رواية خادمة الصقر الجزء الثاني الفصل السادس والعشرون 26 بقلم يوستينا سامى
رواية خادمة الصقر الجزء الثاني الجزء السادس والعشرون
رواية خادمة الصقر الجزء الثاني البارت السادس والعشرون
رواية خادمة الصقر الجزء الثاني الحلقة السادسة والعشرون
في بيت ادهم
يزن قرر انه يروح يبات عنده بعد لف طول الليل و تفكير واول ما فتح باب الشقة اتصدم ..شاف ادهم واقع علي الارض و جري هليه بخوف و اتفاجاه انه ساقع
يزن بخضة / ادهم.. مالك يا ادهم
رن عليا يا ابني .. انت عمل ايه في نفسك الله يخربيتك يا اخي
و قام و فضل ينادي علب البواب و اخدوا في عربيته و طلع بيه علي المستشفى..
في المستشفى كان يزن واقف مش علي بعضه و مرعوب و فاجاه خرج الدكتور
يزن جري ناحيته / طمني يا دكتور .. ادهم حصله ايه
هو كويس مش كدة
الدكتور باسف / ادهم باشا للاسف لازم يروح مصحة في اقرب وقت .. هو مد*من
يزن اتصدم و بص للدكتور بزهول / انت بتقول ايه .. مين ده اللي مد*من .. انا بسالك ان ادهم جاسر الحديدي .. ابن جاسر الحديدي تقولي مد*من انت اكيد اتجننت ..و انا هوديك في سنين داهية
الدكتور حاول يهدي يزن اللي صوته سمع المستشفى كلها
و قاله / يا يزن باشا دي الحقيقة انا مش بخدعك ..و حضرتك ممكن تاخد التحاليل لاي دكتور غيري .. بعد اذنك
و بعد الدكتور و يزن قعد علي الكرسي بصدمة و بدا يكلم نفسه بحزن / معقول تكون حالتك وصلت لكده يا ادهم و احنا مش حاسين .. معقول تكون حياتك هينة عندك كدة يا خساره ياريتك كنت موجود يا جاسر كان ابنك موصلش لكده ..
و مسك موبايله و اول واحد فكر يكلمه هو كريم / بابا الحقني.. ادهم بيموت مني و انا معرفتش احميه من شر نفسه
و حكي يزن كل اللي حصل و كريم راحله المستشفى بسرعة .
_______________________________________________
في الجامعة 😲
عساف ضرب عاصي بالبوكس وقعه على الارض
و قاله / سبق و قولتلك لو شوفتك تاني قريب من بنتي هنسفك و انت مصدقتنيش
لارا بعياط حاولت تقرب من عساف اللي حالته كانت متبسرش بالخير اطلاقا / بابا والنبي سيبه هو ميستهلش كدة . عاصي بيحبني و انا كمان بحبه
عساف بصلها بغدر و صوت عالي / ابعدي عني خالص يا لارا احسنلك
نادي عساف علي الحرس انهم ياخدوا لارا علي العربية لكن لارا رفضت تروح معاهم
عاصي برجاء / يا عساف باشا .. انا عارف ان انت خايف علي لارا .. بس صدقني انا فعلا بحبها و مستعد اعمل اي حاجة علشان اثبتلك كدة
عساف بص حواليه لكن تفاجاه ان الجامعة اتجمعت و حاول يتحكم في اعصابه / احنا مش هينفع نتكلم هنا … يلا نخرج برا الجامعة و ساعتها هنتكلم كويس اوي
و قرب عساف و مسك ايد لارا بقوة و خرج بيها من الجامعة و عاصي مشي مع الحرس وركب عساف و لارا في عربيته و عاصي مع الحرس
في العربية ..
لارا كانت قاعدة جمب عساف اللي كان بيتنفس بطريقة وترتها و خصوصا انه ماخدش رد فعل مع عاصي.
في نفس الوقت لارا حاولت تطلع تليفونها ببطء و بعتت رسالة واتس لحد منغير ما عساف ياخد باله و اول ما خلصت بصت لابوها و قالتله بخوف
لارا / بابا.. ممكن تفهمني الحرس هيعملوا ايه مع عاصي .. وحياتي عندك متاذيهوش هو ميستهلشي كدة .. عساف رد عليا
عساف كان ساكت بطريقة ترعب مش بس تخوف و لاول مره لارا تفشل انها تعرف ابوها بيفكر في ايه و فاجاه عساف امر السواق يوقف العربية
عساف / قول للحرس يقفوا هنااا .
و نزل عساف و لارا نزلت وراه و اتصدمت اول ما حست انهم علي الطريق الصحراوي و شافت الحرس ماسكين عاصي جامد
عساف قرب من عاصي و ضربه بالبوكس و بدا يكرر الضرب و الحرس مكتفينه / انا حذرتك بس انت افتكرتني بكدب … بس انا هوريك اني صادق و هخلي عيلة السيوفي كلها تتحسر عليك
و بص للحرس و بداوا يضربوا في عاصي بغشومية و للاسف عاصي مكنش قادر يدافع عن نفسه
لارا حاولت تقرب منه بس عساف مسك ايديها
لار بصريخ / اوعوا سيبوه .. يا بابا ليه كل ده بس
حرام عليك.. انت معندكش قلب ليه كدة … عاااصي
لارا بصت لابوها بوجع و دموع و كان جسمها كله بيترعش
قالتله/ عساف ..هو هيموت في ايديهم طب بص والله لو سبتوا انا مش هعرفوا تاني و لا هشوفه ..والنبي يا بابا علشان خاطري انا
عساف بدا يشفق علي لارا و امر الحرس انهم يوقفوا ضرب في عاصي و قال/ دي كانت قرصة ودن بسيطة اوي .. و تحذير ايه اللي ممكن يحصلك لو عملت كدة تاني
عاصي واقع علي الارض و الدم مغرق وشه و بوقه و كان بيفتح عيونه بالعافية و مش قادر يتكلم
عساف بص للارا و قالها بعصبية / اركبي .. انتي حسابك لسه ماجاش
و فاجاه سمعوا صوت عاصي و هو بيقول بوجع / بس انا عمري ما هسيبها يا عساف
عساف في لحظة جنون طلع مسدسه و ضرب عاصي و هو علي الارض بالرصاص
لارا خرجت من العربية بسرعة بصريخ / عااااااصي لااااااااا .. عاصي رد علياااااا … اوعي سيبني انا بكرهك يا عساف.. بكرهك
الحرس ركبوا لارا بالعافية العربية و عساف كمان و مشيوا و سابوا عاصي لوحدوا
________________________________________________
في بيت عساف 💪
لارا داخلة و هي منهارة من العياط و عساف مسك ايديها بقوة و قالها/ اي فاكره اني هسيبك كدا .. ده انتي يومك اسوود
لارا بدموع/ ابعد عني.. انا مش عايزة اكلمك ولا اعرف ..ابعد عني
نغم بصدمة / اي ده .. ايه اللي انتي بتقوليه ده يا لارا انتي اتهبلتي
لارا بعياط / اسكتي يا نغم .. انتي ما شوفتيش هو عمل ايه ضرب عاصي بالنار علشان بس حبني
بذمتك ده اب .. ده اب قاسي و انا بكره
عساف ضربها بالقلم بغل و همس قربت و حاولت تبعده عنها
همس بدموع/ اهدي يا عساف والنبي
عساف / الغلط مش منك يا لارا .. مني انا علشان معرفتش اربيكي كويس بس عادي هعوضها
ادخلي اوضتك و اعملي حسابك ان مش هتشوفي الشارع ده تاني .. ان فرحك علي ابن عزيز اخر الشهر
غوووري
دخلت لارا الاوضة و عساف قفل الباب بالمفتاح عليها و دخل أوضته و منع حد يدخله ..
______________________________________________
في المستشفى عند يزن و ادهم
كريم قاعد جمب يزن و حاطط ايده علي كتفه
كريم / عصبيتك و خوفك ده مش هيحلوا حاجة .. انت لازم تقف جمبه و تقنعه انه يتعالج يا يزن
يزن بعصبية/ ده غصب عنه مش بمزاجه .. كريم انا لحد اللحظة دي مش مصدق ان ادهم مدمن
معقول .. للدرجة دي الواحد منغير اهل ضعيف كدة
كريم بصله بتانيب و قاله / محدش بيحس بقيمة اهله يا يزن الا لما يروحه منه يا ابني
يزن فهم معني كلامه و دموعه نزلت من عيونه بحزن و قرب من كريم و قاله / انا اسف يا بابا .. بجد حقك عليا
كريم اتصدم من دموع يزن و خصوصا انه عارف انها غالية عليه اوي و عمره ما عيط قدام حد .. كريم اخده في حضنه و قاله / ماعاش ولا كان اللي يخليك تعيط يا يزن . انا عمري ما اتعودت عليك كدة يا حبيبي انا عارف ان قساوتك دي وراها حنية كبيره اوي
يزن بوجع / انا مش عايزك تزعل مني يا كريم .. انا غشيم و ساعات بقول كلام غبي بس مش ببقي قصده
كريم باس راسه / انا عمري ما ازعل منك .. ده انت ابني الوحيد و صاحبي ياض
يزن ابتسم و قاله / طب اوعي تقول لياسمين عن اللي حصل امبارح في فيلا صقر
كريم / حاضر يا سيدي . في طلبات تاني يا اخ يزن
يزن بتانيب / اه .. متقوليش تاني اني شبه يوسف او جابر يا كريم ..علشان خاطري
كريم ابتسم و قاله / حاضر يا يزن .. المهم تفضل جمب ادهم دلوقتي و انا لازم اقول لصقر و ..
يزن قاطعه في الكلام / لا بابا انا مش عايزه صقر ولا خالد يعرفوا اي حاجة عن الموضوع ده
انا ممكن اقول لمعاذ يقف جنبي في المرحله اللي جايه لكن مش عايز صوره ادهم تتهز في العيله ابدا
كريم / خلاص يا يزن ماشي هعمل اللي انت عايزه
يزن / اه وعايزك تفضل جنب ادهم شويه كده كده هو مش هيفوق دلوقتي عقبال ما اروح لعساف وهاجيلك على طول ماشي
و مشي يزن و راح لعساف البيت و اتصدم اول ما نغم حاكتله اللي حصل .
_________________________________________________
في بيت عساف 💪
في البلكونة ❤️
عساف / انا كلمت عزيز و قولتله اني موافق علي عرضه و موافق علي الجوازة
يزن بهدوء / طب لو انت مصر اوي كدة .. خلاص جوزني انا ل لارا
عساف بصدمه / ايه اللي انت بتقوله ده يا يزن انت اتجننت يا ابني تتجوز لارا يعني ايه
يزن/ انا مش فاهم انت مستغرب ليه قوي كده . مش انت عايزها تنسى اللي اسمه عاصي ده و هتجوزها لابن عزيز خلاص انا اولي بيها و بعدين انا كمان عايز انسي ميرا
عساف حط ايده على وشه بعصبية / وانت جاي بقي تجرب في بنتي مش كدة يا يزن .. بقولك ايه روح لابوك انا مش ناقص انا فيا اللي مكفيني
كفاية ان بنتي بتدمر قدام عيني
يزن بهدوء / صدقني يا عساف اي حد بيخرج من تجربه فاشله بيبقى عامل زي و زيها .. وافق انت بس وانا هخليها تنساه بالذوق بالعافية هتنساه
و حاول يزن كتير مع عساف و بعد اقناع كبير وافق عساف علي جوازه من لارا 😳
عساف / موافق بس ايااك في يوم من الايام تمد ايدك عليها انا بنتي مش زي ميرا ولا غيرها دي بنت عساف سامع
يزن /سامع ممكن بقى ادخل اتكلم معاها شويه
وفعلا يزن دخل الاوضة و لارا كانت قاعده وضامة رجليها لحضنها و قرب يزن و قعد جمبها و كان متخيل انها ما سمعتهمش كلامهم
يزن /ايدك عامله ايه دلوقتي كويسه صح
لارا بكره / انت بتعمل كده ليه عايز مني ايه يا يزن رايح تلعب في دماغ بابا عشان نتجوز انا وانت
يزن بدا يعدل في هدومه و هو بيضحك ببرود /اه واضح انك سمعتي اللي احنا قولناه .. بس ماشي دي حقيقه يا لارا انا تقدمتلك وابوكي وافق
لارا بعصبيه /انت ايه يا اخي قلبك ايه حجر اذا كان شفتني بعينيك وانا في حضنه وانا بقوله بحبك
ازاي جالك قلب انك تفرق اثنين بيحبوا بعض
يزن قرب من لارا وقالها بهدوء عكس النار الى قايده في قلبه / ما فيش حاجه اسمها حب يا لارا صدقيني لو مشيتي ورا قلبك هتقعي على جدون رقبتك
وعاص السيوفي دوت مستحيل يحبك ده بيضحك عليكي
لارا قامت من على السرير بعصبيه وهي بتزعق جامد وتقوله / و انت مالك يا اخي ..انت مالك بتتدخل في حياتي ليه فاكر نفسك مين علشان تتحكم فيا بالشكل ده
يزن بملل / انا مش بتحكم فيكي انا خايف عليكي
افهمي بقي يا لارا
لارا بدموع / يزن انت ليه عايز تكرهني فيك ده انا بعتبرك اخويا
يزن ببتسامه بارده/ لا خلاص بقى من النهارده اعتبرني جوزك صدقيني الكلام ده كويس ليا وليكي انتي هتنسي عاصي وانا هنسى ميرا قصتين حب فاشله
لارا بعصبيه /لاخر مره بقولهالك ما تحكمشي علي علاقتي بعاصي انها فاشلة لمجرد انك معقد. . بس عاصي كان عنده حق لما قالي ان اللي زيك حقير و زبالة و اطلع برا اوضتي يلاا
عساف دخل الاوضة بعد ما كانت واقف جمب الاوضة و سامع اغلب الحوار / ايه ده في ايه بتزعقوا كده ليه
يزن بابتسامه/ والله يا عمي انا لا زعقت ولا فتحت بقي هي اللي مش قادره تنسى حبيب القلب اللي بعون الله هنسهلها غصب عنها .. يلا تصبحوا علي خير
وخرج يزن من الاوضه و عساف بصلها بحزن وخرج هو كمان من الاوضه ومنع همس او نغمه يخشلها وقفل عليها الباب بالمفتاح
_______________________________________________
في المستشفي 🌼
عاصي بوجع / بقى اه ابعد ايدك عني يا تامر انا مش قادر حتى اتنفس
تامر بضحك / اسم الله عليك يا حبيبي انا مش عارف هيعملوا فيك ايه ثاني هي وابوها
عاصي بوجع / ولا انا يا تامر… انا سكلي كدة هعمل عضوية في المستشفى دي .
تامر بضحك/ احمد ربنا ان في حد وقتها انقذك لولا كدة كان زمان دمك اتصفيو موت و ارتاحنا منك
عاصي كان لسه هيتكلم لكن وفي اللحظه دي دخل مختار السيوفي عم عاصي
المختار بتريقه/ حمد لله على السلامه يا بطل ايه رصاصة تعمل فيك كل ده
عاصي 😳😳
استوووووووووووووووووووووووووووووووب
تفتكروا اي اللي ممكن يحصل بين مختار و عاصي 😉
و اي رايكم في يزن ده
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية خادمة الصقر)
