رواية أحببت حبك لي الفصل الثامن 8 بقلم ريهام رفاعي
رواية أحببت حبك لي البارت الثامن
رواية أحببت حبك لي الجزء الثامن
رواية أحببت حبك لي الحلقة الثامنة
قعدوا يتفرجوا علي الفيلم
خالد : انتي خلصتي الفشار
ريم : أنا لا خالص هو اصلا مكنش كتير
خالد : ياراااجل
ريم : ايون انت الي مخلصه وبتلبسها فيا
خالد: يابت يابت بلاش كدب
ريم : بصراحه انا جعت اوي
خالد : ما انا عارف والله وطلبت أكل
ريم : اوعا يادكتره
خالد : دكتره!! لغيت الأكل خلاص
ريم : لا لا خلاص انا اسف
خالد: طب بما انك مفرفشه ممكن اقولك حاجه
ريم : لا
خالد : طب ما تستني طب اقول
ريم : عشان انا عارفه انت عايز تقول ايه بس لو فتحت الموضوع ده انا هقوم بجد
خالد : لا لا خلاص انا اسف
الأكل جيه و كلوا وكملوا الفيلم وكل حاجه عدت بسلام من غير خناق
ريم : يالا كده كفايه أوي اخش انام بقي
خالد : اشطا يالا بينا
كان ماشي ناحية الاوضه الي هي بتنام فيها
ريم : نعم رايح فين يا دكتور
خالد : ايه ده هي مش هي ديه
ريم : لا مش هي ديه
خالد : لامؤاخذه نسيت يالا تصبحي علي خير
راح علي اوضته وريم بدأت تبتسم برضه
ريم : ريم بس بس يخربيتك ياشيخه
خالد : بتقولي حاجه
ريم : لا ولا حاجه
خالد : تمام تصبحي علي خير
ريم : وأنت مش من أهله يادكتره
خالد : ولاااااا كأني سمعت حاجه
ناموا واليوم الي بعده جيه
قامت وعماله تدور عليه ف الشقه مش لقياه وبترن عليه لقت تليفونه ف الاوضه
بعد شويه لقت خالد بيفتح الباب
ريم : روحت فين من الصبح كده وسايب تليفونك ليه
خالد : البيت كان ناقصه حاجات بسيطه كده فنزلت جبتها وقولت نفطر قبل ما نروح الجامعه وبتاع ، سيبك من كل الكلام ده انتي قلقتي عليا ولا ايه
ريم : أقلق ليه ماتولع ، أنا هخش البس
خالد : اولع يخربيت لسانك الزفت اتنيلي روحي البسي
ريم : ملكش دعوه وبعدين وريني كده جبت ايه
خالد: لا ملكيش دعوه أنا الي جايبها
ريم : أحسن علي فكره مش عايزه اعرف أصلا
خالد: يابت يابت ده الفضول هيقتلك اهه
ريم : ليه يا عم مش للدرجه دي
خالد : دلوقتي بقي يا عم اومال فين دكتور دكتور الي كنتي قرفاني بيها
ريم : طب يا دكتور خالد ممكن اروح البس عشان منتاخرش
خالد : يالا روحي اخلصي
خلصت لبس وخرجت لاقته محضر الفطار
ريم : أنا عماله اقول فيه ريحة أكل بيتعمل
خالد : طب اخلصي يالا تعالي كلي عشان نمشي
ريم : لا لا متشكره مش جعانه
خالد : يالا يا ست اخلصي عشان نمشي
ريم : تمام ممكن انقنق بس عشان انت عملته وتعبت فيه
خالد : ياشيخه من أمتي الحنيه الزايده ديه ،المهم ايه رأيك بقي ف اكلي
ريم : أمممم مش بطال
خالد: قومي يابت من هنا عنك ما كلتي حاجه انا تاعب نفسي وعاملك بيض بالبسطرمه و بتاع
ريم : يا جدع بهزر فيه ايه ، بس هو حلو والله تسلم ايدك علي الأقل طلعت كويس ف حاجه
خالد : مبتكمليش جمله حلوه ، يالا يالا اخلصي عشان ننزل
ريم : خلاص متزوقش طاااه
خالد : طاااه يالا يا أبا الحج بقي
ريم : الله انت تقعدني أكل وف الآخر تسربعني
خالد : طب استناكي أنا تحت
ريم : لا لا انا قايمه اهه خالص
خلصت أكل وراحوا الجامعه وهو راح لمكتبه وهي راحت لمحاضرتها
ريم لأصحابها : صباح الخير اشباب ايه الأخبار
نور : ايه الإشراق ده ووشك بيضحك يعني
ريم : عادي ياسطا فيه ايه
صاحبتها : ده الجواز شكله جيه بفايده يعني اومال كنتي بتقولي انك مش بتحبي دكتور خالد ومش عايزه تتجوزيه وبتاع بس بصراحه دكتور خالد ميترفضش أصلا بني آدم عسل كده وخفيف
ريم اتضايقت اوي وبصتلها بقرف
ريم : علي فكره دكتور خالد ده يبقي جوزي تمام حاسبي علي كلامك بقي
صاحبتها : انتي مش قولتي انك مش بتحبيه
ريم : انتي مالك احبه ولا محبوش ملكيش فيه
صاحبتها: خلاص خلاص انا مقولتش حاجه
كل ده و زياد سامعهم واتضايق اوي لما سمعها بتتكلم عليه ولاحظ أنها بدأت تحبه
زياد : ريم ممكن نتكلم
ريم : اسفه جدا مينفعش
زياد : ياري
ملحقش يكمل ولقي الدكتور دخل فراح قعد مكانه
وبعد ما خلصت المحاضره راح وراها
زياد : ريم ريم ممكن ثانيه
جري وراها ومسكها من دراعها
ريم : ايه ده ايه انت عبيط ولا ايه انت ازاي تمسكني كده زياد : أنا آسف بس انتي مش عايزه تسمعيني
ريم : ومش هسمعك أبعد عني بقي
زياد : يا ريم ثواني بس مش هطول
ريم : اتفضل
خالد خرج عشان ياخدها ويروح لقاها واقفه مع زياد أتضايق جدا وعمال يضغط علي ايده
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية أحببت حبك لي)
