رواية طلاق بسبب الخيانة الفصل الثالث 3 بقلم إسراء ابراهيم عبدالله
رواية طلاق بسبب الخيانة الجزء الثالث
رواية طلاق بسبب الخيانة البارت الثالث
رواية طلاق بسبب الخيانة الحلقة الثالثة
دا كله كانت نهى بتكتبله ودموعها مغرقة وشها
بس قفلت الموبايل بسرعة، وجريت تغسل وشها
ونشفته وكان خالد دخل المطبخ وقال: فين الأكل يا نهى
ونهى وهى مدياه ضهرها: دقيقتين وهكون حطيته عالسفرة
خالد بضيق: طب يلا بسرعة
وخرج من المطبخ وقالت بسخرية: بتضحك مع كل الستات وكلامك معهم ناعم ماعدا مراتك اللي تاعبها من خيانتك ليها حتى لو مع شخص مش موجود في الحقيقة بس دا يدل إنك تكلم غيري عادي
حطتله الأكل وكانت داخلة الأوضة فقال باستغراب: مش هتاكلي؟
نهى: لا مليش نفس
خالد: ماشي براحتك، وبص في طبقه وبدأ يأكل
بصتله بسخرية وقالت: يا بجاحتك يا أخويا ليك نفس تاكل، يا رب صبرني على اللي أنا فيه
ودخلت خدت هدوم وراحت تاخد شاور وطلعت تصلي القيام وراحت تنام
بعدها خلص خالد أكل، ودخل الأطباق جوا، وراح يشوفها بتعمل إيه لقاها اتغطت ونامت
فقال في سره: أحسن، أروح أكلم بقى حبيبتي رنا وأسهر معها
لكن وقف فجأة وقال: هو أنا حبيتها ولا إيه؟
بس ابتسم وقال: ياه أخيرا عرفت الحب جننتيني يا رنا بس أنا نسيت أسألها هى سنجل ولا متجوزة ولا نظامها إيه، هروح أعمل شاي وأكلمها
أما نهى أول ما لقيته طلع من الأوضة قالت: اممم ماشي يا خالد إما وقعتك في شر أعمالك مايبقاش اسمي نهى، لما كل الحلو اللي حاسه دلوقتي مع رنا اللي مش موجودة دي هتعمل إيه؟ لما تعرف إنك كنت بتحب في وهم مش شخصية حقيقة شعورك هيبقى إيه؟ دا مستنياه بفروغ الصبر بس وقتها هتكون طلقتني وأسيبك مع توهانك لنفسك خسارة تعيش في ونس وأسرة
فتحت موبايلها وفضلت مستنياه لما يبعتلها، جه خالد وبعتلها: ازيك يا رورو خلصتي؟
ردت عليه وقالت: اها ومستنياك من زمان
خالد: اممم بقولك أنتِ متجوزة؟
هى: اها بس جوزي مش بيحبني وبيبعدني عنه ولا بيهتم بيا مايعرفش عني حاجة بحب إيه ومابحبش إيه
خالد: طب إيه اللي يخليكي قاعدة معه ومستحملة معاملته دي، أنتِ طيبة أوي وأي حد يحبك
هى: يعني أنت حبيتني؟
بقلم إسراء إبراهيم عبدالله
خالد بدون تفكير: اها، مش عرف سحرتيني ولا إيه؟
كانت نهى بتقرأ كل اللي بيكتبه ليها بحزن وسخرية، وقالت في نفسها: اها لو تعرف إنك بتكلم مراتك لو كان نفسي أسمعها منك وأنت بتقولها ليا وش لوش لنهى مراتك مش رنا المزيفة
كتبتله: بجد؟ طب وبعدين؟
خالد: عايز أتجوزك
هى بعتتله ايموچي بيدل على صدمتها وقالت: هتتجوزني إزاي وأنا متجوزة، وأنت كمان متجوز
بقلم إسراء إبراهيم عبدالله
خالد: أنتِ هتتطلقي طالما بنحب بعض، وأنا هطلق مراتي ونتجوز أنا وانتِ بعد أيام عدتك أما تعدي أكون في الوقت دا جددت الشقة
هى: بس هتروح تتطلق مراتك كدا بدون سبب ولا هترمي عليها الطلاق وتقولها عشان حبيت واحدة ورايح أتجوزها
خالد: لأ مش عارف بس هعمل سبب قوي عشان تتطلق، احنا أصلا عايشين مع بعض زي أي اتنين اتجوزوا عشان أهلنا شافونا مناسبين لبعض واللي هو مش شرط الحب، لا هى بتحبني ولا أنا بحبها يبقى كل واحد يروح لحاله
هى بحزن في داخلها خسيس يا خالد، فردت عليه وقالت: يعني مش بتضحك عليا؟ وبتحبني بجد
خالد بسرعة بعت لها فويس وهو بيحلفلها إنه بيحبها
فقالت بوجع: خلال خلال تلات أيام هطلق من جوزي وأنت تتطلق مراتك ونجتمع أنا وأنت
خالد: موافق يا حبيبتي
فقالتله: طب سلام عشان رايحة أنام
خالد: ماشي تصبحي على حاجة جميلة شبهك
بعتتله ايموچي قلب، وقفلت وهى دموعها على خدها، حطت الموبايل تحت المخدة بسرعة، وسمعت خالد رايح أوضة الأطفال ينام فيها فاتنهدت وقالت: يا خسارة وقتي اللي ضيعته معاك في الفاضي، ونامت عشان تهرب من الواقع المؤلم
فات تلات أيام وخالد بيفكر في مشكلة يعملها عشان يطلق نهى بدون ما يكون عليه الغلط
كانت نهى في المطبخ كعادتها بتجهز الغدا، جه من الشغل وهينفذ اللي خططله
فحط مفاتيحه ودخل المطبخ وهو متعصب وقال: إيه ريحة الطبيخ اللي في الشقة دي هتخنقني، أنا جاي من الشغل تعبان عايز مكان نضيف وهادي
أجي ألاقي البيت بالمنظر دا، إيه الإهمال دا؟ مش صالحة تكوني زوجة عارفة إيه اللي بيحبه جوزها وإيه اللي بيضايقه ومش تعمله، وكمان منظرك دا مفيش اهتمام بشكلك خالص
بصتله نهى بصدمة لكن بعدها فهمت إنه عايز يعمل مشكلة عشان يلاقي سبب يطلقها فمشيت معه عالخط وعملت نفسها مش عارفة حاجة
ياترى لما يعرف إنها مراته هيعمل إيه؟
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية طلاق بسبب الخيانة)
