رواية الم الرحيق الفصل الحادي والثلاثون 31 بقلم سمية عبدالسلام
رواية الم الرحيق البارت الحادي والثلاثون
رواية الم الرحيق الجزء الحادي والثلاثون
رواية الم الرحيق الحلقة الحادية والثلاثون
في الشركة.
الباب خبط والسكرتيرة دخلت.
السكرتيرة_تلفون حضرتك رن كتير وكان الحارس وقلتله ان حضرتك في اجتماع وكان بيقول عايز حضرتك في حاجة مهمة.
آدم خد الفون=طب روحي انتي.
آدم رن على الحارس =ايوة فيه ايه؟
الحارس بخوف من آدم _ياباشا إحنا مش لاقيين الهوانم.
آدم بعصبية=يعني ايه؟
الحارس بخوف_والله ياباشا كنا مراقبينهم كويس بس فجأة ملقنهمش.
آدم =طب اقفل انت وانا هتصرف وحسابكم معايا بعدين.
عمر_فيه ايه يا آدم؟
آدم =البنات غفلو الحرس وهربو منهم.
عمر_انت بتعمل ايه؟
آدم =هرن على رحيق، اشفها فين.
بس تلفون آدم رن كان برقم حمزه.
آدم =ايوة ياحمزه.
حمزه_ليك عندي اخبار مش حلوة.
آدم =اخبار ايه؟
حمزه_ياسر الدسوقي هرب من مستشفى الامراض العقلية النهاردة.
آدم بصدمة=ازاي ده حصل؟
حمزه_متقلقش هنعرف نجيبه.
آدم بعصبية=مقلقش ازاي البنات لوحدهم دلوقت مفيش حراسة معاهم.
حمزه_امال رجالتك فين؟
آدم وهوا خارج من الشركة=هربو من الحرس، انا رايح على هناك اكيد ياسر عايز ينتقم مني.
حمزه_وانا هحصلك على هناك.
آدم قفل السكة وعمر ركب العربية وقال_انا ال هسوق مش هينفع اخليك تسوق وانت في الحالة دى.
__________________~______________~
في المحل
رحيق=امال فين ايمان؟
اية_معرفش انا خرجت ملقتهاش.
رحيق=مش دي الشنطة بتاعتها؟!
اية _ايوة.
رحيق خدتها وقالت=دي عليها ورقة.
اية_مكتوب ايه؟
رحيق وهيا بتقرأ الورقة=مش الشيطان الاسود اللي يتخان ياحمزه الصواف.
اية_يعني ايه؟
رحيق بصدمة=يعني ايمان اتخطفت.
_________________~_______________~
في القصر
ام ايمان _ياحببتي يابنتي، منك لله انتي السبب، انا عارفة انك بتكرهيها، من يوم ما جيتي وانتي بتجيبي المصايب وراك، ده حتى نسرين ماتت من قبل حتى متشفنا ونشوفها، ودلوقت بنتي اتخطفت منك لله.
رحيق بدموع=انا….. انا…
آدم بهدوء مخيف=مين فيكم اللي قال تهربو من الحرس؟
اية كانت هترد بس رحيق قاطعتها وقالت=انا.
آدم عيونه اسودت والغضب بان علي ملامحه=تمام.
وبعدين بص لحسن وقال=عم حسن وصل رحيق لبيت اهلها.
رحيق كانت واقفة مصدومة.
عمر_اهدى يا آدم، مدام رحيق ملهاش ذنب في ده.
آدم =لو سمحت ياعمر متدخلش وياريت محدش يتدخل دي مراتي وانا حر.
رحيق خدت سيف من فاطمة.
فاطمة_معلش يابنتي هوا لما يهدى هيرجعك.
رحيق ابتسمت ومشيت مع عم حسن.
فوزي_يعني انتو عارفين مين عمل كده يابني؟
آدم =متقلقش ياعمي، ايمان هترجع.
حمزه بغضب_وربنا لاقتل*ك يا ياسر الكل*ب
عمر_اهدى ياحمزه عشان نعرف نفكر.
آدم =حمزه انت قلت في التلفون متقلقش هنعرف نجيبه انت كان عندك حل ولا ده عشان متعصبش انه هرب.
حمزه وهوا بيخبط على راسها_صح انا نسيت، وبعدين كمل_انا عارف هنوصله ازاي.
_____________~___________________~
في بيت مهجور وقديم.
ايمان كانت نايمة على السرير.
ايمان بنوم_ااااه انا فين؟
وقامت مرة واحدة تصرخ_ابني.
ياسر وهوا قاعد في وشها كان شكله مخيف ومرعب_لأ متخفيش كده ابنك محدش قربله لحد دلوقتي على الاقل.
ايمان بخوف_انت مين وعايز مني ايه؟
ياسر_انا مين، انا الشيطان الاسود وعايز ايه، عايز انتقم من جوزك وابن عمك اللي فاكرين انهم ممكن يهزموني،
ياسر قام وراح نحيتها.
ايمان بخوف_انت هتعمل ايه؟
ياسر بفحيح الافاعي_انا هاخد روحك انتي وابنك.
_انا اللي هاخد روحك بأيدي ياياسر.
ايمان_حمزه…….. الحقني.
كان حمزه ومعاه آدم وعمر ويوسف وظباط الشرطة ورجالة آدم.
ياسر مسك ايمان وحط المسدس على راسها.
آدم بغضب=اقسم بالله لو حصلها حاجة مهيكفيني موتك.
ياسر بصوت عالي_انتو عرفتو مكاني ازاي؟
عمر_الاسورة اللي في ايدك، اسورة المستشفى فيها جهاز تتبع عشان لو المرضى اتحركو من مكانهم بالليل او حاولو يهربو.
ياسر بص للاسورة وضحك_مش مهم، ودع مراتك وابنك واعتبرها هديتي ليك على الترقية الجديدة، عارف انها متأخرة بس نقول ايه مكتوب نتقابل تاني.
ايمان كانت خايفة اوي وياسر خلاص هيدوس على الذناد.
بس القناص ضرب نار على ايد ياسر ال فيها المسدس، ايمان جريت عند حمزه، وحمزه حضنها وقال بخوف _انتي كويسة؟ الحيوان ده عملك حاجة؟
ايمان كانت بتهزر راسه وتعيط_كان هيموت ابني يا حمزه.
حمزه_متخفيش محدش هيقدر يعملك حاجة.
آدم مسك ياسر ونزل فيه ضرب.
الظابط_خلاص يا آدم باشا احنا هناخده معانا.
آدم بغضب=ما كان معاكم وقدر يهرب.
الظابط _لأ المرة دي مش هرتاح غير وهوا بيتنفذ فيه حكم الاعدام.
الظابط امر العساكر ياخدوه وا آدم وعمر ويوسف راحو عند ايمان.
آدم =انتي كويسة؟
ايمان هزت راسها، بس شافت ياسر وهوا بيخبط العسكري ومسك المسدس ووجهه نحية حمزه، بس ايمان وقفت قدام حمزه وخدت الطلقة بداله(الموضوع مخدش ثواني)
حمزه بصوت عالي_ايمااااان.
ياسر كان هيضرب نار تاني بس القناص جابها المرة دي في دماغه ومات.
ايمان وهيا بتغمض عنيها_ابني ياحمزه.
وغمضت عنيها.
آدم =ايمان،، ايمان متغمضيش عنيك.
يوسف_لسه فيها النبض لازم نوديها المستشفى بسرعة.
آدم =يلا ياحمزه لازم نلحقها.
بس حمزه كان في عالم تاني مصدوم، آدم شالها وجري على العربية.
______________~__________________~
في بيت عم مصطفي
مصطفي بيتكلم في الفون_لا حول ولا قوة إلا بالله، احنا جايين ، سلام.
رحيق=بتكلم مين يابابا؟
مصطفي_ده عمك حسن بيقول انهم لقيو ايمان بس اضربت بالنار.
رحيق بصدمة=ايه؟
مصطفي_يلا غيري هدوم البيت دي عشان نروحلهم.
رحيق=ارحلهم ازاي يابابا؟ بقلك آدم طردني.
مصطفي_مين قال كده بس وبعدين حقه يابنتي جوزك كان متعصب ودي اخته واللي انتو عملتوه غلط مكنش ينفع تهربو من الحرس.
رحيق=يعني انا كنت اعرف يابابا انهم هيخطفوها.
مصطفي_خلاص ال حصل حصل يلا غيري عشان نروح.
رحيق=لأ روح وانت ابقا طمني.
مصطفي_مينفعش الاصول بتقول انك لازم تقوفي مع جوزك في وقت زي ده وانتي بنت اصول يارحيق.
رحيق معلش يابابا كرامتي فوق كل شيء.
مصطفي_ال يريحك يابنتي.
_________________~_______________~
في المستشفي
الكل كان واقف قدام اوضة العمليات
شوية وخرج يوسف من العمليات وقال_احنا محتاجين دم بسرعة.
آدم =طب ومستني ايه؟
يوسف_المشكلة ان فصيلة دمها O negative ودي فصيلة نادرة جداً ومش متوفر منها حالياً.
آدم =هخلي الرجالة تقلب الدنيا على الفصيلة دي او حد مننا يتبرع.
يوسف_مش هنقدر نستني كتير لازم حد تبرع بدمه بس هنحتاج كمية كبيرة، مين هيتبرعلها؟
=انا
كلهم بصو نحية الصوت وكان………
…. لسه الحكاية مخلصتش….
“الرواية تطرق ابوابها الاخيرة”
آدم هيسامح رحيق؟ ورحيق هترجعله ولا هترفض اعتذاره؟
مين ال هيتبرع لايمان بالدم؟
يوسف هيقدر ينقذ ايمان من الموت؟
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية الم الرحيق)
