رواية الم الرحيق الفصل الثاني والثلاثون 32 بقلم سمية عبدالسلام
رواية الم الرحيق البارت الثاني والثلاثون
رواية الم الرحيق الجزء الثاني والثلاثون
رواية الم الرحيق الحلقة الثانية والثلاثون
في المستشفي.
الكل كان واقف قدام اوضة العمليات.
شوية وخرج يوسف من العمليات وقال_احنا محتاجين دم بسرعة.
آدم =طب ومستني ايه؟
يوسف_المشكلة ان فصيلة دمها O Negative ودي فصيلة دم نادرة جداً ومش متوفر منها حالياً.
آدم =هخلي الرجالة تقلب الدنيا على الفصيلة دي او حد مننا يتبرع.
يوسف_مش هنقدر نستنى اكتر من كده، لازم حد يتبرع بدمه بس هنحتاح كمية كبيرة، مين هيتبرعلها؟
=انا
كلهم بصو نحية الصوت كانت رحيق وشايلة سيف ومعاها عم مصطفي وعم ابراهيم.
آدم =انتي ايه اللي جابك؟
رحيق=عشان ايمان اختي زي مهيا اختك يابشمهندس، قالت اخر كلمة بتريقة.
آدم مسكها من دراعها=انتي عشان تثبتيلي حاجة انا متأكد منها اصلا تموتي نفسك؟ ايمان محتاجة كمية دم كبيرة ومينفعش نسحب الكمية دي كلها منك، احنا نشوف مين فصيلة دمه زي فصيلتها ويتبرع.
رحيق وهيا بتشيل ايد آدم من عليها=ده هياخد وقت والدقيقة هتفرق في حياة ايمان، وكملت بعند=انا ال هتبرعلها بدمي.
يوسف_اسف علي تدخلي بس مدام رحيق عندها حق الدقيقة هتفرق معانا وكل ما الوقت بيعدي حالة ايمان بتسوء، احنا ممكن ناخد كيس دم منها دلوقت وننقله لأيمان ورجالتك يا آدم تكون جابت الكمية الباقية.
رحيق= دكتور يوسف انت بتشرح ايه؟ مفيش وقت، من فضلك خلي الممرضة تيجي عشان تسحب الدم.
آدم اتعصب من رحيق وقال=وانا مش موافق علي الج*نان ال بيحصل ده، انا مش عشان انقذ حياة واحدة اضحي بالتانية.
كل ده بيحصل وحمزه كان لسه في صدمته.
يوسف_متقلقش يا آدم، صدقني مش هيحصلها حاجة.
رحيق مشيت مع الممرضة ومعاها ابوها وفضل عم ابراهيم ويوسف دخل العمليات.
~~~~~~~~~~~~~~~~~~~~~~~~
بعد نص ساعة تقريباً
اية_ابيه
آدم =متقلقيش ايمان هتكون كويسة.
اية_بإذن الله، انا كنت عايزة اقلك ان انا ال قلتلهم نهرب من الحرس مش رحيق، رحيق حذرتنا وكانت خايفة على زعلك بس احنا ال صممنا، رحيق كانت خايفة علينا
ولما دخلنا عشان نقيس اللبس مكنتش عايزة تسيبني انا او ايمان نوقف لوحدنا، بس احنا قلنا عشان الوقت وعشان ترج لسيف، رحيق ملهاش ذنب انا اسفة، انا السبب في ده، وعيطت.
آدم خدها في حضنه=مفيش حد منكم السبب متعيطيش.
الجد_انا متكلمتش وقت ما مشيت مرتك من القصر بس دلوقت اظن انك اتأكدت انها ملهاش ذنب في الموضوع، روح لمرتك وصالحها، مرتك بت اصول يا آدم.
آدم =انا عارف ياجدي ان رحيق ملهاش ذنب من الاول.
الجد_ووه امال طردتها ليه؟
آدم =انا مطردتهاش انا كنت خايف عليها وعلى سيف، انا بعتها عند بيت ابوها لان المكان ده امان وكمان بعت الحراسة تراقب المكان كويس، لاني مكنتش هعرف افكر او اتصرف عشان اجيب ايمان، وانا خايف عليها هيا وسيف،
وكمان مكنتش هتحمل مرات عمي تقلها كلمة كمان، لما انها مرات عمي انا كنت مخلاتهاش تنطق تاني، وقلت لحضرتك قبل كده ياجدي انا مقدرش ازعلها او اخليها تعيط بسببي.
الجد_طب هيا متعرفش اكده (كده) روح صالحها واطمن عليها.
آدم =وانا كنت هعمل كده.
~~~~~~~~~~~~~~~~~~~~~~~~
عند رحيق
مصطفي_مش قلتي كرامتي اهم حاجه جيتي ليه؟
رحيق=انا جيت عشان ايمان، وكملت وعيونها اتملت دموع=شفت يابابا مجاش حتى يطمن عليا، هوا انا عملت ايه يعني؟
=عملتي كتير.
مصطفي بص نحية الباب وقال_ادخل يابني.
آدم دخل ومصطفي قال_هروح اطمن على الجماعة هناك بعد اذنكم.
مصطفي مشي ورحيق قالت بعصبية=عملت ايه بقا؟
آدم ببتسامة=عملتيلي سح*ر وخطفتي قلبي
رحيق ابتسمت بس رجعت كشرت تاني=ياسلام!! تقوم تطردني.
آدم وهوا بيبوس راسها=وانا مقدرش اطردك ياحبيبي.
رحيق=آدم انت ملبو*س؟ لأ بجد انت عليك عفري*ت؟
آدم بضحك=اشمعنا؟
رحيق=انت الصبح زعقتلي وطردتني وكان ناقص تقتلني ودلوقت بتتكلم معايا بحنية.
آدم =أولا ال عملته الصبح ده كان خوف عليك وعلى سيف مكنش هينفع نخرج كلنا ونسيبك في القصر وانتي اكترة واحدة ممكن ياسر يأذيني فيها، انا بس كنت متعصب عشان الكل*ب ده اتجرأ وخط*ف ايمان.
رحيق=تمام وانت دلوقت جي ليه؟
آدم بستغراب=جي اطمن عليك.
رحيق=واطمنت؟ اتفضل بقا روح هناك هما محتجينك.
آدم =رحيق انتي لو كنتي مكان ايمان انا كنت زماني مي……
رحيق بسرعة=بعد الشر عليك.
آدم =خلاص متزعليش حقك عليا.
رحيق وعنيها اتملت دموع=آدم انا خفت منك، لانك في لحظة ممكن تطردني زي ال حصل النهاردة.
آدم ببتسامة=هقلها تاني انا مطردتكيش ولا عمري هعمل كده، رحيق انتي جزء من العيلة انتي جزء مني، انا اصلا كاتب القصر بأسمك.
رحيق=بس مش ده ال انا عيزاه.
آدم =امال عايزة ايه؟
رحيق=احسن بالامان.
آدم =وانتي مش حاسة بالامان معايا يارحيق؟
رحيق بصت النحية التانية.
آدم خدها في حضنها وقال=لسه مش حاسة بالامان؟
رحيق كانت هترد بس آدم قال=لو قلتي لأ اوعدك انك مش هتشوفيني تاني، لاني لو فشلت احسسك بالامان هفشل في حاجات تانية كتير.
آدم طلعها من حضنه وكان لسه هيمشي رحيق مسكت فيه وقالت=متسبنيش.
آدم =وانا عمري ما هسيبك.
رحيق دقيقة وهتعيط=امال ليه قلت انك هتسبني؟
آدم ابتسم بخبث=انا كنت هبعت حد من رجالتي يجبلك اكل عشان الدم ال اتاخد منك وارجعلك، انا مقدرش انام يوم من غير منامه في حضنك.
رحيق خبطت في دراعه وبعدين قالت=والله يا آدم…..
آدم =من غير ما تحلفي اية قالتلي.
رحيق=قلتلك ايه؟
آدم =قالت اد ايه اني لو لفيت الدنيا مش هلاقي واحدة زيك وقالتلي اد ايه كنتي خايفة عليهم وان قلبك ابيض ومستحيل تفضلي زعلانة مني.
رحيق=ياسلام، بقا اية قالت كل ده؟
آدم ببتسامة=لأ الصراحة ده قلبي ال بيقول.
رحيق اتكسفت و آدم قال بحنية=اسف لو خليتك نزلتي دمعة واحدة بسببي.
رحيق=انا ال اسفة عشان مش بسمع كلامك وكل مرة بتبقا انت صح.
آدم =طب عشان تثبتيلي ده تعرضي حياتك للخطر.
رحيق=انت سامع يوسف وهوا بيقول مفيش وقت والفصيلة دي نادرة وبعدين مخدوش دم كتير وقالو انهم لقو دم نفس الفصيلة.
آدم =يعني انتي كويسة؟
رحيق=الحمدلله كويسة.
آدم بخبث=مقلتليش رأيك ايه في ذوقي؟
رحيق =مش فاهمة.
آدم=في بدلة الرق*ص،عجبتك صح؟
رحيق شهقت ووشها جاب الوان=وانت عرفت منين؟
آدم=انا ال منقيها اصلا.
رحيق بتهرب=تعالى نطمن على ايمان.
آدم=ماشي نطمن،بس لينا بيت نتكلم فيه براحتنا،وغمزلها.
رحيق وشها احمر وكانت هتشيل سيف ال كان نايم جمبها علي السرير،كان آدم شدها ولزقها في الحيطة.
رحيق بأحراج=انت بتعمل ايه؟
آدم وهوا بيقرب منها اكتر=عاوز ادوق الفرولة دي.
رحيق=انت اتجننت احنا في المستشفي،ابعد بدل محد يدخل دلوقت.
آدم مكنش سامعها وقرب منها اوي وخلاص هيبوس*ها بس الباب اتفتح.
_ماما
كان طفل صغير تقريباً عنده 5 سنين.
آدم=ماما مين يلا؟
الطفل_انت كنت بتعمل ايه؟
آدم وهوا بيبعد عن رحيق=لأطنط كان في حاجة في عنيها وانا بشوفهلها.
الطفل لرحيق_طنط مش ال بيكدب بيروح النار؟
رحيق ابتسمت=ايوة ياحبيبي.
الطفل_طب عم ده كداب يبقا هيخش النار.
آدم=امشي يلا من هنا.
الطفل_لأمش همشي لو طنط قالت امشي همشي وكمل برقة_امشي ياطنط.
رحيق بضحك=لأ ياقلب طنط متمشيش.
الطفل طلع لسانه ل آدم وراح عند رحيق،ورحيق نزلت لمستواه.
الطفل_انا بحبك ياطنط،وباس رحيق من خدها.
آدم تقريباً كان بيولع ومسك الواد من هدومه ورفعه في السما.
آدم=دنت لليلة امك سو*دة.
رحيق=نزله يا آدم،ده طفل.
_ذياد
كانت ام الطفل،آدم نزل الطفل على الارض.
رحيق=ابن حضرتك دمه خفيف وجوزي كان بيلعب معاه مش صح يا آدم؟
آدم كان هيرد بس ذياد قال_ماما عمو ده كان بيبوس طنط دي.
رحيق اتكسفت وام ذياد قالت_ذياد عيب كده وكملت بأحراج_بعد اذنكم.
رحيق=اظن بقا نروح نطمن على ايمان.
آدم=مش همشي إلا لما ابوسك يعني هبوسك.
وقرب منها وشالها بس الباب خبط.
آدم وهوا بينزلها =انا بقول نروح نطمن على ايمان احسن.
ام ايمان فتحت الباب ودخلت.
ام ايمان_احم….انا مش عارفة اشكرك ازاي يابنتي؟
رحيق=العفو ياخالة،ايمان زي اختي شهد بالظبط.
ام ايمان عيطت_حقك عليا يابنتي لو غلطت فيك،الضنا غالي.
رحيق وهيا بتبص علي سيف=عارفة ياخالة،وبأذن الله ايمان هتقوم بالسلامة.
آدم=طب يلا عشان نروح نطمن عليها.
رحيق بهمس ل آدم=ماكان من الاول.
آدم ورحيق وام ايمان رحلهم.
آدم شاف حمزه باين على ملامحه التعب والحزن.
آدم=متقلقش يوسف اشطر جراح بأذن الله ايمان هتقوم بالسلامة.
حمزه وهوا باصص لسما_يارب،انا مليش غيرك.
عمر كان بيكلم ندى في الفون.
عمر_لأ لسه يوسف مخرجش من عندها ادعيلها.
ندى_ربنا يرجعهالنا بالسلامة.
عمر_طب سلام ياندى دلوقت عشان يوسف خرج من العمليات.
ندى_طب ابقي طمني.
عمر_حاضر وخدي بالك من نفسك ومن ياسين.
ندى_حاضر.
عمر قفل الفون وراح عندهم.
حمزه_ها يا يوسف ايمان عاملة ايه؟
يوسف كان مميل وشه في الارض.
ام ايمان_يابني متكلم ايمان حصلها حاجة؟
آدم =يوسف مطنتق، ايمان كويسة؟
يوسف بحزن_الرصاصة كان بينها وبين القلب 3سم،احنا عملنا كل ال نقدر عليه، وانا حاولت علي اد مقدر انقذهم هما الاتنين بس للاسف….
فوزي بحزن_انا لله وانا اليه راجعون.
… لسه الحكاية مخلصتش…..
” الرواية تطرق ابوابها الاخيرة ”
ام ايمان هتكره رحيق بعد ماحبتها وهتلومها على ال حصل لبنتها؟
ايمان دورها هيكون انتهى لحد كده؟ وممكن يظهر حاجة جديدة؟
حمزه هيعمل ايه؟ وهيقدر يتحمل الصدمة؟
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية الم الرحيق)
