رواية خادمة الصقر الجزء الثاني الفصل السادس عشر 16 بقلم يوستينا سامي
رواية خادمة الصقر الجزء الثاني الجزء السادس عشر
رواية خادمة الصقر الجزء الثاني البارت السادس عشر
رواية خادمة الصقر الجزء الثاني الحلقة السادسة عشر
في بيت عساف 💪👿
و..صل معاذ هو ولارا وسمعوا صوت خالد وابو نسمه وهما بيتخانقوا جامد
لارا / بس صلوا على النبي يا جماعه في ايه صوتكم جايب لاخر الكومباوند .. الناس هيطلبوا البوليس لينا .. عيب كدة احنا معروفين في المنطقة
خالد ضحك / عندك حق .. تعالي يا بت هاتي حضن وحشتيني يا لارا
ابو نسمة / مين دي كمان .. هو احنا مش قولنا العيال ميدخلوش في حوارات الكبار
لارا / ليه كدة بس يا راجل يا بركة ده انا لارا برضو
..صقر اخدها قعدت جمبه و في حضنه .
صقر / لا حاسب دي بنت عساف و حبيبة قلب عمها دي..
وطي صقر صوته
و قالها / كنتي فين ابوكي هيلعب في وشك البخت
لارا بصوت واطي / هديه عليا يا اونكل والنبي احسن ده ايده طارشة وقت عصبيته و انا هستخبي
خرجت همس من الاوضة / اي ده .. انتي جيتي قبل ما يطلع الفجر طب ده انا ربنا بيحبني اوي.. تعالي معايا الاوضة .. ده انتي يومك زفت بعد اذنكوا يا جماعة .
خالد بتحدي / لا اذنك معاكي يا مدام همس بس نادي نسمة و فهد علشان نمشي احنا كمان
ابو نسمة / بقي كدة.. طيب يا حديدي بس خليك فاكر اني حاولت اصلح الامور ودي
..و مشي من البيت و رزع الباب و راه و همس اخدت بنتها علشان تعرف سبب تاخرها خالد دخل لفهد الاوضة .
خالد/ يلا يا فهد هات مراتك علشان نروح الفيلا
فهد بفرحة / يلا يا نسوم هاتي ايديك ..
هاتي ايدك متتكسفيش ده انت جوزك و تاج راسك
..واخدها فهد و كان حاضنها و نسمة متكلمتش معاه و نزلت معاه للعربية وخالد بص بحرج لنغم اللي كانت واقفة ساكتة و مش بصاله تماما
خالد بيتصنع الحدة / يلا يا بت يا كارمن خدي امك و انزلي علشان نرجع الفيلا البيت وحش منغيركم
نغم / بت يا كارمن متوجهليش اي كلام انا روحي في مناخري و اعصابي بايظة و ياريت تتكلي علي الله من سكات
خالد بغيظ / روحك في مناخيرك بقي كدة يا ست كارمن .. دي اخرتها و من امتي وانتي بتتكلمي معايا بالصيغة دي
نغم / والله يا كارمن انتي ما تستاهلي صيغة غيرها
و بقولك باللين اهو خليكي في حالك و ابعدي عن وشي
خالد / لا طب اظبطي كدة بدل ما افوقك و ارجعك لعقلك يا كارمن انا ايدي بتاكلني اصلا
كارمن / بااااااااس بااااااس .. في ايه جماعة مش كدة استهدوا بالله انتوا بهدلتوني واتا واقفة مكاني اساسا علي العموم انا نازلة …. يلا سلام عليكم ،صحيح يعملوها الكبار و يقع فيها الصغار
ونزلت كارمن عشان تركب مع فهد ونسمه العربيه
خالد بص لنغم بحزن وقالها / طب و ادي كارما نزلت وما فيش غيري انا وانتي بس يا نغم يلا لمي هدوم و خلينا نروح الفيلا و هناك هنتعاتب
نغم بثبات / كان المفروض تقولي الكلمه ديت قبل ما تطلقني و امشي من الفيلا.. بس انت زي زمان وما اتغيرتش رغم شعرك اللي شاب وبقى عندك عيلين على وش جواز
و قعدت نغم علي السرير و بدات تتكلم بحسره / ده انت هانت عليك العشره والعمر اللي ضيعته عليك و علي عيالك وطلقتني ….وبسهوله كده جاي تقولي تعالي ارجعي معايا الفيلا
فاكر زمان قلتلك اي ساعة ما اتخانقنا و اديني بقولهالك تاني .. ما مكانشي ينعز يا خالد والله
في اللحظه دي دخل معاذ وحضن نغم وقالها / طب لو انا قلتلك وحياه معاذ عندك يا نغم ترجعي البيت .. والبيت سم من غيرك وقمر بتعيط كل يوم وانتي مش موجوده ..ان شاء الله اموت لو ما جيتي هتقولي اي
نغم دمعت و حضنته / هقولك ربنا يجعل يومي قبل يومكم علشان مقدرش اتخيل حياتي منغيركم و بطل كلامك ده يا واد احسن والله اضربك
وبعد محايلات ياما رفضت برده نغم انها ترجع معاهم البيت ومشي خالد وعياله وصقر ومعاذ كمان
________________________________________________
في اوضه يزن دخلت ميرا وهي معاها الشاي وتفرقت بين وهو نايم على السرير وحقيقي غرقان في النوم
ميرا / اي ده .. هو انت لحقت يا يزن انت يا ابني قووووم .. يا يزن يلا قووووم
يزن بنوم / اشششش بس يا عز قولهم اني موت خلاص .. انا عايز انام بقي
ميرا ضحكت من قلبها عليه و حست بتعبه و قررت انها تغطيه و تاخد مخدة و تخرج تنام برا علي الكنبة
________________________________________________
في بيت عساف
وبعد اقل من نص ساعه وصل عساف وهو في قمه غضبه ولا نغم قاعده هي وهمس وجنبهم لارا على الكنبه
نغم بهزار / كويس والله انك متاخرتش النهارده ده حتي ام لارا عاملالك حته اكله هتاكل صوابعك وراها تعالي يا لارا نجهز السفره
عساف بص لنغم بتحذير وقالها / نغم خليكي في حالك واسكتي ..سامعه
نغم قلقت من شكل عساف و عرفت انه في قمه غضبه و قالتله / انا اصلا كنت هخش اوضتي انت عارفني اني بحب اكون في نفسي و ما اتدخلش في مشاكل غيري .. يلا تصبحوا علي خير
همس مسكت ايد نغم قبل ما تمشي / اقفي هنا اجمدي متنخيش كدة من اول شخطة .. ده لسه اليوم طويل
عساف بص للاثنين وقالهم/ انا مش عايز اسمع صوت واحده فيكم تماما .. وانت يا ست لارا تعالي وقفي قدامي هنا حالا
لارا كشرت فجاه / ليه القرب يعني ما انا هسمعك من مكاني يا حاج
نغم بصوت واطي / بلاش لماضة يا بنت الهبلة و اطلعي اقفي قدامه
..اتقدمت لارا ووقفت قدام عساف اللي كانت عيونه حرفيا بتطلع نار .. و رفع ايده وبدا يعد على صوابعه اخطاء لارا
عساف/ واحد عملتي خناقه في الورشه مع واحد بلطجي ولما الحرس اتدخلوا وضربوه بالنار هزقتيهم و جريتي معاه على المستشفى
لارا قاطعته في الكلام/ يا بابا الموضوع مش كدة
عساف/ انتي تسكتي خالص و مسمعش صوتك روحتي مع واحد المستشفى و فضلتي قاعدة جمبه
انا عايز افهم مين ده ؟ و تعرفيه منين ؟
في الورشة قالوا انك مش اول مرة تعرفيه و انك كسرتي عربيتي و فتحتي دماغه .. انتي مخلوقة من ايه
همس بخوف / اهدي يا عساف صحتك مش كدة
عساف بعصبية / صحتي ايه بس .. هو انتوا ناوين تسيبوني اعيش اصلا قاعد في المكتب علشان قضية فهد و مشاكل الاعلام و بنتك مش عارفلها طريق و مخي صورلي الف سيناريو بسببها
مسك عساف ايد لارا بعصبية / انتي ايه يا بت فاكرة اني كبرت و مش هعرف اقفلك ولا فاكره نفسك هتعرفي تقفي قصاد العالم ده كله لوحدك
لارا في اللحظة دي معرفتش تتحكم في دموعها و عيطت جامد و بدات تتكلم متقطع / انا اسفة .. اسفة والله يا بابا بس .. اه.دي انا غلطانة يا عساف
نغم قربت منه و اخدت لارا في حضنها / اهدي يا عساف و ربنا يخليك ليها ما هي بتدلع علي حسك برضو
عساف/ تدلع ايه بس يا نغم ، يا شيخة ربنا ياخدني و ارتاح بقي منكم و من مشاكلكم .
…و دخل عساف مكتبه و قفل الباب عليه و لارا قعدت علي الارض و هي بتتشحتف من العياط لانها مش مصدقة ان عساف زعلان منها
و عدي اليوم لانه كان رافض يتكلم مع حد حتي نغم
______________________________________________
تاني يوم الصبح في اوضة نسمة و فهد
نسمة صحيت من النوم و اتصدمت اول ما لقت نفسها نايمة في حضن فهد ..
نسمة فتحت عينيها بصدمة و فاجاه صرخت في وشه جامد / اعاااا الحقوووني .. الحقوووني
فهد قام مفزوع ووقع من علي السرير/ مين حرامي ولا ايه .. في ايه يا نسمة
نسمة بخوف / انت بتعمل اي هنا .. انا ايه اللي جابني هنا . انطق رد عليا يا حيوان يا زبالة
وقربت ضربته بالقلم و فهد كان مبرق و مش بيتكلم
فهد بصدمة / هو انتي بتضربيني ليه يا بنت المجانين هو انا عملتلك حاجة ده انا اخدتك في حضني لما انتي طلبتي
نسمة برقت / ايه … انا اللي طلبت لا طبعا انت كداب
و قبل ما فهد يرد الباب اتفتح و دخل معاذ و كارمن
كارمن / ايه بتزعقوا كدة ليه .. في حاجة قولوا متتكسفوش
فهد بستغراب / اي انتوا هو انا ساكن في محطة مصر في حاجة اسمها باب تخبطوا عليه قبل ما تخشوا يا بهايم
معاذ دخل و قعد علي السرير/ ده عند ام ترتر الكلام ده انا سمعت صوت استغاثة و بما اني اكبر حفيد لعيلة الحديدي دخلت اشوف في ايه .. صح يا كارمن
كارمن قربت منه و حطت ايديها علي كتفه / صح يا كبير عائلة الحديدي .. ها قولي يا نسمة الوحش الكاسر ده عمل فيكي ايه
نسمة ابتسمت تلقائي علي كلامهم و قالت / انا مش عايزة افضل معاه في نفس الاوضة .. ممكن تاخديني معاكي يا كارمن
فهد / ليه بقي انشاءلله ريحتي وحشة ولا عندي تبول لا ارادي .. معاذ خد البت دي في ايدك و اطلعوا برا و سيبوني انا اتصرف مع مراتي علي راحتي
نسمة بخوف / لا يا كارمن وحياتي متسبنيش بجد علشان خاطري
كارمن / كان علي عيني يا نسمة يا اختي والله ما انتي شايفة اخويا مسيطر ازاي . يلا يا معاذ
بس اعملوا حسابكم اني هجهز الفطار تحت كمان ساعة
و نزل معاذ و كارمن و هما عمالين يضحكوا علي نسمة و فهد ..
_______________________________________________
علي السلم معاذ و كارمن بيضحكوا
معاذ بضحك / اخوكي ده مصيبة بجد وانا و انتي رخمين برضو
كارمن / لازم حتة الخوف اللي عند نسمة دي تتكسر شوية علشان تقدر تنسي و انا بحاول اعمل كدة
معاذ/ يا واد انت يا خبره .. صحيح هو فين الواد ادهم مش بتتكلمي معاه ليه
كارمن / ادهم اشمعنا يعني هو .. معاذ اتكلم علطول انا مش بحب اللف و الدوران .. اقولك تعالى ادخل معايا المطبخ و نتكلم جوا
و دخلوا المطبخ و معاذ قعد علي الكرسي و كارمن كانت بتجهز الفطار
معاذ بستفسار / بت يا كارمن هو انتي بتحبي ادهم مش كدة
كارمن سابت الاكل و بصت لمعاذ / يمكن كنت معجبه بيه بس خلاص بقي مبقاش ينفع فقلبت عليه و اديني بدور علي العوض بتاعي
معاذ بضحك/ ايه بقي اللي خلاه مينفعشي يا عاقلة
كارمن بتنهيده/ جميلة بتحب ادهم يا معاذ.. و انا معنديش استعداد اخد لقب خطافة الرجالة دلوقتي
معاذ اتصدم و قام من علي الكرسي و قالها / انتي بتقولي ايه يا كارمن .. انتي مين قالك ان جميلة بتحب ادهم .
كارمن بحزن / انا شفتها و هي … و هي
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية خادمة الصقر)
