رواية كما تدين تدان الفصل الرابع 4 بقلم زينب رمضان
رواية كما تدين تدان البارت الرابع
رواية كما تدين تدان الجزء الرابع
رواية كما تدين تدان الحلقة الرابعة
منال بتتكلم في التلفون برقه: ايوا يا حبيبي هتيجي امتى بقا انا مستنياك من بدري
-حبيبتي هو المغفل جوزك نزل ولا ايه
منال: قطعت سيرته نزل من بدري راح يجيب امه ربنا يجحمهم سوا
-يارب يا روحي مش عارف هنخلص من قرفهم امتى انا ما صدقت خلصتي من امه مش عارف قولتيله يرجعها تاني ليه بس
منال: ياحبيبي افهمني انا قولتله يرجعها عشان لما اخلص منه يفكروا انها السبب وانها عملت كدا عشان تنتقم منه على الي عمله فيها وبسبب مرضها الي هيقول عليه هيبقا في صفي واخد كل الي وراه والي قدامه بدل ما هو معيشني في حته شقه معفنه وهو على قلبه قد كدا
-انا مش مصدق امتى يا قلبي نخلص من الموضوع دا ونتجوز بقا ونبقوا سوا
منال بحب: متقلقش يا عمري هانت فات الكتير مبقاش إلا القليل وهنبقوا مع بعض بس متتأخرش بقا عايزه اقعد معاك شويه قبل ما تيجي الوليه القرشانه دي
-خمس دقايق وهكون عندك يا روحي
_____________________
حسام بغرور: يابني هي تطول تتجوزني اكيد هتوافق مش كفايه اني اتنازلت وروحت اتقدمتلها
*يا صاحبي متبقاش واثق كدا البنات بتبقا عامله زي القزاز لو انكسر بيجرح
حسام بثقه: مش معايا يا حبيبي وبعدين دي بتموت في التراب الي بمشي عليه دي ما هتصدق قال ترفضني قال
*ولو رفضتك يا صاحبي هتعمل ايه
حسام بخبث: كله في اوانه يا صاحبي كله في اونه متقلقش وبعدين اقفل السيره دي مش عاوز وجع دماغ
عند هدير
ام هدير: ها يابنتي قوليلي ردك عشان اقول لابوكي حسام كل شويه يكلمه ويسأل
هدير بحزن: مش عارفه يا ماما مش مرتاحه انا صليت الاستخاره اكتر من مره وبرضوا مش مرتاحه
ام هدير: خلاص يابنتي لو مش مرتاحه نكلمه ونرفض طلبه اهم حاجه عندنا راحتك بس يابنتي لو تفكري تاني يعني مش هتلاقي احسن من حسام شاب كويس وأم حسام هتكون حماتك وهي الشهاده لله طيبه جدا وست كمل هتشيلك في عنيها وحسام تربيتها اكيد طالعلها
هدير: صح يا ماما انا بحبها جدا بجد بس ياماما مش لازم عشان هي كويسها ابنها يبقا كدا بيقولك يخلق من ضهر العالم فاسد والعكس يا ماما يعني مش شرط انهم يكونوا زي بعض
ام هدير: خلاص يابنتي هقول لابوكي بس انتي متأكده انك مش بتفكري تديله فرصه مثلا تتعرفوا على بعض او حتى نعمل خطوبه ولو ارتاحتي نكمل مرتحتيش خلاص
هدير: بس كدا يا ماما هتتحسب عليا خطوبه ووقت من عمري مع الشخص الغلط انتي قوليله ردي اني مش موافقه وخلاص يا ماما
ام هدير: خلاص يابنتي الي تشوفيه بس انا مش عارفه الولد فيه ايه يخليكي ترفضيه دا زينه الشباب
هدير بصت لأمها بيأس ومردتش
__________________________
صدح صوت الأغاني في المنزل فرحة بكتب كتاب مريم وكريم
هى حبت هو داب-بس خبط يومها باب-قال ساعتها أن مش هسيبك-الا لما اكتب كتاب-قال يا رب اجمعني بيها-رب انت معاك قلوبنا-وانت عالم باللي فيها-زي ما اهديت خديجة للنبي-اهديني ليها-كم سنة والحمل زاد-هو كمل وبعناد-مش هسيبك مش هسيبك-حتى لو لفيت بلاد-هى قالت صعب تقدر-قال دا رب اكيد معايا-خايفة جداً لو تسيبني-كنت سيبتك من البداية-كم سنة والحمل زاد-هو كمل وبعنادمش هسيبك مش هسيبك-حتى لو لفيت بلاد
مريم: بسرعه يا سمر بقا زمانه جاي
سمر: خلاص ياحبيبتي اللمسه الأخيره وبس كدا خلصنا اي رائيك
مريم بفرحه: بجد روعه يا روحي ربنا يخليكي ليا يارب
سمر بحب: يا حبيبتي انتي طبيعي قمر من غير حاجه ربنا يحميكي ويعدي اليوم دا على خير
يارب يا قلبي
سمر: انا سامعه صوت حد بيزغرط بره شكل العريس وصل
دخل مالك جوز سمر
مالك: ماشاء الله ياحبيبي اي القمر دا انا مش مصدق بجد انك كبرتي وخلاص النهارده كتب كتابك وهتسبينا
مريم بدموع: انا بجد مش عارفه هعيش من غيركم ازاي
سمر: بس بس انتوا بتعملوا ايه هتبوظوا شغلي كله بشويه دموع انت السبب ياحبيبي يعني هي فرحانه طول اليوم جاي انت دلوقت تنكد عليها
___________________________
#بتهزري يا هاجر انتي بتقولي ايه
هاجر بدموع وحسره: والله يا ريم معملتش حاجه هو كلمني كذا مره وانا مكنتش برد عليه وبعمله بلوك بس كل اما اعمله بلوك على رقم يكلمني من غيره لحد ما استسلمت وكلمته فكرته بيحبني بجد كنت هبله لما صدقته
ريم: طب والعمل يا هاجر هتتصرفي ازاي دلوقت وهتجبيله الفلوس الي عايزها منين ولو ادتيله مره هيطلب تاني ومش هتخلصي
هاجر: مش عارفه يا ريم مش عارفه والله يا مبعتلوش صور هو هكر الايميل بتاعي وخد كل صوري من عليه ودلوقت بيهددني بيها بيقولي اديله دهبي ودهب امي او يبعت الصور لأخويا قوليلي اعمل ايه يا ريم عشان اخلص من الموضوع دا وبجد مش هعمل كدا تاني والله خلاص انا اصلا مبقتش اثق في حد
ريم بتفكير……..
__________________
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية كما تدين تدان)
