رواية الم الرحيق الفصل الرابع والعشرون 24 بقلم سمية عبدالسلام
رواية الم الرحيق البارت الرابع والعشرون
رواية الم الرحيق الجزء الرابع والعشرون
رواية الم الرحيق الحلقة الرابعة والعشرون
في الكلية
عمر_الانسة ندى من الطلاب المجتهدين عندي وشاطرة جداً ومعتقدش انها ممكن تكون غشت ده سوء تفاهم مش اكتر.
علي_لو سمحت يابشمهندس عمر متدخلش انت، اصل انا عارف الاشكال دي كويس وبعرف اتعامل معاهم.
ندى بعصبية_اشكال مين؟!! انت ال دكتوؤ مش محترم وحاولت تتهجم عليا في مكتبك وانت بتعمل كده عشان ضربتك وخرجت، وقلت تعمل كده عشان لما ابلغ العميد محدش يصدقني.
عمر اتعصب اوي_علي انت عملت كده؟ اقسم بالله ادفنك مكانك لو ده حصل.
علي بتوتر_انت هتصدقها دي واحدة بتقول اي كلام عشان تداري علي عملتها وهيا اصلا ال بتحاول تقرب مني بقالها فترة وانا ال مش راضي.
رحيق بعصبية_اخرس انت كداب ندى اشرف من 100 واحد زيك يا زبال*ة.
علي اتعصب من رحيق ورفع ايده عشان يضربها.
بس كان حد مسك ايده.
=مش عيب عليك لما تمد ايدك علي ست.
علي_وانت تطلع مين انت كمان، تلاقيك صحبها
وهنا علي خد بو*كس في وشه خلاه يطير في الهوا من غير جنحات.
العميد_آدم باشا
آدم بعصبية للعميد=انت تخرس خالص
عمر راح عند علي وقومه من علي الارض
علي بعصبية ل آدم_انا هوديك في داهية.
وعلي خد البو*كس التاني بس من عمر ونزل فيه ضرب.
عمر بعصبية_بقا انت ياحيوان تتجرأ وتتهجم عليها، لأ وكمان عايز تضرب مرات صحبي.
علي وهوا مش قادر ياخد نفسه من الضرب_هيا مين دي؟
آدم وعيونه بقا لونها اسود من شدة الغضب=ال كنت هتضربها دي تبقا رحيق آدم البنهاوي، مراتي، دنا هوريك الجحيم على الارض.
وشاور للحرس ياخدوه.
العميد بخوف_والله يا آدم باشا مكنا نعرف انها مرات حضرتك.
آدم =عقابي ليك هكتفي باني ارجعك معيد صغير تاني واما الكل*ب ال خدته ده انا هربيه وبعد كده ابقا افكر ارجعه.
آدم خرج وهوا حاضن رحيق وعمر وندى والحرس ماشيين وراهم.
محدش كان مصدق ان آدم البنهاوي وحش المعمار موجود في الكلية وطبعاً نظرات الاعجاب من البنات كانو عايزين يعرفو مين المحظوظة دي ال اتجوزها بس رحيق كانت لابسة النقاب محدش عرفها.
آدم =عمر
عمر_ايوة يا آدم
آدم =وصل الانسة ندى البيت مينفعش تروح لوحدها وهيا في الحالة دي.
عمر بص لصحبه بحده لانه عارف آدم عايز يوصل لايه
ندى_لأ متشكرة انا هروح لوحدي.
آدم _مينفعش عمر هيوصلك. وبعدين بص لعمر وقال=وصلها ياعمر.
آدم ركب العربية هوا ورحيق وفضل واخدها في حضنه.
~~~~~~~~~~~~~~~~~~~~~~~~
عند عمر وندى
عمر ركب العربية وندى ركبت ورا
عمر_والله مش سواق الهانم انا
ندى_وانا مش هركب العربية جمب شب غريب عني ومش من محارمي.
عمر بسخرية_علي اساس كده يعني بقيت اخوكي.
ندى_والله ده ال عندي لو مش عاجبك ممكن انزل واخد تاكسي.
عمر شغل العربية وبيشتم آدم في سره.
بعد شوية
ندى_احم…. متشكرة انك دفعت عني.
عمر ببرود وهوا باصص علي الطريق_العفو، وبعدين انا عملت كده عشان آدم كلمني اتدخل واحل الموضوع مكنتش اعرف انك صاحبة المشكلة اصلا.
ندى بصوت منخفض_والله انك مستفز.
عمر_مش اكتر منك.
__________________~______________~
بالليل في بيت آدم
آدم بحنية=انتي كويسة؟
رحيق هزت راسها بمعني اه
آدم بجدية=مفيش مرواح الكلية غير علي الامتحانات وكل المواد انا هبقا اشرحهالك.
رحيق=بس…
آدم =خلص الكلام في الموضوع ده.
رحيق نفخت بضيق.
آدم =هيا صحبتك ندى كانت مركبة لانسزز؟ هيا مش لون عنيها بني تقريباً.
رحيق=لأ ندى لون عيونها الحقيقي واحدة خضرة والتانية زرقة بس هيا بتلبس عدسات عشان تداري لون عيونها.
آدم =وليه تعمل كده؟
رحيق=لأن من واحنا صغيرين ندى كان عندها قطة ليها نفس لون عنيها كده وندى كانت بتحبها اوي وكان في فار في بيتهم ندى عشان تقتل الفار جبتله اكل وحطت فيه س*م بس ال كل الاكل القطة مش الفار ندى زعلت عليها وكرهت لون عنيها لان هيا فاكرة انها السبب في موت القطة
ده غير ان ندى عيونها واجعاها شوية فبقت تلبس عدسات لونها بني.
بس النهاردة لما دكتور علي حاول يتهج*م عليها وقعت.
آدم بتفكير=يعني ده لون عيونها الحقيقي؟
رحيق=ايوة.
آدم =طب هيا هتيجي كتب الكتاب مش كده؟
رحيق=طبعاً.
آدم =هتبقا لابسة العدسات دي؟
رحيق=معتقدش
آدم =تمام
رحيق=انت بتسأل ليه؟
آدم =رحيق هطلب منك طلب.
رحيق=طلب ايه؟
__________________~______________~
بعد 3 ايام الساعة 6 مساءً
آدم =انتي لسه ملبستيش؟
رحيق=كنت مع اية مستنية اما تخلص وبعدين ابقا البس انا.
آدم وهوا بيقرب منها =انا ممكن اساعدك في اللبس معنديش مانع.
رحيق بأحراج =لأ شكراً، وانت ملبستش ليه؟
آدم =لأ هعمل حاجة الاول وبعدين ابقا البس.
رحيق =حاجة ايه؟
آدم =متشغليش بالك انتي، وكمل بتحذير =اياك يا رحيق اعرف انك قومتي من مكانك ورقصتي او رفعتي النقاب حتى.
رحيق=بس احنا هنبقا بنات مع بعض.
آدم بحدة=رحيق انا مبحبش حد ميسمعش كلامي انا قلت ونفسي كلامي ميتسمعش، محدش هيزعل غيرك.
رحيق بضيق=اووووف
آدم =انا نازل تحت وطالع تاني لو لاقيتك لسه ملبستيش هاجي البسك انا، حتى….
رحيق بخضة=حتى ايه؟
آدم بضحك=حتى النقاب.
وسابها ونزل تحت.
~~~~~~~~~~~~~~~~~~~~~~~~
في الجنينة
آدم =هوا فين؟
الحارس_في المخزن استوى على الاخر.
في المخزن
آدم =منور يا دكتور علي
علي برجاء وتوسل _ابوس رجلك يا آدم باشا ارحمني والله مكنت اعرف انها مرات حضرتك.
آدم =لأ اجمد كده متبقاش خرع ده لسه التقيل جي ورا.
علي_ابوس ايدك ارحمني انا همشي من البلد كلها ومش هتشوف وشي تاني.
آدم =هيحصل، بس تتربى الاول.
علي بعياط_اتربى اكتر من كده انا مفيش في جسمي حتة سليمة.
آدم =لأ الصراحة رجالتي عملو ال عليهم وذيادة.
علي_ورحمة الغاليين عندك سبني.
آدم بغضب وصوت عالي =متجبش سرتهم علي لسانك الق*ذر ده يا حيو*ان انت لسه شفت حاجة دنا هوريك العذاب الوان.
علي_انت فاكر نفسك مين البلد فيها حكومة.
آدم بسخرية=طب بلاش تتكلم عشان شغلك القذ*ر كله معايا ده غير البنات ال بتضحك عليهم وتخليهم يروحوا عندك الشقة وتصورهم عشان تعرف تستغلهم تاني.
علي_انت تعرف الحاجات دي منين؟
آدم =انا آدم البنهاوي وقدرك الاسو*د حطك في طريقي.
وسابه ومشي.
آدم لواحد من الحرس=امنعو عنه الاكل وميدخلش غير ميه ومرة واحدة بس في اليوم، وكل ساعة تدخلو ترسموله وشه من جديد.
الحارس_تمام ياباشا بس هوا استوى علي الاخر لسه هيطول معانا؟
آدم =انا عايزه يتربى شوية وكمان 3 ايام كده سبوه ومش عايز اعرف انه لسه موجود في البلد كلها.
الحارس_تمام ياباشا كلامك هيتنفذ بالحرف.
~~~~~~~~~~~~~~~~~~~~~~~~
في الداخل(القصر)
ايمان ماشية وباصة وراها_حاضر يادادة هشوفه برا.
مخدتش بالها وخبطت في حد.
ايمان_انا اسفة مخدتش بالي.
_عادي ولا يهمك، اعرفك بنفسي انا…….
…. لسه الحكاية مخلصتش…..
ايه الطلب ال آدم طلبه من رحيق؟
رحيق هتسمع كلام آدم ومترقصش ولا ممكن تعند قصاده؟
مين الشخص ال خبطت فيه ايمان؟ وممكن تكون شخصية جديدة ولا هتطلع شخصية نعرفها؟
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية الم الرحيق)
