظهر مش همشي دلوقتي
عائشه طيب كويس حتي تلحق تحضر كل حاجه
عمر اه فعلا
ليكمل بتسائل ميار لسه نايمه
عائشه اه انا خبطت علي الباب من شويه ومردتش ممكن تكون نايمه وتعبانه من السفر
عمر بحسن نيه اه فعلا وكمان هي بتنام للصبح ومش بصاحب دلوقتي الا نادر
عائشه باستغراب فهو متي عرفها وعرف عنها كل هذه التفاصيل التي تخصها لتكتفي بالنظر إليه
عمر وقد لاحظ ما تفوه به ليهتف ميار كانت زميلتي في الجامعه وطبعا هي من أصول مصريه وكانت قريبه مني وانا في بريطانيا
لتنظر إليه عائشه بحزن فهو حاول أن يعدل ما تفوه به ولكن من الواضح أنه زاد الشك اكتر
عمر انا هفهمك كل حاجه لكن مش دلوقتي لاني هنزل تحت علشان جدي في انتظاري هتنزلي معايا
عائشه اه هنزل وشويه كده اطلع اشوفها صحت ولا لسه
نزل عمر وكانت خلفه عائشه
♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎
في الاسفل
توجه عمر إلي الداخل وخلفه عائشه
عمر السلام عليكم
رد الجالسين السلام
وكان الجميع يجلس في الريسبشن منهم من يتابع عمله والآخر يتفقد أعمال يومهم ومنهم من يتفقد هاتفه
ولكن قطعهم دخول عمر وعائشه
وكانت علامات الحزن واضحه علي عائشه
خديجه وهي تجلس بجوار عائشه
خديجه مالك ياعائشه
عائشه عادي ياخديجه
خديجه لا دي كلمه عادي دي اكدت انك زعلانه
لتكمل علي فكره باين عليك جدا انك زعلانه وبعدين لو خبيتي علي الدنيا كلها متقدريش تخبي عليا
عائشه باين عليا
خديجه اه جدا أو يمكن علشان انا عارفاك قوليلي بقا في ايه
عائشه هقولك بعدين
خديجه تمام
لتكمل انا هقوم احضر حاجه نشربها
عائشه هقوم اساعدك
خديجه لا خليك دي حاجه بسيطه
توجهت خديجه نحو المطبخ
الجد حامد والله انا بقا عايز ابلغكم بحاجه كده
محمد اتفضل ياحج خير في حاجه
الجد حامد كلو تمام بس هو الموضوع دا بقاله فتره بس الظروف مسمحتش
زينب اه فعلا الفتره اللي فاتت كنا مشغولين جدا
فاطمه فعلا والله الحمد لله عدت بالخير
الجد حامد وطبعا كل دي أسباب للتاخير
ليكمل تقول انت يااحمد ولا اتكلم انا
احمد لا ياجدي مفيش كلام في وجود حضرتك
الجد حامد طيب الدكتور أحمد طالب ايدك بنتك يا محمد
محمد بسعاده موافق طبعا انا هلقى لبنتي احسن من ابن اخويا
احمد دا ابني قبل أي حاجه وكفايه اخلاقه دي بالدنيا
احمد وهو يقف ويحتضن عمه تسلم ياعمي حضرتك في مقام بابا ربنا يباركلنا في حضرتك
لتقف زينب وتحتضن فاطمه بحب وسعاده
فاطمه انا مش مصدقه نفسي من الفرحه
زينب وانا كمان مش مصدقه نفسي هي دي الحاجات اللي تفرح فعلا
في الجهه الاخري عمر وهو يحتضن احمد
مبروك ياعريس والله فرحتلك
احمد بهزار الحمد لله يارب هكون عريس واخيرا هتجوز
عمر بابتسامه يابني انت امته هتتكلم جد
احمد والله يابني مش عارف ممكن لما ابقا جد افكر اعقل
عمر وهو ينظر له بصدمه لا كده كتير عليا امشي من قدامي
في هذه الأثناء اقتربت عائشه وعيناها تلتمع بالدموع
لتحتضن احمد بحب وفرح
لتهتف مبارك عليك يا حبيب اختي اخيرا هتكون عريس
احمد بعدما احتضنها اخرجها من بين احضانه ومسح لها دموعها ليهتف هكون اخو احلي بنوته في الدنيا انا فرحتك دي عندي بالدنيا ومافيها ليقبل اعلي رأسها ويحتضنها مره اخري
كل هذا وسط نظرات عمر وهو يسمع كلام اخيها عنها وانا اعظم انتصار لاخيها وان فرحتها بالنسبه له حياه
احمد من بعد أخته اتجه نحو أمه
زينب بحب مبارك ياحبيبي وربنا يتمم بخير
احمد وهو يحتضنها ويقبل يدها ورأسها ياامي كفايه عليا رضاك ومباركتك دي بالدنيا
واتجه نحو خالته وقبل يدها ورأسها
فاطمه بحب مبارك ياعريس بنتي
احمد بهزار الله يبارك فيك ياحماتي أهم حاجه مفرحاني في الجواز دي هي انك هتطبخيلي بقا وهكون ملزوم منك اكتر من بنتك
فاطمه امشي يااحمد امشي انت هتجنني
احمد بمزاح بعد الشر عليك ياحماتي
الجد حامد عروستنا فين بقا
ليقطع حديثه صوت شبه مرتفع بس انا مش موافقه
ليلتف الجميع نحو الصوت بصدمه ……..
♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية أحببت وصية رسول الله)
