رواية بئر كندراش الفصل الحادي عشر 11 بقلم نورهان إسلام
رواية بئر كندراش الجزء الحادي عشر
رواية بئر كندراش البارت الحادي عشر
رواية بئر كندراش الحلقة الحادية عشر
ابتسمت نجمة بعد ما والدها وقمر صقفوا ليها على الأنجاز اللى وصلتله فى فترة قصيرة
_______________
لا تتهاون بتلك القدرة، ذلك السحر الذى سُخر لها ليس من الهين الاِستهانة به ، لا تتهاون بالتعامل مع سحر الخدمات التى حصلت عليه فإذا انقلب العداء ضدك لن تستطع إيقاف المقذوفات”
من مذاكرت الساحر كِندراش
قفل الملك كتاب الساحر وخرج من المكتبة .. كان بيتمشي عند سور القصر لما شاف نجمه واقفه مع والدها وقمر والسحر بتاعها ظاهر فى الهواء .. كان بيتعجب إنها خلال فترة قصيرة قدرت تكسب السحر ده .. افتكر اللى قرأه فى كتاب الساحر وهو بيقرب منهم ببطئ، كانت ملامح الدهشه والاِستغراب مستوطنه وجه واللى لاحظتها قمر بشكل كبير لما قرب منهم .. وقفت نجمه عن حركتها السحرية والصمت ساد الموقف …
اتكلمت قمر وهى بتقول: لقد طلبت منها أن أراها، لإن..
رفع الملك ايده كعلامة إنها توقف كلام وهو بيسأل نجمه: كيف تعلمتِ هذا ومن علمكِ!؟
اتكلمت نجمه بثقه وهى بتقول: سحر الخدمات لا يستطيع احداً أن يعلمه لأخر مولاى.
ابتسم عبد الرحمن على رد نجمه
الملك رد عليها وهو بيقول: إذا تعلمتِ هذا فى تلك الفترة القصيره!
هزت رأسها وهى بتقول: نعم ..
قمر كانت مستغربة من أسئلة الملك المتزايدة ولكن متكلمتش ..
الصمت ساد الموقف للمرة الثانية
اتكلمت نجمه وهى بتودع قمر و والدها وأدت التحية للملك وهى بتطير ناحية كوخ ادم.
_______________________
* فى كوخ أدم
كانت ماندريانا وادم قاعدين بيتكلموا عن نجمه
ماندريانا اتكلمت بعجب وهى بتقول : غريبة إن نجمة قدرت تكسب السحر ده كله فى اسبوع واحد
أدم بعدم إهتمام : عادى .. مش مهم
ماندريانا: لكن أى حد فى الأرض كان علشان يكسب السكر بيحاول اكثر من مرة وممكن يفشل .. عكسها !
كان ادم هيرد لكن قاطعه دخول نجمه
دخلت نجمه الكوخ ، قعدت وعقلها شارد فى اسئله الملك الكثيره
لاحظ أدم إنها شاردة اتكلم وهو بيشاور بأيده وقال: اللى واخد عقلك!
نجمه بصتله وهى بتقول: فى الغالب لما حد بيكسب سحر .. الملك بيسأله هو كسبه ازاى !!
هز أدم رأسه بالنفس وهو بيقول: لا.. هو اتكلم معاكى !؟
هزت رأسها وهى بتقول:أسئلته غريبه .. ونظراته وهو بيسأل اغرب .. فيه حاجه الملك مش عايز يكشفها لحد !
ماندريانا بإستغراب: وانتِ عرفتى منين!
نجمه: اسئلته، أسئلته غريبة وكلامه دايماً فيه استفهام مش مفهوم!
ماندريانا وادم بصوا لبعض بإستغراب وفضلت نجمه شاردة فى الأفكار اللى فى دماغها ….
__________________
كان أسر قاعد فى البيت مخرجش من وقت زيارة اللواء رأفت ليه، التلفزيون كان شغال وكان فى فيلم أجنبى بيتفرج عليه
” The Gray man”
سمع صوت الباب بيخبط .. قفل التلفزيون وبعدها قام فتح .. كان مصطفى وسيف أصحابه
سلم عليهم وهما بيدخلوا وبعدها قفل الباب .. دخل وراهم وهو بيقول: تحبوا تشربوا ايه!!
سيف اتكلم وقال: احنا جايين نقعد معاك شوية يا جدع .. اقعد بس
اسر: ياعم متبقاش بخيل … هعملكوا حاجه سخنه تشربوها .. الجو سقعه
بعد ٥ دقائق كان أسر دخل ومعاه ٣ اكواب نسكافيه .. قعد معاهم وهو بيقول بترحاب: وحشتنى قعدتكم والله يا شباب
مصطفى: اخبارك يا عم .. الدنيا مقلوبة عليك هناك .. اللواء مش بيتكلم غير عليك .. ده غير الترقية اللى انت اخدتها على المهمه الجديده
ضحك أسر بإستهزاء وقال: مكنش ليها لازمة
سيف اتكلم وهو بيمسك المج علشان يدفى ايده فيه : ربنا لما خلقنا .. خلقنا بننسي.. حاول تنسي يا أسر علشان تعرف تعيش
رجع ظهره لورا وظهرت ابتسامة سخرية وهو بيقول: انسي ايه يا سيف، امى اللى ماتت بسبب المهمه ولا اختى اللى نطت فى البير لما ملقتش حد يساندها .. لما لقت نفسها لوحدها ..
مصطفى: الإثنين ، صدقنى يا صاحبى ده أفضل حل ليك علشان متتعبش .. كل واحد بيحصل فى حياته مشكله لازم يتخطاها
هز أسر رأسه : لكن تخيل إن المشكله تكون إنك خسرت اهلك وعيلتك ..
المشكله مش سهله زى ما انتم فاكرين ..
وقفلوا على الموضوع ده مش عايز نكد على المسا
مسك أسر المج بتاعه و اللى كان بتاع نجمه وكان عبارة عن مج مكتوب عليه اسمها وفيه تحت عبارة صغيرة” حبيبت اخوها♡”
ابتسم وهو بيبص على الحائط اللى متعلقة عليه صورتها لوحدها فى اول يوم جامعة
لاحظ مصطفى وسيف إنه سرحان ، بصوا وراهم ولاحظوا الصورة اللى متعلقة فبصوا لبعض بفهم وسكتوا
اتكلم أسر وهو بيحاول يشوف موضوع تانى يتكلموا فيه: اخبار الشغل معاكم ايه!!
هز مصطفى رأسه وهو بيقول: كل شيء كويس الحمد لله .. المهم .. نسيبك احنا بئا ..
قام مصطفى وسيف وهما بيسلموا على أسر..
_______________________
دخلت قمر جناح الملك وهى بتقول: لماذا كل تلك الاسئله لنجمة، لماذا تعاملها مثل هذه المعامله!؟
قام الملك من مكانه ومسك ايد قمر وهو بياخدها للمكتبة
قعدت على كرسي وهو مسك كتاب الساحر وقعد قصادها .. بدأ يقرا من الكتاب وقمر مستعجبه من الكلام بدأ يبص على ملامحها وهو بيقرأ لحد ما وصل
” سيُدمر عرش الملك عاجلاً ام اجلاً بقوتها ، تلك الأيام التى تقضيها برخاء عى إستعداد لإنقلاب عظيم”
قفل الكتاب ونظره ناحية قمر وقال: إذا كان حديث الساحر عن دمار أرض كِندراش العظيمة بسبب نجمه .. فسوف اق_طع رأسها أمامك قبل أن تُدمر الأرض.
خرج من المكتبة وساب قمر قاعدة وكلامه كله بيدور فى عقلها
___________________
_ انا فاكرة إنى شفت صورة ليها هنا .. اختفت ازاى!!
كانت هنا بتتكلم مع صديقتها على صورة لنجمه شافتها فى الدرج
كانت صاحبتها دعاء بتحاول تهديها قالت: ممكن يكون بيتهيألك يا هنا .. خلاص .. ممكن تروحي لبيتها وتطلبي صورة من اخوها ..
اتكلمت بزعيق وقالت: مين ديه اللى تروح لاخوها وتطلب منه صوره انتى اتجننتِ!
_____________________________
كانت نجمه واقفه وبتتمشي فى الكوخ بتفكر فى اللى الملك بيعمله معاها .. كانت عيون ادم وماندريانا بتلف معاها وهى ماشيه لحد ما وقفت وهى بتقول: لقيتها!
رد ادم وماندريانا بعد ما قالت الكلمة ديه للمرة السادسه:ايه تانى!
نجمه اتكلمت بثقه: اكيد بسبب الشبه الكبير اللى بينى وبين قمر .. خايف من الشعب لحسن يقولوا إن الملك رجع فى كلامه وقمر نزلت من القصر
كانت بتقولها بطريقة كوميديه، ضحك ادم وماندريانا اتكلمت ماندريانا وهى بتمسح دمعة نزلت من عيونها بسبب الضحك وقالت: لو كان اللى فى دماغك مكنش طردك من القصر .
فكرت نجمه فى نفسها وهى بتلوى شفايفها وقالت: اه تصدقى صح .. طب بيعاملنى كدا ليه!
بدأت تفكر تانى وبص ادم ل ماندريانا بتعب وهو بيقول : شكلنا مش هنخلص.
ماندريانا بتعب: لا لالا .. انا ماشيه .
لما تلاقى حل أو فزورة للحكاية بتاعتك وتكون مقنعه ابقى قوليلى
خرجت ماندريانا وراها وقفلت الباب
وقف ادم بتعب وهو بيقول: انا اول مره فى حياتى ابقى نفس انام بدرى ، بطلى تفكرى بصوت عالى انتى تفكيرك بيتعبنى.
نجمه: وانا اللى كنت بفكر لما اخرج من الأرض واروح القرية اخدك معايا
اتكلم على جنب وهو بيقول بضحك: ده فى المشمش إن حد يعرف يطلع!!
نجمه : نعم! انت بتقول ايه!!
ادم : ها .. لا بقولك إن موسم المشمش جه وقرب يطلع !!
ابتسمت نجمه بسذاجة وهى بتقول: الله، انا بحب المشمش اوى هنجيب امتى!
ظهر على ادم علامات اليأس من إنها تسكت وتنام ..
____________________
كان سيف ومصطفى فى طريقهم للكتيبة بتاعتهم اتكلم مصطفى وقال: إحنا هنسيب أسر كدا!!
سيف وهو بيسوق العربية ومركز فى الطريق: مش عارف نعمل معاه ايه!! وبأمانة يا درش اللى حصل معاه صعب .. دول امه واخته يا جدع .. يعنى مش صعب بردو ينساهم.
مصطفي فضل ساكت طول الطريق ومش لاقى رد
______________
كانت هنا ودعاء وواقفين عند بيت نجمه .. اتكلمت هنا وهى بترجع خطوه لورا : لا.. خلاص ،مش عايزه صورة ولا حاجه .. عايزه اروح يالا بينا
دعاء بإلحاح: يا بنتى اطلبى منه صورة ليها وامشي مش هيحصل حاجه .. انتى مكبرة الموضوع ليه يعنى!!
كانوا واقفين يتناقشوا قدام البيت وكان أسر سامع صوت برا.. فتح الباب فجاءة ف بصت هنا بصدمة وهى بتقول : ازيك
________________________
ماذا لو انتهت ارض كندراش العظيمه !!
وانتهت معالم التهجين .. واصبح الانسان هو الشخص السائد فى الكره الارضيه!!!
اتكلمت نجمه عن العبارة اللى قرأتها فى مذاكرات الساحر وقالت: هل ممكن يكون الموضوع ده السبب ، هل هو خايف إن الأرض تنتهى!!
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية بئر كندراش )
