رواية الم الرحيق الفصل الرابع 4 بقلم سمية عبدالسلام
رواية الم الرحيق البارت الرابع
رواية الم الرحيق الجزء الرابع
رواية الم الرحيق الحلقة الرابعة
في المكتب
الجد _كده انا هقعد معاكم يومين وهدلى (انزل) الصعيد ومش هينفع اخد نسرين معايا لانها ممكن متتعودش علي العيشة هناك وكمان مفيش حد يرعاها زي هنا.
آدم =قصد حضرتك انها تقعد هنا معانا؟
الجد _ايوة
آدم =ايوة ياجدي هتقعد معانا ازاي وحضرتك مش موجود!!
الجد _انا عشان عارف اخلاقك ياولدي فهطلب الطلب ده منك
آدم =خير ياجدي
الجد _تكتب كتابك علي نسرين
آدم بعصبية =ايه؟! انت بتقول ايه ياجدي مستحيل انا لا يمكن اوافق علي الكلام ده.
الجد بعصبية _هتعصيني اياك
آدم =مقدرش اعصيك يا جدي بس ليه اكتب كتابي عليها وانت عارف اني مش عايز اتجوز وكمان عايزين اتجوز بالطريقة دي
الجد_آدم مينفعش نسرين تقعد معاكم كده ياولدي الناس هتجول ايه؟
آدم =هيا هتقعد معايا انا بس ما في ايمان واية ودادة فاطمة وعم حسن ده غير الخدامين. وبعدين مهي ايمان بنت عمي برضو ولما جت من سنة عشان تكمل ثانوي هنا قعدت ومقلتش اتجوزها
الجد _انت خابر زين انك مينفعش تتجوز ايمان وسبج (سبق) وحكتلك السبب. وكمل بعصبية_خلاص الكلام في النوضوع ده انتهى وهتكتب كتابك يعني هتكتب كتابك
وسابه وخرج
آدم طلع الفون ورن علي عمر
عمر _لأ مقدرش علي كده ترن عليا مرتين في نفس اليوم لأ انا كده اتغر
آدم بضيق=انت في الشركة ولا روحت؟
عمر حس ان فيه حاجة _مالك يا آدم؟.. انا خلصت شغل ومروح البيت اهو
آدم =طب عايز اشوفك
عمر_خلاص نتقابل في المطعم
آدم =تمام
~~~~~~~~~~~~~~~~~~~~~~~~
عند نسرين
قاعدة علي السرير وبتكلم نفسها =دول باين عليهم اغنيا اوي بس القصة اللي حكهوالي عن حياتي مش لايقة خالص مع شكلي ازاي عايشة في امريكا ومختمرة؟! طب بلاش دي ايه نسرين دي انا لازم يكون اسمي سليا او نيرمان اسامي جميلة كده مش نسرين
وبعدين رمت نفسها علي السرير ونامت
________________~________________~
في المطعم
آدم =عملت ايه مع ياسر؟
عمر_ولا حاجة قلتله الاجتماع اتأجل
آدم =تمام
عمر_قولي بقا في ايه؟ حسك مش تمام ومتقليش كويس زي كل مرة…. المرة دي مش هسيبك الا لما تتكلم انا صحبك علي فكرة
آدم =عشان انت صاحبي اول واحد جه علي بالي
عمر بهزار _طب احكيلي بقا مالك ياكميلة مين مزعلك
آدم =احترم نفسك اظاهر كده وحشك ضربي
عمر وهو بيحرك ايده علي وشه_لأ خلاص ياعم خلاص ده الواحد ميعرفش يهزر معاك.. احكيلي احكيلي
***بعد مرور نصف ساعة ***
آدم =ها ايه رأيك بقا في الموضوع؟
عمر وهو بياكل _اه….. اه تمام كمل كمل
آدم =اكمل إيه؟ ياطفس انا خلصت كلام وانت عمال تلغ زي القطر
عمر وهوا بيحط الاكل من ايده_خلاص مش واكل
آدم =لأ صعبت عليا دانت ناقص تاكلني
عمر _الله اكبر في عنيك….. المهم هتسمع كلامي
آدم =قول اما نشوف
عمر _اسمع كلام جدك
آدم =تصدق انا غلطان اني جتلك
عمر _والله ما بهزر اصل جدك ده الصراحة مفيش زيه ودماغه دي توزن بلد وجدك عمل كده عشان هدف في دماغه
آدم =لأ ياض جبت التايهة منا عارف
عمر _ياعم متستعجلش علي رزقك وبعدين انت مش بتقول انها حلوة وكمان مختمرة
آدم =ايوة بس يمكن تكون بتحب حد او مخطوبة اصل مفيش واحدة في جمالها كده ولسه متخطبتش
عمر _شوقتني اشوفها والله
آدم =شكلك عايز تبات في المستشفي النهاردة صح؟
عمر _خلاص ياعم وبعدين تعالي هنا فين غض البصر ياشيخ آدم
آدم =احم…… انا مكنش قصدي ابصلها ده غصب عني……. وبعدين كمل =انت طلع الكلام معاك تضييع وقت
عمر_ياعم استنى بس….. اصل جدك ده دماغه عالية ولازم اللي يفكر تكون دماغه زيه
آدم =قول ياخويا اما نشوف اخرتها
عمر _اسمع…….
______________~__________________~
عند نسرين
قامت من النوم وخرجت من الاوضة كانت عايزة تشرب بس القصر كبير كانت ماشية مش عارفة ماشية ازاي…. لاقت اوضة بابها كان شكله جميل فتحت الباب ولاقت بنت ملامحها بريئة قاعدة علي مكتب وبتزاكر، نسرين خمنت انها اية بنت عمها لان فيه شبه كبير بينها وبين آدم وكمان هيا الوحيدة اللي مشفتهاش لما آدم بدأ يعرفها بالعيلة.
نسرين حست بخوفها وقالت=ازيك انتي اية صح؟بيقولو ان انا نسرين بنت عمك
اية بصتلها بستغراب
نسرين =متستغربيش اصل بعيد عنك عملت حادثة ودماغي اتعملها اب ديت جديد وبقت زي الحلة الفاضية كده
اية ضحكت علي كلامها وكتبت حاجة علي الورق
نسرين استغربت هيا ليه مبتتكلمش؟ وبتكتب ايه علي الورق؟
اية راحت نحيتها وعطتها ورقة كان مكتوب فيها _ازيك… انا حبيتك اوي… متستغربيش اني بكتبلك انا مش بتكلم انا مش خرسة انا بس فاقدة النطق لكن بفهم كلامك كويس
نسرين زعلت عشانها وقالت =والله احسن ده حتي البنات اللي مبتتكلمش هيا ال سوقها ماشي اليومين دول والعرسان عليهم كده كده(عملت حركة بأيدها)
اية ضحكت علي كلامها وكتبت _متأكدة انك كنتي عايشة في امريكا؟
نسرين=والله ولا متأكدة ان اسمي نسرين حتي
اية ابتسمت اكتر وكتبت_انا حبيتك اوي
نسرين بهزار=لأ منا اتحب فعلاً
اية كتبت علي الورقة بس باين عليها الحزن _ممكن نبقا صحاب من لما فقدت النطق محدش راضي يصحبني ولا يتكلم معايا حتي ايمان مبتكلمش معايا وعلي طول ماسكة الفون
نسرين ببتسامة =بس كده دنا ليا الشرف انك تكوني صحبتي هوا انا اطول ان صحبتي تكون عنيها خضرة وقمر زيك كده.
“” “” “” “” “” “” “” “” “” “” “” “” “” “” “” “” “” “” “” “”
الذين رحلو وتاركوك بمفردك لا اعتقد انهم راؤى كل هذا الجمال بداخلك ”
“” “” “” “” “” “” “” “” “” “” “” “” “” “” “” “” “” “” “” “”
***بعد نصف ساعة***
اية هتموت من الضحك
نسرين =اه والله زي ما بقلك كده وبتكمل تقليد للممرضة وهيا بتقول =يا استاذ يا استاذ النوتة دي كانت معاها،، وبعدين قالت =ولا اخوك اللي عامل زي ابو لهب ده هوا مبيضحكش ليه؟ هوا لو ضحك هيكتبو اسمه ويوده لأبلة الناظرة!!
اية في الورقة _آدم طيب جداً ميغركش انه جامد ومش بيضحك بس والله فيه حنان يكفي الدنيا دي كلها
نسرين بتريقة =اه….. فعلا فيه حنان وابتسام وعايدة كمان
اية_ههههههههههه
نسرين =طب سلام انا بقا احسن شكلي عطلتك عن مذكرتك لان علي حسب معلوماتي من المفتش كرمبو( آدم) انك في 3 ثانوي انتي وايمان
اية هزت راسها بمعني اه
نسرين =طب يلا سلام ولو احتاجتي حاجة انا في العنبر قصدي الاوضة اللي جمبك.
نسرين خرجت ومخدتش بالها من اللي واقف وعنيه بطق شرار
آدم بغضب =………………..
… لسه الحكاية مخلصتش…
عمر قال ل آدم ايه عشان يقنع جده؟ وهينجح ولا لأ
وياتري ايه ال حصل مع اية خلاها فاقدة النطق؟
وايه هيكون رد فعل نسرين لما تعرف بقرار جدها؟
و آدم ليه اتعصب من نسرين وهيعمل معاها ايه؟
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية الم الرحيق)
