رواية سر الملبوسة الفصل الرابع 4 بقلم إسراء ابراهيم

رواية سر الملبوسة الفصل الرابع 4 بقلم إسراء ابراهيم

رواية سر الملبوسة الجزء الرابع

رواية سر الملبوسة البارت الرابع

رواية سر الملبوسة الحلقة الرابعة

فوق في اوضة دياب وفرحة

دياب بحد*ة / انا مكنتش اعرف انك بچ*حة وعينك مكشوفة اكده ،، كيف يعني تفضلي بصاله اكده واني جاعد ،، طيب حتي اعمليلي اعتبار

فرحة بخوف من صوت دياب / انت بتجول ايه ،، اني مفهماش تجصد ايه

دياب بغضب/ لاه ،، انتي فاهمة كويس بتحدت عن ايه ،،عشان اكده سألتيني علي عمك واحنا اهنه ،، بتحبيه وهو مش رايدك وعشان اكده منزلتيش عينك من عليه

فرحة وهي بتحرك راسها بنفي / صدجني انت مش فاهم حاچة ،، انت ظالمني يا دياب ،، الموضوع مش كيف ما انت فاهم

دياب بسخرية/ اومال كيف هو الموضوع ،، فهميني يمكن اني غ*بي ،، فهميني انتي كيف مرتي تطلب مني مجربلهاش والاجيها بتبص لابن عمها في ليلة صباحيتها وهي حزينة ومنزلتش عنيها من عليه طول ما هي جاعدة ،، فهيني

قال دياب كلامه الاخير بصوت عالي فخافت فرحة وخبت وشها بايديها وبقت تعيط بحرقة

فرحة بانهيار/ مش اكده ،، مش عاشجاه كيف ما انت فاهم ،، انا بك*رهه بكر*هم كلهم ،، هما السبب هما السبب ،، انا بكر*همم وبكر*هك انت كمان ،،عشان انت اكيد زيهم ،، انا تعبت تعبت

قالت فرحة كلامها ووقعت عالارض مغمي عليها فاتخض دياب وقرب منها بلهفة

دياب بخضة/ فرحة فوجي يا فرحة

فرحة مكنتش بترد فشالها دياب وحطها عالسرير وخرج بسرعة ونزل تحت وهو باين عليه القلق

دياب / خالة شادية ،، تعالي معايا عشان فرحة تعبت شوية

شادية بلهفة / يا مري ،، بتي مالها ،، انا چاية اهو

جليلة بخوف مصطنع/ يا عيني يا بت سلفتي ،، اما اطلع اشوفها

نوراة مكنتش مركزة غير علي خوف دياب علي فرحة اللي شع*لل الغيرة في قلبها وخلاها قامت طلعت وراهم بحجة انها تطمن علي فرحة

نوارة / انا هطلع اشوفهم يا چابر ،، واطمن علي فرحة

…………………….

في القوضة كان الكل متجمع وشادية بتفوق فرحة وشوية وفاقت فرحة واول ما انتبهت ليهم وعنيها جت في عيون جليلة اتنفضت برعب وضمت نفسها بايديها وبقت تدور بعنيها علي دياب وهي بتنده اسمه وكان دياب في نفس الوقت بيجيبلها مية وشافها وهي مرعوبة وبتنده عليه فقرب منها بسرعة واتفاجئ بيها بتضم نفسها لحضنه وبتستخبي جواه

فرحة / دياب خليك چاري ،، متخليهاش تأ*ذيني ،، والنبي حتي لو زعلتك متهملنيش ليهم يا دياب

دياب بتلقائية وقلبه بيدق / متخافيش يا حبيبتي ،، انا چارك ومحدش هيجدر يأ*ذيكي طول ما اني عايش

نوارة كانت واقفة في قمة غضبها وفي نفس الوقت جت عنيها في عيون دياب اللي اتجاهل غيرتها وكأنه مش شايفها من اساسه فسابتهم نوارة وخرجت بغضب من القوضة وهي بتل*عن نفسها لانها السبب في كل اللي حصل ده ،،اما جليلة فاتوترت من كلام فرحة

جليلة بتوتر / احم طيب الف بركة اني اطمنت عليكي ،، هنزل اني بجي يا حبيبتي اطمنهم حاكم انهم جلجانين عليكي

نزلت جليلة ووراها شادية اللي كانت سعيدة اوي ان بنتها بتتعامل مع دياب كويس ومش بتخاف منه زي ما بتخاف من الكل

دياب بحنية / انتي زينة دلوك يا فرحة ،، طمنيني عليكي

فرحة وهي بتخرج من حضنه/ اني زينة بس عشان انت چاري ،، اوعاك تهملني يا دياب ،، انت الوحيد اللي مبخافش منيه

دياب بابتسامة / وهو في حد بيسيب مرته يا عبيطة انتي ،، ده انتي خلاص بجيتي قدري يعني مهعرفش اهرب منيكي

فرحة بابتسامة حزينة / حجك عليا لو كنت چر*حتك ،، بس اني مجصدش ،، وصدجني اني مهحبش واد عمي ،، صدجني يا دياب اني عمري ما حبيت حد واصل ولا حتي فكرت اني احب حد بعد اللي حوصل معايا

دياب بحنية / طيب ما تجوليلي اللي حوصل معاكي ،، مش يمكن اجدر اخليكي تنسيه

فرحة بتفكير / اخاف عليك لو حكيتلك حاچة هما يأ*ذوك

دياب باستغراب / هما مين اللي يأذ*وني

فرحة بسخرية / مفكرني بتحدت عن العفاريت مش اكده ،، لساك مفكرني مچنونة يا دياب

دياب بسرعة / مين بس يستجري يجول اكده ،، هو في مچنونة جمر اكده برضه

فرحة بخجل/ اني هجولك بس توعدني الحديت ده يفضل سر بيناتنا يا دياب

دياب بقلق / اوعدك يا فرحة ،، جوليلي بجي ،،ايه اللي حوصل

……………………..

كانت نوراة رايحة جاية في اوضتها وهي مضايقة ومش عارفة تعمل ايه ،،كانت بتكلم نفسها وبتحاول تشوف حل للي بيحصل

نوارة / يا مراري ،، بجي من تاني يوم يا نوارة يحبها،، طب كيف دي ،، لاه اكيد مكنش يجصد ،، بس ده جالهالها بنفس نبرة الصوت اللي اني خابراها زين ،، يا مري ،، لحج ينساني بالسرعة دي ،، بت شادية نسيته نفسه وخليته نسيني ،، رايداه ليها ـ، ماهي ما صدجت بعد ما مكنش فيه حد بيعبرها الملبوسة دي ،، طب اعمل ايه

عقلها / طيب وانتي شاغلك ايه يا نوارة ما انتي اللي سبتيه عشان جابر ،،دلوقتي بجي حلو

نوراة بندم/ كنت هبلة ،، الفلوس عميتني بس اهو اديني لابسة دهابات ياما وبرضه مش جادرة انساه ،، اني لساتي بحبه اعمل ايه عاد

عقلها / بعد ايه بعد ما حب غيرك واحتمال كمان يكون تمم جوازه منها وبكرة تحمل بابنه

نوراة بغضب/ مش صوح ،، دياب بيعشجني اني ،، اني متوكدة انه ملمسهاش ،،هو اصلا ميجدرش يعمل اكده ،، لاني لسة ساكنة في جلبه ،، واني بجي هتحدت معاه وهعرف بجد اذا كان لساته بيحبني ولا لاه

عقلها / طيب ولو طلع لسة بيحبك هتعملي ايه يعني

نوارة بابتسامة / يااااه،، وجتها هطلج من چابر وهو يطلج الملبوسة دي ونتچوز علطول ،، اني اكتشفت اني مهجدرش اعيش من غيره ومش هسيبه لحد غيري ابدا مش هيحصل

……………………..

دياب بصدمة / انتي بتجولي ايه

فرحة بحزن/ والله يا دياب كيف ما بجولك ،، اني مش ملبوسة ولا اني معيو*بة كيف ما الناس بتجول عني ،، كل الحكاية اني كنت بهرب منهم ،، من ياسر ابن عمي

دياب بغضب مكتوم / وليه كنتي بتهربي منه ،، هو اتهچ*م عليكي مش اكده

فرحة وهي بتفتكر اليوم المشؤوم/

دخلتلي مرت عمي جليلة الاول وجالتلي ان ياسر هيتجدملي وطلبت مني اوافج عشان ابوي هو كمان يوافج لان ابوي خابر من زمان ان عمي طمعان فيه وفي فلوسه ومكنش هيرضي بچوازي منه ،، و اني رفضت وجولتلها لا واني مرايداش اتچوز واد عمي

مسك دياب ايد فرحة اللي بتترعش وطمنها بعنيه عشان تكمل كلامها

دياب بابتسامة / كملي يا فرحة ،،متخافيش وكملي

فرحة بدموع/ فچأة لجيتها اتحولت وجالتلي انه ان مكنش برضايا هيبجي غصب عني واستغلت ان محدش كان في البيت ولجيتها خرچت ودخل بعديها ياسر وحاول

سكتت فرحة وبقت تعيط ودياب كان قابض علي ايديه بغضب وبيحاول يتحكم في نفسه ومش متخيل انها اتعرضت لكل ده وانتبه ليها وهي بتكمل كلامها

فرحة / انا اترچيته يبعد عني بس هو مكنش سامعني يا دياب،، كان بيبصلي بنظرة عمري ما هنساها واصل ،، چريت عالباب بس لجيتها جفلت علينا من برة بالمفتاح عرفت ان مفيش مفر وملجتش غير الشباك فرميت نفسي منه من غير ما افكر ولاجل ستر ربنا اني متصابتش وجريت في الشارع لأجل ما حد ينجدني ،، بس النس بجت خايفة مني وبجو يضحكو عليا ،، انا تعبت اوي يا دياب تعبت اوي

دياب اخد فرحة في حضنه وهي كأنها ما صدقت وبقت تتبت فيه بايديها وهي بتعيط

دياب بهدوء عكس اللي جواه/ وحيات غلاوتك عندي لاچيبلك حجك واخليهم كلهم يبجو عبرة ومسخرة البلد كلياتها

فرحة بلهفة / لا يا دياب ،، انت وعدتني ،، اني مش رايدة ابوي ولا حد يعرف اني حكيتك حاجة واصل ،،

دياب بح*دة / انتي لساتك خايفة منهم واني معاكي ،، مش متچوزة راچل يعني

فرحة بلهفة / اني مش خايفة علي حالي ،، اني خايفة عليك يا دياب ،،دول ميعرفوش ربنا،، وجتها اما ناس غلابة لحجوني وامي چت خدتني ورچعتني الدار ،، چت مرت عمي وه*ددتني بيني وبينها ان لو حد شم خبر باللي حوصل ،، هتج*تل ابوي غدر

دياب بحنية وهو بيفكر / متخافيش يا فرحة ،، اني هحميكي بعمري ومش هخلي حد يأ*ذيكي ابدا

فرحة بحزن وهي باصة في عيون دياب / اوعدني يا دياب ،، اوعدني تفضل چاري مهما حوصل ،، انا مبجليش غيرك انت الوحيد اللي يجدر يحميني منهم ،، الوحيد اللي حسيت معاه اني مطمنة ومش خايفة ،، اني خابرة اني جابلتك امبارح،، بس يعلم ربنا حسيت كاني عرفاك من سنين كتيرة جوي

دياب بتوهان في عيون فرحة / هتصدجيني لو جولتلك اني كمان يا فرحة ،، مكنتش متخيل اني ممكن اتعلج بحد بالسرعة دي وفي الوجت ده بالذات ،، كانك چيتي عشان تطيبي چر*ح سنين يا فرحة

فرحة بخجل / دياب ،، اني موافجة انك تتمم چوازك مني ،، اني بس وجتها مكنتش اعرفك ،، فكنت خايفة منك ،، بس دلوجتي انا مش خايفة ابدا وكمان عشان انت تطمن ان محدش غيرك لم*سني

دياب بحنية وهو بيملس علي خد فرحة / اني مش محتاج اتوكد يا فرحة ،، اني خابر انك زينة البنتة كلهم ،، احم انا بس يعني بجول ندي لبعض فرصة نعرف بعض الاول زين

فرحة بتوتر واستغراب / كيف ما تحب يا دياب ،، اني تعبانة وهنام شوية

نامت فرحة عالسرير وهي بتفكر في رد فعل دياب بعد ما قالتله كدة ،، كانت متخيلة انه هيفرح او ما هيصدق بس رد فعله صدمها ،، وافتكرت انه بعد ما عرف اللي حصل معاها اضايق منها

………………………..

خرج دياب من قوضتهم وهو في قمة غضبه بعد ما عرف اللي حصل مع فرحة من ياسر ابن عمها وكان كل تفكيره انه هيندمه علي كل اللي فكر يعمله معاها بس وهو ماشي قا*طعته نوارة اللي خرجت من اوضتها وقربت منه بسرعة

نوراة بابتسامة/ دياب ،، استني رايدة اتحدت معاك

دياب بضيق / خير يا نوارة ،، اعتقد احنا مفيش بينا حديت

نوارة بدلع وهي بتقرب منه/ اخس عليك يا دياب ،، اني غلطانة اني اتوحشتك وكنت رايدة اتحدت معاك في موضوعنا

دياب بحد*ة وهو بيبعدها عنه / اتخبلتي اياك ،، ايه اللي بتعمليه ده ،، واتوحشتيني كيف يعني ،، لو انتي ناسية انك ست متچوزة وان مبجاش في حاچة بينا ،، اني بجي مش ناسي فابعدي عني يا نوارة وبلاش حديت ملوش عاذة

نوارة برقة / كداب يا دياب ،، احنا اللي بينا لساته موچود ،، تنكر انك لسة بتعشجني واني لساتي ساكنة جلبك

دياب بحد*ة/ محصلش ،، ده وهم انتي معيشة نفسك فيه يا نوارة ،، انتي بالنسبالي بجيتي ماضي وخلاص دفنته

نوراة بحزن/ مش مصدجاك يا دياب ،، انت بس بتجول اكده عشان تو*چعني كيف ما و*چعتك وهملتك ،، لكن انت لسة بتعشجني ،، وعشان اكده اتچوزت اخت چابر ،، عشان تكيدني وتخليني اغير عليك

قبل ما دياب يرد سمع صوت هبدة جامدة فبص وراه بخضة واتفاجئ بفرحة واقعة قدام اوضتهم …..

يتبع…

لقراءة الفصل التالي : اضغط هنا

لقراءة الرواية كاملة اضغط على : (رواية سر الملبوسة )