رواية الم الرحيق الفصل الرابع عشر 14 بقلم سمية عبدالسلام
رواية الم الرحيق البارت الرابع عشر
رواية الم الرحيق الجزء الرابع عشر
رواية الم الرحيق الحلقة الرابعة عشر
في الكلية
ندى ماشية بتكلم نفسها _معرفش ليه رحيق مخلتنيش اروح معاها، مش عايزة اجاي المخروبة دي واشوف بوز الاخص(عمر)، وبعدين بصت لاقت عمر بيركن عربيته.
ندى_اعوذ بالله يارتني افتكرت كيس زبالة ولا افتكرتك، اما ادخل المدرج قبل ما يدخل قبلي ويتحجج ويطردني.
عمر دخل المدرج وبدأ شرح كان بيبص في كل حتة عشان يشوفها ملقهاش.
ندى كانت نايمة ورا بنت طويلة مختفية وفجأة تلفونها رن.
عمر_مين ال تلفونه بيرن انا مش منبه قبل كده التلفون يتقفل وقت المحاضرة.
البنت ال جمب ندى كانت بتخبطها في دراعها عشان تصحيها وهيا ولا هنا
ندى بنوم_سبيني ياماما انام شويه مش عايزة اشوف الارجوز ال اسمه عمر
كل الطلاب ضحكوا عليها.
عمر بعصبية_انتي يا استاذة.
ندى فاقت مخضوضة _ايوة حضرتك
عمر بغضب_اطلعي برا.
ندى ببرأة_ليه انا عملت ايه؟
عمر بسخرية_عشان متشفيش الارجوز ال اسمه عمر، وكمل بعصبية_برا واياك اشوفك في محاضرة من محاضراتي.
ندى في نفسها_يالهوي انا قلت كده.
عمر بصوت عالي _انتي لسه عندك يلا برا
ندى خرجت برا وقالت_انا تطردني ماااشي.
وبعدين جه في دماغها فكرة، ابتسمت بخبث.
_________________~_______________~
في الشركة
نورا _بشمهندس عمر، بشمهندس آدم بلغني اقول لحضرتك انه عايزك اول ما توصل.
عمر راح عند آدم
آدم =مالك انت كل مرة تدخل مكشر كده؟
عمر بغضب_المجنونة بنت المجانين.
آدم =مالها؟
عمر_كانت موجودة في المحاضرة النهاردة وطردتها، تقوم تعمل ايه؟ راحت عند العربية وفشت كل عجلها مش بس عجلة واحدة لأ دول الاربعة والانيل من كده كاتبة مع تحياتي الطيبة الي الارجوز عمر المهدي.
آدم بضحك=والله جدعة.
عمر_اضحك ياخويا، اضحك عجبتك اوي.
آدم =احم…. وانت رايح تبلغ جدي قوام
عمر_احم…… مين ده انا معرفش حاجة؟
آدم =اه…… اعمل نفسك من بنها دلوقت.
عمر_لأ مهعملش، انا فعلاً كلمت جدك بس مش عشان ابلغه، عشان يمنعك.
آدم =وانت فاكر ان ممكن حد يمنعني عن حاجة عايز اعملها؟
عمر_ايوة، طالما الحاجة ال بتعملها دي غلط يا آدم، وواجبي نحيتك كصديق حتي، اني انبهك.
آدم بسخرية=وتنبهني من ايه بقا؟
عمر_بلاش تظلم البنت دي، آدم انت عايز تنتقم من اي حد واوعى تفتكر اني مصدق حوار شغلك مع ياسر ده، انا عارف انك عايز تنتقم منه بس بلاش الانتقام يعميك ويخليك تظلم واحدة ملهاش ذنب.
آدم بغضب وصوت عالي=واختي كان ذنبها ايه؟
عمر بستغراب_اختك؟!!!!
آدم =ايوة اختي، سألت نفسك صفا ماتت ازاي؟
عمر_كل ال اعرفه انها كانت مريضة.
آدم وصوته كله وجع=ده ال كل الناس عرفاه لكن الحقيقة غير كده، الحقيقة ان صفا كان عندها 16 سنة كانت في اولي ثانوي، كنت مشغول في الشغل وكان يعتبر اهم وقت في تكوين اسم آدم البنهاوي، اتشغلت عن صفا واية
في الوقت ده صفا اتعرفت علي شب اوهمها بالحب وفضل يقلها اد ايه بيحبها وانه هيتجوزها ومش شايف حد غيرها واقنعها انهم يتجوزو عرفي وضحك عليها وخلاها حامل منه،ولما بطنها بدأت تكبر واجهته وقلتله لازم ييجي يتقدم،بس ظهر علي حقيقته الجبان،اتعصب عليها ونزل فيها ضرب وبعدين مسكها من شعرها وجرجرها من علي السلم ورماها في الشارع فضلت تنزف كتير،وولاد الحلال شافوها ونقلوها علي المستشفي،وعشان كانت بتغفل الحراسة وتروحله الناس نقلوها مستشفي مفهاش امكانيات،الطفل نزل وكان لازم يشيلو الرحم،عملية زي دي خطيرة علي واحدة في سنها،رحتلها بعد ما الناس اتعرفت عليها واتصلو عليا،رحت وانا مش شايف قدامي
دخلت كانت خلاص بتنتهي واخر حاجة قلتها وعيونها مليانة دموع_سامحني،وبعدين كشرت وقالت_ياسر الدسوقي و…
اتنهد وقال=وماتت،الكل عرف بخبر موتها جدي جاله السكر واية فقدت النطق وفقدت الحياة تقريباً والقصر بقا كأيب،ومحدش يعرف القصة دي غيري وغير الدكاترة ال عملو العملية بس انا سفرتهم برا عشان اضمن ان محدش فيهم يفتح بقه لان جدي مش حمل صدمة زي دي.
كمل بعصبية وعيونه اتملت دموع=قلي انت بقا طفلة زي دي كان ذنبها ايه؟يحصلها كل ده غير انها وثقت في واحد حيوان قتلها وقتل اللي في بطنها.
عمر بحزن_يااااااه ياصحبي بقا كل ده جواك وساكت ده انا علي كده صحبك بالاسم بس،دنتا جبل انك متحمل كل ده لوحدك،انا حاسس بيك لاني زيك.
آدم=متتصورش انا فرحت اد ايه لما اية خرجت من اوضتها وبدأت تضحك وكمان اتكلمت انا لازم اتجوز رحيق انا مش عايز اخسر اية هيا كمان.
عمر_بس انت كده هتبقا بتظلم انسة رحيق معاك.
آدم=صدقني رحيق اكتر واحدة هتستفاد من الجوازة دي علي الاقل هترتاح من مرات ابوها واختها،
وكمل بغضب=اما بقا ياسر فانا هنتقم منه علي كل المعاناه ال عشناها بسببه انا بس مستني الوقت المناسب.
عمر بجدية_وانا معاك والكل…..ب ال اسمه ياسر لازم ياخد جزأه ويتعاقب.
_______________~_________________~
في القصر
اية كانت قاعدة بتزاكر والباب خبط
شوية ودخلت ايمان.
ايمان بمرح_يويو تعالي اشرحلي المسألة دي الفزيا صعبة اوي
اية كتبت علي الورقة_شوفي حلها علي اليوتيوب.
ايمان بحزن_اية انتي ليه بتتجنبيني ومش عايزة تتكلمي معايا؟
اية كتبت علي الورقة_ايمان انتي ليك علاقة بال حصل لنسرين قصدي رحيق؟
ايمان شافت الورقة اتصدمت_معقول يا اية تفكري فيا كده،انا صحيح بحب آدم بس عمري ما هكوم بالسواد ده.
اية في الورقة_بعد ما دادة ندهت علي الخدامين يساعدوها وكلكم طلعتو فوق،فوقت من الصدمة لاني شفتها صفا الله يرحمها،ومقدرتش اتحرك من مكاني بس وانا طالعة لاقيت فيه زيت علي السلم تفسري ده بأيه؟
ايمان وعنيها اتملت دموع_حتي انتي كمان بتشكي فيا.
وخرجت من الاوضة وهيا بتعيط
________________~________________~
بعد يومين (في مستشفي آدم)
رحيق كانت خايفة علي ابوها ال في العمليات و آدم كان بيتكلم في الفون.
اما عند سنية وشهد
سنية_يالهوي يابت ياشهد دي كلها مستشفي!!! ده احسن من بيتنا،ده ابوك ده محظوظ.
شهد بسخرية_محظوظ عشان بيعمل عملية قلب مفتوح.
سنية_ياعبيطة مش قصدي كده،قصدي ان المستشفي دي كلها ملك آدم امال بقية املاكه هتكون اد ايه؟….وبعدين قالت بخبث_بقلك ايه روحي اتمسكني قدامه واعملي انك خايفة وقلقانة علي ابوك زي بنت فاطمة يمكن يعطف عليك ويتجوزك.
شهد اتنرفزت من امها_حرام عليك انا خايفة علي بابت وانتي كل همك الفلوس.
سنية بلوية بوز_هقول ايه يعني هتجبيه من برا يابنت مصطفي.
الدكتور خرج والكل راح نحيته
الدكتور _الحمدلله العماية نجحت يعدي اول 24 ساعة ويبقا عدينا مرحلة الخطر،وسابهم ومشي.
رحيق ببكاء=الحمدلله يارب الحمدلله
رحيق كانت ماشية
آدم=رايحة فين؟
رحيق=رايحة اصلي ركعتين شكر لله في مسجد المستشفي وادعي ان ربنا يقوم بابا بالسلامة.
آدم ابتسم وقال=استني هاجي معاك،خلاص العصر هيأذن اروح اصلي انا كمان.
________________~________________~
تاني يوم في الشركة
في مكتب رئيس مجلس الادارة
عمر_نفسي ييجي اليوم واشوفه؟
آدم ببتسامة=هيحصل
عمر_مش عارف ليه حاسس انك عارف حاجة ومخبي.
آدم=اصبر علي رزقك.
وبعدين الباب خبط
آدم=ادخل
_جيبلك اخبار من ال بتحبها.
عمر_احم….مين ده يا آدم؟
آدم=اعرفكم ببعض،عمر ده يبقا المقدم حمزه الصواف ظابط في الدخلية وماسك قضية الشيطان الاسود،حمزه ده بشمهندس عمر دكتور في الجامعة وصحبي تقدر تقول اخويا.
عمر ببتسامة_اتشرفت بمعرفتك،اخبار ايه اللي عندك؟
حمزه بضحك_شايفك مستعجل اكتر من آدم
عمر_اصل انا ليا طار عند الشيطان الاسود مش آدم.
حمزه بتريقة_اظاهر الشيطان الاسود جمايله علي الكل.
عمر بص ل آدم بعدم فهم
آدم ببتسامة=لان الشيطان الاسود ده يبقا……..
…لسه الحكاية مخلصتش….
ايمان ممكن ميكونش ليها علاقة بوقوع رحيق من علي السلم فعلاً؟
ندى وعمر هيفضلو ناقر ونقير كتير؟
الشيطان الاسود عمل ايه لعمر خلاه يقول ل آدم انا حاسس بيك لاني زيك؟
ومين هيكون العدو الجديد ال اسمه الشيطان الاسود؟
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية الم الرحيق)
