رواية سلف ودين الفصل الرابع والستون 64 بقلم لولو محمد
رواية سلف ودين الجزء الرابع والستون
رواية سلف ودين البارت الرابع والستون
رواية سلف ودين الحلقة الرابعة والستون
حسام / مش قريبين و لا حاجه زميلتى فى الشغل او تقدر تقول المنافسه بتاعتى و في بينا مشاكل كبيره جدا هى السبب فى كل حاجه اصلا
زياد / بس زى ما ندى
حسام / مدام ندى
زياد / باردون مدام ندى قالت الست دى واصله و واصله اوى كمان … بس انت معاك حق انا اتعلمت الدرس و لحد هنا دورى خلص كان اهم حاجه عندى انك تعرفى الحقيقه
حسام / بجد !! فارق معاك اوى انها تعرف الحقيقه .. انت بتحاول تستفزنى و لا انت فاكرنى مركب ارايل و لا ايه حكايتك بالظبط
زياد / بص من الاخر كدا انت راجل مش سالك و ان كانت هدايه البعبع دى زى ما بتقول عنها فانت مش ملاك و التفاصيل اللى انا قولتها كلها انت عارفها ما اتفاجئتش باى حاجه
حسام / لانك قولتلى كل حاجه فى التليفون يا اذكى اخواتك
زياد / لا لانك شريك فى اللى حصلى
حسام / انا استحملت جنانك كتير و اكتر من كدا هغلط فيك
زياد / لحد اللحظه اللى قعدنا فيها فيس تو فايس كنت مستبعد انك تكون شريك بس انا اتاكدت خلاص
حسام / روح بلغ عنى
زياد / ما انا بلغت خلاص
زياد يبص لندى بصاله يرجع يبص لحسام
زياد / هدايه او غيرها بقت مشكلتك دلوقت سلام يا باشا
زياد يمشي و يرزع الباب وراه
حسام / دا مجنون ده و لا ايه … انا الغلطان انى دخلته بيتي اصلا و سمعتله
ندى / زياد بيفهم فى البدى لانجوتش
حسام يرفع حاجبه و يبصلها
ندى / او هو بيقول عن نفسه كدا
حسام / تحبى تمشي وراه
ندى / لا … بس عدنان عاكسنى و بما انك مش بتركب ارايل حبيت اقولك و المرادى مش تهيات و لا بيعاملنى كبنته زى ما كنت بتدافع عنه بيقولى انى حرماه من شعرى عدنان بيعاكسنى عاوز تصدقنى براحتك مش عاوز … برده براحتك
ندى تدخل الاوضه و حسام واقف بيفكر ندى تطلع من الاوضه تانى
ندى / لو ليك يد فى اللى حصل لزياد او ما لكش تفتكر هدايه فعلا تقدر تعمل كل ده لوحدها و لا فى حد تانى اكبر منها ساعدها
حسام / حد زي مين
ندى / عدنان هيكون مين يعني
حسام / و ايه دخل عدنان هو انتى عشان تثبتى ان الراجل عاكسك بتدخلى الدنيا فى بعض
ندى / انا ما بحاولش اثبتلك حاجه انا بحاول بس … و لا حاجه عن اذنك
ندى تدخل الاوضه حسام يقعد على الكنبه
حسام / ماشي يا ولاد الكلب ماشي
……………….
فى شقه نور
ليلى / معلش ما هى الامومه مش بالساهل برده يا نونو يا حبيبتي
نور / والله كلو يهون يا ماما ليلى مستعده استحمل قد كدا مليون مره بس ربنا يتملى على خير المشكله انى كل يوم بخاف اكتر من الاول بقول اكيد الميه اللى عماله تنزل دى كان عيالي اولى بيها طب لو نشفت و حتى لو ما نشفتش ما اكيد نقصها ده هياثر عليهم
ليلى/ تفى من بقك اعوذ بالله ان شاء الله خير و كل حاجه هتبقي زى الفل
نور / انا بعمل كل اللى الدكتوره قالت عليه انا حتى بقضي يومى كله فى السرير و ربنا يخليلى يس بقي و على بيبدلوا على خدمتى
ليلى / و هو يس ده يعرف يعمل حاجه
نور / يس ده راجل البيت فى غياب ابوه بياخد باله من اخته و لو احتجت اى حاجه يناولهالى و مش بيخليني اتحرك من مكانى خالص و اهو فتره على قده لحد ما على يجي
ليلى / ربنا يهديهولك
نور / و يبارك فيهم يارب
ليلى / امين … انا همشي بقي عشان اشوف المحل انا قولت اعدى عليكي بدرى بدرى قبل ما اتلبخ و اهو لو كان ناقصك اى حاجه اعملهالك فى السريع
نور / ربنا يخليكي ليا و ما اتحرمش منك ابدا بس زى ما حضرتك شوفتى على مش مخلى اى حاجه ناقصه و مش بينزل الا اما يطمن اننا مش هنحتاج حاجه لحد ما يرجع
ليلى / من يومه راجل و قد المسؤليه
نور / ربنا يباركله و يرزقه تسلم الايد اللى ربت
ليلى تبتسم و تقوم
ليلى / لو عوزتى اى حاجه كلميني
نور / ما اتحرمش خليكي شويه
ليلى / مره تانيه و كمان المحل لوحده تعب أية مخلى منال تعبانه معظم الوقت
نور / الدوخه و الترجيع قالتلى
ليلى / و المزاكره و غيرها و غيرها انا عارفه كانت مستعجله على الجواز كدا ليه
نور / مش هى دا عمر اللى كان مستعجل دا اتجوزها فى ثانوى
ليلى / عرفت شغل عيال كله يلا ربنا يهدى يلا سلام
نور / مع السلامه
ليلى تمشي و نور توصلها
ليلى / خشي ارتاحى و ما تجهديش نفسك لا زهقت من السرير و لا الكلام الفاضي ده ادلعى شويه بكره مش هتشوفيه تاني
نور / هههههههههههههههه هاخد حقى كله ما تخافيش
ليلى / سلام
نور / مع السلامه
ليلى تمشي و نور تقفل الباب وراها وتدخل تمدد على السرير و تمسك كتاب تقراءه
………………….
فى مكتب عدنان
حسام يخبط و يدخل
حسام / حضرتك طلبتنى
عدنان / تعا لهون شو بك انت فهمنى
حسام يدخل و يقفل الباب
حسام / خير فى حاجه و لا ايه قلقتنى
عدنان / انت ناوى تجننى و لا شو من البارحه و انا ناطرك تخبرنى شو ساويت مع هاديك اللى اسمه زياد
حسام / بيقول ان هدايه خرجته و طلبت منه ينتقم منى فقال بدل ما يتعب نفسه فى مشاكل ما لوش دعوه بيها يسبنا نضري فى بعض احنا
عدنان / و ندى
حسام / و مالها ندى
عدنان / اقصد يعني صدقت هيك حكى فاضي
حسام / ما قعدتش معانا اصلا دخلت اطمنت على ابوها و دخلت تنام
عدنان / و انت على شو ناوى
حسام / و لا حاجه
عدنان / شو يعني ولا شي
حسام/ يعني و لا حاجه هو عرف ان اللى دخلته الحبس و خرجته منه تبقي هدايه عشان توقع بيني و بين ندى و اقتنع و مشي حب ياخد حقه بقي ربنا معاه
عدنان / بس هدايه مانا هون كيف بده يوصلها
حسام / مش هيغلب الواد ده قديم فى لبنان و شبكه علاقاته واسعه هيوصل و ان ما وصلش دى بينهم و بين بعض
عدنان / بس هالزلمه ما راح يتركها لمرتك لحالا دير بالك عليها
حسام / لا ما تقلقش انا تمام
عدنان / شو يعني مانى فاهم عليك
حسام / يعني ما تقلقش
عدنان / شو بك اليوم يا زلمه ضيقتلى خلقى
حسام / لا اله الا الله هو حضرتك عاوز تسال عن حاجه معينه انا اللى مش فاهمك
عدنان / و لا شي و لا شي فيك تكمل شغلك
حسام / عن اذنك
حسام يمشي عدنان يمسك التليفون
عدنان / كيفك
هدايه / على ما افتكرت
عدنان / بالله شو تليفونى قطع شحن من كتر ما حاكيتيني انتى
هدايه / كنت مستنيه اشوف هوحشك امتى بس شكلى اتركنت على الرف هو بصراحه حقك البت صغيره و حلوه
عدنان / غيريها لهالسيره فى اخبار مو منيحه لازم خبرك اياها قبل اى شي
هدايه / طبعا … و انت هتفتكر هدايه الا لو فى مصيبه خير اؤمر
عدنان / زياد طلع برئ و بيدور عليكي
هدايه / و دا خرج ازاى و التسجيلات … انت بتهزر صح
عدنان / و انا شو بيعرفنى انه راح
هدايه / و زياد عرف عنى ازاى اصلا
عدنان / هالواطى بدل ما يضرب فى حسام راح اتحالف معو و طبعا حسام خبره عنك لينجد حاله
هدايه / و انت طبعا هتقف تتفرج مش كدا
عدنان / شو فيني اعمل اكتر من هيك
هدايه / ما ترجعه السجن زى ما خرجته
عدنان / ما فيني لحالى
هدايه / تمام اقدر اساعدك ازاى
عدنان / هيك قصه محتاجه ترتيب بس هلا لازم تديرى بالك على حالك منيح
هدايه / لا ما تقلقش عليا دا عيل اهبل اصلا
عدنان / حسام خبرنى كتير اشيا
هدايه / بيشتغلك انا سالت عنه بنفسي واد غلبان هو بس جدع و الناس بتحبه و بتحب تخدمه اكتر من كدا عبيط
الباب يخبط و انجى تدخل
عدنان / ما فيني وصيك على هيك قصه … ايي ايي … الله معك سلام
عدنان يقفل و يبتسم
عدنان / شو بك يا بابا
انجى / تلفنت لندى ما بترد عليي
عدنان / حسام
انجى / قابلته بره بس ما رضي يحاكيني شكله مضايق من شي كبير
عدنان / لساته كان هون و كان كتير منيح و رايق
انجى / ما بعرف … بس اللى صار البارحه كتير ضايقني
عدنان / معك حق ما فينا نتعامل مع هيك ولدنه شو ساويت انا مسكت يدها للبنت بتخيل رده فعلا لو كنت حاولت بوسا مثلا
انجى / شو عم بتقول انت يا بابا
عدنان / ندى تقريبا بمتل عمرك شو فيني ساوى معها مثلا كتير كبرت القصه و جرصتنا بينات العالم اتاكدى انك ما راح تدعيها لمتل هيك مناسبات عامه
انجى / تمام
انجى تقوم و تطلع بره تروح مكتب حسام تلاقيه بيشتغل يقفل الملف و يبصلها و يبتسم انجى تقعد و تبتسم بحرج و ما تتكلمش
حسام / سامعك
انجى / لو بعرف شو المفروض اقول ما كنت سكت
حسام / محرجه من الموقف اللى حصل بين ندى و مستر عدنان صح
انجى / بيي بيقسملى انه كان سوء تفاهم و ان ندى ظالمته
حسام / تمام
انجى / قديشك هادى
حسام / المفروض اعمل ايه
انجى / كتير اشيا فيك تعيط تتشارع
حسام / طب ما فى حل اسهل و هو فصل القوات
انجى / بدك ترجع على مصر
حسام / للاسف ده مش حل وارد دلوقت لانى مرتبط بعقد بس اكيد مش هسمح لندى و والدك يتواجدوا فى مكان واحد
انجى / عن جد ما بعرف شو فيني قول
حسام/ مفيش حتى لو سوء تفاهم احنا مصريين ما ينفعش نقبل ان حد يحط ايده على حريمنا يعني
انجى/ ايي بعرف عن جد كتير اسفه
حسام يبتسم
حسام/ انا اللى اسف اكيد كرم اضايق جدا بسبب امبارح
انجى / يصطفل انا بالاساس ما لى خلق اتعامل معه بعد اليوم
حسام / ليه بس كدا
انجى / عن جد شو غليظ ما فيني اتحمله ابدا
حسام / انا اسف جدا لو كان دا بسببنا
انجى / لا طبعا ما الك دخل بهالقصه
حسام / امال خير
انجى / كرم مانه فتى احلامى متل ما بتقولوا
حسام / امال مين
انجى / انا بدى هيك حدا … ما بعرف … يحبنى و يهتم فيني
حسام / انتى اى حد يحبك يا انجى المهم انتى تحبى مين
انجى / مانا سهله كيف ما بتفكر الحب مو مجرد كلمه الحب افعال غيره اهتمام هيك اشيا
حسام / فهمت
انجى / اممم كان بدى اعرف ان كان فصل القوات اللى بدك تسويه يشملنى انا كمان
حسام / ههههههههههه بالعكس انتى على راسي
انجى / احم .. لو ما كان فى عقد يلزمك تبقي بلبنان
حسام / ما كنتش استمريت هنا
انجى تبص الناحيه التانيه
حسام / تحبى تتغدى معانا النهرده انا و ندى ؟ اثبتلك اننا مش زعلانين منك و كدا
انجى / ما بعرف بس اكيد ما فيني قول لا يعني
حسام / تمام
حسام يبص فى ساعته
حسام / انا تقريبا خلصت شغلى ايه رايك استغل انك بنت المدير و ازوغ الساعتين اللى باقيين
انجى / ههههههههههه شخصيا ما عندى مانع ابدا
حسام / هههههههه اتفضلي
حسام يقفل شغله و يقوم و انجى مبتسمه قدامه
…………………
فى شقه نور
نور / تفتكر المفروض انزل اشترى لبس واسع و حوامل من امتى
على / تنزلى فين اعقلى كدا يا ماما اشتريهم اونلاين
نور / ما اختلفناش اونلاين امتى بقي
على / لما بطنك تكبر يا نور هتعرفى مقاسك ازاى اصلا
نور / بص هو بصراحه كدا فى دريس هموت عليه
على يبصلها
نور / عليه سايل جامد اوى
على / هى دى المشكله يعني
نور / يعني اشتريه دلوقت فى السايل و لا استنى اما بطنى تكبر و اجيبه غالى
على / استنى يمكن تلاقى موديل احلى
نور / ماشي
على/ و انتى بتفرى كدا ما لقيتيش حاجه للنونات
نور بحماس
نور / لقيت حاجات كتير اوى
على / طب ما تفرجيني حدا
نور تجيب الموبايل و تورى على الصور
على / ما شاء الله دا انتى اخترتى كل حاجه
نور / هو بس فاضل اعرف ولد و لا بنت عشان انقى الاسامى و الالوان بس انا بفكر اضمن نفسي باللوان محايده
على / دى فكره حلوه جدا
نور / و لقيت واحده بتطرز اسم البيبي على سالوبيت السبوع بتاعه و واحده تانيه بتنظم السبوع من الالف للياء حتى المنخل استنى اوريك الصور
على / نونو حبيبي معقول
نور / و العقيقه بقي طبعا انا متاكده انك هتقوم بيها بس لقيت افكار كتير جدا بدل السبوع انك تعمل علب ملزوق عليها شريط مكتوب عليه اسم البيبي و كدا و تتلزق كفيونكه على علبه الاكل اللى هتتوزع على الناس فكره مطرقعه بدل علب السبوع و لا ايه رايك
على / هى مطرقعه فعلا بس عجبتنى احسن من السبوع و الشمع و اللف حوالين الترابيزه و الكلام العبيط ده
نور / يعني مش هعمل سبوع
على / قومى بس بالسلامه و اعملك اللى انتى عوزاه
نور / بص هو انا كنت بفكر لو بنتين يبقوا يارا و تارا ايه رايك
على / لا طبعا انا بنتى اسمها تارا لا انسي عشان يقولوا تاره عربيه و كدا
نور / لو ولدين يبقوا شهاب و مهاب
على / حلو ده هم ولاد ان شاء الله
نور / طب وريني انت شطرتك و سمى
على / مالها فاطمه و صفيه و خديجه و مليكه مثلا
نور / حلو خديجه و مليكه عجبنى حلو
على / الحمد لله بس على فكره مش هيبقوا فى نفس السيكشن عشان بتترتب ابجدى
نور / معاك حق تصدق
على / طب شوفتى بقي
نور/ لا دى محتاجه تفكير على رواقه
على / انا بقول العيل بيجي باسمه و ما تشغليش بالك بالكلام ده دلوقت
نور / والله ما قادره يا على دا انا نايمه قايمه بحلم بيوم الولاده لما اشيلهم فى حضنى اول مره يمشوا اول مره يسننوا اول مره يقولوا ماما ريحتهم و حضنهم
على / اول مره يسهروكى اول مره البامبرز يسرب اول مره تقلعى البامبرز و يعملوا بيبي ورا الكنبه
نور / اشمعن ورا الكنبه
على / اصل انا كنت عيل حقير اوى
نور / ههههههههههههههه
على / اوعى يكون اعترافى ده اثر على نظرتك فيا
نور / كلنا لينا ماضينا القذر
على / طب مش هتعترفى باى حاجه
نور/ يحنن
على / طب ما دام بقت كدا بقي هقوم اعملى حاجه حلوه
نور / ما تعملى معاك
على / لا انتى نوتى
نور / عشان خاطرى بقي خليك انت الكبير
على / عشان خاطرك انتى بس
نور تحدفله بوسه يطلع بره يلاقي يس و نغم بيعملوا الواجب
على / اللى عاوز حاجه حلوه يخلص الواجب
نغم / اخر صفحه
على / ايوه بقي ايه يا ياسو
يس / انا وجبى كتير جدا
على / قدها يا بطل على ما اخلص تكون خلصت ماشي
يس / ماشي
على يدخل المطبخ و العيال يكملوا الواجب
………………….
فى شقه ندى
انجى / ياربى شو فيني ساوى فيها هيك مره عاطله
ندى / اهدى بس يا بنتى اصلا انا مش مقتنعه ان هدايه اللى عملت ده
حسام / امال مين يعني
ندى / ما اعرفش بس الموضوع كبير
انجى / لا تستهونى فيها هايدى الحيه الها خاطر عند كل معارف بابا فيها تعمل اكتر من هيك على حسه
ندى / من غير ما باباكى يعرف يعنى
انجى / اكيد مانوا سمعان بهيك قصه
حسام / هو احنا ممكن نغير السيره لو سمحتوا
انجى / هيدا اللى اسمه زياد كان شو بدو منك ليساعدك يا ندى
حسام / شوفى انتى بقي
ندى تبص لحسام
ندى / انا ما طلبتش منه حاجه و هو ما طلبش منى حاجه
انجى / بس هيك ما بيعنى انه ماله دخل باللى صار مين غيره بيعرف وينك
ندى / ما حدش
انجى / تفتكروا اله علاقه بهدايه
ندى / و ما دام ليهم علاقه ببعض هتسجنه ليه
انجى / ما بعرف هيدى مجرد افكار براسي
ندى / طب مين الست اللى قابلته
حسام / ما يمكن مفيش ست و لا حاجه و بيكدب هو يعني نبى عشان نصدق كل اللى بيقوله
انجى / و ليش فيه يكذب
حسام / طب هو بينه و بيني ايه عشان يجي يقولى المعلومات دى مش اولى كان يستفيد من الست دى و ينتقم منى او على الاقل يكمل اللى بدئه مع ندى .. يساعدها اقصد
انجى / معك حق
حسام/ انا اعمل ايه انا اروح اعمل قلق و اقول كلمتين كدب قدام مراته فتهرب تانى
ندى / بس انا مش هعمل كدا
انجى / اصلا ما فيكي توثقى بحدا بتعرفوا شي انا عندى فكره راح تخليها تبرم حوالين حالا
حسام / فكره ايه دى
……………………..
فى كافيه مرسال
زياد قاعد مع صاحبه
صاحبه / و انت شو استفدت لما كشفتله كل اوراقك
زياد / عرفت انه حيوان و مافيا فعلا و ان هو السبب فى كل ده بس اللى مجننى
الشاب / اللى مجننى انك هلا بخطر لو كان حسام مافيا متل ما بتقول اكيد ما راح يمرؤلك اياها عالساهل
زياد / بالعكس لو لمسنى كل الشبهات هتبقي عليه
الشاب / اللى ما بيصير اليوم فيه يصير بكره مساله وقت مو اكتر
زياد / ما هى كلها مساله وقت مش اكتر هو حد مخلد فيها يا ابنى
الشاب / طب شو ناوى هلا
زياد / اوصل لهدايه دى
الشاب / شو بدك فيها هلا
زياد / هتكلم معاها مش اكتر بص انا كل اللى عندى طرف الخيط و كل ما بكره بتطلع حاجات جديده كل اللى هعمله انى همشي ورا الخيط ده
الشاب / و شو بيفيدك كل هايدا التعب يا رفيقي انسي القصه و اللتفت لحالك هيك احسنلك
زياد / حستها بتطلب مساعدتى
الشاب / هيك القصه غير … هى مره متزوجه شو خصك فيها يا زلمه
زياد / يا عم اقسم بالله ما كدا خالص هى بس صعبانه عليا
الشاب / يا زياد يا حبيبي بعرف انك رجال و قبضاى و كل شي بس ما فيك تغير العالم
زياد / بس دا ما يمنعش انى احاول و لا ايه
الشاب / شو ما حكيت ما فيك تسمع
مروه تدخل الكافيه
زياد / اوعى لا بص اخلع انت عشان مروه جت
الشاب / مروه شو
زياد/ بقولك اخلع اخلع
الشاب يقوم و يمشي و هو بيبص على مروه تدخل و تقعد قدام زياد
مروه / ليش سويت هيك ليش خبرته لحسام عنى
زياد / خشي فى الموضوع
مروه / لهيك بالضبط ما كان فيني خبرك عن هويه اللى باعتنى لانى ما فينى اوثق فيك
زياد / على فكره انتى لسه مستمره فى التمثيل يا بنت الحلال انا بعرف لما اللى قدامى بيكدب يبقي اللى يكلمنى يا يكون كداب محترم يا يقول الحقيقه
مروه / تمام … قديش بدك مصارى لتخبر حسام باللى بدى اياه
زياد يبتسم
زياد / يعتمد على اسم اللى باعتك هو اللى فى دماغى و لا لا
مروه / انا شخصيا ما بعرف اسم اللى باعتنى بتوصلنى التعليمات مع الحواله و انا بنفذ
زياد / تمام انا الحقيقه اول مره اتحط فى موقف زى ده فتقترحى عليا اطلب كام
مروه / شو رايك بميه الف
زياد / اكيد ما تقصديش ليره لبنانى
مروه / دولار
زياد / عوزانى اقوله ليه
مروه/ يعني اتفقنا
زياد / لا ما هو ما دام فيها دولار يبقي الموضوع كبير اسمع الاول عشان اتمن
مروه / حقك هلا اسمعنى منيح
زياد / و انا فيا غير ودان اتفضلي
………………….
فى فيلا عدنان
انجى / بدك اكبر من هيك دليل هايدى المره بتستغلك
عدنان / هايدى تخاريف مالها اصل بدك تخبريني ان هدايه فيها تعمل هيك شي بدون علمى كيف راح يجاملوها بهيك قصه على القليل بدها مصارى
انجى / ايي و هى ما معا مصارى مو هيك بتلبس هيك اواعى و هيلز و جوليرى و بدك تخبرنى انا ما معا مصارى
عدنان / انتى ظالمتيها للبنت
انجى / تمام معك حق فيك تتاكد بمكالمه تليفون
عدنان / تمام و شو بعدا
انجى / لما نتاكد راح نعطى لزياد هايدى المعلومات و هن يصطفلوا ببعضن شو خصنا
عدنان / شو هالذكا اللى براسك ياربى عطيتنى هيك بنت حلوه و و ما بتشبهنى بشي لكن كمان عقلى ما خدت منه و لا نتفه
انجى / ههههههههههه شو هيدا الحكى بتمدحنى و لا بتذمنى ما عم افهم عليك
عدنان / حاصلوا راح اتاكد من هالشي بس انتى ما خصك بهيك شاب عاطل زياد هيدا حتى لو كان بريئ مانه سهل ابدا انا بعرف هيك اشكال مالعطه ما فيكي توثقى فيهن ابدا
انجى / و انا شو خصنى فيه اصلا انا بس بدى ساعد ندى و حسام ليعيشوا بسلام هادول رفاتى
عدنان / تمام اتركينا من هالقصه كان فيني احكى معك بشي شغله
انجى / خير يا بابا
عدنان / بخصوص اللى صار فى الحفله
انجى / لو بدك تحاكيني عن كرم
عدنان / انتى و كرم رفقات من و انتى كتير صغيره كتير بتتجاكروا و بترجعوا تتصالحوا
انجى / ها المره غير كرم قاسي كتير معى ما بيراعى مشاعرى و لا بيفكر بشو راح تساوى فيني كلماته
عدنان / انا بعرف انه راح يراضيكي و ما هيهون عليه زعلك لهيك مانى قلقان بس بدى افهم شي شغله
انجى / خير
عدنان / حسام و ندى شو راين بالقصه
انجى / ندى مو مقتنعه ان هدايه فيها تساوى هالشي
عدنان / لا لا لا مو هيك قصدى بقصد اللى صار فى عيده لكرم
انجى / مضايقين كتير بس انا اتكلمت معن و حاولت كتير ظبط الامور بس ما فيها تظبط معى
عدنان / انتى بتعرفى ان هيك شي مجرد سخافه مو هيك
انجى / بعرف بس هن ما فيهن يفهموا هالشي ندى مانا واخده على هيك قصص ما فيها تسلم على حدا و لا تسمح لحدا يلمسها اى كان سنه او قرابته هيك فهمت عليهن و حسام كمان غيور كتير
عدنان / بس حسام كان عادى كتير اليوم
انجى / حسام خبرنى انه بينه و بين الشركه عقد غير هيك كان رجع لمصر عالاكيد
عدنان / و ندى كمان بدها ترجع لمصر
انجى / ندى بدها تعيش بحالا حتى هيك حفلات ما فيها تحضرها بس بتيجي منشانى و من شان حسام بس حسام خبرنى انها ما فيها تحضرها مره تانيه
عدنان / بلا ولدنه كل هالشي من شان شو ما بدن يحضروا يصطفوا شو فينى ساوى يعني بترجاهن اذا بيريدوا
انجى / و احنا شو خصنا بدن يحضروا اهلين ما بدن يصطفوا على شو مضايق حالك لهالدرجه
عدنان / شو يعني ليش شايفتيني كل يوم بهيك موقف يعني
انجى / بس انت شرحت الموقف و ما فيك تساوى اكتر من هيك
عدنان / بفكر اشترى شى كادوا لندى كاعتزار شو رايك
انجى / تمام فيني ساعدك اذا بتريد
عدنان / طبعا فيكي و مين بلاكى فيه يساعدنى يعني
انجى / هههههههههههههه تمام لا تعتل هم اتركها على وراح ارفع راسك عالاكيد
عدنان / بعرف بعرف
…………….
فى شقه ندى
جرس الباب يضرب ندى تبص من العين تلاقى زياد تقف تفكر الجرس يضرب تانى
زياد / انا عارف انك جوه لو سمحتى لازم نتكلم
ندى تفكر و تروح تجيب الطرحه و تغطى شعرها و تفتح الباب سنه صغيره
زياد / هو انتى ما لكيش اى حد فى مصر ترجعيله
ندى / على فكره حتى لو برئوك و خرجت انا مش هجازف و امشي وراك تانى
زياد / انتى لازم تبعدى عن هنا انتى فى خطر
ندى / انت عاوز ايه يا زياد
زياد / انا شخصيا مش عاوز حاجه و ما كنتش عاوز انتى بس صعبانه عليا
ندى / انا الحمد لله المشاكل اللى بيني و بين جوزى تقريبا اتحلت
زياد يبصلها و ساكت
ندى / انا مش بكدب و لو سمحت اخرج من حياتى و اسمع لمصلحتك ابعد عنى
زياد / معاكى حق بس فى ناس بتجرى ورا المشاكل
ندى / ممكن تمشي بقي
زياد / بصي انا مقدر خوفك و قلقك انا بس عاوزك تفهمى ان … خدى بالك من نفسك و خلاص … سلام
ندى تقفل الباب و تتابع من العين زياد لسه واقف يضرب الجرس تانى ندى تفتح
زياد / انا عندى معلومات ممكن تبوظ علاقتك بحسام
ندى / مش عاوزه اعرف
زياد يهز راسه
زياد / على العموم فى حد مستعد يدينى ربع مليون دولار و اقول لحسام ان عدنان مديره فى الشغل هو اللى خرجنى عشان اساعدك تهربى منه تانى و يستفرد بيكي
ندى تغمض
زياد / منطقيا الكلام ده بياكد شكوك حسام من الاول بس … بما انى هقبض مبلغ زى ده فالاولى ابلغك ان احتمال كبير يكون فى ان فى الرساله
ندى / عدنان مدير حسام فى الشغل بس بيعاكسنى
زياد / و دا بياكد شكوكى انا زى الحرامى اللى لما يحب يستخبى بيساخبى فى القهوه اللى لازقه فى القسم بالظبط
ندى / اى كان مين اللى خرجك و خرجك ليه المهم انك خرجت و لو منك انت اللى لازم ترجع لاهلك فى مصر مش انا
زياد / نوعا ما معاكى حق بس انا مش ناوى
ندى / ممكن بقي اقفل
زياد / تمام سلام
ندى تقفل و تروح تتكلم فى التليفون
ندى / عامله ايه
نور / الحمد لله تمام مالك صوتك مش مظبوط
ندى / لا انا كويسه
نور / لا مش كويسه
ندى / عاوزه انزل مصر اجازه
نور / تنورى طبعا
ندى / الدنيا هنا ملخبطه اوى و انا … بصي فى حوار كبير اوى بيحصل هنا و انا خايفه اوى
نور / ندى حبيبتي اهدى كدا عشان انا اتوترت اهدى و احكيلى كل حاجه بالراحه
ندى / ما انا لو فاهمه اللى بيحصل كنت هديت بس انا مشكلتى انى مش عارفه حاجه بصي زياد اللى اتهموه انه خطف حبيبه طلع برئ و عدنان مدير حسام بيعاكسنى و هدايه بيقلوا ان هى اللى ورا براءه زياد عشان تنتقم منى و من حسام عشان اتسببنا فى نقلها من بيروت
نور / ندى ندى واحده واحده مش فاهمه حاجه
ندى / ما انا كمان مش فاهمه و فى حد هيدفع لزياد ربع مليون دولار عشان يقول لحسام ان عدنان عاوز زياد يوقع بينى و بين حسام فاهرب فعدنان يستفرد بيا
نور / و طبعا حسام لو عرف حاجه زى دى اكيد هيقتل عدنان و يدخل السجن
ندى / انا بيتهيالى ارجع مصر صح
نور / مش شايفه حل تانى على الاقل لحد ما اللخبطه دى كلها تتحل
ندى / بس انا هرجع فين
نور / بيتك يا حبيبتي مستنيكي
ندى / ما ينفعش و لا شقتى و لا شقه بابا ينفعوا
نور / ايه الكلام ده هتسبيني فى ظروفى دى
ندى / مش بمزاجى
نور / اتكلمى مع حسام بالراحه و ما تقوليلوش حاجه
تليفون ندى يرن و مكالمتها مع نور تتقطع ندى ترد
ندى / ازيك
حسام / هو صحيح زياد جالك البيت
ندى / اه جه و مشي بس ما دخلش ما تخافش
حسام / و ازاى تفتحيله الباب اصلا
ندى / حسام اهدى لو سمحت لما تروح هنتكلم … بس انت عرفت ازاى ان زياد جه
حسام / عشان انا طلبت من عدنان انه ياجر حد يراقبه لانى اكيد مش واثق فيه
ندى / تمام لو سمحت ما تتاخرش النهرده … محتاجالك اوى
حسام / خير هو الحيوان ده قالك ايه
ندى / قالى كلام كتير هقولهولك لما تروح
حسام / تمام انا اصلا مش هطول هنا هخلص و اجى علاطول
ندى / تمام
………………………
فى شقه نور
امانى / ما قولنا البلد دى احسن من غيرها الا هى بس اللى غاويه تشحطته عشان قال ايه تتفسح
نور / تتفسح ايه بس يا ماما دى ما بتخرجش من البيت
امانى / و هاتلى ابويا يا حسام فسحنى يا حسام كع يا حسام اصرف يا حسام
نور / ليها حق والله تقول ما ليش مكان ارجعله
امانى / اه ما لهاش
نور / طب و حبيبه ما وحشتكيش دى بنت سمسم حبيبك
امانى / اهو سى زفت بتاعك ده هو اللى قفلنى من بنته
نور / ليه بس
امانى / كل ما يصورهالى يقعد يقولى نسخه من ندى حته من ندى لما قفلنى منها و من امها اكتر ما انا مقفوله منها
نور / ههههههههههههههه انتى بس غيرانه منها عشان خطفت سمسم منك
امانى / انتى مطلعانى تحرقى دمى
نور / لا مطلعاكى ادوقك الحلويات الجديده اللى هتنزل فى المنيو عند على … يس .. يس حبيبي
يس يدخل يجرى
يس / ايوه يا ماما بتنادى
نور / ممكن يا قلبي تجيب لتيته مونمون علبه الحلويات من التلاجه و طبق و شوكه
يس / حاضر
نغم تدخل تجرى تنط على السرير جنب نور
امانى / ما براحه يا حلوفه انتى
نور / ما لمستنيش يا ماما
امانى / دا ايه الهم ده
يس يدخل و يشد نغم
يس / قولتلك مليون مره لما تبقي الست دى هنا ما تدخليش عندها تعالى
نغم / هى دى امنا الغوله ؟؟
يس / امشي امشي
امانى / امنا الغوله !!! هم دول العيال المتربيين يا ست نور لا و انتى ما شاء الله قاعده و لا كان حاجه حصلت بدل ما تقومى تسكعيله عديم الربايه ده
نور / هبقي اتكلم معاه لما حضرتك تنزلى
امانى / و لا تتكلمى معاه و لا تتعبى نفسك هو يعني جاب الكلام ده من بره اكيد سي زفت اللى محفظهوله
نور / لو سمحتى يا ماما
امانى / اتحمقتى عشانه انما انا امك
نور / ما اتكلمتش لما حضرتك شتمتى نغم
امانى / بقولك ايه انا مصدعه خلقه و مش طايقه نفسي اصطفى معاهم يلا انا نازله انام … مش عوزانى اعملك حاجه قبل ما انزل
نور / شكرا ربنا يخليكى
امانى تقوم و تمشي و ثوانى و صوت قفل الباب
نور / يس .. يس .. يس
يس يدخل
نور / ينفع اللى انت عملته
يس / انا مش بحبها دى ست وحشه
نور / دى امى يا يس تيته عيب
يس / لا مش تيته دى مش بتحبني و لا بتحب نغم
نغم تدخل
نغم / و بتقول ان بابا على وحش
نور / على فكره انا مش قدرالكوا بس انت غلطت يا يس عيب تتكلم مع الاكبر منك بالطريقه دى و انت هحكى لبابا على على اللى حصل
يس / لما يجى بابا على اصلا انا اللى هقوله انها شتمت نغم و قالت عليه زفت كمان
نور / عيب الكلام ده يا يس انا ربيتك على كدا
نغم / ما هى اللى شتمتنى الاول قالتلى حلوفه
نور / عيب يا نغم ما تكرريش الكلام الوحش ده
يس / شوفتى بقي انها ست وحشه بتقول كلام وحش
نور / برده مامتى و برده اكبر منك و برده انت غلطت
يس / انتى بتحبيها و ما بتحبينيش
يس يجرى على اوضته نور تيجي تقوم تلاقي هدومها غرقانه ميه تتنهد و تحاول تهدى و تعيط نغم تروح تمسك ايدها
نغم / اساعدك
نور تبص لنغم نغم تروح تفتح الدولاب و تطلع غيار
نغم / بابا على مجهزهولك زى المره اللى فاتت
نغم تاخد الهدوم الحمام و نور تروح وراها و هى بتمسح دموعها
…………………..
فى المحل عند عمر
على / والله ما تبعش على قفايا طلع و لا نزل عيل شوف حاجه حلوه اه بس تحتانى انا بكح تراب
عمر / عيب عليك يا عم
على / يا ابنى هو انا هصيع عليك انا طالع عيني عشان اللم لسي زفت فلوسه و بعد مصاريف علاج نور فاضلى تكه و ابيع كليتي
عمر / انت اللى عامل فيها ابو كرامه مش التانى عمل فييس و ادى الفلوس لاخته انت مالك بقي
على / خنقانى
عمر / انت اللى خانق روحك و قال على راى المثل يعيش البارد على قفا المحموق و على العموم بلاها ناديه خد سوسو
عمر يحط الموبايل فى العلبه و يعينه و يطلع موبايل تانى و يحطه قدام على
عمر / نفس الإمكانيات تقريبا بس صيني
على / و السعر
عمر / الفين عشانك و لو عاوز اقل فى برده بس انا قولت حاجه تعيش
على / و فى حاجه صيني هتعيش
عمر / طب انت عاوز تجبله موبايل ليه اصلا
على / وعدته بقولك ايه هات التانى و ظبطهولى قسط
عمر / هههههههههههههه يا بخت العيال دول بيك والله
عمر يطلع الموبايل الاولانى و يديه لعلى
على / عارف الموبايل ده لو باظ او فكس هعمل فيك ايه
عمر / لا ما تقلقش عامله انت بس معامله ادميه و هو يديك و بعدين ما تقلقش الواد شافعى اروبه هيظبطلك اى حوار
على / على البركه
على يطلع فلوس و يعد و يدى لعمر
على / على اول الشهر ربنا يرزق اجبلك الباقي
عمر / تمام اشوفلك بقي شريحه بنمره حلوه … و نغم مش هتجبلها موبايل هى كمان
على يمسك علبه من المكتب و يعمل هيحدف عمر عمر يتهت الاتنين يضحكوا
……………………
فى شقه ندى
حسام قاعد و ندى قاعده قدامه
ندى / ساكت ليه
حسام / المفروض اقول ايه
ندى / قول اى حاجه
حسام/ اقول ايه يعني طب اللى يدفع ربع مليون دولار لواحد زى زياد عشان يقولى الكلمتين دول طب كان اداهوملى
ندى تبصله تلاقيه بيضحك تستغرب
حسام/ اصل لو هدايه بعتاهم عشان توقعنى فى عدنان كانت ادهملى كنت قدمت استقالتى وقتى و لو كان عندنان بيغطى على اللى حصل فى الحفله او اى كان كان اداهوملى برده و كنت طلقتك و جوزتهولك
ندى تقوم حسام يقوم يمسكها و هو بيضحك
ندى / اوى قرونك خرمت السقف
حسام / هههههههههههه يا بت بهزر انا بس مش مستوعب اصلها افورت اوى من سى زفت ده ربع مليون دولار ايه و فيلم هندى ايه اللى جاى يعمله عليكي الواد ده فاكس اوى
ندى / بس انا مصدقاه
حسام/ والله !!
ندى / انا مش مرتاحه لعدنان و اختلاطنا بالناس دى بيخوفنى
حسام / طب و انجى
ندى / انا مليش دعوه بيها انا تعبت
حسام / و ايه اللى هيريحك تنزلى مصر
ندى / ننزل مصر انا معاك فى اى حته اهدى
حسام / اهدى ايه هو انتى شيفانى بشد فى شعرى
حسام يرجع يقعد مكانه و يحط رجل على رجل ندى تروح تقعد جنبه و تلزق فيه
ندى / انا خايفه
حسام / من ايه اصلا كل اللى بيحصل ده لعب عيال و عبط هو فى كدا اصلا انتى بس اللى خفيفه اوى
ندى / طب انت ناوى على ايه
حسام / هههههههههه ناوى اخدك و نخرج ايه رايك اكلمهم يبعتوا حد و اخدك تغيرى جو فى اى حته
ندى / حسام … هو انت بجد مافيا
حسام / هههههههههههههههههه طب بالله عليكى دا منظر مافيا فى مافيا فى الدنيا عايش فى شقه زى دى و راكب عربيه زى دى انتى عبيطه يا بنتى احنا بنكح تراب يا ماما انا عليا ديون لطوب الارض لا اله الا الله
ندى / انا بطمن بس صدقنى يا حسام انا مستعده اكلها معاك بدقه حلال و لا انيش اربى بنتى بفلوس حرام
حسام / انتى دقتى الدقه دى قبل كدا
ندى تهز راسها لا
حسام / على فكره طعمها حلو جدا هتعجبك قومى يلا اللبسي بدل دور النكد اللى عيشالي فيه ده الله يخربيت الهرمونات اللى مسوحانا معاها دى
ندى تبصله
حسام / ما تقومى يا بت
ندى تهز راسها و تقوم تدخل جوه يمسك الموبايل و يتصل بحد
…………………..
فى فيلا عدنان
عدنان بيتكلم فى التليفون
هدايه / و انت عشان تبعد الشبهات عنك تلبسنى انا فى الحيط
عدنان / هههههههههههه شو هالحكى القصه مو هيك بنوب
هدايه / هيك و لا ما هيكش انت بجد اديت الواد ده ربع مليون دولار
عدنان / ايي عطيته اياهن بس لا تعتلى هم بعرف كيف و امتين راح رجعهن منه
هدايه / طب ليه من الاول
عدنان/ هيك حسام ما راح يشك فيني ابدا … و لا فيكى لا تعتلى هم على شو تدفعى هيك مبلغ بالاساس
هدايه / ايوه فهمنى بقي على شو دا انت لو كنت اديتهم لحسام كان لفهالك لفه جاتوهات
عدنان / راح يصير و بتشوفى بعنتينك هادول حسام و هو بيتمحلسلى كيف البسنه لعطيه فمرته ربع اللى عطيته لزياد
هدايه / هو كلب فلوس اه بس مش للدرجادى
عدنان / مو انتى هلا قولتى انى اذا فيني عطيه المصارى راح يعطيني ندى
هدايه / مجازا يعني مجازا
عدنان / كتير اشتقتلك يا هدهوده قلبى
هدايه / لا يا شيخ دا انت ما دفعتش فيا ربع اللى دفعته فى ندى و لسه ما لمستهاش
عدنان / لمستها و لمستها لسه معلمه جوات قلبي
عدنان يمسح بايده على وشه اللى ندى ضربته عليه
عدنان / ما فيني احكيلك شو ساوت فيني هالبقلاوه ما فيني انطر اكتر
هدايه / صبرني يا رب بقولك ايه يا دودو اؤمر عاوزنى اعمل ايه و انا اعمل
عدنان / و لا شي انتى بس فيكي تقابلنى بفيلا الضايعه و انا بعرف شو راح ساوى فيكي
هدايه / امتى
عدنان / امتين ما بدك راح جيك زاحف اذا بتريدي يا بيي
هدايه / تمام هستناك هناك بكره ما تتاخرش
عدنان / اتفقنا يا غاليه
عدنان يقفل الخط توصله نوتيفيكايشن يفتحها يلاقي حسام و ندى متصورين سيلفى فى الملاهى و ندى ماسكه بلالين و بتضحك و هو واخدها فى حضنه و حسام منزلها على بروفايله و كاتب عليها يا احلى يوم فى عمرى
عدنان / قديشك غليظ يا زلمه … بس قديشك ديب يا غالى ههههههههههههههه
………………….
فى شقه نور
على قاعد و قدامه يس و نغم و الموبايل على الترابيزه
يس / ابقي انا كدا غلطان
على / اه طبعا غلطان بس انت عارف غلطك الاكبر ايه
يس يبص لعلى
على / انك قولتلى انها شتمتنى و بتسخنى عليها دى اسمها فتنه يا ياسو
يس / يا سلام
على / يس … بص انا عارف ان طنط امانى عصبيه شويه بس فى الاول والاخر ست كبيره و لازم نحترمها دا اولا
يس / حتى لو بتشتمنا
على / هو انت اى حد هيشتمك هتشتمه
يس / انا ما شتمتهاش انا مش بحبها
على / ما تحبهاش مش لازم تحبها بس لازم تحترمها ما ينفعش تقول عنها امنا الغولة
يس باين انه مضايق
على / لو عاوز الموبايل ده هتنزل تعتزرلها
يس / مش هعتزر و مش عاوز الموبايل
يس يدخل اوضته و على متابعه يدخل اوضه نور
على / اعمل ايه
نور / ما اعرفش
على يدخل و يقفل الباب
على / ليه حق يزعل منها على فكره و خدى فى اعتبارك المواقف اللى حصلت كلها الواد اتقفل
نور / دى امى يا على
على / و دى اخته اللى اتشتمت انا لو حد كان شتم حد من اخواتى اكيد ما كنتش هسكت … بس انا مش معترض انه غلطان انا مش معترض بس انا مش ناوى اجى عليه انا ممكن اسامح فى حقى عادى خدت منها على الاكتر من كدا بس هو ما اقدرش اكسره و اجبره يعتزر او يسامح فى حقه و حق اخته
نور / فهماك
على / طب اعمل ايه دلوقت
نور / راضيه و اديله الموبايل
على / بعد ما كسر كلامى و سابنى و مشي
نور / ما اعرفش بقي التربيه دى طلعت حاجه رزله اوى
على يبتسم و يروح يقعد جنبها
على / بس عيال زى العسل برده ما تنكريش
نور / ما اتكلمتش يا على
على / مالك ان كان على طنط هنزل انا اتكلم معاها و دول عيال يعني اكيد مش هتعمل عقلها بعقلهم ففكيها كدا
نور / الميه ما بتقفش يا على
على يبان عليه الضيق
نور / باخد الادويه و ماشيه على التعليمات بس برده خايفه اكيد الميه دى كانت هتفرق اكيد يعني ليها لزمه مش نفخه بطن و خلاص
على / سبيها على الله ما فيش فى ايدنا حاجه ان شاء الله خير
نور / انا خايفه اوى يا على
على / و انا والله مش هكدب عليكي و انفخ صدرى انا كمان مرعوب بس تانى مفيش فى ايدي حاجه غير الصلاه و الدعا يبقي خلاص
نور تبص فى الارض
على / ما حدش بيهرب من نصيبه تمام اللى مكتوبلنا هناخده و نرضي بيه و ان شاء الله نصيبنا خير تفائلوا بالخير تجدوه
نور تهز راسها على يحضنها و يبوسها من خدها
على/ هقوم اصالح يس و احاول اتكلم معاه تانى ادعيلى
نور تبتسم
نور/ ربنا ينصرك
على يبتسم و يقوم يطلع بره و يقفل الباب وراه
………………….
فى الشركه عند عدنان
حسام شغال بنت تدخل
البنت / مستر عدنان بيريدك بمكتبه اذا بتريد
حسام / رايحله شكرا
البنت تبتسم و تمشي حسام يقوم و يروحله يفتح الباب
حسام / حضرتك طلبتنى
عدنان / شكل الشغل كتير عليك اليوم ما فيك تاخد بريك و تيجي تحاكينى
حسام / فعلا ربنا يزيدك المبيعات فى السما
عدنان / طب شو لساتك واقف
حسام يقفل الباب و يروح يقعد و هو مبتسم
عدنان / كيفك بمحله مو هيك
حسام / الحمد لله
عدنان / الحمد لله شو سويت البارحه مع هاديك اللى اسمه زياد
حسام / و لا اى حاجه كبرت دماغى خلاص
عدنان / شو !! بعد ما اتجرا و راح لمرتك عالبيت
حسام / ما ندى قامت بالواجب و ادته من المنقى يا خيار
عدنان / شو ؟
حسام / هزئته و طردته يعني ما انت عارفها يعني
عدنان / و لو يا حسام هيك حيوان ما فيه يتركك لحالك ما فيك تسكتله
حسام / هعمله ايه يعني و بعدين انا واحد مبسوط مع مراته و الدنيا ماشيه معايا اوجع دماغى ليه … هو حضرتك شاغل نفسك بالحوار ده ليه
عدنان / انجى كتير حاكتنى بالقصه مصره ان هدايه اللها يد بالموضوع
حسام / ما افتكرش هتعمل كدا ليه و ان كان ليها يد اعلى ما فى خيلها تركبه بص انا كدا كدا مش فارق معايا
عدنان / ما فيني صدق قسما بالله
حسام / على فكره فى شغل كتير بره
عدنان / ينحرق الشغل شو بك هالقد بارد
حسام / و انت محموق على ايه هى مراتى و لا مراتك
عدنان يلم نفسه حسام يبتسمله
حسام / هتعوز منى اى حاجه تخص اى حاجه غير مراتى
عدنان / و انا شو خصنى بمرتك كل القصه انها متل انجى بنتى و هى كتير مهتمه بالموضوع حتى فيك تحاكيها وتسالها هى اللى مهتمه بالموضوع كتير بتعرف قديش بتحب ندى و تهتم فيها
حسام / طبعا انجى دى نسمه اصلا بصراحه بت زى العسل يا بختك بيها ان شاء الله ربنا يقدرنى و اربى حبيبه زيها كدا
عدنان / تكرم عينك هلا فيك تكمل شغلك ما فينى عطلك اكتر من هيك
حسام يبتسم و يقوم يطلع بره و يقفل الباب وراه
……………….
فى شقه امانى
امانى / يعني هو العيل جاب الكلام ده من بره
على / لا اله الا الله و هو انا لازم اكون اللى قولت ما هو بيتقرج على تليفزيون و بيختلط بناس فى النادى و لا يمكن سمعك انت شخصيا بتقوليه مين عارف
امانى / و انا هقول كدا عن مين ان شاء الله
على / و انا هقول كدا عن حضرتك ليه و بعدين هو الفتره دى كلها و لسه ما عرفتيش تربيتي و بعدين دا طفل هنعمل حوار على كلمه قالها طفل ما تقول حاجه يا عمى
محمد / اقول ايه بس انا مش شايف حوار اصلا
على / الحمد لله كلمه الحق طلعت من عمى و انا برده ما خلصنيش و جتلك اهو
امانى / بعد ايه
على / لما عرفت هو انتوا بتحكولى حاجه و لا انا هشم على ضهر ايدي
محمد / خلاص بقي يا ام حسام ما تعمليش فيلم دا عيل و ياما العيال بتعمل
على / تعرف يا عمى انا العيل ده جالى و قالى تيته منال بتقول عليك زفت
محمد يبص لامانى احرجت
على / قولتله تيته تقول اللى هى عوزاه دى فى مقام امى
امانى / انا ما كنتش بتكلم عليك اصلا هو اللى فهم الكلام غلط و بيحاول يوقع بينا
على / و هو انا صغير هقف على كلام العيال برده
محمد / ربنا يكملك بعقلك
على / انا بس ما كانش نفسي نوصل للمرحله دى دول برده ايتام فاما اليتيم فلا تقهر
امانى / و انا كنت جيت جنبهم
على / الكلمه الحلوه صدقه و انتى مفيش احلى من كلامك طب دا انا اتجوزت نور عشان لسانك الحلو مش عارفه تبلفى عيلين زى دول
امانى / ما هم اشقيا اوى يا على و البت تعبانه
على / الشقي يتربى و انتى ربيتي حسام و نور مش هتساعدينا نربى دول ايه ربيتي حسام بالعصايه والزعيق و لا بالراحه و الدلع
محمد / و الله ما فى حد ادلع قد حسام و نور و خصوصا حسام دا اللى على الحجر
امانى / و ادى آخره دلعى فيه بقي مايل كلمه توديه و كلمه تجيبه
على / نبقي نشوف موضوع حسام بعدين عشان ورايا شغل … المهم ان الموضوع خلص و صافيه لبن و حليب يا قشطه و قول حاجه بقي يا عمى
محمد / روح يا ابنى شوف اكل عيشك ما تعطلش نفسك اكتر من كدا
على / مش هاين عليا امشي و منمن زعلانه
امانى / مش زعلانه
على / الحمد لله يلا عن اذنكوا
محمد يقوم يوصل على و يتودودا
محمد / ايه ياض شغل المحلسه ده جديد عليك
على / ما انا جربت معاها كل الطرق
محمد / ههههههههه روح شوف شغلك روح و لما ترجع عدى عليا نلعب دورين طاوله
على / انا بحبك اه بس عاوز تلعب تلعب على ارضي
محمد / ماشي و اهو برده ما نسيبش نور لوحدها
امانى تستعوقهم تقوم تروحلهم
امانى / هو فى حاجه و لا ايه
محمد / لا ابدا انا بس كنت بوصيه على نور مش اكتر
على / فى عنيا ما تقلقش يلا فتكوا بعافيه
محمد / سلام سلام
محمد يدخل و يقفل الباب
امانى / هطلع اطمن على نور
محمد / استنى شويه اكيد دلوقت مش هتكون محتاجه حاجه و اهو بالمره تخلصى اللى وراكى هنا
امانى / لا هطلع دلوقت عشان اشوف اخر اخبار ست ندى و اخره دلعها
محمد / ربنا يستر اطلعى هو انا حتى لو قولتلك ما تطلعيش هتسمعى كلامى
امانى / يا راجل هطلع اعرف الاخبار و انزل هو انا هبات فوق
محمد / اطلعى يا امانى اطلعى اطلعى
محمد يفتحلها الباب و يزقها و يقفل الباب وراها
محمد / دا الواد ما كدبش لما قال امنا الغولة صبرنى يارب
……………………
فى الكافيه عند زياد
زياد قاعد مع صاحبه
الشاب / و ليش ما عطتك المصارى فى البنك عن طريق شيك او حواله
زياد / لانى اكيد ساعتها هقدر اتتبع مصدر الفلوس
الشاب / مانهم اغبيا ابدا
زياد / كنت راسم احلام كتير اوى على انهم يغلطوا الغلطه دى
الشاب / و هلا على شو ناوى
زياد / الاول اتاكد ان الفلوس سليمه
الشاب / و انت لهلا ما اتاكدت
زياد / لا خبيتها و مستنى اشوف هعمل ايه مع ندى اصل كدا كدا الفلوس مش فارقه معايا
الشاب / وين خبيتها
زياد / هم يلزموك فى حاجه و لا ايه هههههههههههههههههههه
الشاب / بلا غلاظه اقصد المكان امان و لا يجي شي حرامى يبكيك عليهم
زياد / و هى دى فلوس يتبكى عليها
الشاب / شو بدك اكتر من نص مليون دولار لتبكى يا زلمه انا فيني ابكى من شان الفين ليره
زياد / ههههههههههههه الفين ليره حلال احسن من مليون دولار حرام
الشاب / معك حق هلا خبرنى شو ناوى تساوى مع ندى عن جد راح تسكر الموضوع متل ما طلبت
زياد / ما افتكرش هقدر
الشاب / كنت بعرف … اذا ما فيك تبطل ليش ما خبرتا عن حقيقه زوجا
زياد / خفت تهرب تانى قبل ما اوصل للحقيقه الاول افك شفرات اللعبه و بعدين اكشف ورقى
الشاب / بعرف انى هحكى عالفاضي بس هايدى القصه اكبر منك و ما فيك تحلها او تدخل فيها و الاحسن اللك و اللها انك تبعد عنها نهائي سمعتنى و لا شو
زياد / سمعتك
الشاب / فهمت على ؟
زياد/ فهمت
الشاب / راح تبعد ؟
زياد / لا
الشاب / دخيل الله ما فيني اتحمل
زياد/ ههههههههههههههههه هو انت لسه هتعرفنى النهرده
الشاب/ و لهيك سبب خايف عليك كتير بتعرف شو انا اصلا مو فهمان عليك كل هادول الصبايا
زياد / انا ندى مش فى دماغى و مش ببصلها بالطريقه دى
الشاب / و لو يبقي من شان شو كل هالتعب و البرم يا زلمه تركها لحالا مانك مصلح اجتماعى و لا حتى فيك تغير الكون بتعرف بلبنان فى كم مره مغصوبه على زوجها بتعرف نسبه العنف الاسرى بلبنان قديش بمصر قديش بالعالم قديش ما فيك تغير الكون ما فيك تساعدن كلن بيكفى اللى قدرت تساعدن لهلا و اللى فيك تساعدن اذا ضلك عايش
زياد باصصله و حاطت ايده على خده
الشاب / هايدى القصه مانا متل غيرا هايدى القصه كبيره عليك هادول مافيا يا زلما شو بدك فيهن
زياد / مش قادر استوعب انها استسلمت بالبساطه دى و ازاى قدر يصالحها و يزبطوا امورهم بالسرعه دى ضغط عليها بايه و لا اقنعها ازاى
الشاب / شو خصك شو خصك يا زلمه دخيل الله خرج حالك و اتركها لهالقصه
زياد / مش قادر بتقولى امشي و عنيها بتقولى استنى
الشاب / بتعرف شو الحجر راح ينطق وانت ما فيك تغير راسك
الشاب يمشي و زياد بيضحك
………………
فى شقه نور بعد فتره
نور بتكلم ندى فيديو كول و ندى صابغه شعرها و قصاه
نور / يا بنت اللعبه عملتى اللى فى دماغك برده
ندى / قمر صح تحفه كنت هموت عليه
نور / ليكي حق يا عم ما انتى فطمتى خلاص بس كنتى طولتى شويه
ندى / هى مش عاوزه اقولها لا و بعدين ما هى بتشرب لبن و بتاكل و زى الفل اهى الحمد لله
نور / مجنونه
ندى / بس قمر
نور / حلو عليكي فعلا ما شاء الله حسام قالك ايه لما شافك
ندى / عجبه طبعا هو كان عارف انى هعمل القصه دى و مورياه الصوره و واخده رايه و انا باخد الفلوس بس بيقولى انه ما كانش متخيل انه هيعرف يظبطه بالحرفنه دى
نور / كانه طبيعي فعلا هى بنت و لا ولد اللى عملك
…………………..
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية سلف ودين)
