رواية الم الرحيق الفصل الثالث والثلاثون 33 بقلم سمية عبدالسلام
رواية الم الرحيق البارت الثالث والثلاثون
رواية الم الرحيق الجزء الثالث والثلاثون
رواية الم الرحيق الحلقة الثالثة والثلاثون
في المستشفى
آدم =متقلقش يوسف اشطر جراح بأذن الله هتقوم بالسلامة.
حمزه وهوا باصص لسما_يارب، مليش غيرك.
يوسف خرج من العمليات والكل جري عليه.
حمزه_ها يا يوسف ايمان كويسة؟
يوسف كان مميل وشه في الارض ومش بيتكلم.
ام ايمان_يابني متتكلم، ايمان حصلها حاجة؟
آدم =مطنتق يا يوسف ايمان كويسة؟
يوسف بحزن_الرصاصة كان بينها وبين القلب 3 سم، احنا عملنا كل ال نقدر عليه، وحاولت علي اد مقدر انقذهم هما الاتنين بس لاسف ايمان نزفت كتير والجنين مات وهيا دخلت في غيبوبة.
فوزي _أنا لله وانا اليه راجعون.
ام ايمان بصراخ_ياحبيبتي يابنتي.
حمزه وهوا مصدوم_يعني….. يعني ايه؟ يعني ايه ايمان في غيبوبة.
وقعد على الكرسي مقدرش يوقف.
يوسف_احنا مكنش في ادينا حاجة ومعملنهاش.
عمر_اجمد ياحمزه، مش كده.
آدم =ايمان محتجالك ياحمزه، ادعلها، ادعلها ياحمزه.
حمزه بعياط_ايمان كان نفسها في الطفل ده اوي يا آدم.
آدم حاول يبان متماسك وخده في حضنه وقال وعيونه مليانة دموع={وعسى أن تكرهوا شيئاً وهو خير لكم وعسى أن تحبوا شيئاً وهو شر لكم والله يعلم وانتم لا تعلمون}
حمزه عيط اكتر وقال_الفراق وحش يا آدم انا مش هقدر اعيش لو ايمان حصلها حاجة.
آدم خده في حضنه اكتر وغصب عنه دموعه نزلت.
اية كانت بتعيط في حضن رحيق وبتقول_هيا….(شفلقة) هيا.. ايمان هتموت زي صفا يارحيق؟
رحيق بسرعة=متقليش كده ايمان هتقوم والله بإذن الله هتقوم بالسلامة.
عم مصطفى وابراهيم وحسن كانو بيواسو الجد وعم فوزي.
حمزه وهوا بيمسح دموعه_انا هروح اصلى، عايز اتكلم مع ربنا شوية.
آدم =روح ياحبيبي.
حمزه مشي و آدم وقق وقال ليوسف=يوسف، هيا ايمان هتفوق من الغيبوبة امته؟
يوسف_آدم انا مش هخبي عليك بس ايمان حالتها خطيرة ومحدش عارف هتفوق امته، بس ربنا على كل شيء قدير.
عمر_حمزه صعبان عليا اوي.
يوسف_ال حصل هز الكل.
آدم =يوسف انا ممكن اسفر ايمان برا لو الامكانيات هنا مش مساعدة.
يوسف_ايمان اختي يا آدم، صدقني لو هيفيد. بحاجة مكنتش اترددت لحظة وسفرتها.
~~~~~~~~~~~~~~~~~~~~~~~~
بعد مرور 3 شهور
التعاسة رجعت للقصر تاني كلهم فقدوا الامل ان ايمان ممكن تفوق الا حمزه كان كل يوم يرحلها ويتكلم معاها كأنها سمعاه ومفقدش الامل لحد ما….
في المستشفي تحديداً في اوضة ايمان.
حمزه كان قاعد على سجادة الصلاة وبيتكلم مع ربنا.
حمزه وعيونه بهتانة من كتر الحزن وصوت كله آلم _يارب…. انا اسف اني اتأخرت في الكلام معاك، مع اني عارف ومتأكد اني مليش غيرك اتكلم معاه….. انا ضعيف يارب…. ومش عارف اعمل ايه……. انا تايه… وخايف، مش بطلب منك غير طلب واحد بس انها تقوم وتصحى وترجعلنا من تاني.
وبعدين مسك المصحف وفتحه وعينه جت على آية في صورة يس {إنما أمره إذا اراد شيئاً أن يقول له كن فيكون}
حمزه عيط جامد وقال_انا واثق فيك يارب، انت اللي بأيدك كل شيء.
بس جهاز المونيتور (جهاز بيقيس العلامات الحيوية) اصدر صوته المعروف وظهر الخط المستقيم يعلن عن اللحظة الاخيرة ل ايمان.
حمزه جري بسرعة على ايمان وبدأ يصرخ _دكتوووووور، دكتوررر.
الدكتور والممرضين دخلو وزاحو حمزه بعيد شوية وشغلو جهاز ال AED (جهاز الصدمة يستخدم عند توقف النبض)
حمزه كان حاسس بالعجز فقرر يروح يصلي ومكنش سامع ولا حاسس بأي حاجة غير صوته وهوا بيقول الله اكبر.
الدكتور استخدم الجهاز.
الممرضة_لسه مفيش نبض
حمزه وهوا بيصلي_الله اكبر.
الدكتور كرر تاني.
الممرضة_مفيش نبض
حمزه_الله اكبر.
الدكتور كرر تاني وتالت. وبرضو مفيش نبض.
الدكتور هز راسه بمعني انها خلاص.
حمزه وهوا ساجد_يارب، ابويا وامي اتقتلوا قصاد عيني وانا عندي خمس سنين مقدرتش اتحمل الصدمة غير لما كبرت وبقيت ظابط وجبت حقهم من ال ق*تلولهم، يارب انت قلت {لا يكلف الله نفساً إلا وسعها} وال بيحصل ده فوق طاقتي، مش هقدر يارب المرة دي مش هقدر علي وجع الفراق،صدقني مش هقدر.
كان بيتكلم وهوا حاسس روحه بتنتهي قدامه وهوا مش في ايده حاجة.
الممرضة كانت بتشد الغطا عشان تغطي وش ايمان بس المونتيور اعلن عن رجوع ايمان للحياه من تاني.
الممرضة بصدمة_يادكتور، تعالى بسرعة.
الدكتور راح عندهم وقال بدهشة _ازاي ده حصل؟
الممرضة_انا مش مصدقة عنيا
الدكتور _بس زمن المعجزات مبقاش موجود.
حمزه بعد مخلص صلاة_بس رب المعجزات واجد (مينفعش نقول موجود لان الموجود يحتاج الى واجد والله ليس موجود بل واجد)
الدكتور ببتسامة_عندك حق، ربنا قادر وقدير ومقتدر.
“لو اليأس دخل قلبك اصرخ فيه بأعلى صوتك وقله مكانك مش هنا”
الدكتور والممرضة خرجت وايمان كانت بتفتح عنيها وقالت بتعب_ح… حمزه
حمزه بفرحة_ايوة ياحبيبي اتكلمي، اتكلمي يا ايمان.
ايمان حطت اديها على بطنها وقالت_ابني كويس ياحمزه؟
حمزه _ايمان انتي كنتي في غيبوبة بقالك تلت شهور.
ايمان_ابني فين ياحمزه؟
حمزه_الحمدلله انك قومتي بالسلامة وربنا يعوضنا عنه خير.
ايمان بعياط_ابني مات ياحمزه؟
حمزه وهوا بيحاول يمسك نفسه من العياط_انتي مش عارفة ان لما سيدنا الخضر قتل الغلام،سيدنا موسى قله انت قتلته ليه وهوا معملش حاجة؟سيدنا الخضر رد عليه وقال ابوه وامه ناس كويسة وصالحين والابن ده هيطلع فا*سد وكان هيتعبهم
وبعد كده ربنا رزقهم بالاحسن منه وبأذن الله هيعوضنا خير ياحبيبي.
ايمان بوجع_الحمدلله
_________________~_______________~
بعد عدة سنوات.
رحيق بقا عندها سيف (7 سنين،شبه آدم جداً وليه نفس لون عنيها) وسليم (5 سنين شبه آدم بس شخصيته نفس رحيق) وسلمي (3 سنين شبه رحيق وعنيها بني غامق.
ندى عندها ياسين ( 6.5 سنه) وياسمين (3 سنين)
اية جابت مالك (6 سنين وعنيه زرقة زي عيون يوسف) وصفا (3 سنين)
ايمان جابت تؤام تاليا وتالين (4 سنين)
__________________~______________~
في القصر
فاطمة_بسرعة يابنات زمان الرجالة راجعة من صلاة العيد.
رحيق=خلاص يادادة اخر طبق اهوا.
سلمى_ماما البس ايه؟
رحيق =شيفاني فاضية البسي اي حاجة من الدولاب.
سلمى_شكراً ياماما لولاك كنت لبست من التلاجة.
نعمة ببتسامة_انا دوقت الفتة في المطبخ طعمها حلو اوي تسلم ايد ال عملتها.
ندى_رحيق اللي عملتها ياماما وانا ساعدتها.
وردة_تسلم اديكم.
صفا(بنت اية)_وانا وانا كمان ساعدتهم.
فاطمة وهيا بتشيلها_حبيبة تيتة الشطورة.
تاليا وتالين كانو بيلعبو
ايمان_تعالى يا تاليا.
تالين_انا مش تاليا انا تالين.
ايمان_تعالي يا تالين.
تاليا_انا مش تالين انا تاليا.
ايمان بعصبية_تعالو هنا يولاد الصر*مة.
ندى _هدي نفسك احنا في عيد
ياسمين بنت ندى راحت عندهم_ماما
ندى_ايه ياسوسو؟
كان يوسف جه اول واحد من المسجد هوا مالك ابنه وراح عندهم.
ياسمين_انا عايز اشتغل رقا*صة
ندى _تشتغلي ايه ياروح ام*ك؟
ياسمين ببرأة_رقاااا*صة رقا*صة ياماما.
ندى_امشي يابنت الجزم*ة من هنا
ايمان بضحك_هدي نفسك احنا في عيد
يوسف بضحك_نصيحة مني متخليش عمر هوا ال يربي العيال.
ندى_امال انت جيت قبليهم ليه؟
يوسف_لأ كل فريق جي مع بعض،هوا فين الاكل انا جعان.
اية_طب وايه الجديد منتا على طول جعان.
يوسف_بقا بالزمة في واحدة تقول لجوزها كده يرضيك ده ياحجة.
فاطمة_ااه يرضيني ومش هتاكل غير لما الكل ييجي.
يوسف_هوا انتي امي لأ بجد امي،قليلي ومتخفيش عليا من الصدمة.
فاطمة_ياريت بس اعمل ايه لاسف ابني.
يوسف _اعمل ايه وللاسف،لأ انا اروح ام*وت نفسي بقا،ده ايه العيلة ال مبتحبنيش دي.
تاليا_بس انا بحبك ياعمو
يوسف_حبيب قلبي اخير لاقيت حد بيحبني.
تاليا ببرأة_بحبك عشان انت بابا مالك.
يوسف_ابو شكل*ك طلعتي بتحبيني عشان الواد.
عند الباب برا كان وصل عمر و آدم
عمر_آدم لم ابنك الساف*ل ده عن البت.
آدم بضحك=مين فيهم؟
عمر_هوا في حد قليل الادب في العيلة دي ال هوا.
آدم بتريقة=لأ وانت ال متربي اوي.
عمر_كده ماشي.
وبعدين جه سليم وكان لسه هيدخل بس عمر نده عليه.
عمر_سليم
سليم ببرأة_نعم ياعمو عمر.
عمر كان بيسأل نفسه هوا مين ده
آدم=ما الواد محترم اهوا،انا داخل مش فاضي للعب العيال ده.
عمر بتحذير_ مش هقلك تاني،خليك بعيد عن ياسمين.
سليم _بس كده حاضر،وكمل بخبث_انا روحت الشركة الاسبوع ال فات مع بابا وشفت السكرتيرة بتاع حضرتك و….
عمر_وايه ياخويا،كعب جزمتها اتكسر ووقعت عليا.
سليم_اه منا عارف ده،بس خالتي ندى متعرفش ولما تشوف الصور اكيد مش هتقول كده.
عمر برقله_صور ايه يلا.
سليم_لأ منا لما شفت ال حصل قلت اخد صورة لذكرة
عمر_ذكرة سودة ومهببة على دماغك.
سليم_ها لسه عايزين ابعد عن ياسمين.
عمر_خلاص دنتا عيل رزل.
ياسمين من الداخل_سليم،سليم.
سليم_بعد اذنك ياعمو اروح اكلم سوسو.
عمر بغيظ_ماشي يابن آدم وبعدين شاف سيف جي.
عمر_حبيبي ال طالعلي،متخلي اخوك سليم بعيد عن بنتي اخوك عامل انك ملاك قدام ابوك وهوا قرد.
سيف وهوا حاطط ايديه في جيوبه _اسف بس انا محدش يقلي اعمل ايه واعملش ايه،ومش ذنبي ان حضرتك عندك بنت واخويا عايز يلعب معاها واكيد مش هقف معاك ضد اخويا ولا ايه؟
وسابه ومشي وعمر تقريباً جاله شلل نصفي.
عمر_دي عيال دي.
حمزه بضحك_مالك شايفك بتكلم نفسك.
عمر_معلش اصل شكلي داخل على دور جنان جديد ممعكش مهدأية.
حمزه بضحك_لأ ممعيش بس معايا مسكناية تنفع برضو
عمر_ لأ متنفعش.
حمزه_طب يلا ندخل ياخويا.
الكل كان قاعد على السفرة.
اية لمالك_سمي ياحبيبي عشان الشيطان ميكلش معاك.
مالك _حاضر.
سليم_يعني الشيطان هيسيب الناس ال في كوك دور وبيتزاهت وهيجي ياكل فتة.
رحيق خبطته عشان لو آدم سمعه هيعلقه.
آدم =لو مش عارفة تاكلي من النقاب نطلع ناكل فوق.
رحيق ببتسامة=لأ وبعدين حد يسيب اللمة الحلوة دي هيا بس كان نقصها اختي شهد.
آدم ببتسامة=طب بصي نحية الباب كده.
_كده تاكلو من غيري.
سلمى وياسمين مع بعض_خالتو شهد
رحيق وثنية ومصطفي قامو يسلموا عليها.
سنية_اماب فين دكتور احمد جوزك؟
شهد _جيا ورايا هوا وغزل.
رحيق=هيا غزل عندها كام دلوقت؟
شهد_عندها 3 سنين.
مصطفي_كده ياشهد اهون عليك تقعدي ده كله في بلاد برا.
شهد_والحمدلله رجعت، انا قلت كفاية 5 سنين غربة لحد كده وكمان معرفتش احضر رمضان معاكم يبقا مش هحضر العيد كمان وبصراحة الفضل في رجوعي البشمهندس آدم.
آدم من وراهم =ولا فضل ولا حاجة اللمة مكنتش هتكمل غير بيكم.
احمد وكان معاه غزل في ايده_السلام عليكم.
آدم ببتسامة=وعليكم السلام.
رحيق =دي بنتك ياشهد، قمر ربنا يحفظها.
مصطفي وسنية شالوها وكانو مبسطين بيها اوي.
سيف لرحيق _ماما مين دي؟
رحيق=دي غزل بنت خالتك شهد.
سيف _غزل.
الجد_يلا ياولاد تعالو عشان ناكل.
________________~________________~
في مكان ما.
_وانتي عايزة ايه؟
: عايزة انتقم عايزة ادمر حياتهم كلهم.
_انتي باين عليك متعرفيش مين هوا آدم البنهاوي ال يوقف قصاده يبقا بينتح*ر
ضحكت بصوتها كله وقالت: بس لو مش معاه ال معايا.
_معاك ايه؟
: معايا ال حاجات الا لو ظهرت هتدمر عيلة البنهاوي كلها واي شخص قريب منها.
_واشمعنا انا ال جتيلي.
: عشان اكيد عايز تنتقم على ال آدم عمله فيك زمان.
_وانتي منتقمتيش لنفسك ليه عايزاني معاك في ايه؟
: لاني مش هينفع ابان في الصورة.
_المطلوب مني؟
: نشتغل مع بعض لحد مندمرهم.
_وانا معاك، انا نفسي اشوفه مذلول تحت رجلي، سعتها مش هرحمه.
: يبقا اتفقنا.
________________~________________~
بعد شوية كلهم كانو متجمعين والجد وزع العيدية علي الاطفال والستات كلهم.
ياسين _بابا.
عمر_ايوة يا ياسين.
ياسين _انا عايز اتجوز تيتة نعمة.
عمر_مينفعش تتجوز ستك.
ياسين_منتا متجوز امي وانا مزعلتش.
الكل ضحك عليه وبعدين جت ياسمين.
عمر_ايه عايزة تتجوزي جدك ابراهيم انتي كمان؟
ياسمين_لأ انا عايزة اشتغل.
عمر ابتسم وقال_لما تكبري اتعلمي وخدي شهادة عشان تشتغلي بيها.
يوسف_لأ مهي الشغلانة دي مش محتاجة شهادة.
عمر_امال محتاجة ايه؟
يوسف بضحك_محتاجة ليوننننة.
ندى بسرعة خدي يايسمين ياحببتي تعالى اقعد جمبي.
صفا_ممكن اقعد جمبك ياسيف؟
سيف_متقعدي حد ماسكك.
آدم بص لسيف نظرة حادة.
سيف_احم…. اتفضلي اقعدي.
صفا قعدت جمب سيف بس هوا كان بيبص على غزل.
آدم بحنية لرحيق=شكراً
رحيق ببتسامة =بتشكرني على ايه؟
آدم =بشكرك على كل حاجة عملتيها بشكرك على وجودك في حياتي.
عمر بهزار_انا بقول تقومو تشوفو الموضوع ده فوق.
رحيق اتكسفت و آدم قال=بس يازفت.
عمر_تسلم ياغالي.
حمزه بصوت عالي_طب يلا ياجماعة انا ظبطت الكاميرا عشان ناخد صورة مع بعض.
حمزه شغل الكاميرا والكل كان باصص للكاميرا معاد آدم ورحيق اللي بيبصوا لبعض.
والكاميرة لقطت الصورة.
حمزه_الصورة حلوة اوي.
يوسف_تحبو نسمي الصورة ايه؟
آدم =سموها جنة الرحيق.
عمر صفر وقال_الله عليك ياجامد.
الجد ببتسامة_اشمعنا الاسم ده بقا ياسي آدم؟
آدم وهوا باصص في عيون رحيق=عشان المكان ال بتبقا فيه رحيق بالنسبالي هوا الجنة على الارض.
رحيق عيونها دمعت من الفرحة وقالت بصوت منخفض=بحبك.
آدم =وانا بعشقك.
“لم اكن اؤمن بالحب لكن عندما رأيتك اصبحت الحب كله بالنسبة لي”
“لو كان الحب كلمات تكتب لانتهت اقلامي لكن الحب ارواح توهب فهل تكفيك روحي”
~_ ..النهاية.._~
“النهاية دائماً تكون البداية لشيء جديد”
تفتكروا دي هتكون نهاية الم الرحيق فعلاً؟
اتمنى لو واحد في الميه استفاد من الرواية وشكراً من كل قلبي على كل كلمة حلوة قلتوهالي عايزة اعرف رأيكم النهائي في الرواية وهكتب في الكومنتات انا ليه سميت الرواية بالاسم ده،دمتم في حفظ الله،والسلام عليكم ورحمة الله وبركاته.
لقراءة الرواية كاملة اضغط على : (رواية الم الرحيق)
